شركة الساحل للإستثمار ( الساحل ) .

[امبركو]

حتى ما يزعل علينا اخونا الهدهود ويمكن انه لا يعلم ان غالبا ماتسير الاسهم بموجات ارتداديه قبل وصولها الى الهدف وهنا موجات ارتداديه هابطه لان السهم الان يسير بقناة هابطه

مشكوووووروماقصرت يابوداود
أتوقع ارتداده ، لأنه السهم اليوم احترم الدعم 130 ومااقفل تحته ...

 

[marketing.art]

تتوقعون ينزل السهم الى 106 فلوس

 

[adelsaqer]

تتوقعون ينزل السهم الى 106 فلوس

اخوي اصفط معاي انا ناطره علي 80 فلس السهم وايد عليه هالسعر بسبب القروض اللي علي الشركة ولايغرك ارباح الربع الاول ولاصفقة زين

 

[marketing.art]

والله هالسوق مو معروف ولا له امان ولا له قواعد اساسية لا للمستثمر ولا للمضارب ،،، شركات كثيرة عليها ديون والسهم دائماً تشوفه مرتفع وشركات ما عليها ديون ولها مكرر ارباح وتشوف السهم دائماً في نزول ، بالاخص هذا السهم مره يرتفع بالحد الاعلى ومرة ينزل بالحد الادنى لكن توقعاتي من خلال متابعة السهم ، هذا السهم للمضاربة افضل من الاستثمار

 

[3lgm]

طبعا ما بعد اللي قاله بوداوود كلام , لكن باجر في فرصة ارتداد على الـ95 بإذن الله .

 

[صبا]

رد

يعني نطلب السهم على 95ولا96وطلب ثاني استثمارات وطنيه عند اي سعر نطلبه ومشكور

 

[adelsaqer]

طبعا ما بعد اللي قاله بوداوود كلام , لكن باجر في فرصة ارتداد على الـ95 بإذن الله .

محللنا الكبير اذا استمر السوق في الهبوط راح تلاقي الساحل اول الهابطين علي القروض اللي علي الشركة شنو اللي يمنع ان السهم يروح للخمسين فلس حله حال باجي الشركات ؟

 

[3lgm]

يعني نطلب السهم على 95ولا96وطلب ثاني استثمارات وطنيه عند اي سعر نطلبه ومشكور

اختي تطلبينه وين ما تطلبينه لكن أي نزول عن الـ95 لازم تحذفين السهم بدون تردد .

محللنا الكبير اذا استمر السوق في الهبوط راح تلاقي الساحل اول الهابطين علي القروض اللي علي الشركة شنو اللي يمنع ان السهم يروح للخمسين فلس حله حال باجي الشركات ؟

لا محلل كبير ولا شي الله يطولي عمرك , وكلامك 100% لكنا مضاربين نترزق الله على التكة والتكتين , ففي باجر فرصة ارتداد واحتمال 75% يفعلها السهم , لكن إن خون راح يروح لي الستينات على طول , فالله يكتب اللي فيه الخير , واللي مو مقتنع أو ناقزه قلبه يريح باله ويبتعد عن السوق لي عقب الصيف , وراحة البال كنز ونعمة ما تتعوض .

 

[مستثمراستراتيجي]

شريت اليوم على ال 106 تهقون وين يروح ؟

 

[3lgm]

إن طاف الـ108 يركض لي الـ114 , لكن هل يقدر يطوفها , هذا السؤال .

 

[mtc3]

إن طاف الـ108 يركض لي الـ114 , لكن هل يقدر يطوفها , هذا السؤال .

ما شاء الله . فنان ياعلقم

 

[3lgm]

إذا أنا فنان عيل إنت شتطلع يا بوسعود الله يطولي عمرك .

 

[Trillion]

ابداع مشاءالله علقم

 

[mtc3]

إذا أنا فنان عيل إنت شتطلع يا بوسعود الله يطولي عمرك .

نطلع تلاميذك . تحليلك فوق الرائع من غير مجاملة

 

[الموجه]

كل الشكر والاحترام الى الاخ القدير / 3lgm والمتميز بعلمه التحليلى
وتعامله الاخلاقى رفيع المستوى مع الاخرين ....تقبل تحياتى​

 

[3lgm]

ابداع ماشاءالله علقم

الله يعزك يا الغالي

المحطة الياية 120 بحول الله , والطمع شين يا جماعة الخير والسلامة غنيمة .

 

[3lgm]

نطلع تلاميذك . تحليلك فوق الرائع من غير مجاملة

العين ما تعلا على الحاجب يا بوسعود , لكن مشكور على التشجيع , كلك ذوق خيي .

كل الشكر والاحترام الى الاخ القدير / 3lgm والمتميز بعلمه التحليلى
وتعامله الاخلاقى رفيع المستوى مع الاخرين ....تقبل تحياتى​

الله يعزك ويحفظك من كل شر يا الغالي , مشكور ما قصرت على المجاملة الرقيقة .

 

[mtc3]

نبيك تواصل تحليلك لهالسهم و احنا معاك . الله يعطيك العافية

 

[hassana]

اليوم بعته ب120 فلس مع اني شاريه على 152 فلس بس شسوي خفت وقطيته ابي راي اخوانا علقم على اي سعر اطلبه هذا إذا نزل طبعا ؟​

 

[امبركو]

هلا بوعلى

اليوم بعته ب120 فلس مع اني شاريه على 152 فلس بس شسوي خفت وقطيته ابي راي اخوانا علقم على اي سعر اطلبه هذا إذا نزل طبعا ؟​

تقط السهم وهو عنده ارباح بالربع الاول فوق 5 ملايين مايقارب 9 فلوس
فما بالك بالربع الثانى بعد توزيعة زين يمكن على الأقل السهم محقق 20 فلس بالنصف الأول
ويكفى انه من قروب الخرافى ...
والله أعلم ..