شركة رابطة الكويت والخليج للنقل ش.م.ك.م ( الرابطة ) .. 2

[خبير النفط]

ذاك اليوم فعلا كان فى تحليل للسهم وطلع فعلا صحيح بحيث نزل السهم ولامس القاع المحدد صحيح الكميه كانت بسيطه لاكن الشارت تشكل بالضبط ممكن احد الاخوان او نفس الاخ يعيد الحسابات ويشوف كم القاع هذه المره المتوقع الارتداد منها ونكون من الشاكرين له مقدما

 

[المدير]

السلام عليكم

اعتقد والله العالم بان السهم انهي تصحيح عند ملامسته 690 فلس .

واحتمال بسيط ملامسه 680 فلس .

علشان يعدل من وضعه لابد ان يقفل فوق 740 - 760 - 780

ويكون الهدف ان شاء الله 920 فلس .

ملاحظه : اقفال تحت 680 فلس خروج ​

 

[RHODIUM]

السلام عليكم الأخوان جميعا الصابرين المجاهدين المتثبته اقدامهم
اقول وأكرر ياأخوان هذه لعبات الرابطة مكشوفة وخليها تنزل لكن الى وين مو ماردها الا الطيران فوق ليش ؟ صدقوني انا اعرف هالمجموعة من مجلس الأدارة يموت اذا ماضربوا ضربتهم ومللين عدل من وراء صعود معد له عدل لكن هذولي الأدارة قاعدين قعده حق اي سهم منحه باجي او واحد زهقان من سهمه ( كش بره وبعيد ) او ربع سهم طايح والله ياجماعه واكيد كلامي هذولي شغلهم خشيشي من تحت لي تحت اتصدقون ان أخوه مايعلمه علشان مايستفيد شتقولون انتو .
انا ماأقول الا الصبر مفتاح الفرج والكرة لي منك تفختها أكثر من اللآزم انفجرت , وانفجار الرابطة قريب وصعودها راح يشق مخابيكم بالفلوس
وانشاءالله تغرقون بالفلوس .
ملاحظة1-: في اسهم اذا صبرت عليها طيرتك فوق وتعطيك ربح اكثر من 100% من المضارب السريع ابو تكه .
2- يازبدة حلم كأنك ذليتنا يبا خلاص مانبي فلوس منك أخاف أخذ منك واتشوفيني صرت مليونير من الرابطة وبعدين اتعايرني لا خلاص مشكور مانبي .
وسامحونا
وشكرا لكم جميعا يانقابة الرابطة ( الصامدون )

هلا بالغالي النس.......بوخماط شخبارك؟
انا الصراحة توي طالع من البحر وكان وايد جميل والصراحة نساني متاعب التفكير في بعض الاسهم الي متوهك فيهم من ضمنهم الرابطة،،والصراحة انا اخر يوم بصبر على الرابطة هو تاريخ 14\8 اذا شفت منه فايدة بخليه واذا شفت غير ذلك لا والله بشوته بالحد الادنى وما ابيك تزعل مني في هذا التاريخ اذا شفته بالحد الادنى!!!
واذا كان السهم لامس ال 800 فلس انا عازمك على غدا في مطعم الزمردة الي بشارع البدع الي حاط فوق السطح نخل!!!!
واتفق معاك على القرض الي تبيه في المطعم المذكور وبشروط ترفع راسك ان شاء الله يالغالي,,,لا تحاتي خاف تقول ان مو مطعم ترى صالة افراح مو مشكلة انا اكلم صاحب الزمردة ما راح يقصر ويعطيني الي ابيه!!! ​

 

[casablanca]

روح يا الجمره الخبيثه
الله لا يوفقك لا دنيا ولا اخره

 

[RHODIUM]

بوخماط

للرفع

في اشاعة عن ارباح الرابطة
بس ما ابي اذكرها لان ممكن تكون غير صحيحة،،،
وبعدين اصير شماته للكل في المؤشرنت،،
هل انت سامع شئ من هل القبيل؟؟​

 

[ateej]

* تحليل للاخ اعلامى


مثال على سهم هابط وهدف متوقع:
سهم الرابطه ... بحسب نظرية (gann) فإن السهم متجه الى دعم 540 فلس في حال كسر دعم 690 فلس - لاحظ ان السعر الحالي للسهم 710 فلس
هذا الرابط http://www.indexsignal.com/vb/showthread.php?t=77326

 

[ليبروسلامي]

الأخ الفاضل بوخماط ودي آخذ آجل بهالشركة شرايك

 

[CPA]

السلام عليكم أخوي ateej
شكرا على مجهودات والأخ اعلامي استاذ كبير وتحليلات الشارت بالغعل واضحة ولو توجه سؤال للأخ اعلامي وتقوله هل الرابطة تسير على نظام الشارت وشوف الرد ؟انا برائيي ان الرابطة تختلف عن مسير الشارت لها نظام الله يعلم فيه
ولكن اود ان اسأل سؤال
1- اما تعتقد ان ظهور خبر حلو يمكن يغير غي النتائج
2- عدم حركة الرابطة مع تحرك البورصة الا يضع علامة استفهام بوجود خفايا لاتود الشركة الأفصاح عنها الا في الوقت الذي يناسبها ؟ واذا عكسنا الموضوع وقلنا ان هناك مثلا خسائر للشركة ماكان شفت تم افتعال صعود للسهم مع الحشر وكان السهم راح حق صغار المستثمرين .انا ياخوي مو دفاع عن السهم ولكن أدافع عن الأخوان اللي شارين السهم ماأبيهم يقطون بالخسارة وينقهرون ويشوفون السهم يصعد بعدين وينقهرون
وشكرا لك

السلام عليكم اخ بو خماط

انا سمعت اليوم كلام والله اعلم عن مدى صحته بس كأنه تبرير لما هو حاصل الان
سمعت ان الرابطة عليها اعادة هيكلة واعتقد ان هالكلام مو جديد لكن يمكن يكونون ابتدوا يعيدون هيكلة الشركة مع شركاتها التابعة وعليه يكونون الناس مترقبين لما ستأول اليه النتائج والله اعلم

بس صج اسعار هالوقت مغرية وايد
يا ريت اسمي بوخماط واخمط خماط

 

[casablanca]

السلام عليكم اخ بو خماط

انا سمعت اليوم كلام والله اعلم عن مدى صحته بس كأنه تبرير لما هو حاصل الان
سمعت ان الرابطة عليها اعادة هيكلة واعتقد ان هالكلام مو جديد لكن يمكن يكونون ابتدوا يعيدون هيكلة الشركة مع شركاتها التابعة وعليه يكونون الناس مترقبين لما ستأول اليه النتائج والله اعلم

بس صج اسعار هالوقت مغرية وايد
يا ريت اسمي بوخماط واخمط خماط

هذا الشي معروف من زمان
و انا أأكد عليه 100%
و شركة الرابطه فاتحه عندنا حساب( ما راح اقول وين )
باسم شركة رابطة الكويت والخليج القابضه
و راح يكون تحت مظلتها مجموعة الشركات

بس هذا مو معناته ان السهم يصير سعره شذيييييييي

لوعوا شبدي الله يلوع شبودهم بلا

 

[sarheed]

مشكور على المعلومات الطيبه ونتمنى يعلنون نتائجهم النصف سنوية وأنشاء الله يتحرك السهم الى الاعلي

والله يرزق الجميع

 

[ateej]

* اخوى بوخماط مالنا الا الصبر/ الله يعطيك العافية

 

[مضارب شجاع]

انا الى محيرنى شلون مجلس الادارة اعلن فى الصحف قبل كم يوم انه لا يوصى فى توزيع ارباح لسنة 2006 !!!!
وسبق انهم اعلنوا انهم وزعوا اسهم منحه ؟؟؟؟؟؟؟ شلون ما ادرى
هل هذا خطاء صحفى ؟
وبعدين فى شئ اخر محيرنى ؟؟؟؟ فى شخص دائما يطلع مع مجالس الاداراة فى الصحف منو هذا الشخص ؟؟ اكيد شفتوه فى كل شركة يكون متواجد معاهم ؟؟؟

 

[sarheed]

طويل العمر مضارب شجاع

اللي تتكلم عنها هذي شركة ثانية مو الرابطه اللي بالبورصه

اللي بالبورصه رئيسها سعيد دشتي واما الثانية رئيسها علي دشتي

هذول مثل بيض الخعفق

 

[ولد البورصه06]

ال710

انا اتوقع مادام السعر ارخيص وايد اومو قايتحركون يافي خساير يابوق مممممموووو عععدل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظظ

 

[ذو الفقار]

طويل العمر مضارب شجاع

اللي تتكلم عنها هذي شركة ثانية مو الرابطه اللي بالبورصه

اللي بالبورصه رئيسها سعيد دشتي واما الثانية رئيسها علي دشتي

هذول مثل بيض الخعفق

د.سعيد دشتي اهو رئيس مجلس شركة الرابطه الي في البورصه
و علي دشتي عضو في نفس الشركه
اما شركة الرابطه الي مو بالبورصه هذي امر ثاني
وتقدر اطبق عليهم دعاية:
شامبو 2في 1​

 

[sarheed]

2 في 1 او اكثر المهم تكون ارباحهم واعلاناتهم تبيض الوجهه

بو خماط ما تدري متى الجمعية العمومية

 

[ولد الدسمة]

بسم الله الرحمن الرحيم

و الله يا بو خماط .. صار لي قريب السنة شاري بالهشركة التعبانة

و كل مرة أتفاءل بالخير . و نشوف العكس .

هالمرة ما راح أتفاءل بالخير .. يمكن نشوف العكس




أستغفر ربي العظيم من كل ذنب عظيم

 

[خبير النفط]

اى جمعيه عموميه بوخماط اخاف تقصد اجتماع مجلس الاداره

 

[sarheed]

والله كلامك موزون وانشاء الله يطلع السهم في وقت قريب

 

[memo78]

ما ودي اضيق خلقكم لكن الشركة تعبانة واغلب الشركات التابعة خسرانه وهم مراهنين علي انهم يعلنون عن جم عقد لزوم التصعيد بس عقب مايلمون السهم ,يعلنون عن مشروع الشارقه للنقل اللي فازو فيه ومناقصة للجيش الامريكي رست عليهم والله اعلم هالمشاريع تسوى ولا لا اما باجي الشركات بالعربي رايحة جفي لانه الاداره ترللي. وانا اقول هالكلام عشان اوضح الصوره عشان الناس ما ينقص عليها بالحجي واللعب اللي قاعد تعلنه الشركه كل يوم بالجرايد.