المجموعة الدولية للاسـتثمار ش .م.ك.م ( المجموعة د ) ... الجزء الثالث

[MH For Ever]

يا جماعة شو اخبار المنحة متى رح تنزل؟؟

 

[بوراشد جروب]

يا جماعة شو اخبار المنحة متى رح تنزل؟؟

أي منحة 200 دينار ، ولا المنحة الي سواها بوبدر شوربة الــ(د) ...

 

[مستشير]

الله يسمع منك 000ان صار الصعود بكره ابشرلك بهديه 000بنسبه لى انا مااعتقد

اللهم آمين يارب العالمين

خطأ املائي شائع خصوصا في هذا المنتدى كلمة (( انشاء الله )) خطأ والصحيح هو (( ان شاء الله )) وذلك بسبب اختلاف المعنى انشاء تعني تأسيس وبناء أما ان شاء فتعني ان اراد

 

[بوراشد جروب]

اللهم آمين يارب العالمين

خطأ املائي شائع خصوصا في هذا المنتدى كلمة (( انشاء الله )) خطأ والصحيح هو (( ان شاء الله )) وذلك بسبب اختلاف المعنى انشاء تعني تأسيس وبناء أما ان شاء فتعني ان اراد

أحسنت بارك الله فيك ...



بوتسنيم خلاص شلت الهيكل تعال لا تخاف منه ...

 

[SpeciaL 1]

أي منحة 200 دينار ، ولا المنحة الي سواها بوبدر شوربة الــ(د) ...

أخوي/ بو راشد مساك الله بالخير

أخوك ويلاه قبل جم يوم باع مجبور ومرغماً كونه ماخذ بالآجل..
بعت بخساره كوني ما وصلت للسعر اللي شريته..
لكن للأمانه كنت ماخذه يوم كان سعره 540 فلس ووصلت للأسعار اللي الكل شافها وبدلته بالآجل بسعر مرتفع نوعاً ما..

وقبل فتره وبإحدى مشاركاتي ذكرت إني ما أعتبر نفسي ربحان إلا لما أوصل لسعر الشراء..
وبما إني بعت مجبور، اعتبرت نفسي خسران..
لكن لما طلع الشيك ومعاه توزيعة النقدي..
حمدت ربي إني استثمرت بالمجموعه د اللي بسرعه عوضت جزء كبير من خساراتي..
تصدق صارلي سنين ألملم توزيعات أنابيب وللحين ما عوضت خسارتي !!
اللهم لك الحمد على كل حال..
ودام أسهم المنحه يايه بالدرب فخلوها على راحتها..
وكل تأخيره فيها خيره



أخوكم/ ويلاه

 

[العالم]

اه وويلاه من كثر البلاوي

 

[سعود222]

الى وين اتجاه السهم يا محللين

 

[المجموعي]

شركة البركه تملك بالمجموعه الدوليه5,5%
يقدر ب12 مليون سهم
يحق لهم 45% منحه بقدر5,5 مليون سهم

المؤسسه العربيه المصرفيه للاستثمار تملك بالمجموعه5,80%
يقدر ب13 مليون سهم
يحق لهم 45% منحه بقدر 6مليون سهم

جراند تملك بالمجموعه الدوليه 9%
بقدر 20 مليون سهم
يحق لهم 45%منحه بقدر 9مليون سهم

شركة التوفيق للصناديق الاستثماريه تملك بالمجموعه الدوليه7,5%
بقدر 15,5مليون سهم
يحق لهم45% منحه بقدر 7 مليون سهم


5,5+6+9+7=27,5مليوووووووون سهم بايد الملاك الاساسيين للمجموعه الدوليه...
هذول اللي ظاهره نسبتهم المقدره فوق ال5%
فلو كان هناك ملاك رئيسين آخرين موجودين ويملكون كميات كبيره تقدر ب13 مليون سهم(وهذا وضع طبيعي جدا لاي سهم)
لان هناك ملاك نسبهم اقل من ال5% مايظهرون مع كبار الملاك..
واعتقد منهم الخليجيه للمال(اللي طلعت من كبار الملاك سمع وهس ولا احد حس فيها ولاردت من بعدها)
الشاهد
يطلع معانا 50 مليووووووون سهم من (المنحه ام ال90 مليون سهم) تحت تصرف المجموعه الدوليه وتوابعها...
لو هالكميه هذي ما (تغلغصت داخل العروض عند توزيع المنحه) ممكن للسهم انه يصمد بوجه ال40 مليون سهم المتبقيه
خصوصا ان هالكميه لايمكن باي شكل من الاشكال انها تنباع بسعر واحد او وقت واحد
وهذا مايمنع انها تشكل ضغط على السهم كبيييييييير
لكن
اذا اخذنا بعين الاعتبار ان اهل الدينار ينتظرون ال680 وال650 وشلتها...
واهل ال900 ينطرون ال610 ومافوق..
فاعتقد منطقة السهم الحاليه غير مغريه للبيع كحسبه بسيطه..
مقبرة السهم رااااااااااااااااااح تكون ال630 ومن بعدها ال650...
ومااعتقد صانع السوق يصعد بالسهم للاسعار هذي
الا عقب مايخلي السهم يمر ب :
مرحلة الملل
محلة التطفيش
مرحلة التزهيق
يرافقها تنزيل السهم الى مستوى ال510 وال500
(للتخويف والترهيب ليس الا)...

اللي راعي طويله واحنا منهم طبعا نقوله
الوعد شهر 9 قبل اقفالات الربع الثالث
بنقط المنحه ببطنك
واذا بطولها علينا زياده ماعندنا مشكله ننطر لي نهاية السنه
واذا بطوله اكثر من جذي وبتمغط السالفه اكثر
ماعندنا مشكله نستلم الارباح لسنة 2006 من المنحه لسنة 2005
لكن هااااااااااااااااا
راح يتخلل هالفتره مضاربه على السهم ولعب على الدعم والمقاومه
ومره اصيدك وصيدني الف مره...ماعندي اي مشكله
ولو اني اشك انك تصيدني خصوصا؟؟؟؟؟؟!!!!!! لكل العمليات
بس ياخوفي انا انصيدك 3 مرات وتصدينا مره ...(اتغشمر مو صج)...
وصيدني بدل المره الف ماعندي مشكله... عليك بالعافيه..

الله يكتب اللي فيه الخير..

ملاحظه :
آخر شركه تعلن ارباحها الربع سنويه او السنويه منوووووووو؟؟؟؟
آخر شركه تعلن توزيعاتها السنويه منوووووووو؟؟؟؟
آخر شركه توزع الارباح على المساهمين منووووووو؟؟؟؟
الشركه اللي توزع النقدي وبعدين المنحه منوووووو؟؟؟
اول شركه اتفاعل مع السوق وقت الايجابيه وترتفع معاه بالاعلى منووووووو؟؟؟؟
اول شركه اتفاعل مع السوق وقت السلبيه وتنزل معاه بالادنى منوووووو؟؟؟؟
اكثر شركه انذكر لها بالجرايد جملة(علمت مصادر) منووووو؟؟؟

مجرد ملاحظاااااااااااااااااااااااااااااات....ليس الا....

والله يوفق الجميع


وفقنا الله لما يحب ويرضى

 

[سعود222]

الله يعطيك العافيه اخي المجموعي على الرد

 

[Believer]

هل الوضع تجميع ؟!

 

[المضاربه فن]

هل الوضع تجميع ؟!

لا وأنت الصاج شنه تصريف لا وشنه يقول يبا أنا مالي شغل بالسهم لا دعم ولا بطيخ

 

[مستثمر73]

ليش هالضغط الغريب ؟؟!!

هذي ماهي طريقة واحد يبي يصرف .... هل هي لعبه من صانع لسوق ؟؟

الله المستعان

 

[Believer]

لا وأنت الصاج شنه تصريف لا وشنه يقول يبا أنا مالي شغل بالسهم لا دعم ولا بطيخ

أنا قلت تجميع ليش ... لأني شفت أوامر المعروض وهي عم تنزل ... أول شي انسحبت 100 ألف 100 ألف من المعروض على 540 حتى صار المعرووض 1300000 بعدد 27 طلب وبعدها صار المعروض 2800000 والعدد 27، يعني واحد من العارضين غير العرض ورفعه 1500000، وبعدها زاد المعروض على 550 تقريبا 1000000 وعلى 560 500000 وعلى 570 أيضا ... وكل هذا الكلام خلال دقيقة فقط ... السؤال اللذي يحتاج إجابة، ماذا يريد الذي رفع قيمة المعروض بهذا الشكل ؟
1- بيع أسهمه --------------------------- صعب
2- الضغط على السهم للتجميع ------- احتمال
3- أسباب أخرى -------------------------- أعطي رأيك

 

[Bo Tasneem]

أنا قلت تجميع ليش ... لأني شفت أوامر المعروض وهي عم تنزل ... أول شي انسحبت 100 ألف 100 ألف من المعروض على 540 حتى صار المعرووض 1300000 بعدد 27 طلب وبعدها صار المعروض 2800000 والعدد 27، يعني واحد من العارضين غير العرض ورفعه 1500000، وبعدها زاد المعروض على 550 تقريبا 1000000 وعلى 560 500000 وعلى 570 أيضا ... وكل هذا الكلام خلال دقيقة فقط ... السؤال اللذي يحتاج إجابة، ماذا يريد الذي رفع قيمة المعروض بهذا الشكل ؟
1- بيع أسهمه --------------------------- صعب
2- الضغط على السهم للتجميع ------- احتمال
3- أسباب أخرى -------------------------- أعطي رأيك

4- جمبزه زايده --------------- يمكن !!


بوتسنيم​

 

[tariq m]

أي منحة 200 دينار ، ولا المنحة الي سواها بوبدر شوربة الــ(د) ...

حياك الله فى المجموعه بورشووووووود هني مكانك

 

[.osama]

4- جمبزه زايده --------------- يمكن !!


بوتسنيم​

بوتسنيم صبحك الله بالخير يالغالي

بس حبيت اصبح عليك

طال عمرك تصدق اشعر براحه نفسيه إذا ماصار بمحفظتي اسهم للمجموعه الدوليه

صج اسهم ترفع الضغط

قبل اسبوعين بيعوني اسهمي بـ 540 (حد ادنى)
وثاني يوم ردوها 470 وحسفوني

واليوم هذي اهي معروضه بالـ 540

الله يعين رفيجنا اسماعيل بوراشد كل هذا يصير وعنده السهم وعيونه تشوف

بس طال عمرك مارحت بعيد

الحين عندي جراند صادوني بالـ 580​

 

[tariq m]

520 سعر شرااااااء مغرى
اللى ياخذه يكون محظوظ ضامن الربح 100% حتى لو 10 فلوس

 

[Bo Tasneem]

بوتسنيم قوه ، إشلونك شخبارك .... حبيت أسلم عليك بس ، وأخرعك بالهيكل إشوي ...

هلا بالحبيب والله ..

وين الهيكل ماشفته ترى .. علشان مانسوي تشويه على الموضوع ونزعل مشرفينا الحبايب دزلي اياه على الخاص ..

أمس ماكنت حول المنتدى إلاّ الصبح بس .. اسمحلي


بوتسنيم​

 

[tariq m]

هلا بالحبيب والله ..

وين الهيكل ماشفته ترى .. علشان مانسوي تشويه على الموضوع ونزعل مشرفينا الحبايب دزلي اياه على الخاص ..

أمس ماكنت حول المنتدى إلاّ الصبح بس .. اسمحلي


بوتسنيم​

حياك الله يا بوتسنيم ان شاء الله تكون فى احسن حال

 

[Bo Tasneem]

حياك الله يا بوتسنيم ان شاء الله تكون فى احسن حال

الحمدلله على كل حال وتسلم عزيزي طارق ..

ممكن سؤال أخي الكريم .. اشلون تنصح بالدخول على سعر 520فلس !! ممكن تفيدنا جزاك الله خير ..

هل تعتقد بأن هالسعر هو سعر القاع للمجموعة وماتنزل عنه مثلاً .. وتسلم حبيبي


بوتسنيم​