المجموعة الدولية للاسـتثمار ش .م.ك.م ( المجموعة د )

[hhh_hhh]

وجهة نظر

يالحبايب حركة السهم اليوم غريبه ... لاشك إن الضغط عليه كان متعمد وواضح من خلال العرض

بس خلونا نتناقش
فيه حقائق جدامنا

1- بيع السهم بالقرب من الأسعار الحاليه للمجموعه مع توزيعة الأرباح والمنحه تعتبر لأغلب اللي شروا السهم باسعار عالية مربحه او على اقل تقدير مافيها خساره

2- أسعار بتروجلف حد الدوسه مع السوق أو عكس السوق ... من غير بريكات وقالت حق ربعها "آخر واحد أم عيال"

3- اسعار جراند تمردت هالمره على معزبتها المجموعه ، وقالتلها" لحقيني إذا بأمج خير"

من خلال هالحقائق فيه استنتاج ابيكم تصححون لي إذا كنت غلطان آنا بتفلسف هالمره :

اللي صار ضغط متعمد من صانع السوق بقصد تأخر أسعار المجموعه عن شركاتها وهالشي علشان الاستفاده بالفارق السعري من اسهم المنح اللتي سوف تباع بلا شك بكميات غير قليله خاصه من المضاربين، وبالتالي التكويش عليها والسحب بشويش بشويش وفي مناطق سعريه حلوه .

بطريقه أخرى :
مضارب دخل على سهم.. نزل السوق ..غص بالسهم ما قدر يصرف حتى بخساره... انلطع لطعه جم شهر... صعد فجأه السهم... طلع الأول على السوق... طلع كل خسارته وفوقهم بوستين ... شتبي يسوي .. مو قلنا مضارب يعني ايدا تحكه .

 

[بوراشد جروب]

وين فليساتنا بأمان يا خوى وشلون ما اخاف ... تذكر يوم تبى تبيع منته قادر تدبست فى السهم حد ادنى كل يوم اخاف اضارب اصرفون علي و آكلها

السهم امس و اليوم مو طبيعى

ولد عمي الي تشوفه لصالحك واحوط لك سوه ، انا شخصياً لو ينزل السهم 100 فلس ماني يايع ... حاط راسي ونايم ، باخذ هالأرباح وبرضى بالي يأتيني وانا اتحمل مسؤلية قراري وقناعتي الشخصية...

مينون وشاريها مو بايعها شتقول بعد ... صج بعور قلبي وانا أشوف السهم ينزل لا سمح الله بس ما أحب اسبح مع اليراييير وخلني على العاف ...

نصيحة للكل وأولهم انا :

إعلم أن هذا سوق ، وفيه كبار أكل عيشهم علينا إحنا الصغار ، ويحاولون بشتى الطرق أنهم يرغمونا بالبيع علشان يتغدون فينا ، وانت غير مجبر على البيع والخساره ، يحاولون حذف علينا إشاعات تخويف ويهولون الهوايل وإحنا حاطين أيدينا على قلوبنا ، بالنهايه يبونا نبيع ويسحرون أعيوننا بسحرهم علشان يرغمونا على البيع (وإذا انت مستثمر وتبي أرباح زينه تعوضك وتونسك وتربحك مالك شغل فيهم يذابحون بينهم ، قول بينك وبين نفسك والله لو يجحص تجحيص بالسهم ماني بايع لهم بخساره) ...

لو السهم مو زين وأرباحه سنعه جان (كويتية مو صينية) جان ولا أحد جرب يـــمــه حتى محفظة الخباز الي صوبنا ما تجمع فيه ...

إتخذ قرارك بنفسك يمع المعلومات وكون قرارك وإحكم بنفسك ولا تلوم أحد


أثني على كلام أخوي Believer ونفل كلام طيب وموزون.


والي يحب الغوص مع القروش لا ينسى يلبس بدله الحمايه وبالتوفيق للجميع...

RBG قذيفة مدوية وينك ياخوي مشتاقين لك ، عطني وحده ما عليك أمر...

 

[بوراشد جروب]

رايي المتواضع وقد أكون على خطأ بإستعانتي في التحليل الفني مقابل أسماك القرش

ما عليكم أمر محلليينا الكبار تأكدوا من معلوماتي ساعات أخوره بالتحليل ...
فنياً حتى الآن ماكو إشارات للخروج من السهم تخوف ، والي عنده إشارات يفيدنا فيها فنياً للإستفادة ما عليكم أمر...

نبي لليلة نتناقش أكثر وأكثر ... صار....

 

[الراقي]

تداول اكثر من90 مليون سهم خلال يومين وعلى القمة يعني شنو ياحلوين بدون شك نهاية سهم شجاع

 

[mar022]

تداول اكثر من90 مليون سهم خلال يومين وعلى القمة يعني شنو ياحلوين بدون شك نهاية سهم شجاع

أخوي بوتسنيم مشكور وايد على ردك على إستفساري وآسف على تأخري لأني كنت مو مجابل الكمبيوتر
أبي رأي بوفواز الله يطول لنا عمره ويوفقه بخصوص المجموعه الدوليه .
بوفواز الله يسلمك شنو رأيك بالمجموعه الدوليه ؟ وشنو تنصحني فيه للفترة القادمه من أسهم الجروب ( المجموعه الدوليه وخواتها )
أخوك الصغير mar022

 

[.osama]

اليوم انشغلت الصبح وماقدرت اتابع التداول

فتحت محفظتي الي فيها (جراند والمجموعه الدوليه) الساعه 11 ونص لقيت فيها 80 فلس

قلت الحمدلله والشكر واكيد إذا رجعت الساعه 12 ونص بلقى الـ80 صارت 100

خصوصا ان جراند كانت مطلوبه بذاك الوقت اكثر من 20 مليون سهم رجعت الساعه 12 ونص إلا خمس ولا التحذف موطبيعي ومحفظتي طارت منها الـ80


يه شالسالفه هذي يابوسكسوكه

ردينا على طير يالي

تونا كنا نمدح ونقول سامي البدر اسد السوق واشرف واحد من بين التجار

اشوف قامت تاكل عيالها مره ثانيه

ليش جذي عاد

اظن ان باجر إذا مايتغير هالاسلوب المضاربي البحت بالتداول راح تضيع السمعه الحلوه الي كونتها المجموعه الدوليه خلال الشهر الي طاف من التداول والي كان يشهد لها حتى اشد الناس كره لهالسهم

وإذا استمرت هالطريقه الغير مريحه ابدا للمستثمر اعتقد وقتها ان حتى بو تسنيم وبوراشد بيبطلون يستثمرون وبيركبون موجه المضاربه مع المجموعه الدوليه وآنا اكيد قبلهم

والله آنا لي الحين متحسف على الـ 80 فلس الي دشت بحفظتي ونحاشت بنفس اليوم بدون مااستفيد منها

آنا اخبر المضارب يصير على 10 او 20 فلس ساعتها يمكن الواحد مايتحسف وايد إذا ماضارب وياهم

بس مضارب مينون بهالطريقه هذي ماتوقعته من المجموعه الدوليه وخصوصا بمثل هالوقت من بعد المجهود الي بذلوه لتحسين سمعه السهم بالسوق وفعلا قدروا انهم يعيدون الثقه للناس بالسهم وسحبوا معاهم حتى الي كان يطبل ضد المجموعه الدوليه

بالنسبه لي ماعندي اي خوف على سعر السهم بالمستقبل القريب خصوصا مع الأرتفاع المجنون بأسعار بتروجلف وصعود جراند الموزون( بإستثناء التحذف الي صار على جراند اليوم والي فعلا يثير القلق)

لكن الي حاز بخاطري ان رجعنا نشوف المضارب يطلع خير من السهم بالتداول اليومي واحنا نبطل المحفظه آخر اليوم نلقاها مثل ماكانت

وقبل تداول الغد اظن ان اليوم احنا بأمس الحاجه لتحليل تطميني من الاستاذين بوفواز الجيماز وبوتسنيم لان تعودنا نسمع منهم الكلام نظري ونشوفه ونشوفه يتطبق عملي بالسوق ثاني يوم

شرايكم ياشباب

هل المجموعه الدوليه دخلت مرحله الخطر ولا الي صار اليوم وامس له تفسير خاص مثل دخول مجاميع و خروج مجاميع اخرى

ادري ان اعطاء رأي بمثل هالوضع صعب جدا والاصعب هو تحمل مسؤوليه اعطاء مثل هالرأي

لكن ماطلبت الراي من هالاسمين بالذات إلا لأني اعرف انهم قدها وقدود انشالله وان لهم نظره واقعيه تستند على اخبار موثقه وتحاليل منطقيه لهالسهم

والحمدلله والشكر ان المجموعه الدوليه وصلت اغلب المستثميرين فيها لاسعار التكلفه والكثير من المستثمرين اليوم ربحانين ربح جيد من السهم بالاسعار الحاليه


يعني الي ربحان او وصل لراس ماله ماراح يزعل وايد إذا سمع نصيحه تدعوه للتكييش بالمجموعه بالوقت الحالي

وسامحونا على الاطاله



​

 

[RBG]

ولد عمي الي تشوفه لصالحك واحوط لك سوه ، انا شخصياً لو ينزل السهم 100 فلس ماني يايع ... حاط راسي ونايم ، باخذ هالأرباح وبرضى بالي يأتيني وانا اتحمل مسؤلية قراري وقناعتي الشخصية...

مينون وشاريها مو بايعها شتقول بعد ... صج بعور قلبي وانا أشوف السهم ينزل لا سمح الله بس ما أحب اسبح مع اليراييير وخلني على العاف ...

نصيحة للكل وأولهم انا :

إعلم أن هذا سوق ، وفيه كبار أكل عيشهم علينا إحنا الصغار ، ويحاولون بشتى الطرق أنهم يرغمونا بالبيع علشان يتغدون فينا ، وانت غير مجبر على البيع والخساره ، يحاولون حذف علينا إشاعات تخويف ويهولون الهوايل وإحنا حاطين أيدينا على قلوبنا ، بالنهايه يبونا نبيع ويسحرون أعيوننا بسحرهم علشان يرغمونا على البيع (وإذا انت مستثمر وتبي أرباح زينه تعوضك وتونسك وتربحك مالك شغل فيهم يذابحون بينهم ، قول بينك وبين نفسك والله لو يجحص تجحيص بالسهم ماني بايع لهم بخساره) ...

لو السهم مو زين وأرباحه سنعه جان (كويتية مو صينية) جان ولا أحد جرب يـــمــه حتى محفظة الخباز الي صوبنا ما تجمع فيه ...

إتخذ قرارك بنفسك يمع المعلومات وكون قرارك وإحكم بنفسك ولا تلوم أحد


أثني على كلام أخوي Believer ونفل كلام طيب وموزون.


والي يحب الغوص مع القروش لا ينسى يلبس بدله الحمايه وبالتوفيق للجميع...

RBG قذيفة مدوية وينك ياخوي مشتاقين لك ، عطني وحده ما عليك أمر...:p

السلام عليكم الاخوان الاعزاء
هلا اخوى اسماعيل

على الرغم من اننى كنت قد قررت عدم الكتابة فى السابق بدون ما اعمل اعلان اعتزال مثل بعض الاخوان لانى ما كنت ابى مظاهرات تطالب بعودتى مرة اخرى مثل تمثلية عبد الناصر بعد هزيمة 67 الا احنا علشان بنشوف الامور على غير حقيقتها ودايما نوجد لنفسنا المبررات سواء فى الهزيمة او فى النصر سمينا الهزيمة ناكسة
بس اشوف بعض الاخوان الاكانوا بينادوا بالمجموعة الحين اختلفت وجهة نظرهم وطبعا انا اعلم الاسباب والعلم لله وحده .
وبامانة شديدة ياخى انا شايفك انت كمان خايف وتغيرت كتاباتك لا تزعل انت اخوى الكبير لكن اتمنى تكون فهمت قصدى لما قلت لك خف شوي وبلاش تحمل نفسك اكثر من طاقتها وتمدح سامى البدر والشركة لان الشركة تضحى باى عدد من المساهمين من اجل مصلحتها وهذا صحيح .
نرجع الى موضوعنا
قبل ان اقولك وجهة نظرى لابد ان اعتذر الى الاخ المجموعى لانى اسأت الظن به عندما اعلن ان باع اسهمه قلت ده باع القضية وعنده معلومه وانا على الملا وامام الجميع اقولك ياخى انا اسف .علشان ما يبقى فى نفسى شئ.
اما ياخى اسماعيل وجهة نظرى المتواضعة فيما يحدث فانا اقولك فلنفترض بعض الافتراضات التى سوف تؤدى بنا الى نتائج .
بفرض ان امس كان تصريف فى اسهم المجموعة فمن هو الشارى ولو كان تصريف ما السبب الذى لا يجعل صانع السوق يرفعها بالحد الاعلى ويبيع وده الشئ المنطقى لان لو بعت 10 مليون سهم بالحد الاعلى امس كان سوف يحقق نفس ربحية المضاربة من بيع 30 مليون سهم بمستوى اسعار امس .
وذلك لن يلفت الانتباه اليه سواء من المضاربين او المحافظ انما ما حدث امس واليوم كان له هدف معين وتتم المضاربة من خلال الهدف ايضا .
الهدف هو تغير ملكية الشركات الزميلة فى بعضها البعض لتحقيق مستوى معين من الارباح لاقفالات 30/6 يعنى تقدر تقولى مين يقدر يشترى 90 مليون سهم فى يومين لشركة واحد فقد نحن نتحدث عن 56 مليون دينار تقريبا .
انا ارى وبعد اذن الاخوان طبعا ان الاتى احسن باذن الله وذلك بسبب انه اى كان الذى قام بالشراء خلال اليومين متوسط التكلفة له لن يقل عن 620 فلس والكمية التى بيعت تشكل تقريبا 40% من راس مال الشركة حيث ان المنحة لم توزع بعد اذن اصبح هذا المساهم او المساهمين ملاك للشركة فهل سيسمح ابو بدر بذلك بان يدخل مساهم او مجموعة تستولى علىالشركة وهو يشاهدهم .
ما اذن ان سامى البدر يفعل ذلك
لو الذى يتم عملية تغير بين شركات الجروب نفس الشئ فان التكلفة تكون 620 فلس واقفال 30/6 على الابواب اذا لكى تحقق هذه الشركات ارباح لابد ان يرتفع السهم عن سعر الشراء
اعتذر منك اخى اسماعيل ولنا لقاء مساء باذن الله وذلك بسبب شئ طارئ ومهم

 

[Bo Tasneem]

تسلم أخوي RBG على المداخلة الحلوه ..

وبانتظار نسب تغيّر الملاّك إن صح كلامك .. وآمل أن يكون رأيك هو الصواب ..

لأن إذا اتضحت الرؤيه وتبيّن بأن إللي صاير هو ليس تغيير في الملكيات عندها راح أحط كذا علامة (!) وكذا علامة (؟) ..

والله المستعان ..


بوتسنيم​

 

[Believer]

وأنا أيضا أحييك أخونا Rbg على تحليلك وإن شاء الله يكون صحيح ... لإن تداول اليوم كان جدا مرعب وإن شاء الله ما يتكرر ... الكمية ضخمة والبيع والشراء كان يلعب بأعصاب المراقب للسهم، واللي ما عنده خلفية عن أرباح الشركة أعتقد إنه باع اليوم .... ونأمل إن اللي صار اليوم ما يتكرر ...

 

[الراقي]

Ze="4"]هذي الملكيات[/size]
‏( لمزيد من التفاصيل في سجل الافصاح والعبرة ببيانات السجل )‏
النسبة المرهونه / طريقة المساهمة كبـــار المســاهــميــن / النـســـبــة

‏-- / مباشــرة شركــة البـركـة للإسـتثمـار والتنميـة / 5.46 %‏
‏-- / غير مباشــرة المؤسسة العربية المصرفية للإستثمار والخدمات / 5.87 %‏
-- / مباشرة وغير مباشرة شركة المشروعات الكبرى العقارية / 9.06%‏
مباشرة / -- شركة التوفيق للصناديق الاستثمارية المحدودة / 7.46%‏

 

[boalons]

تداول اليوم السيئ جدا راح يغير نظره الناس الي كانت ناويه تستثمر لان الي صار فلم رعب وخصوصا ان الشركة كان عندها سوابق

 

[almared]

قلت في الشارت بعد كل شمعه مجوفه حمرا صعود ...

وعلامه الاستفهام يعني طلعت الشمعه الحمرا المجوفه يعني فيه صعوووود ...



بالتوفيق للجميع .

اليوم طلعت شمعه حمرا ... وبصراحه عكست التحليل والتوقع بالصعود ...

إذا باجر الشمعه حمرا فهي دلاله علي إستمرار الانحدار ...


السهم للمتابعه ...

والحذر

 

[marine_q8]

Ze="4"]هذي الملكيات[/size]
‏( لمزيد من التفاصيل في سجل الافصاح والعبرة ببيانات السجل )‏
النسبة المرهونه / طريقة المساهمة كبـــار المســاهــميــن / النـســـبــة

‏-- / مباشــرة شركــة البـركـة للإسـتثمـار والتنميـة / 5.46 %‏
‏-- / غير مباشــرة المؤسسة العربية المصرفية للإستثمار والخدمات / 5.87 %‏
-- / مباشرة وغير مباشرة شركة المشروعات الكبرى العقارية / 9.06%‏
مباشرة / -- شركة التوفيق للصناديق الاستثمارية المحدودة / 7.46%‏

بالنسبة للملكيات فى تاريخ 15\4\2006 كانت المجموعة الخليجية للمال تملك 7.25% والأن نلاحظ خروج تام من أسهم الشركة الأم هذا السؤال الى يطرح نفسه

 

[نصوح]

ياجماعة الخير .. القصد هو .. هل يبي صانع السوق والمحافظ الزميلة أن يلمون الأسهم من الناس بعد ماتنزل المنحة بحساباتهم .. أن يلمون بهالأسعار وأكثر !!

أرجو الحذر الشديد .. فأكيد ودهم يلمون بأسعار رخيصة وينطلقون بعدها فوق !!

تغيير واضح جداً في صانع السوق يا جماعة .. حركات غير نظيفة (بالعربي الفصيح) !! واللي عنده تعليق يقول والصراحة زينة ..


بوتسنيم​

والله يا بو تسنيـم الحفلة كانت جميلة ومرعبة بنفس الوقت ( تلفت أعصابنا )
كميات مطلوبة وعروض تنشـال بسهولة وبياع جاهز وشراي يتقنص الفرص نهاية المسرحية بكــاء الله لا يقول أم ضحك إن شاء الله .
أخبار جميلة قادمة بس أدعو الشباب الحلوين تصيد فرصة الدخول المناسة والله يوفق الجميع ....... نصوح

 

[JoKaR]

( لمزيد من التفاصيل في سجل الافصاح والعبرة ببيانات السجل )‏
النسبة المرهونه / طريقة المساهمة كبـــار المســاهــميــن / النـســـبــة

‏-- / مباشــرة شركــة البـركـة للإسـتثمـار والتنميـة / 5.46 %‏
‏-- / غير مباشــرة المؤسسة العربية المصرفية للإستثمار والخدمات / 5.87 %‏
-- / مباشرة وغير مباشرة شركة المشروعات الكبرى العقارية / 9.06%‏
مباشرة / -- شركة التوفيق للصناديق الاستثمارية المحدودة / 7.46%‏

بالنسبة للملكيات فى تاريخ 15\4\2006 كانت المجموعة الخليجية للمال تملك 7.25% والأن نلاحظ خروج تام من أسهم الشركة الأم هذا السؤال الى يطرح نفسه

بتاريخ 4/4/2006 ..


النسبة المرهونه / طريقة المساهمة كبـــار المســاهــميــن / النـســـبــة

‏-- / مباشــرة شركــة البـركـة للإسـتثمـار والتنميـة / 5.46 %‏
‏-- / مباشــرة المؤسسة العربية المصرفية للإستثمار والخدمات / 5.87 %‏
-- / مباشرة وغير مباشرة شركة المشروعات الكبرى العقارية / 8.19%‏ (زياده 0.87 فقط)
مباشرة شركة التوفيق للصناديق الاستثمارية المحدودة / 7.46%‏
-- / مباشرة وغير مباشرة شركة المجموعة الخليجية للمال / 7.25%‏ (خروج)

السؤال النسبة 6.38 وين مصيرهم ؟؟ وشنو موقعهم من الأعراب ؟؟

هل عادت للمجموعه الدوليه أم دخول طرف جديد .. وأنا صراحه ماستبعد تكون آجال القابضه "مجرد توقع"

 

[MH For Ever]

اليوم السهم تجاوز مقاومته القوية عند 660 ولامس الهاي السابق له تقريبا عند 690 وارتد نزولا منه للاسف ولم يستطع ان يكسر المقاومة المذكورة ويقفل فوقها
وقد واقفل اقفال حرج نوعا ما عند نقطة الترند الصاعد بالظبط والواضح في الدائرة الخضراء من الشارت عند سعر 640, واتمنى ان لا يكسر الترند غدا ويرتد منه وفي حال لا سمح الله كسر الترند واغلق تحته اشارة سلبية جدا للسهم وسينزل لدعم 610 (فيبوناتشي 23.6%) ومن بعدها دعم 580

اختصارا لكل الكلام غدا يوم حاسم للسهم ومصيره يتحدد يا بالصعود وكسر المقاومة 660 واغلاق فوقها وتكملة مسيرته الصعودية يا كسر الترند والاغلاق تحته (يا فوق يا تحت) مع التوضيح انه في حال لا سمح الله كسر الترند غدا واغلق فوق ال 610 احتمال ان يتذبذب فترة السهم ضمن هذه المنطقة ويلتقط انفاسه قبل ان يكلم مسيرته, مع وجود احتمال ان يلامس 580 ويرتد منها.

 

[JoKaR]

الله يعطيج العافيه أخت MH For Ever

اليوم مابقى شي مايخوف

التداول يخوف

وكميه التداول تخوف

وحتى الشارت يخوف


مانقول ألا الله يسترك


وتفائلوا بالخير تجدوه

 

[trendless]

مؤشر Stochastic و مؤشرCCI

مؤشر Stochastic أعطى إشارة خروج اليوم
مؤشرCCI أعطى إشارة خروج بالأمس
الفوليوم اليوم أعلى فوليوم في تداول المجموعة منذ 3-7-2005
الفوليوم العالي اليوم كان عند قمة وتراجع من هاي مع تشكيل شمعة سلبية

أرجو من الأخوة المحلين المشاركة بالتعليق

 

[wesam707]

مشكور على التحاليل الفنية
لكن سوقنا صار سوق مزاجي اكثر من انه تحليلي
واعتقد انه ملاك الشركة ودهم يكونون النجم اللامع بهذا الموسم
واللي دايم نشوفة اذا السوق صاعد اسهمهم نازله واذا نازل اسهمهم صاعدة.​

 

[صقرالبحر]

مؤشر Rsi سلبي جدا
احتمال رجوع السهم الي 580 وارد
بس هذا الشي مايخوف
مثل ماقلت بالامس باب المضاربه انفتح علي مصراعيه بالامس والاربعاء
ورجعت حليمه لعادتها القديمه وهذا يعني ان السهم صار يونس
بس لايصيدكم الحد الادني علي يوم