السلام عليكم..
يعطيك العافيه اخوي اسماعيل بوراشد..
......................
اخونا العزيز..
السر وينه اعلن رسميا بمنتدى مال واعمال عندما كانت المجموعه الدوليه تنزل بالحد الادنى ووصلت الى ال640 قاااااااال استقبل اسهمي باجر بالحد الادنى ياسامي البدر وببيع كل ماعندي وبروح استثمر بالشركات النظيفه شركات الرجال مثل الغانم الاستثمارات الوطنيه وغيرها من الشركات..
هذا كلام الرجل بنفسه...
هل ماباع من قبل؟؟؟هل باع ورد شرى من جديد؟؟؟واذا رد شرى مسرع تغيرت قناعاته بين ليل وضحاها؟؟؟هل ماباع اصلا؟؟؟؟
.....
من قبل يحط لي صفحات كامله للمجموعه ويمدح فيها وبعدين يسب ويذم ووصف الشركه وسامي البدر بكل ماهو سيئ
والحين يرجع مره ثانيه يمدح السهم ويمدح سامي البدر نفسهم اللي نعتهم بكل ماهو سيئ.
شنو هالتغير العجيب شنو هالتناقض العجيب شنو هالقناعه اللي تغير بين يوم وليله
ياخوي اثبت معاه او خلك ضده اما مسألة التنطط وكل يوم على راي هذا الكلام غير مقبوووووووول بالمره
وشنو السر وعدم المواجه مع الناس ايام الشده والسهم ينزل والهروب باقصر الطرق وباقل الحيل والعوده له بهذه السرعه والسهم في صعود
احب اعلق على الكلام المنقول من منتدى توصيه..
الكلام المذكور ان المجموعه الدوليه من غير صانع سوق وطلبات ضخمه فيه تناقض كبير جدا لان بنص المشاركه ذاكر ان الدخول على السهم كان باتفاق من محافظ الشركه ومحفظتين لشركتين مدرجتين....
(محافظ المجموعه هي التي دخلت بقوه لتعليق السهم باقل التكاليف ومايمنع يكون معاها طلبات من افراد او محافظ لكن بدون اتفاق مسبق)
مسألة ادراج الخليجيه للمال انساها اشوي(القريب من الشركه يعرف الاسباب)
اما بنك المستثمرون فأعتقد هو الاقرب للادراج مع شركة آجال القابضه التي سيكون عليها الاكتتاب ب280 فلس تقريبا(للعلم آجال القابضه محققه30 فلس بالربع الاول على مااظن)...
معنى كلامك انك ذكرت لسامي البدر استحواذك على مليون سهم باسعار عاليه(انك مابعت الى الان)
ش تفسر كلامك اللي قلته عن سامي البدر انه نصاب وجذاب ومخادع ومشاريعه كلها اخرطي وانه مو نظيف ولايمكن يتعدل لما كانت المجموعه الدوليه تنزل كل بالحد الادنى
ليش قلت انك بتبيع اسهمك واتضح لنا الحين انك الى الان مابعت
ليش نصحت الناس انها تبيع وفي من سمع كلامك وباع بخساره وحضرتك متمسك بالسهم..
وينك ماتشارك الايام اللي طافت وماتشد من ازر اخوانك ليش طالع لنا الحين وقت صعود المجموعه الدوليه
(اترك التفسير للاخوان)
مسألة انه هناك شركات كبيره تريد السيطره على نسب مؤثر بالمجموعه الدوليه
اظن هالمسأله يكشفها كشف كبار الملاك اللي يبي كل اسبوع منو اللي دش على السهم ومنو اللي طلع
اما الكلام ان سامي البدر هو اللي قالك ان في شركات كبرى تريد الحصول على المجموعه الدوليه فهذا الكلام ماااااااااااااخوذ خيره
ليش حضرته يحرج على شركته ويقول فيه شركات(كل واحد يقدر يطلع يقول نصدقه) اعتقد ان هالشي من الامور السريه التي لايفصح عنها(هذا اذا كان فيه اتفاق مسبق(مااعتقد) واذا ماكان فيه اتفاق(شلون درى حضرة سامي البدر)...شنو تفسير هالكلام
تتلكم عن ارتفاع اسعر بتروجلف وجراند وتخفيف خساير المجموعه الدوليه بالربع الثاني ونسيت لاتذكر جم ارباح البتروجلف وجراند المتوقعه بالربع الثاني وجم راح تكون اسعار بتروجلف وجراند وهل ستكون متوازنه مع سعر السهم بالسوق وغير مبالغ فيها ام ستكون (ام ستتكرر سالفة الربع الثالث لسنة 2005)
حبيب قلبي عودة المضاربين الكبار مثل ماتفضلت وسميتهم
بعد ماباعوا كمياتهم يوم الاربعاء مو من صالح السهم بالمره (هذا اذا كان فيه اصلا مضاربين كبار موجودي) لان دهنا في مكبتنا؟؟؟؟
الشركات التي تحاول الاستحواذ على نسبه مؤثره بالمجموعه الدويه كما ذكرها سامي البدر بالمؤتمر ليش السهم يفتح بالحد الاعلى يومين وبكمل ان شاء الله الى يوم الاربعاء ليش مايعطيهم مجال يدشون على السهم وياخذون النسبه المتفق عليها(اذا فيه اتفاق) او اهم يدشون ويشيلون من المعروض(اذا ماكان فيه اتفاق) والكميه اللي يبون كانت موجوده ليش ماشالوا منه اللي يبون وهذا افضل سعر لهم وارخص سعر لو كانوا بدشون على السهم للاستحواذ على نسبه مؤثره..
ذكرت ان السهم مطلوب من اهل الشركه للتبريد عليها من الاسعار العاليه اللي شرت فيها السهم
ومطلوب من الصغار المستثمرين
ومطلوب من كبار المضاربين
ومطلوب من شركات تريد الحصول على نسبه مؤثره
منو بقى بالضبط ماذكرته مو طالب بالسهم او راغب فيه
ياخي ذكرت جميييييييييييع انواع الاشخاص اللي يتداولون بالسوق(صغار و كبار واهل الشركه وشركات اخروى) عفيه سهم كل هذول يبونه....جان يظل يعلق الى ال800 على هالطلب المذكور...
ذكرت ان ارباح الربع الاول 29 فلس وان الخساير الغير محققه 30 فلس وحولتها انها تكون ارباح(على اي اساس مادري) وقلت ارباح الربع الاول 59 فلس
ونسيت او تجاهلت ان ارباح المجموعه الدوليه 21 فلس على راس المال الجديد وان حتى لو ضفنا عليها الخساير الغير محققه راح تكون 22 فلس(على راس المال الجديد) يعني لو ضفناها على بعض تطلع ارباح المجموعه الدوليه للربع الاول على راس المال الجديد 43 فلس(من وين حضرتك حطيت ال59..نسيت المنحه ال45%)
بعدين شلون حضرتك حددت واجزمت ان الشركه راح تحول خسايرها الغير محققه راح تكون ارباح محققه...
اخوي العزيز ارباح المجموعه الدوليه من جراند خذتها من يوم الجمعيه العموميه لجراند ب19/3/ ودخلت بارباح المجموعه رسمي
اما بالنسبه للبتروجلف ف راح تدخل بالربع الثاني..
اشلون تقول استفادتها من زيادة رأس مال بنك المستثمرون خصوصا ان المجموعه الدوليه بتدفع فلووووووووووووووووووس للزياده المقترحه بالنسبه لنسبتها بالبنك...
الا اذا كانت المجموعه الدوليه هي اللي راح تدير عملية زيادة راس المال..(وهذا الشي الى الان مابين بشكل رسمي)
والكلام نفسه ينطبق على الشركه السعوديه...
اما مسألة زيادة راس المال سوبريور ف اذا شفناها بام العين زتالي يصير خير ونتكلم عنها
اما طريقة عرض الشركه وعمل دعايه لمدة ال9 اشهر فاسلوب غير مرغوب فيه..
اشلون حددت ان المجموعه الدوليه راح تدرج شركتين بشهر 6
واشلون حددت ان الهيئه العامه للاستثمار راح تدخل السوق بشهر 6(سامي البدر مدير الهيئه بعد)
اشلون حددت ان الصناديق راح تدخل شهر 6 لتخفيف الخساير بالربع الثاني(هذا الشي انذكر بالجمعيه العموميه)
ذكرت ان المجموعه الدوليه راح تدرج شركتين بأخر السنه غير الي بشهر 6
حبيبي تكفى شنو الشركتين الي بيدرجهم اخر السنه غير البنك المستثمرون وآجال القابضه.. المجموعه الدوليه ماعندها هالسنه الا ادراجين فقط وتذكر هالكلام عددددددددددل
(حدث العاقل بما لايعقل فأن صدق فلا عقل له)..
مسألة ادراج أجال القابضه مو شي خفي واقسم بالله العظيم ادري عنها من شهر 6 اللي طاف من سنه تقريبا والاكتتاب والادراج وسعر الاكتتاب ادري عنه من شهر 1 شنووووووووو المخفي..
كلامك عن السهم الان تفلتر قدييييييييييييييييم جدا
فياما ذكرت ان السهم تفلتر بالدينار وبعد ذلك بال800 والسهم كل ماله ينزل الين ماوصلت مرحله سبيت السهم واعلنت البيع والخروج الى اسهم الرجال والاسهم النظيفه ونكتشف الان انك مابعت والى الان عندك السهم اللي يديره مو رجل وغير نظيف(على كلامك)
كلمة السهم تفلتر ارجو الابتعاد عنها (لان دهنا بمكبتنا)..
ماهو سر الظهور الان؟؟؟؟؟؟؟
اترك التفسير للاخوان الاعزاء
ماهو سبب اعلان البيع ثم الظهور الان والسهم ماانباع عنده؟؟؟؟
اترك التفسير للاخوان الاعزاء
اسلوب متكرر وممل وغير مرغوب فيه... كثرت كلام لتشتيت الاخوان وعدم التركيز ولغو زياده عن اللزوم...
ارجو من الكل تحكييييييييييم العقل والابتعاد عن الكلام الرنان والغير مفيد...
شوفوا السهم وتداوله شوفوا الاعلانات الرسميه بالبورصه شوفوا الاخبار المنطقيه الي ممكن انها تدخل العقل وممكن تكون صحيحه...
واسف على الاطاله واتمنى التوفيق للكل
وفقنا الله لما يحب ويرضى
