بنك بوبيان ش.م.ك ( بنك بوبيان )

[Nasser pwc]

بالعكس اذا انتهو من عمليات الدمج ورد الوضع القديم تدمج من نقل الملكيه زين على زين عشان راح يفتحون لدرجه الثانيه يعني اخوك تقدر تدمجه اما عن بوبيان يمكن عشان سهم جديد توه دارج لهم نظره ثانيه بس تأكد اذا ردو لنقل الملكيه تقدر تدمج اخوك​

 

[aloood]

مشكور اخوي بس رايك اروح اسالهم عن نقل الملكية ولاانطرهم يبطلون دمج الدرجة الثاتية ؟ تتوقع قريب ؟

 

[المطرود]

خبر منقول من الأخ حاير طاير في منتدى المضاربة ونريد تعليقكم عليه

بدات دار الاستثمار ببيع جزء من حصتها في بنك بوبيان بناء على اوامر عليا في الشركة حتى ان مدراء المحافظ مو عارفين ليش قاعدين يبيعون مع العلم ان البيع بخسارة .

 

[بوعدول]

بدات دار الاستثمار ببيع جزء من حصتها في بنك بوبيان بناء على اوامر عليا في الشركة حتى ان مدراء المحافظ مو عارفين ليش قاعدين يبيعون مع العلم ان البيع بخسارة .

الكلام الي تقوله كبير ممكن نعرف مصدرك منو ؟

 

[المريح]

الكلام الي تقوله كبير ممكن نعرف مصدرك منو ؟

بعد إذنك

الكلام منقول من الأخ حاير طاير في منتدىنوادي المضاربة

 

[سهم استثماري]

بدات دار الاستثمار ببيع جزء من حصتها في بنك بوبيان بناء على اوامر عليا في الشركة حتى ان مدراء المحافظ مو عارفين ليش قاعدين يبيعون مع العلم ان البيع بخسارة .

الدار لو تبي تصرف لازم ترفع السهم لفوق 560 وبعدين تصرف .. لكن بهالطريقة راح تكون خسارتهم بالملايين .

 

[niseria]

انا ناطره يوصل 300 فلس و بعدين اشتري

المزيني مال بوبيان يصير ولد اخو المزيني مال المناخ .. و اللي ما يعرف المزيني مال المناخ يروح يسأل اي شايب في الفيحاء .. بس خذ لك ساتر لا يحوشك شي منه .. هذا ما يعني ان الولد طالع على عمه بس المشاكل اللي حايشتهم ذكرتني بهالمعلومه

 

[الناسجت]

مساكم الله بالخير 00 اخوي الناسجت هذا اعلان بالقبس انهم مددو شهر اضافي لدمج

الثامر: مستمرون في دمج أسهم بوبيان شهرا إضافيا


12/06/2006 كتب رأفت زهير:
قال نائب مدير عام سوق الكويت للأوراق المالية لشؤون التداول بالوكالة محمد الثامر ان ادارة البورصة قررت الاستمرار في قبول معاملات الدمج لأسهم بنك بوبيان لشهر اضافي.واشار الثامر في تصريح خاص ل 'القبس' الى ان ادارة البورصة قررت السماح بعملية الدمج لأسهم بنك بوبيان في الفترة الصباحية فقط، وليس كما كان الامر سابقا، مبينا ان الدمج سيكون مفتوحا من خلال الفترة من الساعة الثامنة والنصف صباحا الى الساعة الثانية عشرة والنصف ظهرا، وذلك لاستقبال المتبقين الذين لم ينتهوا بعد من دمج اسهمهم.
وذكر ان عملية الدمج ستتم في مكتب ادارة البورصة في منطقة الضجيج فقط وليس في مقر السوق في العاصمة، مشيرا في الوقت نفسه الى ان ادارة السوق اوقفت اجراء عمليات الدمج في مقر السوق في العاصمة او الضجيج التي كانت تتم في الفترة المسائية اعتبارا من الاربعاء الماضي.
وطالب الثامر المكتتبين في بنك برقان بإجراء عمليات الدمج والانتهاء منها لأسهمهم والاستفادة من الفرصة الاضافية التي وفرتها ادارة البورصة لهم مبينا ان شروط الدمج هي نفسها ولم تتغير وهي مقتصرة على اقارب الدرجة الاولى.
من جهة ثانية، علمت 'القبس' من مصادر مطلعة في الشركة الكويتية للمقاصة ان 'المقاصة' ستعود الى فتح حسابات التداول في الفترة الصباحية من جديد كما كانت سابقا في نهاية الاسبوع الحالي او بداية الاسبوع المقبل، مشيرة الى ان 'المقاصة' كانت قد اوقفت عمليات فتح حسابات التداول الجديدة في الفترة الصباحية بسبب الضغط الكبير الذي واجهته مع ادراج اسهم بنك بوبيان الامر الذي ادى الى اتخاذها قرارا باقتصار فتح الحسابات على الفترة المسائية فقط.
واوضحت المصادر ان عملية تشغيل الحسابات تستغرق في الوقت الحالي 48 ساعة على الاقل من فتحها، في حين انها لم تكن تتجاوز سابقا 24 ساعة لبدء التداول.
واستبعدت المصادر ان تواجه 'المقاصة' الازدحام نفسه في الشركات المساهمة العامة الاخرى المتوقع ان يتم ادراجها في البورصة كما كان بالنسبة لبنك بوبيان، منوهة بأن الشركة تجري استعداداتها الاولية لتفادي الازدحامات وتجهيز البيانات الخاصة بهذه الشركات قبل ادراجها وتداولها رسميا.

شكرا على التنبيه

دمتم

 

[بو حمد_1]

بوبيان الى الاعلى وهاردلك للي ما خذاه على 4.80

بوبيان الى الاعلى وهاردلك للي ما خذاه على 4.80

بنك بوبيان امس وصلتني توصيه عليه من شخص أثق فيه لعلاقته

بالمحافظ ومجالس الادراره وقالي ادخل على بوبيان !

وسبحان الله اليوم ابي ادخل على 4.85 بس للاسف ما عطوني

وسكر على 4.95 وبكره فوق 5.00 ونشوف
بالتوفييييييييييييق

قرار الشراء لصاحب العلاقه

 

[سهم استثماري]

بوبيان الى الاعلى وهاردلك للي ما خذاه على 4.80

بنك بوبيان امس وصلتني توصيه عليه من شخص أثق فيه لعلاقته

بالمحافظ ومجالس الادراره وقالي ادخل على بوبيان !

وسبحان الله اليوم ابي ادخل على 4.85 بس للاسف ما عطوني

وسكر على 4.95 وبكره فوق 5.00 ونشوف
بالتوفييييييييييييق

قرار الشراء لصاحب العلاقه

لا تلومهم يا حمد
الإشاعات وآخرها الدار
بس تدري لو كل واحد قعد مع نفسه وفكر وقال هالسهم صارله اكثر من شهر من إدراجة ومتوسط السعر تقريبا 560 كان ما فكر يبيع تحت 500 فلس ...

 

[afm]

يعطيك العافيه يا اخ حمووودى انا متابع تحليلاتك وتوقعاتك وان شاء الله تتحقق واتوقع بان يرتفع السهم فى شهر تسعة ارتفاع مشجع يتعدى 700 فلس وهذا الكلام منقول من خبير اقتصادى وساذكر لك لاحقا اسباب ارتفاع هذا السهم

 

[modeer]

حمودي هات ماعندك عن

هالسهم المعقد ابو الاشاعات؟؟

 

[بو حمد_1]

بوبيان الى الاعلى وهاردلك للي ما خذاه على 4.80

بنك بوبيان امس وصلتني توصيه عليه من شخص أثق فيه لعلاقته

بالمحافظ ومجالس الادراره وقالي ادخل على بوبيان !

وسبحان الله اليوم ابي ادخل على 4.85 بس للاسف ما عطوني

وسكر على 4.95 وبكره فوق 5.00 ونشوف
بالتوفييييييييييييق

قرار الشراء لصاحب العلاقه

فعلا والحمدالله

ان السهم اتى مثل ما تم الكلام عنه واليوم لامس 5.10

وانتظار كسرها انشالله

 

[ابومانع]

صحيح لامس 510 بس سكر على جم؟؟؟

 

[بو حمد_1]

سكر يا بومانع على 4.90

ولكل مجتهد نصيب

بس تبي الصراحه يا بومانع تجاااااااااااارك ما يرحمون حراميه

هذا الواقع طال عمرك

بس ما عليك الناس متوقعه يطلع يطلع لان وربي سعره تحت النص ظلم

 

[ابوعايض]

يا ملاك سهم بنك بوبيان اعتبروا من درس بنك الريان
الدعوه الى مناصرة سهم بنك بوبيان للمستثمر لا للبيع اقل من 700 فلس
للمحتاج لا للبيع اقل من 500 فلس

 

[بو حمد_1]

يا جمااااعه الخير

انا اللي متعجب منه مجلس الاداره هذا لا صوت ولا خبر

حتى تصريح باعمال البنك مافيه

المفروض يتكلمون عن البنك ونشاطه مو مطنشين الجماعه بس فالحين

يبون اسهم حق الموظفين

يالله بس متى يفارجون البنك ونرتاح لاني شخصيا والله ما ارتاح الا لما

يكونون اعضاء المجلس من الملاك ! لان الان خطر على البنك بالشكل هذا

 

[لندكروزر]

أخوي بوحمد

بنك بوبيان شعبيت كبيره والكلام عنه كثير علشان جذي
دوخونا ودوخو السهم بالأشاعات مادري أبيع أشتر أوأنطر شوي وأشتري زود
رايك وراي الأخوان الخبره الكرام
ولكم الشكر الجزيل

هذي أول مشاركه

 

[بوعدول]

اخوي لاندكروزر
اصبر اخوي لا تدش على اي سهم الحين لأن الضاهر في نزول بالايام الجايه
جني ارباح
اصبر شوي تابع السوق من بعيد وذا شفت الاسعار مغريه للشراء اشتر

 

[سهم استثماري]

واضح التداول مثل الشمس
اللي ماسك السهم عدل قاعد يجمع على هالأسعار (480-500) وما يبي السهم لا يصعد ولا ينزل
بدليل إنه يشيل حتى الكسور واللي عدد صفقاتها بالمئات يوميا

يعني بالعربي إذا دش أحد بقوة على السهم قط عليه وإذا باع أحد رد عليه بالشراء ..