بنك بوبيان ش.م.ك ( بنك بوبيان )

[SpeciaL 1]

من زمان ما شاركت
لكن في مشاركات خلتني أرجع أكتب
مو مهم أحدد ليش وشنو اهي المشاركات
لكن في ملاحظات أهم لازم ننتبه لها..

من فتره كنت أقول حق اللي دار مداري
أياً كان السعر اللي راح يدرج فيه سهم بنك بوبيان فتوقعي إن هالسهم غالباً راح ينزل
وهذا اللي صار
السالفه ماهي تنبأ
لكن واضحه مثل الشمس

السيناريو في الغالب يكون كالتالي
إذا يبون يصرفون سهم تلاقي السهم من بداية إدراجه بالعالي لين يخلصون تصريف
وبعدها يهدون السهم يترنح ويلمون مره ثانيه
وإذا السهم يبونه نلاحظ إنهم يضغطونه ويدوخونك سبع دوخات لين تزهق وتلقمهم سهمك بالنازل
ولما يكتفون (ولو إنهم ما يشبعون) تشوفهم يرفعونه يوم ويعلقونه يوم ويخلونك تطالع السهم بحسره

عموماً
اللي باع فهو فعلاً ربحان لأن من سعر الاكتتاب لي سعر اليوم أكيد مافي أي خساره
واللي يبي يستثمر أكثر وهذا حق له ولا فيه طمع فهو أكيد ربحان لأن مستقبل هالسهم الكل يراهن عليه بثقه
ناهيك عن رغبة جميع الصناديق وصناع السوق بامتلاك أكبر كميه من أسهم هالبنك
فاللي باع عليه بالعافيه
واللي يبي يحتفظ بالسهم عليه بالعافيه
إخواني:
أتمنى منكم إنكم ما تضغطون على إخوانكم في مسألة البيع
وتذكروا إن رزقكم مكتوب لكم
والله سبحانه وتعالى هو الرزاق
فارتاحوا وتأكدوا إنكم بتاخذون هالسهم والا غيره بالسعر اللي الله كاتبه لكم



أخوكم/ ويلاه​

مبروك هالصعود للجميع
ونذكر الأخوه اللي ودهم الكل يبيع بالأدنى ويلمونه منهم بالنازل
ونقول لهم
يومين صعود تفرق مع أي واحد
فـ بسكم طمع وحسد..
ترى هالناس محتاجه والله يعلم بأحوالهم
وانتوا تبون تستغلون الفرصه
استغلوها محد يمنعكم
لكن من دون تأثير عليهم بطرق الخداع والتمويه وإن هالبضاعه "السهم" مو زين وسعره مبالغ فيه
حتى لا يصبح رزقنا من الحرام
وترى الرازق بالسما


أخوكم/ ويلاه​

 

[bolbanat]

مبروكين على التعليقة

دربك خضر بوبيان

 

[قاروه]

مبروك هالصعود للجميع
ونذكر الأخوه اللي ودهم الكل يبيع بالأدنى ويلمونه منهم بالنازل
ونقول لهم
يومين صعود تفرق مع أي واحد
فـ بسكم طمع وحسد..
ترى هالناس محتاجه والله يعلم بأحوالهم
وانتوا تبون تستغلون الفرصه
استغلوها محد يمنعكم
لكن من دون تأثير عليهم بطرق الخداع والتمويه وإن هالبضاعه "السهم" مو زين وسعره مبالغ فيه
حتى لا يصبح رزقنا من الحرام
وترى الرازق بالسما


أخوكم/ ويلاه​

من طول الغيبات جاب الغنايم :d
فاقدينك يا خوي عسى المانع خير

 

[mish3al_99]

أولا مبروك التعليقه مقدما
وثانيا اللي باع اليوم نقوله مبروك واللي أشترى نقول الله يوفقك بالسهم وتشوفه منه الخير ...
وثالثا تزيد قناعتنا يوم بعد يوم إن هالسهم للإستثمار ومستقبله طيب.
واخيرا .... اليوم وفقنا ولله الحمد بتوضيح طريقة التداول وقدرنا نبين للأخوان شلون هالهوامير يعتمدون على العامل النفسي بطريقة تداولهم ... اليوم حنا موجودين باجر ممكن ما نكون متواجدين معاكم نتمنى من الأخوان أصحاب الخبره يكونون متابعين التداول اليومي حتى يستفيدون أخوانهم منهم لأن والله الكثير باع تحت السبب ما يكتبه بعض الأخوان الله يسامحهم مع إننا نحسن الظن بالجميع .

جزاك الله خير .. كفيت و فيت ... و للحين ... اللى اباع 200 مليون لحد الان و باقي 800 مليون سهم ... اللى متمسكين بالسهم وايد ... و لا حظوا اليوم اللى باع بالتجاري 10 مليون سهم بنفس الوقت دش على بوبيان ب 10 مليون الساعه 11:43 بالضبط ...و هم قبله اللى باع بالخليج المتحد 10 مليون سهم هم دش على بوبيان ... و الصفقه الاولي الذهبيه 9 مليون ...
السهم مرغوب جدا من الشركات و مازال فيه خير ... انا توقعي راح يستمر لي الاسبوع الياي .. و يمكن يوصل 850 آخر الاسبوع الياي ( رأي الشخصي ) ... يمكن راح يكون فيه نزلات حق التخريع و صعدات مفاجئه ,.,,

 

[FLOOD]

السلام عليكم

توقعات التداول باجر بعد خبر حل مجلس الامة


السلام ختام

 

[bu-abdullaziz]

جزاك الله خير .. كفيت و فيت ... و للحين ... اللى اباع 200 مليون لحد الان و باقي 800 مليون سهم ... اللى متمسكين بالسهم وايد ... و لا حظوا اليوم اللى باع بالتجاري 10 مليون سهم بنفس الوقت دش على بوبيان ب 10 مليون الساعه 11:43 بالضبط ...و هم قبله اللى باع بالخليج المتحد 10 مليون سهم هم دش على بوبيان ... و الصفقه الاولي الذهبيه 9 مليون ...
السهم مرغوب جدا من الشركات و مازال فيه خير ... انا توقعي راح يستمر لي الاسبوع الياي .. و يمكن يوصل 850 آخر الاسبوع الياي ( رأي الشخصي ) ... يمكن راح يكون فيه نزلات حق التخريع و صعدات مفاجئه ,.,,

لاتنسى تنقص حصة الهيئه العامه للاستثمار 24% من المليار سهم

 

[SpeciaL 1]

من طول الغيبات جاب الغنايم :d
فاقدينك يا خوي عسى المانع خير

أتغلى
لا والله ياخوي انشغلت بهالفتره
ولملمت فليساتي عشان أرد أحطهم بحلج هالسوق
مو مثلك عارف الهوامير يبون يصيفون ويبون مصرف

بس ما عليك
من الحين ورايح إن شاء الله آنا اللي بصيف على حسابهم

تسلم أخوي عالسؤال
وعساك ما تفقد غالي أخوي قاروه


أخوك/ ويلاه​

 

[الذوق كله]

ألف ألف مبروك التعليقة لليوم الثاني على التوالي ، وألف مبروك حل المجلس

التداول اليوم ممتاز ويبشر بالخير لكل الاسهم , باستثناء الشركات اللتي أعلنت خسائر

ولايزال بنك بوبيان المسيطر على التداول حيث مثلت القيمة المتداولة على البنك ثلث القيمة

المتداولة بالسوق بشكل عام , والشيء الملفت للنظر هو قيام المجمعون على السهم

بتأسيس سعر السهم وعمل نقاط للدعم ونرى ذلك من الصفقة الاولى 9 مليون على 610

ثم تركهم للسهم وتأسيسهم لدعم آخر على 580 ودفاعهم القوي على هذة النقطة 580

وتراجع السهم منها للصعود إلى 610 بسرعه , فهاتين النقطتين تمثلان مسألة حياة أو موت

لمن يجمع بالسهم ولن يتركه يكسرهما , والسعر الحالي 610 أشتروا علية فوق 20 مليون

وسيحافظون على أموالهم بعدم تركهم السهم ينزل تحت 610 ,

ولا تصدقون يا أحبائي من يقول أنهم سيضغطون على السهم بما جمعوه من كميات , لأن من

يضغط على السهم عادةَ هو المؤسسون الذين كلفهم السهم 100 فلس ، والمؤسسون في بوبيان

هم الدولة ولا يستطيعون التصرف بملكيتهم ولو سهم واحد إلا بعد مرور ثلاث سنوات لأول

جمعية عمومية وبوبيان تو الناس علية , واللذين يجمعون ببوبيان كلفهم السهم فوق 580

وصفقة التسعة ملايين تطمننا بأن السهم مستذبحين علية ولا تحاتون , وأغلب اللي باعوا

بدأو يتحسفون واليوم ناس شرت على 580 وباعت 610 والسوق بدأ بالتعافي بعد خبر حل المجلس

وأقتراب حل مشكلة الدوائر , والله يحفظ الكويت وأميرها وولي عهدها وشعبها (وبوبيان)

من كل مكروه .

وسلامتكم .

 

[طالب مؤشر]

إخواني ....

بالنسبة لأوامر بيع المكتتبين كيف طريقتها ....

انا عندي كمية من الاسهم ..... وقالوللي ان عملية البيع تتم بالدور ....

اتمنى الإجابة عن مدى صحته ....

أرجوا الإفادة....؟؟

 

[سهم استثماري]

بنك الشعب والصفقات المليونية

خلونا نتابع الصفقات المليونية فقط اليوم ونحاول نستنتج منها شي يفيدنا ..
بنك بوبيان 610 9,005,000 09:00:00 شراء
بنك بوبيان 600 1,050,000 09:21:20 بيع
بنك بوبيان 600 2,500,000 11:42:45 شراء
بنك بوبيان 610 2,500,000 11:43:30 شراء
بنك بوبيان 610 2,500,000 11:43:44 شراء
بنك بوبيان 610 1,000,000 11:43:56 شراء
بنك بوبيان 610 1,525,000 11:44:13 بيع

ومع هذا السهم مطلوب بالحد الأعلى
بنك بوبيان 610 2,070,000 بدون عرض

* واضح إن 17 مليون ونص تجميع صريح وبالحد الأعلى بسعر 610
* جني الأرباح بحدود المليونين ونص

فرق كبير بين الرقمين طبعا هذا مع إستبعاد الصفقات اللي دون المليون مما يعطي إنطباع إيجابي لباجر...يعني نقدر نحن بعيدون عن التصريف ممكن نقول جني أرباح متوقع بعد تعليقة أمس قابله تجميع قوي وشرس اليوم .

مختصر تداول اليوم طلب السهم فوق ورد رجع لتحت وقال قطوا على ولم كمية محترمة بـ580 سيناريو مشابه للإدراج ولكن كان مفضوح وما عنده صبر وخمط الأكو الماكو قبل الإقفال بساعة إلا ربع

السهم للآن وضعه مطمئن جدا ولا عزاء للمتشائمين

 

[مرعوب بالسوق]

من اي تاريخ نتكلم

10-05-2006, 09:08 PM #16
مرعوب بالسوق
عضو نشط


تاريخ التّسجيل: Apr 2006
المشاركات: 149 انا برايي

--------------------------------------------------------------------------------

إقتباس:
الكاتب: FOCUS

مبرووووك على (بنك بوبيان ) امنزلينا بالقائمة مع البنوك اليوم لكن بدون تداول بس ليخرعون الشركات المدرجة !! أعتقد اليوم السوق متخسبق أحتمال من نزول البنك بالقائمه والناس خاشة بازيتها للشراء ممكن ليش لا ... أول واحد خاش ليوم ادراجه آنا .... والله اشرايكم ياجماعه ..... وشكرا لكم .



اخواني الاعزاء والمحترمين

الكل قاعد يتجهز لبنك بوبيان وان شاء الله ما يخيب املكم واملنا قولوا امين


للعلم والاحاطه :
وكالة يقولون انه الشركات الاستثمارية و المحافظ الاستثمارية موقفين التداول عن السوق وهو انتظار بنك ( بوبيان الاسلامي )

وهذا السبب اللي امنزل السوق بالوقت الحالي تدرون بان العامه بالسوق تبي ان تستملك بالبنك الاسلامي

السوق الكويتي :
من مصادر ناس اللي تبيع وتشتري من ( بروكريه ) والعلم عند الله
الشركات امثال :
اعيان ـ الدار ـ استحواذ تحت مضلة الدار ـ المركز ـ استثمارات وطنية
مصرف المزيني ( لعدم موافقة البنك المركزي ) لفتح بنك باسمهم
15/5/20006

يريدون الدخول على السهم



الراي لكم ولا لنا اي شي غير كلمه جزاك الله خير

ودمتم سالمين


اخوكم مرعوب بالسوق

 

[بوعباس]

خبر هام

ابتداء من السبت القادم سوف يسمح للمحافظ بدمج اسهمها هذا يعني ان دلالين سوق الجت راح يأخذونها من الصاعد و الفقاره صغار ا لمستثمرين المساكين يبيعونها من بهذا السعر مشكورين يا ادارة البورصة

 

[حمووودي]

السلام عليكم

احد اصدقائي لبناني يعمل مدير بمركز الشال للاستثارات عند سؤالي له عن سعر سهم بوبيان وكم راح يوصل قال ليييي لاتبيع اقل من دينار وراح يوصل دينار خلال فتره بسيطه وانصحكم اخواني بعدم بيع اسهم بنك بوبيان اقل من دينار لانه احتمالات وصوله للدينار سهله وسريعه

الدليل على ذلك الصفقات اللي تمت في اليوميين الماضيين بالملايين واللي ذكر بعضها اخوانه سهم استثماري بالمنتدى

ثانيآ تقييم ادارة البورصة لسعر السهم عند 630 مما يعطي اشاره قوية بانه السهم مستواه قوي حتى عنده تقييمه ومعادلته

ثالثآ السهم سهم بنك اسلامي


رابعآ نصيحه لحد يبيع اقل من دينار واحتمال يعلق بالحد الاعلى غدآ وصولآ مع الايام القليله القادمه الى مستوى جديد وهو 800 فلس للسهم





لا للبيع اقل من دينار لحد يبيع نصيحه عشان ما تندمون فرصه ما تتكرر وشكرآ

 

[Nasser pwc]

ياشباب نبيع باجر والا نشتري!!!​

 

[Q8Line]

مبروك للي باعو على 640
وبكرى ان شاءالله فووووووق

 

[بن تركي]

اللي صار اليوم عملية جني أرباح وهذا كان متوقع لأن في ناس لمت من 490 ولغاية ال 530 فلس كميات كبيرة وجنو أرباح عليها وألحين صارت اللعبة بيد المحافظ والصناديق ومعاد هي بيد المستثمرين الصغار نقول هاردلك للمكتتبين اللي باعو وقود لك للي ماباعو واللي ماباع يمسك أسهمة لأن السهم راح يرتفع مرة ثانية ورفعة قوية لأن سيطرو عليه جهات عدة وراح يرفعونه إنشاءالله وموفقين خير ،،،،،،

لا

للبيع

دون

الــ

800 فلس​

 

[المضارب السريع]

ياشباب نبيع باجر والا نشتري!!!​

اشتر 550 وبيع فى 600

 

[mashal]

اللي صار اليوم عملية جني أرباح وهذا كان متوقع لأن في ناس لمت من 490 ولغاية ال 530 فلس كميات كبيرة وجنو أرباح عليها وألحين صارت اللعبة بيد المحافظ والصناديق ومعاد هي بيد المستثمرين الصغار نقول هاردلك للمكتتبين اللي باعو وقود لك للي ماباعو واللي ماباع يمسك أسهمة لأن السهم راح يرتفع مرة ثانية ورفعة قوية لأن سيطرو عليه جهات عدة وراح يرفعونه إنشاءالله وموفقين خير ،،،،،،

لا

للبيع

دون

الــ

800 فلس​

أخي الفاضل لا توهق الناس وسبق وجهتلك رساله ومناشده حتي لتتحمل خسائر الناس موضوع ال 850 فلس صعبه للغايه خلال هذا العام لاكن البيع الأن جيد والأسترجاع بعدين افضل من التمسك بالسهم

 

[سهم استثماري]

مساكم الله بالخير ... سهم بنك الشعب ما عليه ردود كفايه اليوم
اليوم ما كنت متابع السوق وكنت أشاهده فقط عن طريق الشريط بالتلفزيون بالدوام وبحاول اجتهد ونشوف طريقة التدوال عن طريق الصفقات والأوامر المتبقيه بموقع البورصة ونقيسهم مع وضع القطاع والسوق ككل .

أولا : لا أحد يتشائم السهم لازال حديد بدليل لو كان فيه تصريف مثل ما البعض متوقع كان قطوا على الـ 3 ملايين طلب ونزوله للحد الأدنى .
ثانيا : السهم كان متماسك لحد الساعه 12 الظهر مع إن السوق كان نزول من الساعه عشر !! هذا الشي يعطي ملاحظة إيجابية .
ثالثا : نطاق الشراء القوي اليوم كان بين 630 _620 وأغلب الكميات راحت بهالأسعار .
رابعا : العامل النفسي هو سلاحهم الوحيد وبالتالي جعلوا جني الأرباح يظهر بقوة خصوصا بالنص الساعه الأخيرة حتى يستسلمون المجاميع ويرضون بأي سعر غدا .

واخيرا : اللي قاعد يجمع توقع بعد ما صعد السهم لفوق 600 يشوف كميات عرض كبيرة تفوق كميات الأمس ( كنوع من الإغراء ) وكان يحاول يغري بأكثر من مره لما كان يآخذ من 640 على فترات متباعده ولكن لم تكن الكميات المعروضه كافيه وتلبي طموحه ( الكميات المتادوله 29 مليون واجمالي المعروض 20 مليون ...مع توصيلها لأسعار قياسية لم تكن كافيه للأغراء ملاك السهم بالبيع ) وبالتالي إستغل وضع السوق الردي اليوم وسحب السهم لتحت لأن واضح جدا إن اللي يجمع هو من ضغط على السهم ولكن ضغط متزن حتى لا يدخل طرف قوي آخر ويخرب حساباته وهذا هو تفسير تغيير التكتيك بالنص ساعه الأخيره ... السهم طيب وفيه خير واتوقع شخصيا راح يصعد لأسعار اليوم وممكن يطوفها ولكن بشرط تحسن وضع السوق .. ويجب إن نعلم إن قرار البيع والشراء يتحمله صاحبه لا ننصح بالبيع ولا بالشراء عن أسعار معينه كل شخص له حساباته الخاصة وما نكتبه هو مجرد إجتهاد ممكن نصيب وممكن نخطئ والقصد هو مساعده أخوانا لو بالكلمة الصادقة وعسى يرزقهم جميعا .

 

[بو سليمان]

مبروووووك ياشباب التعليقة قبل لايفتح السوق​

مبروك بيعتك له اليوم و لا تشوفك عيني تحوس عندة الا شهر 9