المجموعة الدولية للاسـتثمار ش .م.ك.م ( المجموعة د )

[خير الكلام]

السلام عليكم

والله ياخي امرك عجيب .........انت من اشد المدافعين عن المجموعه واليوم
رفعوا ضغطك ولعبوا بفلوسك .....الله يعين الجميع على المصيبه
وبما ان الجماعه اعتزلوا اللعب .........فارجو ان يتسع صدرك لما سأقوله..
اللى حاصل يالحبيب هو درس لنا جميعا ...حتى لا نفقد الثقه في انفسنا ونعتمد على ما يقوله الاخرين...نعم اخي الكريم اعتمدنا على العقود والارباح
والادراجات وحصلنا على اسعار فوق الدينار....ولم نبع لماذا؟؟؟؟؟؟؟
لاننا شطبنا على ثقتنا بانفسنا واعتمدنا على الاخرين؟؟؟
وهذه النتيجه اصبحت المحافظ مثل المنشار طالع واكل ونازل واكل من اموال
صغار المستثمرين .....اى نحن اللذين وثقنا بالمهاترات والدعيات.....
واللى قاعد يصير يا اخي الكريم ان محموعة ابوبدر ما شبعوا بعد ...الى الان محتاجين اسهم ...ولن يحصلوا عليها الا من الصغار فلا بد من طحنهم وكسر
عظاهم واخذ ما لديهم من اسهم ..................
في النهاية ما يصح الا الصحيح......ولا تبيع بخسارة واقعد على قلوبهم..
اما الجماعه المعتزلين ...فنقول لهم ( حسبى الله ونعم الوكيل )
بارك الله فيك اخي ...والله يعوض على الجميع.

=========

اخي العزيز نفل .

لو تسمح لي بالتعقيب على كلامك .


اخواننا الاعزاء بالمنتدى يزعلون لما نقول هذا السهم فالصو .


واحد يقول نبي شهره ؟؟؟؟

شهره شلون ؟ اعرفك تعرفني ابي شهره ؟


والا قالولك ابي اصير جيمس بوند ؟


وواحد يقول ياخير الكلام انت شعرفك ؟


ارد عليه واقول حطيت لك سعر مقاومه 720 وقلت ماراح يعديها بالوقت الحالي ؟


والله اني ابيهم يربحون ومابيهم يدشون بمتاهات .


بس للاسف ماكو فايده .


يمكن احد يفكر ويقول انت شحارك .

واقول له والله فيني حره قاعد اشوف مطبلين يجنون ارباحهم على ظهور المساكين .



الطيور طارت بارزاقها .



توقعوا للمجموعه د سعر 300 فلس .


وايضا توقعوا 3 دنانير .


لانه سهم فالصو .

لايغركم الاشاعات .


بنك مادري ايش (المستثمرون) ومن الخرابيط .

والله لو تعطيهم 100 مليار ماتشوف منهم شئ .



خبره دفعت فيها دم قلبي من 20 سنه من يوم كنت شاب .


صقلتها بعمر الا40

وعرفت انه .



مايصح الا الصحيح .

 

[Black]

انا المجموعة اكسرت ظهري
شريتها على دينار و نطرت على أمل انها تتعدل و كل يوم اقول خل اصبر بعد و نزل السهم الى ان وصل 540 فلس و كان اليوم اللي بعده دشته بالكسور اذا وصل 500 و الارباح مافي احد كا يعلم فيها و كان كل شي تكهنات ، و بعت الاسهم لاني كنت بين امرين يا اني اسلم على نص راس المال او اني اكون تحت المقصلة و الاختيار الثاني فيه طريقين يا يرتد السهم او ينهار و اتروح الفلوس كلها
بس الحمد لله المجموعة ارتدت 200 فلس و انقذت الكثير من الناس اصحاب الاسهم العادية او الآجل ، و الحين السهم ارتفع اسبوع و المفروض يستقر الاسبوع اللي بعده و بعدين راح يحدد اتجاهه الاسبوع القادم هذا اذا كان له اتجاه
الله يرزق الجميع و الله يعين
سلام

 

[كهرب]

والله قالها بوتسنيم ..

تعليقات اسبوعين ماتسد العيون .. مانرتاح إلاّ فوق الدينار .. وجنّه نشوف الدينار بدربيل !!


كهرب

 

[جرير]

على الخير نلتقي

بس تدري .. كنّا ناطرين الأرباح السنوية .. وشفناها .. بس الحين ما أدري شنو ناطرين .. اشرايك نتناقش حول هالنقطة إللي اهي : "احنا شنو ناطرين الحين !!"


كهرب

سئلت نفسي اليوم ... بعد شنو نااطر

وكان الجواب ولا شي..

قررت اني اقول للمجموعه الى اللقااء في وقت ثاني انشالله

بعد علاقة حب ود تمت سبع اشهر وبعد اهاات وافرااح

بس للاسف ما قدرت احكم عقلي في افراحهاا.. ويكفي اني تعلمت من

المجموعه الشي الكثير واول الاشيااء واهم الاشياء اللي لازم

يتعرف عليها اي شخص يدش السوق انه ما يطمع في الربح

ثلاث مرات نشوف 1040 واغلبنا كان مصمم الا 1100

ما اقوول الا الحمدالله على كل حاال


بس انشالله لنا عوده

الله يوفق الجميع

 

[مزاجي]

والله يا اخوان انا مستغرب انا في احد ليما الحين تطبل حق المجموعه وربعها اتوقع اللي صار كافي انعدمت المصداقية والثقة بالاسهم هذي والا بتروجلف توصل لها السعر ويقولون توزيعاتها ممتازة الله يعوض على الجميع

 

[الكونكورد]

عندي نقطه ودي اوضحها .. السهم كسهم ممتاز ..

سواء من ناحيه الربحيه العاليه او نسبه الارباح التشغيليه ..

لكن اللي متولي امر هالسهم امره عجيب ..

يشوف السوق صااااعد والطيب يقط نص مليون على الطلب ..

ولو افترضنا ان هالشي ماله يد فيه .. يا اخي وين دورك كصانع

سوق في استقرار السهم واعاده التوازن له جراء هالحركات ..

لااا .. وكله صوب .. والمليون اللي عارضينه على 700 من بدايه الاسبوع بصوب ..

تقول حالفين ان السهم ما يطوف ال 700 ؟ ما ادري

 

[خير الكلام]

السلام عليكم

والله قالها بوتسنيم ..

تعليقات اسبوعين ماتسد العيون .. مانرتاح إلاّ فوق الدينار .. وجنّه نشوف الدينار بدربيل !!


كهرب

=======
الغلطه الكبرى هي .

ان صغار المستثمرين ماباعوا بسعر 960 قلس .


قاعد مع ناس فطاحله بالسوق يدجونكم على سعر 920 و930 و980 .


اهما عارفين القمنده .

تطبيل على بو ان السهم رايح 1500 .


دجوكم واخذوا رزقهم ورزق عيالهم .(رزق مشكوك فيه).

 

[Black]

على سالفة التوزيعة لما اعلنت المجموعة توزيعتها اللي شفته ان التوزيعة مو زينه و لكن الكثيرين قالوا انها ممتازة و راح اتشوفون شنو بيصير ، انا قلت حق نفسي خلني اسكت شوي و اشوف شنو اللي الناس مو شايفينه ، الشيخ يقول الارباح 800% و التوزيعة 30% و 45% !!!! شلون احسبوها ما ادري ، الناس اللي رابحين شي قليل توزيعتهم نفس التوزيعه هذه و اكثر شلون اللي ماخذين 800% ، مع العلم ان التوزيعة صارت بوقت انتعاش السوق و هالوقت الغالبية الساحقة من الاسهم ارتدت بشكل كبير من غير خبر عن مشروع او توزيعه عالية ، يعني المفروض المجموعة يكون ارتدادها اقوى من الجميع و تستمر بشكل ثابت و متزن .
و ما زلت اقول يمكن انا غلطان بكلامي و الايام راح تثبت هالشي
الله يعين
سلام

 

[Costa Coffee]

التحليل الفني ان السهم كان له دعم على 680 وللاسف اخترقه اليوم المعني نزول الى اين الله العالم ........ (

 

[بو حسين]

يا جماعه المجموعه أكسرت ظهري وغلطتي أني سمعت كلام واحد من الشباب الله يهديه ( السهم رايح ل 1200 و حرام تروح عليك الأرباح ) أي 1200 يا ولد الحلال ، أن ودي بس أطلع براس مالي .

وأكبر غلطه أشوفها اللي كان شاري السهم ب 600 الى 800 وما باعه يوم وصل الدنيار ( لو كان كل واحد فينا قنوع بالرزق اللي ياله ) عالعموم هذا درس ما ينسي بالمجموعه ، وكل واحد لازم يتعلم من هالدرس

 

[ABBA]

راح تشوفون إرتداد من يوم الأحد إن شاء الله.

 

[بوعبدالوهاب]

راح تشوفون إرتداد من يوم الأحد إن شاء الله.

ماهو الاساس في هذا الكلام وضح لنا لو سمحت ترى محتاجين الدقه فالمعلومه

 

[كهرب]

ماهو الاساس في هذا الكلام وضح لنا لو سمحت ترى محتاجين الدقه فالمعلومه

مع إن أخوي ABBA ثقة وامجرّب .. لكن أضم صوتي مع صوت بوعبدالوهاب .. نبي دقة وتوضيح !!


كهرب

 

[ipi]

ناقل

السلام عليكم
انا انقل هذا الخبر ولن اصرح عن المصدر
الى صار بالمجموعة هاليومين واليوم خصوصا متعمد فهناك العديد من المضاربين الذين لو ذكر اسمائهم لتعجبتم الهدف الذى يسعى صانع السوق من تحقيقه هو تنظيف السهم من المضاربين الذين يعثيون فسادا فى الاسهم وهم ملاك لشركات اخرى كبيرة ومدرجة فى السوق يهدفون الى تحقيق ربحية على حساب المجموعة لو اندفع صانع السوق للعب معهم سوف يهوى السهم بسبب شدة المضاربة والخوف ليس من تلك الشركات الخوف انه مع نزول السهم يزداد المعروض وبالتالى تحمل صانع السوق الى خسائر للمحافظة على سعر السهم بل بالعكس صانع السوق الحالى يحافظ على ثبات السهم او هبوطه بنسبة لا تتعدى _10 هل لاحد تفسير انه مع ارتفاع السوق اليوم وامس والسهم نازل المنطق يقول انه بصعد بالسهم ويصرف بالعالى فى ظل ارتفاع السوق وهو ما لا يهدف اليه صانع السوق الحالى للمحافظة على المستثمرين وطرد المضاربين . اكرر انا ناقل هالكلام فقط
ملاحظة: الان استطيع ان اقول ان السهم فيه خير كبير بسبب صانع السوق الجديد والله الموفق .

 

[hassan_abu3eed]

ياجماعه الله يرزقكم ويعوض خسارتكم
آمين باذن الله انا الشركه هذه خسرتني
نص راس مالي اللي يقدر ينحاش يفركلها
ويسلم على فلوسه هذه نصيحه بس رجاء
مو تشرشحوني انتم بكيفكم بدون شرشحه بليزززززززززز :d :d

 

[م. سعد]

يا جماعة الخير!
حددوا هدفكم في التعامل مع سهم المجموعة وخواتها:
- استثمار ,فمثل هذا التذبذب متوقع ما في سهم صاعد للأبد!!
- مضاربة:العبوها صح!لا تخلي السهم يطول معاك ,اشتره وهو نازل وبيعه لما يصعد ولا تطمع ,واذا فاتك القطار وارتفع السهم وشلّع شوف غيره ضارب فيه,وخل السهم تحت المراقبة!
بس المهم تعرف اهدافك ,ونقاط الدخول والخروج ,ولا تقع في عشق السهم!!
والله يعوض على الخسران,ويبارك للربحان

من افضل ما قرأت اليوم و هو المفروض عمله باختصار و بحذر كبير مع تحديد اهداف معقولة .. وقف الخسارة اهم من الربح

 

[المجموعي]

بدون تشارتات ولا تحليل فني ولا هم يحزنون

وخلكم يااهل التحليل تراكضون ورى البدر والبحر وحيدر والصقر والاستثمارات الوطنيه والمركز المالي
وتحددون وراهم نقاط الدعم والمقاومه وهما متى مابغوا شي يسونه ولايردون على هالكلام من التحليل
التشارت الافغاني الخاص فيني يقووووووول
باجر ارتداد الى الاعلى والاسبوع الجاي السهم راح يصعد ان شاء الله

طبعا لاتلوموني لوموا التحليل الافغاني!؟!؟!؟!؟!!؟

شخصيا افضل هذا النوع من التداول على السهم افضل من اسلوب السهم بالسابق تذبذب تذبذب....وواضح تذمر الناس من السهم والهروووب منه باسرع من الوقت اللي متوقعه؟؟؟؟؟؟؟؟؟؟؟
احلى تحيه لاحلى صااااااااااااانع سوق للمجموعه الدوليه على هذا الاداء الرائع....(من وجهة نظري الشخصيه


وفقنا الله لما يحب ويرضى

 

[طير شلوة]

السلام عليكم
كل الموضوع ومافيه هو عملية فلترة من المضاربجيه خصوصا بو 10 و 20 فلس .
والايام المقبله ستثبت مدى جدارة وجودة هذا السهم واتوقع ان شاءالله سعره يوم الجمعيه العموميه مو اقل من 900 الى دينار .
انا ملاحظ انه في ناس ماتطلع الا وقت نزول المجموعه وتبي تشتهر على حساب هالنزول لا وما عنده الا انا قلت وانا وصيت وانا وانا ....الخ من هالكلام الغير مفيد يبا شسالفة ترى النزول عادي كل سهم ينزل ويصعد . والمشكله اذا نزل السهم طلعلنا صاحبنا ابو شهرة ويقعد يصرح انا وانا واذا صعد السهم يدش متلثم . وخير الكلام ماقل ودل واشتهر .

 

[المجموعي]

=========













ارد عليه واقول حطيت لك سعر مقاومه 720 وقلت ماراح يعديها بالوقت الحالي ؟













توقعوا للمجموعه د سعر 300 فلس .


وايضا توقعوا 3 دنانير .


لانه سهم فالصو .



بنك مادري ايش (المستثمرون) ومن الخرابيط .




خبره دفعت فيها دم قلبي من 20 سنه من يوم كنت شاب .


صقلتها بعمر الا40




.

برد على كل نقطه على حده

حلوه حطيت لكم مقاومة ال720 وقلت لكم السهم مايعديها!!!!
انت منو يعني عشان تحط وتحدد حضرتك....

قمة الجهل والكلام بدون وعي ولا عن درايه ويدل على التخبط والمشاركه من اجل المشاركه...ممكن تشوف ال300 وممكن تشوف ال3 دنانير...لانه فالصو!!!!!

سهم فالصووووووووو
محقق السنه الماضيه 124 فلس
والربع الاول الحالي لن تقل ربحيته عن ال25 فلس(بدون عذرك السخيف مضاربه على بتروجلف وجراند لانهم نازلين وماتحركوا بالربع الاول) وتوزيعاته 30%نقدي(من الفالصووو) و45% منحه(هم من الفلصو الاخو الصغير للفالصووووو)

بنك المستثمرون بنك استثماري اسلامي وموجود بالبحرين(وتقدر تفتح فيه حساب بعد) وفي امراء بحرينين وسعوديين...ولا هذول موعاجبينك بعد وفالصووووو كمان
البنك محقق ارباح 58 مليون دولار
هااااااااااااااااااااااااااااا عرفت لايكون ال58 مليون دولار فالصووووو بعد خوش فالصووووو هذا
تحذث بالعقل يااخي

تبي اعطيك منه اشوية فالصووووووووو؟؟؟؟؟



اما مسألة ال20 سنه وال40 سنه فأعتقد واجزم بأنها بعيده عن الصحه ولست مشكك بذلك...
لانها بعيده عن الواقع اللي تقوم فيه
وبعيده عن اللي نشوفه منك

 

[ALHASHEL]

يااااجماعه ملينا وحنا انطبل