ملف الاكسل اليومي للميتاستوك .

[Q8 Stock]

العفو اخواني
وجزاكم الله كل خير

السلام عليكم
مساك الله بالخير بو علي ويعطيك الف عافيه وانشاالله تلقاه بميزان حسناتك
بو علي لو سمحت عندي سؤال عن تحديث الميتاستوك الاسبوعي . شلون اذا كنت ابي احدث سهم معين بس بعد ماتفصخ . لاني بصراحه اعرف احدث الاسبوعي كامل بس اللي ابي اعرفه انه شلون احدث شركات معينه تفصخت مثل الوطنيه والمجموعة الدوليه فقط . وانشالله قدرت اشرح سؤالي مضبوط .
والله يوفقك دنيا واخره . مع السلامه

مساك الله بالنور والسرور
الطريقه هي
اذا تعرف اتطلع سعر الاساس للسهم بعد التفسيخ
تكون عرفة 80% من الطريقه
لانه الرقم الناتج عندك راح تقسمه سعر الاغلاق اللي بتاريخ الجمعيه العموميه
بعد عملية القسمه راح يكون عندك ناتج مثلا 0.78565412
يفضل تستخدم آله حاسبه وتحط جميع الارقام الظاهره في الآله
بعدها نعمل Split للسهم اللي تم تفسيخه
بتاريخ الجمعيه العموميه

لكن بالطريقه هذي الخطأ ممنوع ..!!
لانه في حسبه عند زيادة رأس المال علشان انطلع سعر الاساس
لانه اي خطأ في رقم وبعد حفظ التعديل راح يخترب الشارت كله

ان شاء الله
اليومين الجايين بحاول اسوي شرح للطريقه + ملف اكسل + أمثله

بالتوفيق

 

[بو ضاري]

مساك الله بالخير بو علي .
بو علي انا مو قصدي بسؤالي اني اسال عن طريقة حساب سعر السهم . انا قصدي انه بعد مايتفصخ السهم ويحطه اخونا Q8 TrAdEr جزاه الله خير . شلون ابي احدثه من غير لاحدث الاسهم كله . ومثال على ذلك الوطنيه العقاريه الحين تفصخت وابي اعدل الجارت بس ماابي احدث الاسهم كلها ابي بس سهم الوطنيه . وانشالله قدرت اوصلك المعلومه واسف على الازعاج اخوي بو علي . وربي انشالله يوفقك ونشوف علي .
مشكورين

 

[Q8 Stock]

مساك الله بالخير بو علي .
بو علي انا مو قصدي بسؤالي اني اسال عن طريقة حساب سعر السهم . انا قصدي انه بعد مايتفصخ السهم ويحطه اخونا Q8 TrAdEr جزاه الله خير . شلون ابي احدثه من غير لاحدث الاسهم كله . ومثال على ذلك الوطنيه العقاريه الحين تفصخت وابي اعدل الجارت بس ماابي احدث الاسهم كلها ابي بس سهم الوطنيه . وانشالله قدرت اوصلك المعلومه واسف على الازعاج اخوي بو علي . وربي انشالله يوفقك ونشوف علي .
مشكورين

سهله طريقة بوسعود

تفتح ملف الاكسل
وتنسخ القوائم كلها من التاريخ الى الكميه
وتفتح الداون لودر
وتفتح الشركه اللي تبي تعدلها
وتظلل القوائم كلها وتسوي عملية لصق
مجرد Copy and Paste
إن شاء الله
قدرت اوضح لك
نزل الملف الاسبوعي
وانسخ البيانات السهم اللي تبي تعدله بعد التفسيخ
اذا كان عندك رسومات وخطوط وما تبيهم يروحون عليك
نزل الملف وفتح السهم بالداون لودر وانسخ بياناته
والصقها بدال القديم

عندك هالطريقتين
واختار اللي يناسبك فيهم

 

[Q8 TrAdEr]

مساكم الله بالخير

سهم المجموعه د
بعد التفسيخ
30 % نقدي
45% منحه
يوم السبت القادم
ان شاء الله

بو سعود​

 

[بوراشد جروب]

سهم المجموعه د
بعد التفسيخ
30 % نقدي
45% منحه
يوم السبت القادم
ان شاء الله

بو سعود​

سباق للخير بوسعود مشكور ما قصرت ، والشكر موصول لبوعلى كذلك...

 

[بو ضاري]

الحقني بو علي

السلام عليكم
بو علي شلونك انشالله بخير
وانشالله يوم سبت اخضر على الجميع وربي يوفقكم الا ماتحبون وترضون عليه .
بو علي الحقني . سويت طريقة بو سعود بخصوص تعديل الجارت للوطنيه والمجموعة وسويت بالضبط اللي قلتلي عليه . اني نزلت ملف بو سعود وفتحته ونسخت كل اللي فيه من التاريخ الا الكميه وفتحت الداون لودر وفتحت شركة الوطنيه وظللت عليهم كلهم ولصقت المعلومات الجديده (ليما الحين اوكي ) المشكله بعد مانسختهم طلعلي التاريخ مو مضبوط (صار التاريخ اليومي مكان الشهر) وليما طلعت عطاني تنبيه انه التاريخ غلط ؟؟؟؟؟؟؟؟؟؟؟؟؟؟؟؟
ادري دوختك لاني انا بعد دخت والله ومادري شسوي
افيدونا افادكم الله

 

[Q8 Stock]

وعليكم السلام

بسيطه اخوي
<<<< انت كل شي عندك بسيط
التاريخ عندك متلخبط
انسخ من الافتتاح الى الكيمه ونفس لشي بالداون لودر
التاريخ لا تنسخه بس بدل من سعر الافتتاح الى الكيمه
بنفس الطريقه تظليل الكل ونسخ ولصق

لانه صارت لي نفس مشكلتك
دام التاريخ مايدخل بالتقسميه نخلي التاريخ ونغير بس الاسعار والكميه

ان شاء الله
فهمت علي

 

[Q8 Stock]

السلام عليكم


اقفالات السبت
27/5



دعواتكم



"إن الله مع الصابرين"

 

[moe]

السلام عليكم


اقفالات السبت
27/5



دعواتكم



"إن الله مع الصابرين"

جزاك الله خير يامشرفنا العزيز

 

[Q8 TrAdEr]

الله يعطيك العافيه
يا بوعلي​

 

[MH For Ever]

الف شكر يا بو علي

وبشر عن الوالدة ان شاء الله صارت بصحة احسن؟؟

الله يشفيها ويعافيها يا رب

 

[Q8 Stock]

الف شكر يا بو علي

وبشر عن الوالدة ان شاء الله صارت بصحة احسن؟؟

الله يشفيها ويعافيها يا رب

العفو اخواني
وحياكم الله

هلا اختي الكريمه
العفو اختي
بفضل لله ثم دعائكم
الحمدلله
تحسنت صحتها
والله لا يريكم مكروه في من تحبون

 

[سليمان الضيف]

سؤال فني

السلام عليكم ...

يعطيك العافيه اخوي Q8 StocK

بغيت اسئلك بالنسبه لتحديث البيانات للمجموعه الدوليه .

اضغط على آخر تداول رايت كليك , وبعدين اروح Edit
لما يفتح الداون لودر يطلع لي خطأ بالبرنامج وهالمسج
The DownLoader has encountered a problem and needs to close. We are sorry for the inconvenience.
واحيانا يقول انه مستخدم .
واحيانا يقول عن ال DLWIN .

مــــــــلاحــــظــه : حاولت ارفق الصوره لاكن حجمها كبير ما عرفت اصغرها

شاكر لك مقدما .. اخوك بومحمد

 

[Q8 Stock]

هلا اخوي بومحمد
ولله مادري ياخوي
ما صادفتني هذي المشكله
لكن حاول تفتح المجموعه الدوليه عن طريق الداون لودر مباشر
بلاش كليك يمين
موجود في قائمة البرامج
او اضغط Ctrl + D
علشان نعرف اذا في مشكله بالداون لودر
جرب ورد لي خبر

 

[سليمان الضيف]

هلا بو علي

السلام مره ثانيه ...

مشكور بو علي على سرعة الأجابه . سويت كل اللي قلت لي عليه ما فاد . تفاجأت بالأخير ان الشارت مال المجموعه صار فاضي .. بح راحت معلوماته . اخر قرار اتخذته بشيل الميتا بكبره وبرد اثبته عالجهاز مره ثانيه يمكن يشتغل مره ثانيه . وتسلم وماقصرت يا بوعلي بس طلب اخير عشان البيانات التاريخيه من ال 2000 الى اليوم وين احصلهم ابيهم ويا بعض الله لا يهينك .

وسلامتك يا بوعلي

مـــــلاحـــــــــــظــه / ما تشوف شر الوالده والحمد لله على السلامه طهور انشالله

 

[Q8 Stock]

طلبك موجود طال عمرك
شوف التوقيع اخر تحديث للملف 25/5/2006
من 2000 الى تاريخ التحديث
وحدث ملف الاكسل لتاريخ اليوم
وبكون عندك من جديد + شامل الاسهم بعد التفسيخ

والشر مايجيك اخوي
والله يسلمك وسلم غاليك

 

[سليمان الضيف]

عشت

شكرا يا بوعلي ...

تعيش يا منصا الرجال الحلاحيل ,,, ريف الضيوف وعز من جاك عاني​

سؤال اخير / بلشتك بكثر الأسئله اليوم . بدت دورة المؤشر ؟ واذا بدت اقدر التحق فيها باجر واللا انطر شهر 9 .

بومحمد

 

[Q8 Stock]

عاش غاليك اخوي بومحمد
وماسوينا شي

لك من سؤال الى مليون سؤال
واذا خلصوا المليون سؤال لك حق اتطالب 10% زياده في الاسأله

هذا السؤال تقدر تتفضل وتسأله للأخ المهندس سيف العجمي

وربي يوفقك

 

[سليمان الضيف]

كل شي Ok

تسلم يا بوعلي وكل شي ضبط الحين . بس عندي مشكله بالأسعار اللي اهي تكون كسور . يعني مثلا عندي سعر المجموعه الدوليه بتاريخ 24-5-2006 هو كالتالي :

الأفتتاح 394.095
الأعلى 420.368
الأدنى 387.527
الأغلاق 413.800

 

[Q8 Stock]

تسلم يا بوعلي وكل شي ضبط الحين . بس عندي مشكله بالأسعار اللي اهي تكون كسور . يعني مثلا عندي سعر المجموعه الدوليه بتاريخ 24-5-2006 هو كالتالي :

الأفتتاح 394.095
الأعلى 420.368
الأدنى 387.527
الأغلاق 413.800

عادي اخوي بومحمد
ماعندك ولا مشكله
علشان لا يصير مشاكل بالشارت
لابد من عمل Split
وهذا معمول فيه بجميع الاسواق العالميه
شوف كل الاسهم التي تم تفسيخها
لابد من تعديل شارتها