ملف الاكسل اليومي للميتاستوك .

[Q8 TrAdEr]

مساء الخير

عربي بعد التفسيخ
يو م السبت القادم
ان شاء الله

بو سعود​

 

[أبونوره]

Q8 Stock بارك الله فيك
بالنسبة للملف الاسبوعي اذا نزلته
احطه بدال الداتا اللي عندي بمعنى امسح الداتا واحط بدالها

?????????

 

[اعلامي]

بوعلي و كيو إيت تريدر .... الله يوفقكم ويعطيكم العافية على جهودكم الكبيرة

ابومحمد

 

[Q8 Stock]

?????????

السلام عليكم

بسيطه اخوي ابن الخطاب
شوف هذا الموضوع
وشوف الجزء الخاص بالملف q8stock
نفس الخطوات ونفس كل شي
http://www.indexsignal.com/metastock/metadata/meta_data.htm

 

[بوعيد]

والله يا بوعلي يعجز اللسان عن شكرك لما تقدمه لنا يوميا لبيانات السوق والمجهود اللي تبذله فجزاك الله عني وعن جميع الاخوه كل الخير

اخوك : بوعيد

 

[المطرود]

بو علي أخوي الله يعطيك العافية

سؤالي لك طال عمرك ليه ألحين ما أعرف أنزل الملف الأسبوعي أو ملفات الأسهم بعد التفسيخ ويا ريت ولد عمي تعلمني إذا فيه صفحة معينة تقدر تحطها لي علشان أدخل عليها وأتعلم منها وجزاك الله ألف خير والله يرحم والديك دنيا وآخرة

أخوك بو محمد المطرود

 

[Q8 Stock]

السلام عليكم

العفو اخوي بوعيد
ولووو ما سوينا شي

بو علي أخوي الله يعطيك العافية

سؤالي لك طال عمرك ليه ألحين ما أعرف أنزل الملف الأسبوعي أو ملفات الأسهم بعد التفسيخ ويا ريت ولد عمي تعلمني إذا فيه صفحة معينة تقدر تحطها لي علشان أدخل عليها وأتعلم منها وجزاك الله ألف خير والله يرحم والديك دنيا وآخرة

أخوك بو محمد المطرود

هلا اخوي بومحمد
الله يعافيك
الطريقه بسيطه جدا
الحين بعد ما نزلت الملف الاسبوعي
راح يكون عندك على هيئة ملف zip ضغوط
بعد فك الضغط عن الملف
راح يكون عندك ملف اسمه q8stock2
كليك يمين على الملف وتختار Copy نسخ
وبعدها تروح على سطح المكتبه وكليك يمين وتختار Paste لصق
راح يكون الملف موجود على سطح المكتبه
الخطوه التاليه
بعد فتح الميتاستوك
تروح حق File
وبعدها Open
راح تفتح لك نافذه
روح على الملف الاصفر الصغير
مثل هذي الصوره

الى ان يوديك الى سطح المكتبه Desktop
وادخل على ملف الاسهم
وبعدها اختار شارت السهم اللي تبيه
وبس
هذي الطريقه بالشرح المفصل

اي مشكله انا حااااضر

 

[Semsar]

السلام عليكم

صبحك الله بالخير ابو علي
الله لايهينك شوفلي اسعار المخازن بالملف الاسبوعي كلها متخربطه

شاكرلك افضالك

 

[Q8 Stock]

وعليكم السلام

وصبحك الله بالنور والسرور
طيب ممكن توضح لي شلون متخربطه
اذا قصدك الهاي للمخازن هو 6.750 فلس
وليس 4.200 وخرده
فكلامك صحيح ميه بالميه
لكن بعد كل عملية تفسيخ للاسهم
لابد من تعديل الشارت
علشان جذي تم تعديل الشارت بعد التفسيخ
وبجذي طلع عندنا رقم وكسور

اذا كان قصدك شي ثاني
ممكن توضحه لي

 

[Semsar]

هلا ابو علي
قصدي سلمك الله ان الاسعار من بداية 2004 الى اخر يوم كلها فيها ارقام الفلس الواحد مثل منت شايف بالصوره

 

[Q8 Stock]

اهااا

السهم تم تعديل شارته
لانه اليوم يتفسخ وشوف الاعلان
تداول السهم بدون ارباح لشركة المخازن العمومية اعتباراً من اليوم
وان شاء الله
التعديل صح
هذي مثل نسبه وتناسب علشان نعدل الشارت
وتستخدم في جميع الاسواق

 

[Semsar]

يابو علي ياحبيبي ركز ويايا
انا ادري ان السهم تفصخ وهمينا ادري ان الشارت لازم يتعدل لانه اذا ماتعدل راح يصير فيه قاب
بس يابو علي الاسهم كلها تتفصخ ولا نشوف هلارقام
يعني مثلا الحين اشلون اعرف كم الافتتاح بالضبط والاغلاق واعلى وادنى سعر من خلال الشموع

ادري اذيتك بس اذا ماوضحتلي عدل راح ااذيك اكثر فعاد انت اخذها من ااصرها وعدله :d

 

[Semsar]

لحظه
يعني معناته ان الاسعار الي قبل التفسيخ كلها راح تكون بهالشكل والاسعار المستقبليه راح تكون اهي الواقعيه
تصدق توني انتبه لهالشغله
اسف يابو علي واسمحلي على الازعاج ترى اخوك فهمه على قده يعني مثل ماتقول بالقطاره

 

[Q8 Stock]

انت جاوبة على سؤالك
كل الاسهم اللي تفسخت راح تتعدل الى جذي
الارقام تتغير لكن نفس سلوك السهم
واذا اتابع الشموع اليابانيه
مراح تتغير اشكالها
ان شاء الله
اوضحت لك الصوره

 

[Semsar]

مشكور يابو علي

 

[Q8 Stock]

السلام عليكم


اقفالات السبت
20/5


دعواتكم

 

[بوراشد جروب]

السلام عليكم


اقفالات السبت
20/5


دعواتكم

الله يوفقك ويرزقك من فضله ويديم عليك الصحة والعافية ...

 

[Q8 Stock]

السلام عليكم




اقفالات الاحد
21/5

دعواتكم

 

[MH For Ever]

الف شكر يا بو علي

 

[alajmi_3]

عزيزي بوعلي كل التحيه لك والاخوان الاعضاء عندي سؤال بوعلي علي ادخال الدعم والمقاومه و التجميع والتصريف علي الخبير ما قدرت ياريت تعطيني رابط الشرح لان الرابط الموجود صراحه ماني قادر افتحه او ماني فاهمه وما يطلع الشرح ولك والاخوان الاعضاء كل التقدير بوعلي كتبتلك علي موضوع الخبير ( خبير الميتاستوك)والظاهر انك ما انتبهت قلت اصيدك في الموقع