هذا الموضوع لتفريغ الغضب العام تجاه اوضاع السوق ومناقشة اسباب نزوله

[دخيلك ياربي]

أنا معاك أخوي الشاطر

معاك حق بكل الي قلته

بس خلك منصف ماشاءلله الحين المنتدى كبير والسطره عليه صعبه شوي

بس مراقبينا في الخير والبركه

على فكره اخوي الشاطر خل في بالك واحد او اثنين تحطهم في راسك تعتمد على الله ثم على توصياتهم

والباقي انت تعرف شنو تسوي

مع السلامة

 

[bo jassem]

عساكم على القوه شباب و شياب المنتدى,,,

انا أقول يمكن يطلع كلام الاخت صح, مافي داعي للطنازه و أتوقع حريه الكتابه بالمنتدى مفتوحه للجميع,,,

أتمنى ما تقاس الاجناس بعدد المشاركات,,,

لان السيناريو الي راح يصير (اذا طلع كلام الاخت صحيح) وايد من الي تطنزو على الاخت راح يوصلونها السما بالمديح و الشكر و العرفان و هذا يسمى بالكويتي سامحوني لى التعبير (نفاق),,,

أتمنى محد يزعل مني و تراني مثلكم قاص بكذا سهم بس(تفائلو بالخير تجدوه),,,

أخوكم\ محبكم في الله

 

[السوق الكويتي]

أخوووي اذا السوووق نازل تلقى الناس بس تتشمت ومايعجبها العجب ودايما متشائمة ... وهذا اخووي شيء طبيعي ... واحد خسران الاف الدنانير من سهم معين وايي واحد ويوصي على هالسهم ويقوول مثلا راح يصعد فووووق ومادري شنو .. اكييد تلقاه معصب ويتشمت لانه خسراان وماله خلق احد .. وزهق واهو ينطر ...


واذا التوصيات بوقت لما السووق مشلع ... الكل راح يشكره ويحبه ويمدحه ... لان الوضع مفرح والناس بسعادة ...


الله يصبرنا على هالوضع الحالي للسوووق ...

 

[user76]

الرأي العام اكبر نصابين وبعدها الوطن والمؤشر

 

[مهندسجي اسهم]

يا فاعلة الخير....ممكن اتقولين لنا هالمصدر شلون خلاج تتأكدين من المعلومه؟؟؟..ممكن اتكون تدخلات خصوصيه بس انا عندي فضول اني اعرف اذا ممكن اتقولين اهني او على الخاص؟.؟....واذا كان كلامج عدل انزين عطينا الوقت المناسب اللي نبيع فيه

 

[السوق الكويتي]

الحيين وبعد هالتلاعب بالسوووق الواضح .. صعبة ان انقوول الوضع طبيعي وان السووق لازم يصحح ومادري شنووو ...

السيولة موجودة ... والدليل بس ارتفع السووق اشوي تدافعت الناس بالشراء وزادت الكمية اليوووم ...

لو يستمر ارتفاع راح اتزيد الكميات طبعا .. لان الوضع الحالي للاغلبية التفرج او مضاربات على بعض الاسهم ...

لو تدخلت الصناديق بالشراء والبيع جان شفنا الكميات اكثر .... بس اذبحوونا بهالموال .. نقص السيولة .. زيادة رأس اموال الشركات الخ !!!!


فيه شي قاعد يصير اكبر مني ومنك ... وللحين ماشفت شيء اقنعي تماما بالوضع الحالي ...

ماكو الا التوكل على الله ومن ثم الصبر لما ياتي الفرج ...

 

[مهندسجي اسهم]

محمد ثلاب...........احقر واحد بجريدة الوطن

 

[q8_lord]

السلام عليكم ورحمة الله وبركاته التجميع على المخازن ومجموعاتها انتهى وحان الانفجار للاسهم والارباح تبشر بالخير والله يعين اللى صبر الثمان الشهور اللى مضت وابشرو بالخير ياملاك المجموعه الذهبية بالنفجار القريب اللى هو الاسبوع القادم اختكم البورصه

السلام عليكم أختي بورصه إشلونك كيف حالج طيبه إنشالله

الصراحه أختي أنا ما أملك في المخازن ومجموعتها بس الصراحه كلي ثقه بكلامج وصراحتج عن السهم وإنشالله يكون كلامج بمحله يعني أختي بورصه أشتري سهم المخازن ومجموعتها وتوكل على الله ثم فيج ترى هاذي توصيتج وإنت مسؤوله عن اللي قلتيه جدام الله وأخوانا وأخواتنا المتداولين ها أشقلتي لأن الصراحه خسران بشكل كبير وأبي أعوض خسارتي بربح وفير.
وأعذريني على أي كلمه موحلوه بحقج وإزعاج ومضايقه لج.

أخوج بوعلي

 

[bugais]

الافضل سياسيا واقتصاديا القبس

الوطن وايد عليها الاعلانات

الرأي العام حق الفظايح

 

[خوش خبر]

المنتدى

اعتقد تقدر ترد على اللى موعاجبينك واعتقد ان اى شىء ينكتب من الاخوان والاخوات فيه فايده على الاقل يمكن يرفه عليك مشاكل البورصه وبنفس الوقت فى بعضهم قاعدين يفيدونا بمعلومات حلوه وزينه واللوم مو على المشرفين والمراقبين . وخلك متفائل دائما والله يوفقك

 

[الرومي]

الشاطر انا أقول خلك انته مراقب علي نفسك ولا تمشي وراء اي توصية علي قولتهم خذ وخل اللي بوصله انه خلك انته صاحب القرار ولا تمشي ورا هالناس انته بنفسك تقدر تقيم السهم ... مع انه صارت هالشغله صعبه خاصة بوضعنا الحالي بس عسي الله يفرجها علي الكل قولوا امين

 

[splendid]

اخى العزيز دكتور اسهم اذا انت تنظر للتحاليل اقول على اموالك السلام واذا التحاليل كانت تصدق لاصبحنا كلنا تجار نشترى ونبيع على التحليل ولكن اسمع كلامى ولاتبيع الثلاثاء ولا الاربعاء واترك عندك الدعم القوى والكوب والعروه والكلام الفاضى اسمع كلامى وانا اقولك لاتبيع ولاتشترى اذا عندك شئ طالع عليك بخساره لاتبيع وبس تفهم وبس وهذى اخر مشاركه لى اليوم وسنلتقى الاثنين المقبل على خير وستذكرون العضوه البورصه سلام عليكم

السلام عليكم

لا حول والله قوة الا بالله ,, ان شاء الا اقعدلكم قعده يا طبلجيه المخازن في كل منتدى وابين غشكم لاخوانكم ,,,

هذي الاخت ,, اليوم باول مشاركه طبلت للمخازن ومجموعتها ,, تدرون ليش ؟؟

لان المخازن + الوطنيه في تدوال امس اعطوا اشارات خروج بكسر ترندات المثلث الى اسفل ,, هدف المخازن الحين بالضبط 1920

وينج قبل اسبوع ...؟؟ وينج قبل شهر ؟؟ ما كانت المخازن على نفس الاسعار َ!!! لكن لما تم كسر المثلث تحت الحين تبون تصرفون على العالم

تفضلوا يا اخوان تشارت المخازن وبعد شوي ارفع تشارت الوطنيه العقاريه

الهدف الفني للمخازن :-

اعلى قمه 3200 فلس - ادنى قاع 2500 فلس = 700 فلس

سعر كسر المثلث هو 2620 فلس

الهدف راح يكون 2620 فلس - 700 فلس = 1920 فلس

 

[wawwaw]

السلام عليكم

الافضل القبس
والمتابعة السوق البورصة للتأكيد على الاخبار الصحيحة

 

[splendid]

السلام عليكم

نفس السيناريو صار مع الوطنيه العقاريه ,, تم كسر المثلث عند سعر 1040 فلس

الهدف الفني راح يكون

اعلى قمه 1340 فلس ـــ ادنى قاع 970 فلس = 370 فلس

الهدف من منطقه كسر المثلث

1040 فلس ــ 370 فلس = 670 فلس

هذا بالنسبه الى المخازن والوطنيه ,, كلهم وصلوا الى قيعان المفروض لما

يوصلون لها ,, يكون ارتداد قوي ,, لكن مع الاسف اللي صار انهم كسروا

دعومات تاريخيه لهم ,, يعني الاتجاة راح يكون بالنزول

مرفق تشارت الوطنيه ,, شكل المثلث ,, والهدف خط احمر داخل الدائرة الزرقاء

 

[بنكي الوطني]

والله خافوا الله ...
ذبحتونا اشاعات ..
كل من هب و دب قاللي ترقبوا انفجار ..
السوق صترله اسبوع بالأرض و تقولولي انفجار ...

صح انفجار مرارة قلوبنا

 

[بوخمسين]

ياجماعة انا ابيلكم الخير وابى دعواتكم لى الاسبوع القادم بعد ماتشوف المجموعة حد اعلى سوقنا هذا لااضحك عليكم ولاتضحكون على عقود ماتنفع معاه تحاليل ماتنفع معاه اللى ينفع معاه الهوامير الكبار والكبير الله سبحانة وتعالى اذا قالو (كل شئ اوكيه توكل على الله من يوم السبت القادم بلشو ) والله يحفظ الكويت من كل مكروه $$$ ويغفر لامير القلوب جابر الاحمد الصباح

رحم الله والديج أختي العزيزة البورصة

وصح لسانج على كلامج الطيب والواقعي جدااااااا

وفعلا يمكن تكون الانطلاقه الاسبوع القادم بعد

اعلان الارباح وأتوقع يكون أكثر من 200فلس وتكون التوزيعه

نقدي ومنحه حسب كلام أحد المسئولين بالشركة

وتفائلوا خيرا ياجماعة .... ننتظر ونشوف

وشكرااااا

 

[al_porssa]

السلام عليكم

لا حول والله قوة الا بالله ,, ان شاء الا اقعدلكم قعده يا طبلجيه المخازن في كل منتدى وابين غشكم لاخوانكم ,,,

هذي الاخت ,, اليوم باول مشاركه طبلت للمخازن ومجموعتها ,, تدرون ليش ؟؟

لان المخازن + الوطنيه في تدوال امس اعطوا اشارات خروج بكسر ترندات المثلث الى اسفل ,, هدف المخازن الحين بالضبط 1920

وينج قبل اسبوع ...؟؟ وينج قبل شهر ؟؟ ما كانت المخازن على نفس الاسعار َ!!! لكن لما تم كسر المثلث تحت الحين تبون تصرفون على العالم

تفضلوا يا اخوان تشارت المخازن وبعد شوي ارفع تشارت الوطنيه العقاريه

الهدف الفني للمخازن :-

اعلى قمه 3200 فلس - ادنى قاع 2500 فلس = 700 فلس

سعر كسر المثلث هو 2620 فلس

الهدف راح يكون 2620 فلس - 700 فلس = 1920 فلس

اخوانى اخواتى انا ماقلت فى كلامى اشترو المخازن او اى من المجموعه التابعه لها انا قلت اللى عنده سهم خسران فيه لايبيعه اليومين القادمين الاخ الفاضل يقول عنى انى اطبل اخى الفاضل انا ماقلت اشترو وترى لعلمك انا كتاباتى فى المؤشر هذى الرابعه اللى اكتب فيها اذا قلت اشترو بالمخازن لك حق على اما تقول نطبل انا اعتبر عضو بالمنتدى واصفط الخير لاخوانى الخسرانين انت من التحاليل والكلام والرسومات والشارتات اللى تنشرها بالمنتدى تخلى الناس تبيع وهذا اكبر خطا تفائلو بالخير تجدوه انت اللى صبرك ثمان شهور عجزان تصبر يومين ياجماعة الخير اللى يملك بالمخازن ومجموعاتها لايبييييييع واللى مايملك بالمخازن ومجموعاتها لايشترى علششششان مايقول وهقتنا الاخت بورصه والسلام عليكم

 

[splendid]

والحين مع سلطان

ما يختلف عنهم الا انه ما لامس الترند اللى فوق عشان يكمل النقطه ,,

يعني حتى ما عطى فرصه انه ينباع بسعر عالي شوي

الهدف الفني

اعلى قمه 1360 فلس ــ ادنى قاع 1040 فلس = 320 فلس

الهدف من نقطه كسر المثلث عند 1060 فلس


1060 ــ 320 = 740 فلس

ونصيحه لوجه الله تعالى يا اخوان ,, اللي ما دش على اسهم المجموعه لا

يدش ,, وعسى الله ان يجنبنا شر المطبلين

والله المستعان

 

[almazzikaty]

هديتي الي الاعضاء المميزين

اقدم لكم اهي تسجيلات مؤشرات البورصه
و تقديمها الجزيره والعربيه
يمكنكم تنزيل هيالملفات من الرابط التالي

http://share2net.com?id=63330015

 

[السوق الكويتي]

ماعرفنا الحين ... انبيع بخسارة ونسترد من تحت او ننطر لما يتعدل السوووق ... او انبرد ... راسنا افتر والله !!!


بس أخوووي سبلندد .. طبعا على حسب التحليل الفني ... الرقم اللي راح ينزل له السهم تحت حييييييييييل .. يعني انهيار قوي !!!!

انزين لو تعدل وضع السووق اتوقع ماراح ينزل اكثر من جذيه ... وخاصة مثلا الوطنية وراها صانع سوووق .. ما اعتقد يخليها تنهار اكثر من جذيه !!!!


وضع السووووق كله مو شي ... وكل الاسهم نزوووووووول بلا استثناء ...


الله يستر بس ...