شركة المخازن العمومية ش.م.ك ( مخازن ) .

[ebety]

ماهو المتوقع لسعر السهم بعد التفصيخ

 

[الراقي]

اخوي الراقي لاتنسى ان الشركة زاد راس مالها بنسبة 61% عن السنة الماضية .

حبيبي انا اكلمك عن الربح الصافي وهو ماله شغل بزيادة رأس المال

 

[Spring Son]

الصراحه شركه مالها راس من رجلين

تتارجح وسمعتها كل ماله بالاسوأ

 

[اقتصاد77]

ياخي التوزيعة جدا سيئة
واتوقع السهم بالحد الادني لعده ايام
مع اني املك بالسهم الا ان ذلك لا يمنعني من قول الحقيقة بان التوزيعة سوبر سيئة

والمصيبة ان الارباح اقل من المتوقع بكثير حيث ان ارباح الربع الرابع والاخير بحدود 40 فلس فقط اي انها اقل ربحية من بين الارباع الاربعة
عظم الله اجورنا في المخازن

دوم ماعندك السهم ليش تخرع الناس وتقول حد ادنى لعده ايام
بالله عليك خاف ربك ترى ناس تقرى المنتدى وتتخذ القرار من كلامك

شوف انا راح احفظ الرابط ( كلامك ) عندي وراح انزله الاسبوع القادم
لان راح اكشف كلامك اللي من خيالك وتطبلك الزائف ببيع بخساره
وان الارباح موزينه ...والوعد الاسبوع القادم

 

[اقتصاد77]

وجه نظر شخصيه ..

توزيعه 55 فلس ومنحه 15% .. راح نفهم منها مستقبل السهم ..
وهو إن الشركة اعتقد عطتنا إشارة على إنها قاربت الإنتهاء من سياسة عمليات التوسع اللي إنتهجتها العام الماضي وكانت نتيجتها إعطاء منحه كبيرة وما كان في توزيعه !!! لحاجتهم للسيولة ..
المهم اللحين أرباح 220 فلس 55 فلس توزيعات نقدية وممكن 10 الى 20فلس تروح لأتعاب ومكافئات والباقي ( 140 ــ 150 فلس ) بما يعادل 95 مليون دينار من الأرباح راح يحطونها على أصول الشركة مما يدعم قيمة السهم بالمستقبل ويخفف العبء على الشركة .

لو كانت بس منحه 50% مثل كنا نسمع من قبل لكان معناته دخول السهم في مرحلة أغماء جديدة ..
فيا أخواني هالتوزيعات الحالية أعطتنا إن السهم مستقبلة جيد

تبقى وجه نظر شخصية ...وإذا في أحد من الأخوان المحللين يقدرون يفيدونا في الموضوع أكثر .

شكرا على كلامك الطيب
شرح مبسط ومقنع ..

 

[wawwaw]

عسى ماشر

هدي يا خوي شايفك

يا شباب امسكوووه

لحول لله

سالفة فيها توعد

 

[الخال قحطة]

توزيعه متواضعه لاترقى للآمال لكنها متوازنه مع سعر السهم حالياُ و الله أعلم أن السهم سوف يتأرجح بحدود سعر أغلاق يوم الأربعاء الفائت .

 

[some one]

15 % منحي تعني 0.15 * 2200 = 330 فلس
+ 55 فلس كاش
إذن المجموع = 385 فلس
إيشلون بتقولوا 222 فلس !!!!!!

أرجو الرد

طريقة الحسبة غير صحيحه
المفروض : 0،15/ 1،15 * 2200 = 286.9 فلس
ولكن حتى هذه الحسبة ما تؤخذ بالطريقة هذي لأن القيمة السوقية متغيره وراح تتغير معاها الحسبة كلها لكن المنحة تحسب بزيادة لعدد الأسهم
يعني لو عندك 1000 سهم
راح يكون لك 1150 سهم
أي بنسة زيادة قدرها 150\1150 = 13 %
يعني جاك عائد على السهم من المنحه بنسبة 13 % بالإضافة الى التوزيع النقدي واللي هو 55 فلس
واذا تبي العائد على السهم من التوزيع النقدي تأخذ اللي حسبناها بالأعلى
286.9 فلس وتجمع عليها 2100 =2387 تقريبا وتقسم 55 عليه
فتصبح نسبة العائد على السهم من التوزيع النقدي 2،3 %
يعني نسبة العائد الكلية على السهم هي
13 % + 2،3 % = 15،3 % وهذي هي العائد الكلي على السهم

واذا تبي تحسب سعر تفسيخ السهم لازم تعرف سعر السهم قبل انعقاد الجمعية العمومية علشان تقدر تحسب ولنفرض السعر هو 2100
تضرب القيمة السوقيه 2100 في العائد الكلي اللي حسبناه 15،3 % ثم تطرح الناتج اللي راح تحصل عليه من القيمة السوقيه :

2100 * 15،3% = 321 --------- 2100 - 321 = 1779
فيكون سعر تفسيخ السهم هو 1779

أما بالنسبة للتوزيعة هل هي عادله أم غير عادله فدائما العلاقة تكون عكسية بين الربحية واللي هي عامل ثابت على اعتبار انهم أعلنوها وخلاص وبين القيمة السوقية واللي هي عامل متغير وهذه العلاقة تسمى بالعائد على السهم اللي من خلاله تستنتج إذا كانت عادله ام لا

طبعا وجهة نظري الشخصيه ان العائد على السهم كان ممكن يكون متواضع لو كان سعر السهم 4 دنانير على اعتبار معامل المخاطره موجود في الاسهم لكن أنا أشوف أن العائد على السهم في ظل الاسعار المنخفضة ممتاز وبعدين لا تنسون كل ما ينزل أكثر كل ما يكون العائد أكير يعني العائد على السهم علاقته عكسية مع قيمة السهم .

بالنسبة للاشخاص اللي اشتروا باسعار عاليه ما أشوف مناسب لهم التخلص من السهم بالاسعار الحاليه حتى لو نزل السهم اكثر وهذا في علم الغيب لكن حتى لو ينزل سعر السهم أكثر راح تكون نسبة خسارتهم ما تقارن بنسبة خسارتهم الحاليه .
وهذه ليست دعوه للاحتفاظ بالسهم وكل واحد يستطيع اتخاذ القرار المناسب بناء على تقديره للأمور .

 

[hashim]

دوم ماعندك السهم ليش تخرع الناس وتقول حد ادنى لعده ايام
بالله عليك خاف ربك ترى ناس تقرى المنتدى وتتخذ القرار من كلامك

شوف انا راح احفظ الرابط ( كلامك ) عندي وراح انزله الاسبوع القادم
لان راح اكشف كلامك اللي من خيالك وتطبلك الزائف ببيع بخساره
وان الارباح موزينه ...والوعد الاسبوع القادم

الريال قال انا املك بالسهم ما قال ما عندي اتمنا تقرا المكتوب عدل المره اليايه

 

[البواردي]

والله لا باس فيها التوزيعه جيده
ترى الشركه تبي فلوس عشان تستغل بعد وان شاء الله راح تشيل السوق بإذن الله

بس اهم شي انتو لا تتضايقون وان شاء الله بتعوضون فلوسكم

 

[سهم استثماري]

الريال قال انا املك بالسهم ما قال ما عندي اتمنا تقرا المكتوب عدل المره اليايه

أخوي هاشم .. ما ادري ليش زعلان على اخونا شايفك مع إن كلامه ما فيه شئ واعتقد كلامه القصد منه عدم الإفتاء بدون علم

وبعدين الأزوري .. إذا هو شايف إن التوزيعات سيئه والسهم حد أدنى
يقنع العالم ليش سيئه وليش حد أدنى ؟؟!! وإلا بس حجي وخلاص ..

 

[الـــرويلي]

المجموعه الذهبيه

بسم اللة الرحمن الرحيم


المجموعة الذهبية راح ترتفع بعد الربع الاول

وهذا الخبر شبة مؤكد

سبحان اللة وبحمدة عدد خلقة وزنة عرشة​

 

[gulf7]

بسم اللة الرحمن الرحيم


المجموعة الذهبية راح ترتفع بعد الربع الاول

وهذا الخبر شبة مؤكد

سبحان اللة وبحمدة عدد خلقة وزنة عرشة​

خير الكلام ماقل ودل الله يجازيك خير أنا بعد سمعت

 

[دكتوراسهم]

خير الكلام ماقل ودل الله يجازيك خير أنا بعد سمعت

اخوى خير الكلام كلام الله عز وجل

 

[bomahdee]

توزيع الارباح المقترح للمخازن العمومية سيء جدا

السلام عليكم
أولا : الارباح المعلنة للمخازن العمومية :

1- الأرباح المعلنة سيئة جدا ، حيث ان المعلن عن ربحية السهم للربع الرابع يعادل 40 فلس، على الرغم من أن ربحية السهم للثلاثة أرباع الاولى هي 176 فلس (بمعدل 58 فلس للربع الواحد) و هذا إنخفاض كبير لربحية السهم من 58 فلس إلى 40 فلس .
2- كان من المفترض أن تكون ربحية السهم في الربع الرابع من أعلى الربحيات ، نظرا لرصد أرباح العقد الأول للجيش الامريكي ضمن هذه الفترة .

ثانيا : التوزيعات المعلنة للمخازن العمومية :

1- التوزيعات المعلنة (55 فلس نقدي + 15% منحة) هي توزيعات سيئة جدا بالنسبة لكافة المستثمرين الذين اشتروا السهم خلال العام السابق و بسعر يتراوح بين ثلاثة دنانير إلى أربعة دنانير ، حيث أن التوزيعة الحالية تعادل ايراد على رأس المال المستثمر يقارب 7% ، وهذا بدون الأخذ بعين الاعتبار الخسارة في القيمة السوقية للسهم .

2- خسارة المستثمرين (انا أحدهم) الذين اشتروا السهم في العام السابق تقارب 30% من راس المال المستثمر .

الأخوة المشاركين ، أود أن ألفت إنتباهكم أن هذه التوزيعات خاضعة لقرارات الجمعية العمومية ، و أقترح عليكم حضور الجمعية العمومية و المطالبة بتوزيع مبلغ الربحية كاملا (220 فلس) على المساهمين .

إذا استطعنا تحقيق ذلك ، فإننا سنرسل لمجلس الإدارة رسالة مهمة و هي :
التوسع في المشاريع المستقبلية على حساب الإحتياجات الحالية للمستثمرين هو قرار خاطئ.

أخواني أنتم تشاركون في أكثر من منتدى ، هل تستطيعون نشر هذا الرأي ، أنا متأكد أننا نستطيع تكوين رأي ضاغط في الجمعية العمومية للمخازن .

 

[البواردي]

لو عندي 10000 سهم بالمخازن وشاري السهم بسعر 4.500 راح يكون مجموعهم 45000 دينار ايام ما كان مرتفع ايام عزه وقبل التفسيخ وتفصخ السهم وعطوني 45% منحه
يصير مجموع الاسهم الممنوحه 4500 سهم يعني
10000*4500=14500
14500/45000=3.103 فلس
وسوو زيادة راس مال بسعر 2.250 فلس وعطونا 16.6% زيادة راس مال يعني
10000سهم*16.6%= 1660 سهم بسعر اجمالي 3735 دينار
الحين عندنا 10000 سهم و 4500 سهم منحه و 1660 سهم = 16160 سهم
الحين نضيف القيمه الاصليه 45000+3735 قيمة اسهم المنحه = 48735 دينار
نقسم القيمه الاجماليه للاسهم على عدد الاسهم الاجماليه 48735/16160=3.015 فلس قيمة السهم الواحد

الحين نبي نشوف إذا اخذنا 55 فلس +15% سلون راح تكون الحسبه
نضرب اجمالي الاسهم في الربحيه 55 فلس يعني 16160 سهم * .055 فلس = 888.8 دينار
ونشوف المنحه 16160 سهم *15% منحه = 2424 سهم خوش رقم :d

الحين نشوف جم راح يطلع علينا السهم بعد اخذ الـ 888.8 دينار كويتي فقط لا غير
48735-888.8= 47846.2 دينار
نقسم الناتج على الاسهم 47846.2/16160= 2.960 فلس قيمة السهم الواحد بعد اخذ الربحيه الكاش
انزين
نبي المنحه
16160+2424=18584 سهم نقسم القيمه الاحماليه الجديده على الاسهم الاجماليه
47846.2/18584=2.575 فلس راح تكون هذي القيمه الجديده للاسهم


2.575 فلس سعر سهم المخازن اذا انتظرت إلى التفسيخ مو زين ؟؟؟ظ
والله انا اشوف ان التوزيعه جيده جداً بالنسبه لهذي الشركه لانها شركه قاعده تشتغل صح وما تقدر تشتغل اذا وزعو الربحيه اللي احنا نفكر فيها وانتو عارفين شلون المخازن قاعده تتوسع وتنطلق عالمياً

ولا نقص على بعض وخلونا واضحين اكثر انظلم السهم ولا لأ ؟؟؟؟؟؟
انتو تذكرون شصار بالسهم مع اعيان وتعرفون شلون انقط السهم قطه تعور القلب

بصراحه السهم ممتااااااااااااااااااااااز خلو لا تبيعونا وصدقوني بييله الدور وانتو داشين تستثمرون فلوسكم والاستثمار الزين فيه انك اذا ما بعت ما تعتبر خسران وتسمى الخساره اللي انت تشوفها بمحفطتك خساره دفتريه او خساره غير محققه

خلونا ننسى السهم ونصبر ولا نستعجل على بيعته


وبالنسبه للي قاعدين يضاربون ما لهم حق يتحلطمون على الربحيه لان قاعد يضارب واللي يضارب لازم يطلع من السهم قبل لا يتفسخ او انه يدش على السهم ويطلع منه بالكثير خلال اسبوع هذا المضارب الاصلي



موفقين خير وارضو بالمقسوم

 

[بومحمد2002]

كلامك عدل البواردي

 

[wawwaw]

ههههههههههه

بعد أسبوع راح أبيع بسوق الكسور

أخرتها سوق كسور

 

[Moshaks_777]

التوزيعه هذي راح اتأثر على السهم باجر وتنزله ولا بيرتفع

 

[wawwaw]

ههههههههههه

بعد أسبوع راح أبيع بسوق الكسور

أخرتها سوق كسور