شركة العراق القابضة ش.م.ك.م ( عراق قابضة ) .

[engineer-5]

يعطيكم العافية..

العراق القابضة سرها غامض وعجيب ..ومحد يدري شنو سالفتها بالضبط..! بإستثناء بعض الاشخاص..

العراق القابضة يوم فوق ويوم تحت. على قولة اخواننا البحرينيين حبة فوق وحبة تحت..

تداول اليوم أكثر من 25 مليون سهم..
واقفلت على 65 فلس .بزيادة 4 فلوس..

منو يقدر يفسر لي شنو سالفة العراق القابضة بعيدا عن التحليل الفني ؟؟

وشكرا..

 

[بوعبدالهادي]

منو يقدر يفسر لي شنو سالفة العراق القابضة بعيدا عن التحليل الفني ؟؟

انتظروا التغير في الملكيات راح نعرف ساعتها منو اللي باع هالكمية ومنو اللي شراها

مع ملاحظة ان الاسعار اللي تم الشراء فيها تتراوح بين 63 و 65 فلس
كلامي طبعا عن تداول اليوم و قبل يومين

تحياتي
اخوك/بوعبدالهادي

 

[nabeels8]

مساء الخير

العراق تملك شركة وسعرها الحين ما يقارب 300 فلس بسوق الجت ويقولك راح تدرج غالبا شهر 8 القادم وسعره مو أقل من 600 فلس والله العالم وراح تحقق ربحية كبيره

والسؤال يقال إذا طلع الكلام صحيح 100% هل مجلس الإدارة راح يستدعون المساهمين

لتكملت دفع باقي راس المال:d

والله يوفقكم ويوفقنا يارب

 

[قربان]

اي اغلاق فوق 66 فلس اعتقد بتكون اشاره دخول مناسبه

في الوقت الحالي افضل شي هي المضاربه بالسهم بين 66 فلس و 60

بالتوفيق

 

[زمان اقتصادي]

العراق القابضة تتملك47%من شركة استثمارمدرجة في بورصة العراق ب3,2مليون دولار
يعلن سوق الكويت للأوراق المالية أن شركة العراق القابضة قد قامت بتملك ‏
ما نسبته 47% من رأسمال شركة استثمار عقاري عراقية مدرجة في سوق
العراق للأوراق المالية، وذلك بمبلغ اجمالي قدره 3,2 مليون دولار أمريكي
ِ(ثلاثة ملايين ومائتا ألف دولار أمريكي).‏

 

[ابومانع]

مع الاعلان وهم ماشفنا شي

 

[hassan_abu3eed]

هم ارد واعيد واقولكم مره ثانيه هذا ورثه لعيالك :d

انا شاريه 116 الله يعوض علي (

 

[بوعبدالهادي]

هالسهم عجيب
في الصعود يادوب فلس فلسين لا وبعد صراع ايام يالله يصعدهم

وفي النزول عند ويهك .. اهو اللي يبين ان السوق نازل او مقبل على نزول

ايام كان السوق نازل ... اتصلت على الشركة وسالت عن سبب نزول السهم .. رد علي .. اهو السهم الوحيد اللي نازل والا السوق كله .. صراحه افحمني !!

والسؤال الان وبعد صعود السوق لفترة طويله تقريبا .. وهذا السهم يتراوح بين اسعار ثابته وهي الاسعار القديمة التي كانت في تلك الفتره (فتره النزول) .. لماذا لم يصعد السهم في فتره الصعود ؟؟
كانت حجة الموظف السوق كله نازل .. والحين السوق كله صاعد والسهم ما صعد لا ونفس اسعاره السابقة (شنو حجة الموظف الحين لو سالناه) !؟!؟!؟

اخوكم/بوعبدالهادي

 

[حمد العازمي]

السلام عليكم

العراق القابضه
وييييييييييييييييييييييييييييييييييييييييع
حتى فلوسي الباقيه مابيه لانه تلوثة​

 

[متداول ملطشة]

المكتوب مبين من عنوانه إسم الشركة (عراق) يعني بالعربي لو العراق فيها خير هالسهم فيه خير. سهم مصخرة وإدارة فاشله.

مع تحياتي09( ( (

 

[hassan_abu3eed]

هم ارد اعيد واقول هذا السهم ورثه لعيالك والله انا شاريه 116

والله العظيم ان البورصه خلتني على الحديده

وحتى الحديده بعتها اليوم بسوق الخرده وهم مايابتلي شي

وخايف يطلبون راس المال الباقي

بس الله كريم

 

[بوعبدالهادي]

هم ارد اعيد واقول هذا السهم ورثه لعيالك والله انا شاريه 116

والله العظيم ان البورصه خلتني على الحديده

وحتى الحديده بعتها اليوم بسوق الخرده وهم مايابتلي شي

وخايف يطلبون راس المال الباقي

بس الله كريم

اخوي الحال من بعضه .. نفس الحاله والله بس ما انقول الا الله كريم

وبالنسبة حق طلب باقي راس المال في بصراحه تصورين في بالي انشالله ما يطلبون راس المال علشان لا نرتاح
التصورين هم :
الاول: في حال طلب باقي راس المال ان تقوم بدفع كامل المبلغ (75 فلس عن كل سهم) مع العلم ان السهم لن يتغير سعره في البورصه بمعنى اذا كان 65 قبل الدفع فان السهم سوف يتداول على 65 فلس بعد الدفع ايضا .. بين قوسين الـ 75 فلس عن كل سهم تعتبر هبه او هدية منا للشركه

الثاني: في حال طلب باقي راس المال وما عندك تدفع .. ياخذون منك اسهم بقيمة المبلغ المطلوب...
لو كان عندك 40000 سهم شاريهم باي سعر كان ولنفرض 65فلس .. وعند طلب راس المال .. تحتاج تدفع عن كل سهم 75 فلس .. وانت اساسا ما عندك تدفع .. ياخذون منك اسهم تغطي المبلغ المطلوب..
يعني 40000 سهم * 75 فلس = 3000 دينار المبلغ المطلوب ..
وانت شاريهم اساسا ب 40000 سهم * 65 فلس = 2600 دينار
طبعا الاسهم ماراح تكفي المبلغ .. يعني راح تدفع من جيبك بعد 400 دينار

في الحاله هذي خذوا اسهمك + 400 دينار حسب الحسبة اللي فوق .. وفي النهاية فلوسنا راحت حق الشركه بالاضافة الى هدية بسيطه منا للشركة على الاداء الجبار اللي يقومون فيه

لو تتعامل بالآجل اتصور احسن لانهم ياخذون اسهمك بس وماياخذون زياده منك.

اشرايكم شباب انسوي شركه مدفوع من راس مالها جزء بسيط ونسوي نفس هالحركه .. صراحه نطلع ذهب

الله يرزقنا انشالله ويرتفع السهم ويوصل اسعارنا علشان نفتك

اخوكم/بوعبدالهادي

 

[hassan_abu3eed]

اخوي الحال من بعضه .. نفس الحاله والله بس ما انقول الا الله كريم

وبالنسبة حق طلب باقي راس المال في بصراحه تصورين في بالي انشالله ما يطلبون راس المال علشان لا نرتاح
التصورين هم :
الاول: في حال طلب باقي راس المال ان تقوم بدفع كامل المبلغ (75 فلس عن كل سهم) مع العلم ان السهم لن يتغير سعره في البورصه بمعنى اذا كان 65 قبل الدفع فان السهم سوف يتداول على 65 فلس بعد الدفع ايضا .. بين قوسين الـ 75 فلس عن كل سهم تعتبر هبه او هدية منا للشركه

الثاني: في حال طلب باقي راس المال وما عندك تدفع .. ياخذون منك اسهم بقيمة المبلغ المطلوب...
لو كان عندك 40000 سهم شاريهم باي سعر كان ولنفرض 65فلس .. وعند طلب راس المال .. تحتاج تدفع عن كل سهم 75 فلس .. وانت اساسا ما عندك تدفع .. ياخذون منك اسهم تغطي المبلغ المطلوب..
يعني 40000 سهم * 75 فلس = 3000 دينار المبلغ المطلوب ..
وانت شاريهم اساسا ب 40000 سهم * 65 فلس = 2600 دينار
طبعا الاسهم ماراح تكفي المبلغ .. يعني راح تدفع من جيبك بعد 400 دينار

في الحاله هذي خذوا اسهمك + 400 دينار حسب الحسبة اللي فوق .. وفي النهاية فلوسنا راحت حق الشركه بالاضافة الى هدية بسيطه منا للشركة على الاداء الجبار اللي يقومون فيه

لو تتعامل بالآجل اتصور احسن لانهم ياخذون اسهمك بس وماياخذون زياده منك.

اشرايكم شباب انسوي شركه مدفوع من راس مالها جزء بسيط ونسوي نفس هالحركه .. صراحه نطلع ذهب

الله يرزقنا انشالله ويرتفع السهم ويوصل اسعارنا علشان نفتك

اخوكم/بوعبدالهادي

عفوا اخوي اعتقد الحسبه مالتك فيها خطأ اذا طلبوا راس المال ودفعته لازم يرتفع السهم ويعدي 100 فلس واذ ماعندك اكيد لها حسبه ثانيه بحسبتك انت تكون الشركه نصابه

 

[بوعبدالهادي]

عفوا اخوي اعتقد الحسبه مالتك فيها خطأ اذا طلبوا راس المال ودفعته لازم يرتفع السهم ويعدي 100 فلس واذ ماعندك اكيد لها حسبه ثانيه بحسبتك انت تكون الشركه نصابه

عندما تم توزيع 5 فلس ارباح السنة الماضية وتم اضافتها على راس المال .. كان قبل يوم الاجتماع السهم بسعر 65 فلس على ما اذكر .. وبعد الاجتماع بيوم لم يتغير سعر السهم
مع العلم ان 5 فلوس المدفوعة كأن الشركة قامت بطلبها منا وقمنا نحن بدفعها .. فلماذا لم يتغير سعر السهم ؟؟؟

الشركات ما تسوي شي لصالحي او لصالحك .. ما تسوي الا اللي يناسبها

 

[Black]

يا جماعة
ترا العراق القابضة فيها كل الخير و راح يرتفع السهم و يمكن يوصل ربع دينار على سنة 2025
الصبر زين و من صبر نال
و بالنسبة للإدارة المرموقة و الكريمة ما راح اتشوفون منها فلس حمر لا بالصعود ولا بالنزول و لا بتوزيع الارباح ولا بأي شي
الله يعينكم على هالسهم الدايخ
طالع على أهله
سهم ما اييب قوطي بيبسي و مسمينها شركة قابضة
يقصدون فيها قابضة يعني يقبضون من الناس ولا يعطونهم شي
لو يبيعون خضرة بالجبرة أبرك لهم
و الله يعين
سلام

 

[بوعبدالهادي]

سهم ما اييب قوطي بيبسي و مسمينها شركة قابضة
يقصدون فيها قابضة يعني يقبضون من الناس ولا يعطونهم شي
سلام

انا حضيف حضيف

او لانها تذبح الناس قهر .. يعني تقبض روحهم علشان جذي مسمينها قابضة

خلونا نتحد كلنا ونقول مع بعض .... ياليــــــــــــــــــــــــــــــــــــــــل ما اطولك

الله يعيننا

 

[Black]

يا جماعة صبروا على السهم
مثل ما انتوا شايفين كل يوم صاعد و راح يعوض خسايركم
مبروك على أصحاب السهم و اللي انا واحد منهم
الله يعين
سلام

 

[بوعبدالهادي]

إلى متى هذا الركود .... والسوق دايم في صعود

ذبحِتنا متى ترتفع علشان نفتك منك؟؟
ياجماعة الخير نبي واحد من المحللين المتمكنين يحلل السهم لنا .. واكون شاكرلهم

تحياتي
اخوكم/بوعبدالهادي

 

[Black]

في اسهم يتم تحليلها بطريقة علمية لأنها ماشية بشكل مرتب و مقبول و في اسهم لو وديتها مختبر السالمية للتحاليل ما يعرف شنو فيها
بس منظر ان لها تداول بالسوق و ما اتحصل منه الا عوار القلب
و تطلع روحك قبل لا اترد فلوسك ، يا ريت بعد السالفة فيها ربح
بالنسبة للسهم نقاط المقاومة 65 و 68 و 72 و اذا طاف هالرقم بقوة تقدر اتقول انه رايح 85 و اذا تجاوزها بقوة بيوصل لقريب 100 و ان طاف 100 ما يرده الا 120 ، بس هذا اذا كان السهم آدمي و أصحابه خوش ناس ، و مع حالتنا هذه السهم من اوله الى آخره نقاط مقاومة ولا راح اتلاقي له اي نقطة دعم ، لأن اصحابه بسرعة يهدونه يطيح
الله يعين
سلام

 

[بوعبدالهادي]

في اسهم يتم تحليلها بطريقة علمية لأنها ماشية بشكل مرتب و مقبول و في اسهم لو وديتها مختبر السالمية للتحاليل ما يعرف شنو فيها
بس منظر ان لها تداول بالسوق و ما اتحصل منه الا عوار القلب
و تطلع روحك قبل لا اترد فلوسك ، يا ريت بعد السالفة فيها ربح
بالنسبة للسهم نقاط المقاومة 65 و 68 و 72 و اذا طاف هالرقم بقوة تقدر اتقول انه رايح 85 و اذا تجاوزها بقوة بيوصل لقريب 100 و ان طاف 100 ما يرده الا 120 ، بس هذا اذا كان السهم آدمي و أصحابه خوش ناس ، و مع حالتنا هذه السهم من اوله الى آخره نقاط مقاومة ولا راح اتلاقي له اي نقطة دعم ، لأن اصحابه بسرعة يهدونه يطيح
الله يعين
سلام

شالسالفه ؟!؟!؟!اخوي انت الوحيد اللي اترد على كتاباتي في العراق القابضة .. الظاهر مخلينك المندوب السامي لا وكله احباط احباط .. والله كل ما اقرا كلامك يحوشني احباط فوق احباطي ..
يا خوي هونها وتهون .. وخل عندك بصيص امل (اهم شي في كلامي .. بصيص) والله يعوضك انشالله ويعوضنا خير .. كلنا في الهوى سوى

وبصراحه ودي ازيد الكمية اللي عندي واخليهم مليون سهم تدري بعد انتكاسة السوق قمت اخاف اشوي .. علشان جذي بستثمر فلوسي في العراق القابضة .. ما عليه من القهر الواحد يقول كل شي ..

وبعدين هالشركة مافي احد ينقل اخبارها مثل باقي الشركات ؟؟ وما في احد راضي يحلل الشركة ..

اخوي في نقطة مهمه او سؤال مهم الى متى ستظل الشركة تتداول بين 60 وال 65 ؟؟ راح ايي اليوم اللي تشوفها تتحرك وتشلع فوق فوق فوق .. انشالله .. واحنا الملاك الحاليين .. ماراح تشوف الا اغبرتنا ونحشتنا من السهم ..
وعن نفسي راح اطلق العراق القابضة بالمليون بعد مو بالثلاث

واكتب بالخط العريض علشان الناس تشوف ...
إلى اهل التحليل .. نريد تحليلا فنيا علميا دقيقا عن هالسهم.. مع الشكر

تحياتي
اخوكم/بوعبدالهادي