المجموعة الدولية للاستثمار ش .م.ك.م ( المجموعة د )

[بوحسن]

انت جاوبتني على الخاص

وانا بصراحه بفتن

عموما الواضح ان الشاري السهم محفظه وحده مثل ما تفضلت يا بو تسنيم

اهم شي مو البدر

اذا على رواية بو تسنيم انه مو البدر الي قاعد يشتري

هذا اهم شي ومشكور بو تسنيم لانك قتلي منو الشراي

دزلي عنوان بيتكم بدزلك كنافه بين نارين من الكنفاني

 

[apollo]

مبروك بو تسنيم
1000 مشاركه

 

[Bo Tasneem]

بعض الأسئلة للغد المشرق بإذن الله

* ما مدى التحالف الذي طرأ على الساحة حالياً بين جراند واللبنانية ؟ وهل هو تحالف أم شراء حصص ؟

* زيادة رأس مال كل من (المجموعة الدولية + البتروجلف + جراند) .. ما مدى الصحة ؟ وهل هناك نية قريبة لذلك بعد الجمعية العمومية لكل شركة ذكرت ؟

* العقود الضخمة لجراند والبتروجلف بالتحديد .. ما مدى صحتها ؟ ومتى الإعلان عنها رسمياً ؟

"وإذا كان يبي أمثله أقوله إخذ : المدينة الرياضية لجراند في مصر - مشروع للبترووو ضخم في مصر - مشاريع سياحية كبيره في الأردن لجراند - بيع الحفار أو تأجيره للبترووو - عقود ضخمه للبترووو في السعودية - مشاريع عقارية لجراند أيضاً في السعودية .. .. .. الخ) جنه تحمست اشوي

* "جراند السياحية" .. رأس مالها ؟ وهل إكتتاب خاص ؟

* "مجموعة الكيماويات الدولية" .. ما الجديد فيها ومتى تظهر على الساحة ؟

هناك المزيد .. بس نكتفي بهذا .. لأن لو يجاوب عليها بكل صراحة وبتواريخ محدده .. أقدر أقولكم مبروك للمجموعه وجراند والبترووو إن شاءالله الـ 2.500

آخر سؤال: متى تنزل كروت "تطبيل نت" لإعادة الشحن ؟ هااهاه

وسلامتكم ..


بوتسنيم​

وين أسئلتكم شباب !!

ولاّ بس بتروحون تضربون معجنات وجاي !!

نبي أسئلة نخلي بوبدر "يبطها" باجر .. وخصوصاً الأسئلة إللي تحت الحزام

الصبر مفتاح .. إذا شفت واحد ماسك مسباح نفس اللي بالتوقيع .. هذا آنا .. عاد إنت اقعد ونبّش بالأوادم .. نتشرف يالصبر والله


بوتسنيم​

 

[chocoholik]

المجموعة تجهز شراء شركة خدمات و تسير بتأسيس شركات جديدة للتأمين التكافلي.











كويتنا

 

[شاهبندر]

سلام عليكم
اخوى الصبر
شنو توقيعك اللى حاطه

 

[بوحسن]

الصبر مفتاح .. إذا شفت واحد ماسك مسباح نفس اللي بالتوقيع .. هذا آنا

مو توه مسباحك انقطع ؟

اقول اذا تبي اشوفك ابيك تقعد يم البدر

ترى قالو منو ملاك السهم حاليا في النوادي ..افضحو معلومتك السريه وانا فضحتك بعد

 

[rahaly]

بو تسنيم .... توي راجع من السوق شريت 30 مسباح نفس مسباحك ..
باجر اوزعهم على الجمهور .... تمويه ... لازم محد يعرفك .... نخاف عليك من الاعضاء الضد


بس باجر انشاء الله اقدر ايي بأسأل البدر سؤال محرج ... يا يصعد السهم دينار والا ينزله دينار وعشرين فلس ....


السؤال :

ما مدى صحة توزيع الطبول الاصلية على المطبلين لكم في المنتديات ؟؟
وعلى على حساب من يتم شرائها ؟؟




يا ساتر من بكرة


عيش تشوف .. امش تشوف اكثر
عاشر المجموعة تشوف اكثر واكثررررررر



تحياتي



رحالي

 

[غازى]

المجموعة تجهز شراء شركة خدمات و تسير بتأسيس شركات جديدة للتأمين التكافلي.

كويتنا

توقيت ممتاز من محترف وخبير ..............

 

[zancop]

تسلم حبيبي الصبر .. بس صدقني آنا مو بنص الشارع واقف .. كنت يم غرفة الحارس يعني فوق الرصيف .. كان الحارس يبوس ظهر إيده ويجيس راسه 3 أو 4 مرات .. ويقول (الحمدلله والشكر) هاهاه
بوتسنيم​

بوتسنيم : اول شيئ مشكور يا الحبيب انك راح تسأل بو بدر
ثاني شيئ توني ياي و صارلي نفس الموقف إلي اتسولف عنه
بس انا بزياده الحارس بالاول شكله يقول شفيه هذا واقف إهني
و يصور هل الاعلان و الثاني شخص زوجتي مستغربه مني ليش
نازل و اصور ... شوف الوقت و التاريخ

* و هذة الصور إهداء منى لأهل المجموعة و جراند

 

[Bo Tasneem]

تسلم إيدك أخوي .. ماقصرت والله

الظاهر مسئول الإعلام بالمجموعة الدولية يدخل المؤشر عندنا وشاف التوقيع وسواها الحبيب حقوق الطبع لو سمحت !!

باجر برفع قضية على المجموعه .. يمكن أكسبها ويعطيني جم سهم

----------------------------

إللي مكتوب بإعلان المجموعه وايد عجبني ..

"الأكبر .. هو رفيقك الاستثمار" .. عدل !! ترى بوتسنيم بل بل عنجليزي


بوتسنيم​

 

[المستفسر]

السلام عليكم


يامحبى مجموعة اسهم الشيخ ابو بدر اطال الله عمره فى طاعته


المجموعه طافت الدينار

جراند بحيل الله تبى تقطعه

البترو بحيل الله بتحرقه

وخل بعض الناس تبطل عيونهم عدل لا وحلوجهم بعد

صارلهم مده خامدين تدرون ليش

لأن المجموعه والبنات خزموهم وسكروا حلوجهم

الا شان غاسلين وجيهم بمرقة ديش راح يرجعون

 

[بوحسن]

تسلم إيدك أخوي .. ماقصرت والله

الظاهر مسئول الإعلام بالمجموعة الدولية يدخل المؤشر عندنا وشاف التوقيع وسواها الحبيب حقوق الطبع لو سمحت !!


بوتسنيم​

اقول بو تسنيم شوف ترى انطوفلك وايد لانك حبيب

بس مسئول الاعلام بالمجموعة الدوليه يدخل المؤشر ؟

الكل يدري هني ان مسئول الاعلام بالمجموعة انت

ولو اقدر اثبت .. جان خذيت صبعك هني مع الاصبع الي بالاعلان وسويتلهم مطابقه بصمه

انزين بو تسنيم الحين 10-2 ونتايج الربع الثالث لازم تتحقق خلال شهر ونص تقريبا ؟

مو لازم في جني ارباح ؟ ما يصير سهم كله مرتفع طال عمرك

حاول تقولنا متى جني الارباح بس

و تصبح على خير

 

[zancop]

بوتسنيم : لا لا ما يصير باقو الفكره منك
انا اقول خله سؤال حق بو بدر قوله من وين اطلعت فكره اعلان المجموعة ؟؟

يعجبني العنجليزي يا كبير يا بوتسنيم

بس صراحه الكلام كبير

Your Biggest Investment Partner
الــمــجــمــوعـــــة الـدولــيــــــة لـلأســتـــثــمـــــار​

 

[قربان]

السهم كسر اكثر من مقاومه مهمه الاسبوع الي فات بتداول ممتاز

بس فنيا السهم بدت اشاراته الفنيه تضعف ( مؤشر القوه الشرائيه حاليا 75 - مبالغ في شرائه ) و كما هو واضح من الشارت انه السهم راسه طاق بخط الترند--يعني ترند مقاومه
لاكن في مؤشر ثاني يدل ان السهم حاليا في الموجه الخامسه و كما هو معروف للمحللين ان الموجه الخامسه احتمال كبير تاخذ السهم لقمم اعلي من السابق بشوي ..لاكن مشكلتها انها ضعيفه و ليست بقوه الموجه الثالثه ..


السهم عنده دعم قوي علي 950 و 900

و طبعا ما ننسي المقوله المشهوره " تحسف علي ربح احسن ما تحسف علي خساره " .... لازم اتحرش ماقدر

 

[الكونكورد]

منقول من جريده الوطن بالنص :

المجموعة الدولية "الماسية"تتألق وتتجه لقمم سعريه جديده

وانا اقول : اللي ما شرى لي الحين ترى يمديه باجر قبل التعليقه

 

[rahaly]

عشان لا تقولون بو تسنيم يطبل ...

هذا خبر من جريدة الوطن السبت :

المجموعة الدولية "الماسية" تتألق وتتجه لقمم سعرية جديدة والمشاريع تواصل التأسيس
البورصة تشهد بداية مناورات اللحظات الأخيرة

يكتبها: الأمير يسري وبدور المطيري

في الفترة الماضية قامت اغلب الشركات المدرجة بوضع عدة سيناريوهات لاعلانات الارباح والتوزيعات المقترحة وكانت على طاولة المشاورات بين اعلى المستويات الا ان بعضها رأت ان التوزيعات النقدية قد لا تجدي نفعا لحاجة الشركات لها لمجاراه المنافسة في عمليات التوسع والمشاريع الجديدة التي تتطلب سيولة مما رجح كفة توزيعات المنح لمساهميها ، وصول هذه التسريبات الى عدد ليس بالقليل من مدراء المحافظ والصناديق وقياس مدى الجدوى من الاحتفاظ بهذه الأسهم كان لها تأثير في عمليات البيع التي قد تستمر لبعض الأسهم وستطول تبعاتها البعض الاخر لتتم في هذه المرحلة عمليه تبديل المراكز والانتقال الى الأسهم البركانية التي اختزنت عدة عوامل ايجابية منذ فترة الا انها لم تتفاعل معها وبقيت في استقرار سعري بانتظار بداية انطلاقها .

وعلى صعيد تداولات الأسبوع الماضي تألق (جروب المجموعة الدولية) او كما يحلو لاهل السوق ان يلقبوها (المجموعة الماسية) وعادت الى القمم السعريه التي حققتها منذ فترة وكان صعود بالحد الأعلى لجراند والمجموعة الدولية الا ان سهم بتروجلف تخلف عنهم مقتربا من أعلى قمة له في بداية ديسمبر الماضي وكانت 940 فلسا.





واخونا قربان ... ممنوع اهني تقول نزول المجموعة :d

يا تطبل والا تطلع الشارت صاعد الى السما



رحالي

 

[SpeciaL 1]

نشفتوا السوق

يا جماعة الخير ما يصير

كلما أدش محل أبي طبل يقولولي
ماكو.. مفيش.. ما ميش.. خلاص بابا !!

قلت ماشي

رحت محلات الورد
قلت أبي ورده حمره أحطها نفس ما وصيتوا
إلا محلات الورد سالفتهم سالفه
متعقدين شلون انسحبت كمية ورد الفلنتاين

حبايبي الله يوفق الجميع
وإن شاء الله تلقون الخير كله​

 

[قربان]

واخونا قربان ... ممنوع اهني تقول نزول المجموعة :d

يا تطبل والا تطلع الشارت صاعد الى السما



رحالي[/QUOTE]


لوووول ... الحمدالله انا عارف وين قاعد اكتب و منو الي قاعد يراقب و كفائتهم ...ذكرتني والله لما كنت اكتب في منتدي توصيه و احد دزلي رسله علي الخاص بخصوص تحاليلي للمجموعه و بناتها الفصع و قالي " بوادم تري الي يمشي عكس التيار يتعب " و الله وكيلك بعدها بكم يوم .. سواني غللطت علي الامير و اعطي القاب وواحد الله يذكره بالخير عطاني محاظره بالدستور و معاني الكلام و دلالتهم ...
هيههي يا تطبل يا نلبسك قضيه و نصك الموضوع ... " نظام بعثي "

علي العموم و الله ضحكتني من قلب و يعطيك العافيه علي هل الشي

بس انا لو اشوف السهم رايح 100 دينار راح اقول و لو شايف السهم رايح 100 فلس هم راح اقول بدون ما جامل احد ... و مافي مانع عندي اسمع و اتاقش مع اي راي فني او منطقي من ناس مشهود لهم بالكفاءه الخبريه و الفنيه ...
بالنسبه لخبر الوطن ..
ما عتقد انت يديد علي اللعبه و عارف الجرايد و سوالفهم

 

[ولد_فقاره]

مساكم الله بالخير جميعا

واكيد الكل بانتظار تداول باجر

المجموعه اول نصف ساعه حد اعلي بطلب بدون عرض مع احترامي للمحلل الكبير قربان

ولكم مني كل تحيه وتقدير

 

[mrshed]

يا جماعه الخير ممكن نصيحه
أنا عندى سهم بتروغلف أشرايكم أبدله بالمجموعه الدوليه
أنه أشوف يوم الأربعاء سهم المجموعه الدوليه وجراند ارتفع 50 فلس ولكن
بتروغلف صعد 30 فلس فقط
هل هذا دليل على أن المجموعه الدوليه وجراد أقوى من بترغلف ؟