المجموعة الدولية للاستثمار ش .م.ك.م ( المجموعة د )

[bo-sahm]

السلام عليكم

يا جماعة في احد عنده اي خبر عن المجموعة الخليجية للمال - إعادة تداولها في البحرين ومن ثم إدراجها في الكويت

مبين انه كان في تأجيل (لاحطت هذا من تعليق للأخ بوتسنيم تحت موضوع مجموعة شركات سامي البدر) مع اني ما شفت اي شي لا رسمي ولا تعليق في أي جريدة
الموضوع في غموض و تعتيم

ودي اشوف في مؤتمر الشفافية هذا الي متوقع يوم السبت شي عن ادراج المجموعة الخليجية للمال في الكويت

و شباب الي يحضر الرجاء إثارة هذا الموضوع و أتمنى اشوف شيء واضح(تاريخ معين) عن الإدراج مو قريباً او بعد إسبوعين او ثلاث او الربع الأول او الثاني ... هالكلام هذا مأخوذ خيره - جني اشوفه بيقولك( بعد سبوع بعد سبوع الباخرة ماوصلت )

آآآآخ ودي احضر مؤتمر الشفافية وأسأل عن الإدراج بس جني ماأقدر

 

[garmin]

السلام عليكم

يا جماعة في احد عنده اي خبر عن المجموعة الخليجية للمال - إعادة تداولها في البحرين ومن ثم إدراجها في الكويت

مبين انه كان في تأجيل (لاحطت هذا من تعليق للأخ بوتسنيم تحت موضوع مجموعة شركات سامي البدر) مع اني ما شفت اي شي لا رسمي ولا تعليق في أي جريدة
الموضوع في غموض و تعتيم

ودي اشوف في مؤتمر الشفافية هذا الي متوقع يوم السبت شي عن ادراج المجموعة الخليجية للمال في الكويت

و شباب الي يحضر الرجاء إثارة هذا الموضوع و أتمنى اشوف شيء واضح(تاريخ معين) عن الإدراج مو قريباً او بعد إسبوعين او ثلاث او الربع الأول او الثاني ... هالكلام هذا مأخوذ خيره - جني اشوفه بيقولك( بعد سبوع بعد سبوع الباخرة ماوصلت )

آآآآخ ودي احضر مؤتمر الشفافية وأسأل عن الإدراج بس جني ماأقدر

لاتحاتي قاعد ازهب الأجنده

أخوك
بوفواز

 

[bo-sahm]

لاتحاتي قاعد ازهب الأجنده

أخوك
بوفواز

تسلم بو فواز

بس هالله هالله ما اوصيك تاريخ واضح مو بس (بعد سبوع ..بعد سبوع ..الباخرة ما وصلت وسوالف درب الزلق) اضحك وياك ومشكور مرة ثانية بو فواز

 

[rahaly]

ااااااااه .... يا مؤتمر الشفافية ...
قلت في موضوع جراند واكرر هنا ....

ما ودنا مؤتمرات شفافية من سامي البدر .... السهم ماشي تمااااام ...
وما تخسبق السهم سابقا الا بعد مؤتمر الشفافية ...

تدرون لعبة المضاربين الكبار في الاسهم وقتها بعد هذه المؤتمرات ..

قولوا انشاء الله يعلن عن مشروعات غير متوقعة تصعد السهم ....
((( يعني ما يختارون وقت المؤتمر الا اثناء هالصعود الحلو ؟؟ ... بس لا يكون هم اللي يصعدون ... ويعقدون مؤتمر ... وينزلون !! :d
اذا فعلا صارت هالمرة بعد نزول ... اعرف انها لعبة الجماعة ... مو معقولة تكون صدفة !!!....
بس ندعو الرحمن ان صعود .... قولوا امين )))



تحياتي




رحالي

 

[*بو عبدالله*]

السلام عليكم ورحمة الله


يا اخوان انا جايكم بمشووورة اتمنى تفيدوني


واحد من الاهل عنده سهم المجموعة الدولية وبكمية جيده جدا وهو كان مستثمر بالسهم من كان السهم اقل من 600 فلس والحمدالله

كانت نصيحتي له انه يبيع على ال 1040 ايااام صعدتة الصاروخية الفترة الي فاتت يعني تقريبا بشهر 8 او 9 على ما اظن بس الله يهداه قالي لااا ومن بعدها السهم جم يوم حد ادنى

حاليا قتله اعرض السهم بدينار او دينار و20 فلس واذا عاجبك جدا السهم اخذة مرة ثانية بعد ما يقفل فوق ال 1040 فلس بحيث يكون تخطة الوقومة النفسية على ال 1000 فلس وتخطى المقاومة السابقة على ال 1040


يا اخوان هل نصيحتي له بمكانها


انه يعرضه السبت بدينار او دينار و20 فلس ويرجع يسترجعه فوق الدينار و40 ؟؟؟؟؟؟؟؟؟؟


وكم ممكن يوصل السهم بعد اعلان الاربااح ؟؟؟



مشكورين


اخوكم


بو عبدالله

افيدوني جزاكم الله خير

 

[SpeciaL 1]

اولا : جزاك الله خير على النصيحه التي ساعمل بها واللي احطها على راسي

ثانيا : بالفعل .. لم اقصد بذلك سوى المزاح

ثالثا : شوف توقيعي

أخوي الكونكورد
الله يجزي الكل من خيره
والتوقيع ميه ميه وإن شاء الله ربك يرزقك ويرزقنا على نياتنا


أخوي بو فواز aljeemaz-2
ياريت تسجل في الأجنده هالسؤال وتسأله ولو من باب المداعبه
بعد مؤتمر الشفافيه هذا في نزول للسهم واشكثر بينزل؟؟ ​

 

[هتلر]

افيدوني جزاكم الله خير

الاخ بوعبدالله
كلامك في محله وسليم والافضل على 1,40 واول عرض
لاكن المشكله في توزيع الارباح اما ان تكون ايجابيه لصعود السهم او تكون
سلبيه لنزوله والقرار الاخير يرجع لصاحب السهم اما البيع او التريث
واتمنا لك التوفيق

 

[بوحسن]

الاخ بوعبدالله
كلامك في محله وسليم والافضل على 1,40 واول عرض
لاكن المشكله في توزيع الارباح اما ان تكون ايجابيه لصعود السهم او تكون
سلبيه لنزوله والقرار الاخير يرجع لصاحب السهم اما البيع او التريث
واتمنا لك التوفيق

رحالي اشقتلك .. حتى الناس الحين قاعده تقول هالشي

عموما هذا توقع وراي وممكن اكون فيه غلطان علشان لا نقولي بعدين طلع كلامك غلط

خوو انت فاهمني

بدت عمليات التحفيز

 

[rahaly]

رحالي اشقتلك .. حتى الناس الحين قاعده تقول هالشي

عموما هذا توقع وراي وممكن اكون فيه غلطان علشان لا نقولي بعدين طلع كلامك غلط

خوو انت فاهمني

بدت عمليات التحفيز

بالعكس يا الصبر انا اثق بكلامك(اكثره ) ....
وانا مو من النوع اللي يعاير .... بس يصحح نعم ...

وانت مية مية ... مابي امدحك لسببين ..
الاول لا تغتر
الثاني .... ما تحب المدح ... وتدقر اللي يمدحك




عموما ...... ودي ودي ودي بصراحة الناس تكتفي بالارباح وتحتاط ...
مو لازم ال 180 فلس اللي ناطرنها ما دام فيها عوار راس ومحاتاة




بس هذي الديمقراطية .... نتقبل الاراء بكل احترام ... صح؟؟

ومن جذي اقول ((( لااااااازم تبيعون )))



اتغشمر معاكم ...... كل واحد يقدر الوضع ...



.................... بو تسنيم ... شنو اليوم ويك اند ما في تطبيل ؟؟ ......





تحياتي




رحالي

 

[بوحسن]

بالعكس يا الصبر انا اثق بكلامك(اكثره ) ....
وانا مو من النوع اللي يعاير .... بس يصحح نعم ...

وانت مية مية ... مابي امدحك لسببين ..
الاول لا تغتر
الثاني .... ما تحب المدح ... وتدقر اللي يمدحك

عموما ...... ودي ودي ودي بصراحة الناس تكتفي بالارباح وتحتاط ...
مو لازم ال 180 فلس اللي ناطرنها ما دام فيها عوار راس ومحاتاة

بس هذي الديمقراطية .... نتقبل الاراء بكل احترام ... صح؟؟

ومن جذي اقول ((( لااااااازم تبيعون )))


اتغشمر معاكم ...... كل واحد يقدر الوضع ...

رحالي

اول شي انغر ؟ ليم يطلع شغلي كله 100% اهني انغر غير جذي صعب وليلحين حتى 50% ولك علي ...

بس خل اصير مليونير اعلمكم ان ما لعبت بالشارتات اسويلكم مثلثات مربعات والخ وكلها كلك

ثاني شي ما احب المدح ؟ مافي احد ما يحب المدح
ثالث شي ادقر الي يمدحني .... هذي ممكن بس ليش تمدحني ترى التشيير وايد بس الي هني طيبين ويطوفون

رابع شي والاهم وندش بالجد
؟ ليش تبي الناس الحين تبيع السهم اعتقد ليلحين السهم فيه حيل ..لازم يصير فيه حيل اصلا

وان ما ارتفع السهم ترى الي بيندقر واحد يقدر يردلك السهم ليم 500 فلس ..وبعدين كل هذي احلام واراء ..خل نروح انام والصباح رباح

وبوتسنيم ذبحه الصوم اليوم ...يا تلقاه امس متسحر على كباب ومات من العطش .. او قاعد يزهب مع البدر حق اجتماع يوم السبت

 

[rahaly]

ياخوي الصبر ... انا ما اقول يبيعون ... بس ما ودي احد يخسر ارباحة ...

أنا بصراحة ريال اخااااف على الارباح المحققة وبعت وحامد الله ربحان
( قل اعوذ برب الفلق .... في ناس عيونها حاااارة :d )

وحتى الفهلوي قال بيحتاط وبيبيع ب 1020 وانا قلت ابي احتاط فوق احتياطه:d


يعني كل شيخ له طريقته ... وكل واحد له قناعاته .....
وروح نام ..... تصبح ع خير ....

وانا باقلب بالمواضيع يمكن الاقي واحد محتاج يتناجر والا متهاوش ويه زوجته ويبي يفضفض ..... ترى مساعدة الاخوان واجبه




رحالي

 

[Bo Tasneem]

يا اخوان ... تدرون اني بايع المجموعة ((ليس لعدم الاقتناع بل للقناعة في الارباح المحققة ولله الحمد والمنة... وكل شيخ له طريقته )) ..

.. .. ..
.. .. ..

.......... بو تسنيم شرايك فيني ؟؟ ما عندي السهم وأطبل ...............
.......... مو مطبلاتي مخلص ؟؟؟ ........................
(( حبيبي عندي كاش وايدي تحكني .. شنو اشتري ... غير المجموعة))



رحالي

لأن هالثنتين تحت الدينار .. إخذهم بسرعه السبت .. هذا إذا لقيت عرض

البتروجلف و جراند


بوتسنيم​

 

[الكونكورد]

يا جماعه .. ترى بو تسنيم قاعد ويانا .. لا تبلون عليه

كل السالفه وما فيها ان الريال متفطر بمطعم ايراني

وهات يا كراف .. باجه .. كراعين .. والذي منه ........ وبعدين قلاص لبن خاثر من اللي يحبه قلبك

عقبها عينك ما تشوف الا النور ..

حبيبي بو تسنيم ..

تقبل الله طاعتك .....

 

[rahaly]

لأن هالثنتين تحت الدينار .. إخذهم بسرعه السبت .. هذا إذا لقيت عرض

البتروجلف و جراند


بوتسنيم​

لا ياخوي مابي المجموعة ( اقصد مجموعة البدر ) .... مو وقت شراء الاسعار فوق ....

مالي خلق سهم يرفع الضغط

نبي سهم صخر .... بس مو مجموعة البدر ( حاليا طبعا لان شايف السهم صعد هاليومين وما يبين التحليل معاه)


حتى لو عالخاص بو تسنيم حبيبي ......

 

[Bo Tasneem]

رحالي والصبر مفتاح

يوزو عنّي اشوي .. خلّوا الواحد ياخذ ريلاكس (حلوه ريلاكس )

المهم شباب .. يقولكم بوتسنيم امزهب بوستر حجمه A70665 موقادر أحطه بالدبه .. كله أسئله حق بوبدر .. عاد عساه يجاوب .. مو يسحب الميكروفون من البشر هااهاه

شباب نصيحة أخو .. يليت تحضرون المؤتمر إذا تقدرون .. موشرط تكون مستثمر بأسهم البدر !! بس علشان تعرفون هالبشر وتحطونها بالحسبان

الرجل هذا اللي إسمه سامي البدر .. له ماضيه وكيفه .. تعالوا اليوم خل نشوفه هل فعلاً قاعد يعدّل هالماضي ؟ وهل فعلاً كلمته لمستثمرينه القدامى والجدد بأنه سيبدأ صفحات جديده معهم ؟

إن شاءالله يكون فعلاً محل الثقه في قلوب جميع مستثمريه ..

وصلني للتو .. بأن المؤتمر سيكون إن شاءالله مليئ بالمفاجآت الطيبه .. وستكون على رأس هالمفاجآت شغلتين :

* إطلاق "جراند السياحية" .

* زيادة رأس مال شركة جراند .

وغيرهم بإذن الله ..


بوتسنيم​

 

[Bo Tasneem]

لا ياخوي مابي المجموعة ( اقصد مجموعة البدر ) .... مو وقت شراء الاسعار فوق ....

مالي خلق سهم يرفع الضغط

نبي سهم صخر .... بس مو مجموعة البدر ( حاليا طبعا لان شايف السهم صعد هاليومين وما يبين التحليل معاه)


حتى لو عالخاص بو تسنيم حبيبي ......

صدقني إخذها من أخوك الصغيّر .. ماقمت أشوف غير البتروووو !!

وإنت كيفك .. طيعني إخذها .. أدري مصختها إنصح بس موجذيه يا بوتسنيم .. لكن هالمره برقبتي خوش !! إذا تطلّع من وراها 100 مو نعمه ؟ فما بالك أكثر إن شاءالله بإذن الله خير بهالشركة لوضوحها وثباتها والقرار بإيدك


بوتسنيم​

 

[السوق الكويتي]

رحالي والصبر مفتاح

يوزو عنّي اشوي .. خلّوا الواحد ياخذ ريلاكس (حلوه ريلاكس )

المهم شباب .. يقولكم بوتسنيم امزهب بوستر حجمه A70665 موقادر أحطه بالدبه .. كله أسئله حق بوبدر .. عاد عساه يجاوب .. مو يسحب الميكروفون من البشر هااهاه

شباب نصيحة أخو .. يليت تحضرون المؤتمر إذا تقدرون .. موشرط تكون مستثمر بأسهم البدر !! بس علشان تعرفون هالبشر وتحطونها بالحسبان

الرجل هذا اللي إسمه سامي البدر .. له ماضيه وكيفه .. تعالوا اليوم خل نشوفه هل فعلاً قاعد يعدّل هالماضي ؟ وهل فعلاً كلمته لمستثمرينه القدامى والجدد بأنه سيبدأ صفحات جديده معهم ؟

إن شاءالله يكون فعلاً محل الثقه في قلوب جميع مستثمريه ..

وصلني للتو .. بأن المؤتمر سيكون إن شاءالله مليئ بالمفاجآت الطيبه .. وستكون على رأس هالمفاجآت شغلتين :

* إطلاق "جراند السياحية" .

* زيادة رأس مال شركة جراند .

وغيرهم بإذن الله ..


بوتسنيم​

بوتسنيم حبيبي اشلوونك ... عسى بس طيبت مزاجك بكنافة حارة من الطيباوي ؟؟

لأني كل ما اشووفك اشتهي كنافة حارة ... يعني مو اي كنافة .. لازم اتكوون حارة والجبنة ذايبة ....

المهم .. خوووش اخبار نقلت لنا توك ... وان شاء الله انشوفها معلقة .. انرد ايام الرمضان الحلوه

يالله بس حبيت اسلم عليك اهني .. من زمان ماسلمنا عليك حبيبي ...

 

[Bo Tasneem]

يا جماعه .. ترى بو تسنيم قاعد ويانا .. لا تبلون عليه

كل السالفه وما فيها ان الريال متفطر بمطعم ايراني

وهات يا كراف .. باجه .. كراعين .. والذي منه ........ وبعدين قلاص لبن خاثر من اللي يحبه قلبك

عقبها عينك ما تشوف الا النور ..

حبيبي بو تسنيم ..

تقبل الله طاعتك .....

جنّك تدري هااهاه .. إي والله وذاك الحمّص والمتبّل .. وبعدها درناه جاي نعناع عالفحم .. أيباااااااا

عسى الله يتقبّل صيام الجميع إن شاءالله .. دعواتكم


بوتسنيم​

 

[سوق الاوراق]

السلام عليكم

ا

بو تسنيم

ظهر الحق وزهق الباطل .

تحياتي​

 

[SpeciaL 1]

جنّك تدري هااهاه .. إي والله وذاك الحمّص والمتبّل .. وبعدها درناه جاي نعناع عالفحم .. أيباااااااا

عسى الله يتقبّل صيام الجميع إن شاءالله .. دعواتكم


بوتسنيم​

عوافي

تقبل الله طاعتكم جميعاً​