المجموعة الدولية للاستثمار ش .م.ك.م ( المجموعة د )

[white soul]

اختي feb2005 .. واخواني white soul و Mohammedq8 و بوعزيز الكرام

إن شاءالله هالمشاركة اللي قبل يومين تفيدكم وتعطيكم إشوية صبر بس اشوي .. وتعطيكم الجواب ليش التأخير !!

هلا بالغالي بو تسنيم

بو تسنيم الواحد اذا دش عالم سوق الاوراق الماليه لازم يرضى بالخساره نفس ما يستانس بالربح بقولك شغله يا بو تسنيم قبل مؤتمر الشفافيه يتنا توصيه قويه على المجموعه من احد اعضاء مجلس الاداره .....! كان سعر السعر تقريبا بحدود 620 التوصيه قالت ان المجموعه لها طلعه قويه والحمدلله طلعنا خير يعني انا ما عندي مشكله مع المجموعه واهلها ولا مع اي شركه هذا سوق محد طقني على ايدي وقالي اشتر...!
انا مشكلتي يا عزيزي الي يأثرون على غيرهم بقرارت البيع والشراء الي يعطون مخدرات حق بعض الاعضاء...انشالله تكون فهمت وجهة نظري
وتقبل هالمشاركه من اخوك الصغير..​

 

[zancop]

السلام عليكم
الله يعطيكم العافية . و مشكور اخوي بو تنسيم على هل كلام الحلو
و الي يشجع و يرفع المعنويه و فازه باللذات من كانه جسوره و الصبر زين​

 

[الكونكورد]

اختي feb2005 .. مثل ما صبرتي ثلاث اشهر .. صبري جم يوم ..

ترى الخير جدام .. واعلانات الارباح ما بقى عليها شي .. يعني اللقمه

اقتربت من الفم .. ولا تنسين ان السهم ارتفع من 750 الى 880 خلال

اسبوع .. يعني قربتي تغطين الخساره

صبري .. ومن صبر ظفر

 

[بوحسن]

نكي وايد تستخدمونه ترى بخليه بفلوس شباب وخصوصا بوتسنيم

بوتسنيم ابي سياره لمده سنه ايجار القسط 45 دينار ؟

وعلى فكره شفنا نجمة الدوجي اليوم مره ثانيه ..فالك يمكن مو طيب باجر

يمكن يمكن نزول خفيف عشان الشباب لا يخترعون ..والله اعلم طبعا

 

[قربان]

تداول اليوم شكل دوجي

 

[بوحسن]

ههههههههه

بو تسنيم قربان حطلك الصوره

انا قلت اقولك الخبر بس اخفف عليك

بس قربان ما رحمك

يعطيك العافيه قربان

بوتسنيم ؟ بتعطيني السياره ؟ ولا اروح ااجرها من المستثمر الدولي ؟

 

[الكونكورد]

يعني باجر صعده ولا نزله

عطونا الصافي بارك الله فيكم

 

[بوحسن]

وعلى فكره شفنا نجمة الدوجي اليوم مره ثانيه ..فالك يمكن مو طيب باجر

يمكن يمكن نزول خفيف عشان الشباب لا يخترعون ..والله اعلم طبعا

كونكورد ..ما يصير كل يوم صعود ..ولا انا غلطان

 

[الكونكورد]

عدل كلامك اخوي الصبر .. بس ودي اشوف ال 900 فلس

اخوك طماع حبتين .. يطوف 900 وعقبها خله ينااام .. والكمبل علي

شتبي بعد

 

[قربان]

ههههههههه

بو تسنيم قربان حطلك الصوره

انا قلت اقولك الخبر بس اخفف عليك

بس قربان ما رحمك

يعطيك العافيه قربان

بوتسنيم ؟ بتعطيني السياره ؟ ولا اروح ااجرها من المستثمر الدولي ؟

الله يعافيك

اتمني ما ينزل باشر -- لانه احتمال يكمل لي 770 اذا نزل

بالتوفيق

 

[قربان]

عدل كلامك اخوي الصبر .. بس ودي اشوف ال 900 فلس

اخوك طماع حبتين .. يطوف 900 وعقبها خله ينااام .. والكمبل علي

شتبي بعد

اذا طاف ال 940 -- اعتقد ممكن بعدها تريح نفسك و ما تشوف السهم لمده شهر

 

[almared]

تداول اليوم شكل دوجي

كلامك صحيح ... الشمعه دوجي

بس لو كانت ستار دوجي مثل اللي بالنموذج كان صار إحتمال أكبر في أن تداول اليوم أقرب للنزول .

ولكن برأيي الشمعه تحتاج إلي تأكيد لتداول اليوم حتي توضح الصوره .

وعلي فكره لا تنسون أمس ان الانترنت فصل عن الكويت يعني ما كان فيه عمليات واضحه سواء بالشراء أو البيع .

وكذلك فطاحلة السوق كاسرين بالمجلس لحضور قسم الأمير .



أخوكم المارد

 

[بوحسن]

كلامك صحيح ... الشمعه دوجي

بس لو كانت ستار دوجي مثل اللي بالنموذج كان صار إحتمال أكبر في أن تداول اليوم أقرب للنزول .

ولكن برأيي الشمعه تحتاج إلي تأكيد لتداول اليوم حتي توضح الصوره .

وعلي فكره لا تنسون أمس ان الانترنت فصل عن الكويت يعني ما كان فيه عمليات واضحه سواء بالشراء أو البيع .

وكذلك فطاحلة السوق كاسرين بالمجلس لحضور قسم الأمير .



أخوكم المارد

انزين ممكن سوال اهم ؟

عيل ليش فنا في اسهم خضره ؟ امس وشفنا اسهم سوده سود الله ويه صدام ليش ما قلنا السوق ما أثر عليهم

دام في اخضر ..اذا ما في سبب نقول بسبب الفطاحل او بسبب اخر لا تخلي للعاطفه مجال في تحليلك ابد وتاثر عليك طال عمرك

خلك عنيف ..وعلى فكره انا احيي فيك روح التحليل والتحدي وخصوصا بالمنتدى الي يمنا

وبعدين مو شرط اليومنشزف نزول ..ممكن نشوف احد اشكال الشمعات ( وماني قايل النوع ) ليم يرد علي بو تسنيم


ترى الاوسط يمثل 20 % تقريبا تداول من السوق

وبالمناسبه اهي دوجي ستار مو دوجي بس

 

[LONG TERM]

صباح الخيرات.............

انا اتوقع اليوم 12 الف نقطه للسوووووووووق

 

[Bo Tasneem]

قاعدين تتحرشون من أمس وآنا ساكت شباب !! سهارية الربع والله

هناك رأي آخر إذا تسمحون .. وبسميه (شمعة الـ إرقد وآمن) .. مافيه نزول إن شاءالله .. وبإذن الله راح تكسر الـ 900 اليوم أو باجر .. ولنا وقفة جديّة من الغد إن شاءالله


بوتسنيم​

 

[بوحسن]

قاعدين تتحرشون من أمس وآنا ساكت شباب !! سهارية الربع والله

هناك رأي آخر إذا تسمحون .. وبسميه (شمعة الـ إرقد وآمن) .. مافيه نزول إن شاءالله .. وبإذن الله راح تكسر الـ 900 اليوم .. ولنا وقفة جديّة من الغد إن شاءالله


بوتسنيم​

ههههههههههههه

والله بو تسنيم مليت وانا اتحرش فيك ابيك تطفر ابيك تخترع

بس شمعة ارقد وآمن هذي تصير بس في بورصه الكويت ليش لا

قصدك هالشمعه اليوم بتشوف T معكوسه يمكن هذي ارقد وامن

شوف توزيع الثمار ....... يعني جنها منحه اميريه .. بعد شهر بتشوف اسهمهم مقططه بالشارع

اقول الدنيا فرص والاخوان بالثمار عندهم اكتتاب يديد

شالبورصه 120 % منحه 100 مليون زياده بعد المنحه ومافي توزيع فلوس كاش ..لو عندهم جان وزعو

ويتنقدون المجموعه !

 

[Bo Tasneem]

يالله خير .. هذي تباشير الخير يا شباب .. حشنا الـ 900 ولله الحمد .. سمعتوا شباب عن وحده اسمها "سااره" !! كانت امناشبتنا قبل واختفت

سلموا عليها ..


بوتسنيم​

 

[Bo Tasneem]

هذا المرفق يا الصبرمفتاح .. وتعليقي عليه بأن على الـ 400 ألف قارنوا بينها وبين اللي تحتها وهي الـ 200 ألف .. شوفوا عدد الملاك لهالكميّة (11) !!

ماراح ينزل عن الـ 880 دام إن هالطلب موجود إن شاءالله


بوتسنيم​

 

[الكونكورد]

الكميات المعروضه ضخمه ومو طبيعيه .. اول السوق تفاءلنا بس ما ادري من

وين انشقت الارض فجأه وطلعت كل هالكميه !!!

عسى الله ييب اللي فيه الخير

 

[بوحسن]

الكميات المعروضه ضخمه ومو طبيعيه .. اول السوق تفاءلنا بس ما ادري من

وين انشقت الارض فجأه وطلعت كل هالكميه !!!

عسى الله ييب اللي فيه الخير

السوال مو هني

وانما عدة اسئله

1- نجمة الدوجي تلاشى اثرها وننطر باجر

2- السوق كله حمر والمجموعه اخضر

3- كميات كبيره لاول مره ؟

ومن هنا ننطر الاخ بو تسنيم للافاده

وهل في اخبار او في توقعات ارباح قريبه جدا او تسريبات معينه

..