المجموعة الدولية للاستثمار ش .م.ك.م ( المجموعة د )

[مشهود]

للمحلليين فقط

: : للمحلليين مع الشكر
السلام عليكم---------

متى تنصحون تشترى --[ السهم ] :d

 

[بوحسن]

يعني انا ما اتوقع للسهم هذا نزول قوي

ولكن ليم قلت انه بينزل اعتقد صدقت ونزل يومين هالسهم

عموما نزوله كان يبشر بخير

محد راضي يبيع وفي شرايه مترقبين الوضع

 

[مشهود]

مشكور يالحبيب0000 الصبر مفتاح

وجزاك الله كل خير

 

[بوحسن]

متى تنحاش من هالسهم نهائيا

1- قطات مليونيه لي تحت مع عدم وجود مشتري يطفر فوق السهم ( شلون افهمها لكم ما ادري )
2- اذا كسر السهم تحت 350 فلس
3- اشاعات توزيعات الارباح تكون غير طيبه ( خك مع هالمنتدى في ناس تنقل لك الاخبار بشكل طيب وعادة تصيب بشكل كبير )

وعموما مجرد راي هذا اصيب فيه او اخطأ

( اخ مشهود في ناس غيري محليلين للسهم انا مو محلل فني اوكي وانت طالب محلل النصيحه تقرن رايي بالراي الفني وفي ناس هني حرفنه ابهل الشي )

انا اراقب سلوك السهم في البيع والشراء مع الاخبار فقط

 

[مشهود]

0000 صح انا طلبت محلل للسهم
00 بس انت كفيت وفيت
0 وعسى ربى يسهل امورك
0000 وانا ترى ناطر اى احد من المحللين يرد على

 

[rahaly]

يا أخوان انا سألت سؤال محد جاوبني .. لو سمحتوا للعارفين ..

لو حققت الشركة 4.5 مليون للنصف الاول هل تعتبر ارباح غير مسبوقة .. وممكن السهم يزيد عن 400 فلس ؟؟

وبغض النظر عن اي مبلغ يتداول بين الناس ..
سؤال محدد ..
هل اربعة ونصف مليون تزيد رغبة اغتناء السهم وبالتالي صعوده اكثر من 400 ؟؟؟

وشكرا مقدما


تحياتي


رحال

 

[بوعيد]

مجرد رأي مو تحليل

لست من المحللين ولكن من المتابعين
ومن متابعتي ومن ماعرفت عن هالسهم اشارك بهالرأي واتمنى يكون صحيح
اعتقد السهم يتعرض بين فتره وفتره لجني ارباح وسعر ال400 فلس غير مستبعد ونزول السهم ايضا غير مستبعد للاسباب التاليه :
1- السهم لحد الان يعتبر سهم مضاربي ومن عادة اسهم المضاربه دائما الارتفاع والهبوط بسرعه يعني تكون دائما متذبذبه .
2- اذا صدقت الاخبار اللي تتناقلها الصحف عن دخول الاستثمارات الوطنيه والمركز المالي على السهم فنتوقع راح يكون هذا دافع قوي لارتفاع السهم واستقراره خصوصا ان السهم لايزال يبحث عن صانع سوق.
3- الارباح : متوقع ارباح ممتازه ولكن لن تكون مثل ما اشيع بأرباح خياليه لكن السهم واعد وناطرته اخبار حلوه نتيجة ادراج شركات وبنك اعتقد اسمه بنك المستثمرون في البحرين والسهم سعره لايزال رخيص والتوقعات تشير لنص دينار ولكن مايحدث من هبوط هو ناتج عن جني ارباح
كثير من الناس يبيع لما يعلق السهم ومن باجر يشتري فيه بسعر ارخص
واتمنى وفقت في التوضيح

 

[بوحسن]

والله بدون جارت جنك عمي بالسوق مع هالسهم

لازم انبهكم شباب ان التداول الهادي لهذا السهم

يعقبه دايما تداول عنيف

هذا السكون شي مخيف لما سيعقبه

ويجب الانتباه اثناء التداول العنيف اذا كان السعر قاعد يصعد او قاعد ينزل بالنهايه

اذا بالعنيف قاعد يصعد السهم خير وبركه على قولة القايل
اذا بالعنيف قاعد ينزل السهم..انا راح ابيع اول واحد


والله يوفقكم

 

[DNANEER]

slaaaaaaaaaaaaaam
اخوى الصبر شتـــشووووور علينا نبيع ولا نمسك
؟؟؟ السهم محيرنى ثابت على هال 380 اشسالفته

 

[بوحسن]

هذا شارت مال يوم الاحد 31- 7 - 2005

احطلكم هالشارت متوقع نزول سهم المجموعة باجر

والتفسير انا حاطلك ياه بالشارت نفسه حق الي طلب مني توقع المجموعه واقتضى الواجب جذي

واتمنى كلامي خطأ

 

[بوحسن]

عفوا الموضوع الي بالاعلى موضوع اليوم مو امس والشارت شارت اليوم مو امس بس انا غلطت وحطيته باقتباس ومسحت الاقتباس خطأ غير مقصود

عموما

واقصد من اشمعات المتواليه وهي الشمعات المتناوبه اقصد

التحليل الفني اهي العين الاولى بعد عين مراقبه سلوك السهم الي انا شفت اليوم انه باجر ينذر بهبوط ايضا

مجرد راي

 

[فؤاد]

هل هذا الخبر عن المجموعة الدولية ام شركة اخرى ؟ افيدونا

اقرأ في الرابط
http://www.alseyassah.com/alseyassah/PDF/05/Julay/31/11.pdf

الخبر بعنوان : شركة استثمارية تضغط على سهمها لاخراج احد المستثمرين.

 

[rahaly]

ياخوي يا فؤاد ..
ما أظن ان المقصود المجموعة .. لان يقوا من الاسهم الثقيلة ..
والله اعلم

تحياتي


رحال

 

[rahaly]

يا اخوان .. للعارفين

شالقصة ؟؟ تجميع والا تصريف؟؟
في خبر او في شي بالطريق؟؟

حتى لو اشاعة بس نفهم ليش الفليوم عالي ..؟؟؟


تحياتي

رحال

 

[المهذب جداً]

.

السهم متوقع له أرباح 85 فلس آخر السنة منها 35 تشغيلي ؛

والسعر المتوقع أخر السنة 900 فلس

.

 

[rahaly]

.

السهم متوقع له أرباح 85 فلس آخر السنة منها 35 تشغيلي ؛

والسعر المتوقع أخر السنة 900 فلس

.

المهذب .. لو سمحت .. بكرة ابيك تروح معاي المحكمة ..

ياخوي صارلي مدة سامع كلامك وشعاراتك عن الشركة .. وانا ماني صبور ..
ممكن توثقلي اقرار بالارباح وسعر السهم بس عشان لا اتابع السهم:d

هم ياخوي باتبع كلامك .. وعموما بادعيلك بالحالتين ربح وخسارة

تحياتي


رحال

 

[CHART TRADER]

يا اخوان .. للعارفين

شالقصة ؟؟ تجميع والا تصريف؟؟
في خبر او في شي بالطريق؟؟

حتى لو اشاعة بس نفهم ليش الفليوم عالي ..؟؟؟


تحياتي

رحال

فنيا تجميع وارتداد من دعم قوي بفوليوم عالي .......


تحياتي يا رحال .......

 

[Bo jana]

بلغ ربح المجموعة الدولية 7,4 مليون د.ك لل6 أشهر المنتهية في30-6-05يعلن سوق الكويت للأوراق المالية أن مجلس ادارة شركة المجموعة الدولية للاستثمارقد اعتمد البيانات المالية المرحلية للفترات المنتهية في 30-06- 2005، وفقا لما يلي :‏

ِ1) الفترات الحالية:‏

البند ال3 أشهر المنتهية في 30-06-05 ال6 أشهر المنتهية في 30-06-05‏
الربح(د.ك) 5,588,424 ....................... 7,365,589‏
ربحية السهم(فلس كويتي) 25,79 ....................... 33,99‏
علما بأن ربح فترة الستة أشهر المنتهية في 30-06-2005 يتضمن أرباحا غير محققة بمبلغ قدره 2,938,988 د.ك.‏

ِ2) الفترات المقارنة:‏

البند ال3 أشهر المنتهية في 30-06-04 ال6 أشهر المنتهية في 30-06-04‏
الربح(د.ك) 676,188 ............................ 784,439‏
ربحية السهم(فلس كويتي) 3,12 ............................. 3,62‏

 

[Bo Tasneem]

والله مثل ما توقّعت .. ما أعلنوا عن كامل أرباحهم ، رحّلوا الباجي للربع الثالث أو لآخر السنة المالية

يليت أحد يفيدنا هل هناك هبوط للسهم بعد هالإعلان ؟؟ يالمهذّب فيدني الله يفيدك ويخليك !!

 

[bu3teeg72]

والله مثل ما توقّعت .. ما أعلنوا عن كامل أرباحهم ، رحّلوا الباجي للربع الثالث أو لآخر السنة المالية

يليت أحد يفيدنا هل هناك هبوط للسهم بعد هالإعلان ؟؟ يالمهذّب فيدني الله يفيدك ويخليك !!

شدرّاك إن في أرباح ترحلت؟