المجموعة الدولية للاستثمار ش .م.ك.م ( المجموعة د )

[Naawwaf]

المجموعة الدولية تقفز القفزة الكبيرة بتجاه 500 فلس

:d :d :d :d :d
بسم اللة الرحمن الرحيم
جائني مايلي
((((((( أشتر المجموعة الدولية باللي عندك كله في ولاتخاف وبيع سيارتك أو شوفلك قرض ونصح اللي تحبهم من ربعك الخاصين ...... وأن شاء اللة يكون هالخبر عربون محبة وثقة لكم والله يوفق الجميع لما يحبه ويرضاه ومصادري متأكد منهم لأني ماسمعت كلامهم وتحسفت كثييييييييييييير وأنا ماحبيت ابخل بالمعلومه مثل قبل عليكم لاأني كنت اخاف اتكون مو صحيحة وانحرج وياكم بس من كثر الطقات على راسي ولااني ما اسمع الكلام خسرت بصراحة.... ومصدري اللي اكثرمن ثقة قالي أمس أشتر وطنشت قلت يمكن هالمرة ماعندة سالفة واليوم قعددوني من النوم قالوا نسيبك افلان يبيك ضروري وكلمته قعد يصارخ ليش ماشتريت اشتر باي سعر باجر ضروري ضروري رايحه 500فلس
وياشباب هدا عربون محبه لكم لاني متاكد من مصدري يشتغل بالب.... بالعربي

 

[Naawwaf]

مبروك للي شرى اليوم وعأبالنا باجر نلحق علية ولكم علي حق اذا باجر مو بالحد الاعلى وهم قلي اشتر

 

[DNANEER]

nawaaaaaaaaaaf

تنصح فى شراءالمجموعه وكم رايحه بالوقت الحالى انا ماخذتها على 370 ابى رايك

 

[يوسف غضنفري]

:d :d :d :d :d
بسم اللة الرحمن الرحيم
جائني مايلي
((((((( أشتر المجموعة الدولية باللي عندك كله في ولاتخاف وبيع سيارتك أو شوفلك قرض ونصح اللي تحبهم من ربعك الخاصين ...... وأن شاء اللة يكون هالخبر عربون محبة وثقة لكم والله يوفق الجميع لما يحبه ويرضاه ومصادري متأكد منهم لأني ماسمعت كلامهم وتحسفت كثييييييييييييير وأنا ماحبيت ابخل بالمعلومه مثل قبل عليكم لاأني كنت اخاف اتكون مو صحيحة وانحرج وياكم بس من كثر الطقات على راسي ولااني ما اسمع الكلام خسرت بصراحة.... ومصدري اللي اكثرمن ثقة قالي أمس أشتر وطنشت قلت يمكن هالمرة ماعندة سالفة واليوم قعددوني من النوم قالوا نسيبك افلان يبيك ضروري وكلمته قعد يصارخ ليش ماشتريت اشتر باي سعر باجر ضروري ضروري رايحه 500فلس
وياشباب هدا عربون محبه لكم لاني متاكد من مصدري يشتغل بالب.... بالعربي

اخي الكريم

مو صحيح اللي قاعد تقوله .. شنو تبيع سيارتك ولا بيتك ولا قرض عشان ادش على السهم ؟؟؟ ترى هالكلام خطير وما المفروض ينقال ..

 

[rahaly]

الاخ غضنفري اعتقد ان قول نوافبيع سيارتك هو من باب المجاز .. وهو أسلوب مبالغة للتأكيد على شراء السهم ..

لا تخاف ياخوي محد غشيم هالايام يبيع سيارتة :d

(وانت يا نواف مو تسويها وتفشلنا)

تحياتي


رحالي

 

[rahaly]

.



.


ربحية السهم عشرة مليون دينار كويتي للنصف الأول من عام 2005 ؛ أي ما يعادل 46.5 فلس كربحية للسهم الواحد وهذا الرقم أكيد 100% وما في داعي لكشف المصدر و لكن يمكن إخفاء نصف الرقم من قبل الشركة و مجلس اللإدارة!

للعلم التشغيلي من هالرقم بحدود 16.5 فقط

ويبقى السهم واعد و ممتاز

.

يا المهذب أسمحلي لك مصادرك ولي مصادري المؤكدة والموثوقة .. ربح الشركة 4.5 مليون للنصف الاول وليس عشرة مليون !!!

ولاحظ ان رأس مال الشركة 21 مليون .. يعني 4.5 مليون ممتاز .. اما لو عشرة مليون ستكون اسطورة ..

وعموما كل منا له مصادرة .. والمية تكذب الغطاس :d


الله يوفق الجميع


تحياتي

رحالي

 

[Naawwaf]

المجموعه الدولية...المجموعة الدولية وبس والباقي.....

قالي الليلة بالدوانية اللي عنده سهم المجموعة يمسكة ليوم الاثنين الجاي ووالله حلفته مارضى يقولي شنوا بيصير بس قال مــــــــــســـتـــعـــد يخسر الفلوس اذا انا خسرت يعني مستعد يعوضني اذا طلع كلامة فية غلط والله اعلم وياخوان سامحوني هذي يمكن سادس مشاركة واتمنى اكون عند حسن الظن والنصيحة اللي عنده لايبيع بكره حتى لو بالحد الاعلى لكن يشتري هالسهم حتى لو بالحد الاعلى وهذا المتوقع بس ترى بيحاولون ينزلون السهم بكرة المحافظ لاانهم شامين خبر على كلامه وممكن يتداول بالح الاعلى
اللة يرزقني ويرزقكم من الحلال ويوفقني ويوفقكم الله أما أمين يارب العالمين

 

[Naawwaf]

هذا عربون المحبة كلامي صار وكلمت بو نسب قال اللي خذيته لاتبيعه لااليوم ولابكرة الاسبوع الجاي والحمد لله ماتفشلت فيكم وقال انطر مفاجاة

 

[Q8Broker]

السلام عليكم

الأخوه المحللين :

حاليا السهم عند المقاومه وهي = 360 ( اقفال )

أرجو الإفاده عن (( كيفية )) معرفة أن السهم كسر المقاومه ؟

وهل إذا تم ذلك يعني أنه أعطى إشارة دخول على السهم ؟


وشكرا

 

[دابس]

بالعربي الفصيح يا جماعة اعلان ارباح النصف الاول للمجموعة ستكون المفاجئة الكبرى الي شرى يقضب والي يبي يضارب الله يرزقه

 

[Naawwaf]

اشتر وترك التحليل ليوم الانين او الثلاثاء الجاي

 

[المهذب جداً]

.

المجموعة الدولية قد تطرح 20% من حصتها في المشروعات الكبرى ........ 18/7/2005

أعلنت بورصة الكويت أن شركة المجموعة الدولية للاستثمار تملك 37,8% في شركة المشروعات الكبرى العقارية، وبصفتها مستشار الإدراج للشركة المذكورة فإنه من المتوقع أن تطرح ما لا يقل عن 20% من حصتها.


المجموعة الدولية تؤسس شركة وبنك في البحرين ........ 18/7/2005

أوردت جريدة الرأي العام أن شركة المجموعة الدولية للاستثمار تقوم بتأسيس ’شركة التكافل الدولية للتأمين’ برأس مال 5 مليون دب، كما تقوم أيضا بتأسيس ’بنك البحرين الإسلامي’ برأس مال 25 مليون دب.

.

 

[المهذب2]

اشتر وترك التحليل ليوم الانين او الثلاثاء الجاي

ابو مشعل بسك بدليات

 

[Naawwaf]

الـــــــمــــــــجـــــــمــــــوعة الـــــــــــدولية؟؟؟؟؟؟؟؟؟؟؟؟؟؟؟؟؟؟؟

:d :d شباب نصحتكم الاسبوع الماضي بها وهالاسبوع انصحكم بها
والله ولي التوفيق :d :d :d :d :d :d :d

 

[بومهدي]

السلام عليكم و رحمة الله

الأخ نواف

ممكن توضح لنا على أي أساس هذه التوصيه ؟؟؟


مع الشكر

أخوك
بومهدي

 

[المعوشرجي79]

اخوي نواف نصيحة اخو ياليت ما دشش ناس باسهم انت داش فيها على اساس انك شاري بهالسهم هاذي نقطة نقطة ثانيه ياليت لو تكتب تحت عنوان المجموعة الدولية تحليل فني واخبار شامله ولك مني تحية

 

[Bo Tasneem]

أخ نواف .. مساك الله بالخير

نصايحك على العين والراس .. لكن علمنا شالسالفه مو بس تبي الناس تاخذ على نصيحه لا تحليل وراها ولاهم يحزنون !!
أرجو أن تعطينا ليش تنصحنا فيه !! حتى لو مو تحليل فني .. لو لعبة محافظ بتصعده أو شي هم قول عادي روحنا رياضيه

سلام

 

[المهذب جداً]

.


وفي الليلة الظلماء يفتقد المشرفون!

يا شباب : عطونا تحليل فني لهالسهم!

.

 

[rahaly]

ياجماعة .. شدعوة شابين على نواف!!!

حقيقة انا شايف بعض الاخوان عندهم حساسية مفرطة للتوصيات !!!

ياخوي هذا سوق يقوم على اسس للبيع والشراء ..
كل واحد يقول اللي يبيه .. وعقلك ميزانك ..
يعني الحين نواف بيصعد السهم؟؟!!!!!

والله لو الف شخص يقول الف توصية لسهم ما اشتريه الا عن قناعة ..

ولو نواف او غيره جاء باشاعة .. نطلب منه تحديد مصدرها ..

اما وقد يكون شخص عنده حدس ومجرد حدس ..( ولن اقول مصدر خاص)..

لماذا نمنعه من ابداء رأية؟؟!!!!

يا اخوان شوية مرونه .. شوية بس .. وتركوا عنكم الحساسية..
( مو قلنا الامريكي افضل)

تحياتي

رحالي

 

[بحراوي]

يقال ان المحفظة التي تتبع الاستثمارات الوطنية والتي قامت ببيع كميات كبيرة على مستوى 360 يوم الاربعاء قامت اليوم بالشراء مرة اخرى وبيع كميات كبيرة من اسهم الجناعات والذات اسهم المخازن .