المجموعة الدولية للاستثمار ش .م.ك.م ( المجموعة د )

[كيت كات البورصة]

بدون تعليق

 

[صقرالبحر]

عزيزنا كيت كات ... السوق اليوم كله نازل اكثر من 100 نقطه فشي طبيعي تلقي سهم المجموعة نازل مثل باقي الاسهم ... حتي سهم مركز سلطان امس حد اعلي واليوم حد ادني وكثير من الاسهم فهذا اعتقد شي صحي ومن صالح المظاربين ... ولك تحياتي

 

[Bo Tasneem]

أولا: يسعدلي مساكم الطيب والغيم قد انقشع ويارب يتمم علينا نعمة الأمطار والخير إن شاءالله

ثانيا: أشكر كل من مدح ورفع شأن "حواجبي" وأقوله بأنها كانت مزحه حبيت أسعد إخواني الطيبين من الصبح .. وعلى طاري كمية التداول .. كانت مجرد قراءة العرض والطلب وخمنت لا أكثر

ثالثا: من حبي لكم في الله .. ماودي أخش اللي وصلني .. كنت أتساءل بيني وبين نفسي عن الكمية اللي ماخذتها المجموعة الدولية في المجموعة الخليجية للمال !! وكنت أحسب حتى بالآلة الحاسبة الكمية اللي ماخذينها وبسعرهم الخاص فيهم .. وعلى أساس هذا .. .. ..

اليوم انتهى الاكتتاب الخاص للمجموعة الخليجية للمال .. والكل عارف إنهم أهم اللي يختارون مستثمرينهم في الاكتتاب .. وأكيد مايخفى عليكم قيمة السهم في الاكتتاب الخاص (890فلس) .. جان يوصلني هالخبر من شخص عزيز .. حيث

جاءنا ما يلي :

المجموعة الدولية للاستثمار راح تعلن غداً إن شاءالله عن أرباحهم من الاكتتاب الخاص اللي صار .. وعطاني رقم مينون

35 مليون دينار كويتي

هذا إذا بس الاكتتاب اللي صار !! عيل كيف إذا وصل سعر سهم المجموعة الخليجية "دينار" بإذن الله جم نقول ؟

إذا وصل 1.200 جم نقول ؟

أقول ماشاءالله تبارك الرحمن .. يالله زيد وبارك ولم شمل حملة الأسهم وقوي عزيمة شركات "سامي البدر" وزيدها من الخير يارب

رابعا: أقول لكل متشائم .. قبلت أم أبيت .. المجموعة صاعده أو نازله .. طايفة الدينار بحيل الله .. وسيتم إعلان الأخبار الثقيلة إن لم يكن غداً فموعدنا الأربعاء مع إدراج "بنك المستثمرون" بإذن الله

خامسا وأخيرا: من يذكر المليون سهم اللي انضربت قبل جم يوم ؟ وعلى كم سعره كان ؟ لاتتعب ..

الجواب : قبل 8 أيام .. وعلى سعر 820 فلس

سين سؤال : هذا مثال بس وحسبوا على هالأساس الكميات المأخوذه قبل وبعد هالفترة ..

هل اللي شرى هالكمية يبي يطلّع من وراها 40 أو 60 أو 100 فلس بس ؟

أقول بأن موعدنا الـ 1.200 قريبا بإذن واحد أحد .. ونأسف على الإطالة


بوتسنيم​

 

[الدليل القاطع]

انا بصراحة مستغرب من اعضاء احترم رايهم والى الان احترمه

من انهم مووووووو عارفين سبب النزول بالسوق ولا كانهم

عايشوا السوق وظروفه

ياشباب انتم ما تدرون ان بعد كم يوم ندخل في سنة 2006

وما تدرون ان الاقفالات اللي راح تسكر عليها الاسهم في الربع الرابع

مهمه وانها مسألة مهمه جدا جدا جدا بالسبة للتجار اللي يحركون السوق
وفي ارباح الشركات و...و...؟
المهم..؟
انا اجزم على ان سهم المجموعه د صار انشالله من الاسهم
اللي ينحسب لها الف حساب لانها تملك شركات تابعه لها بالسوق
وراح تدرج انشالله بالسوق شركات اخرى وارباحها ماشاءالله وحركتها صحيحه يعني ممكن انها راح تصير اهي والشركات التابعة لها مثل سهم مجموعة المخازن اللي كان ياثر على السوق بطريقه غير طبيعيه
ويمكن راح يصير او صار بالفعل سيناريو مجموعة المخازن اذا تذكرون كان اذا المخازن حد اعلى شركاتة التابعه حد اعلى وكل الناس حصلت خير .

وارد واقول ياشباب لاتصاغرون المجموعه د واحسبوا لها الف احساب.

ـــــــــــــــــــــــــــــــــــــــــــــــــــــ

شركة من 120فلس الى 1,040 اكيد شركة تغيرت 180 درجه

 

[الكونكورد]

يعني يا بو تسنيم يا فاكهة المنتدى اذا بطلت الجريده اليوم عقب صلاة الفجر
رح الاقي اعلان المجموعة بويهي

 

[بوحسن]

بو تسنيم اعتقدت سابقا بان السهم راح يبدي بتشكيل شكل خاص اخر ايجابي
ولكن ان السهم امس نزل و الظاهر سيكون متاثر بخط ترند لاين اخر علوي فرقه عن السابق هو ان مدته اطول

النتيجه اليوم ان ما ارتفع السهم ترى الشكل القادم له وقت اطول فقط مع احتفاظ السهم بنفس الشارت السابق

 

[بوحسن]

وهذا الشارت ان السهم نزل اليوم بحيث يكون خلال فتره الايام المتداوله بحد اقصى 880 وبحد ادنى 830 على الترند المتقطع

وعلى الترند الضعيف 810

..وان شاءالله ما ينزل

 

[Bo Tasneem]

يعني يا بو تسنيم يا فاكهة المنتدى اذا بطلت الجريده اليوم عقب صلاة الفجر
رح الاقي اعلان المجموعة بويهي

لأني ماصليت الفجر بالمسجد علشان جذيه ماكو إعلان !! برد سحتني والكنبل دافي هاهااه استغفرالله العظيم عسى الله يغفرلنا ويمنحنا من الإيمان والحرص على الصلاة يارب .. تسلم يا أفندية المنتدى حبيب والله

------------------------------

كل شي جايز شباب .. يمكن يتم الإعلان في البورصة دايركت وباجر نشوفه بالجريدة ليش لأ .. يعني شراء البرج أحسن مثلا !! لأ طبعاً

الصبر مفتاح .. يصبحك ربي ويصبّح الكل بالخير .. تكفه التشارت اليديد أدري يفشّل خاصة بعد سالفة أمس عرض بدون طلب .. بس ماعليه هيهات هيهات


بوتسنيم​

 

[بوحسن]

الصبر مفتاح .. يصبحك ربي ويصبّح الكل بالخير .. تكفه التشارت اليديد أدري يفشّل خاصة بعد سالفة أمس عرض بدون طلب .. بس ماعليه هيهات هيهات

بوتسنيم​

بالعكس ما يفشل

مجرد سهم محكور بين ترندات ... وهذي شغل الترندات ..وسهم سلطان مع الاخبار اللي على المخازن بس المفروض امس كان يكسر لوجود ترند قوي وكسر

المهم ميزة اشوفها ابهل السهم
ان الترند السفلي صاعد واقفالاته قريبه واكثر يعني اقوى من الترند العلوي وهذا اللي يبشر بالخير ان شاء الله

وايضا انا ارفقت شارت لبتروجلف بانه قاعد يسوي الضلع النازل لحرف ال w مره اخرى بعد ما اتم الضلع الصاعد

اعتقد السهم يبيله صبر اكثر ### ممكن يومين تداول ( بعد العطله اليايه ) ويبدي سلسلة صعود قويه وممكن خلال عشره ايام تداول على اقصى حد في رايي
وكل هذا ان السهم نزل اليوم مشروطه ... اوكي ان نزل
وبالنهاية الله الرازق

 

[Bo Tasneem]

وهذا الشارت ان السهم نزل اليوم بحيث يكون خلال فتره الايام المتداوله بحد اقصى 880 وبحد ادنى 830 على الترند المتقطع

وعلى الترند الضعيف 810

..وان شاءالله ما ينزل

حبيبي الصبر .. سؤال عالماشي إذا تسمح :

هل حرف دبليو W إذا ما صعد في نهاية الحرف يصير يمكن عايدي على السهم ؟

لأني قاعد أشوف بعد إقفال أمس التشارت صار دبل دبليو WW

* مع كل هذا التذبذب في التشارت من ناحية الصعود والنزول هم أقول فيه خير .


بوتسنيم​

 

[بوحسن]

حبيبي الصبر .. سؤال عالماشي إذا تسمح :

هل حرف دبليو W إذا ما صعد في نهاية الحرف يصير يمكن عايدي على السهم ؟

لأني قاعد أشوف بعد إقفال أمس التشارت صار دبل دبليو WW

* مع كل هذا التذبذب في التشارت من ناحية الصعود والنزول هم أقول فيه خير .


بوتسنيم​

ما فهمت سوالك بصراحه

العاده الاسهم تنطلق بهذا الشكل بشكل موجه متذبذبه w
سواء كانت موجه كبيره او صغيره

وعموما بعض الشارتات ما تشكل هالحرف مضبوط 100%
وفي شارتات لها قمه ولها قاع

وفي شرتات لها انطلاقه كبيره وطويله ولكنها مرات تكون على نار هادئه

بس الشكل هني w بالبتروجلف واضحه

دير بالك من الترند اهم شي

 

[Bo Tasneem]

بوتسنيم​

 

[almared]

كلامك صحيح بو تسنيم ..

فيه تجميع واضح علي المجموعه - جراند - بترو

مما يدل الانطلاقه قريبة جدا جدا

أتوقع اذا مو الاربعاء راح يكون الاثنين ...

 

[Electron]

سيتم ادراج بنك المستثمرون الاسلامي في سوق البحرين
يوم الاربعاء28/12/2005 بعد غدا انشالله وحقق خلال التسع شهور اكثر من 300 % ارباح عن العام الماضي ويمتلك المجموعه الدوليه 25 %

اتوقع سيرتفع يوم الاربعاء او يسبقه يوم الثلاثاء غدا ومن ناحية نظري
ارا السهم 850 فلس سعر ممتاز جدااا للشراء هذا من غير ادراج المجموعه الخليجيه للمال يمتلك المجموعه 50 مليون سهم

وترقبوا ارباح الاكتتاب الذي تم شراء 80 فلس وتم بيعه 890 فلس


ارباح خياليه وسهم رائع وهو يتعرض للظغط المتعمد

هذا والله اعلم

الله يرزق ملاكه

 

[Bo Tasneem]

أستسمحكم عذراً إخواني لعدم الكتابة احتمال يوم أو يومين بسبب الشغل في الدوام والمزاج غير مضبوط سامحوني

أستودعكم الله الذي لاتضيع ودائعه


بوتسنيم​

 

[ابوسالم]

الله وياك اخوي بو تسنيم وان شاءالله موفق خير و ترجع لنا وانت مزاجك فلّلي والمجموعه وتوابعها حد اعلى .

ادري بتغيب عن المنتدى بس راح يكون بالك معانا .
موفق خير

 

[الوسيم]

أستسمحكم عذراً إخواني لعدم الكتابة احتمال يوم أو يومين بسبب الشغل في الدوام والمزاج غير مضبوط سامحوني

أستودعكم الله الذي لاتضيع ودائعه


بوتسنيم​

أنشاءالله محفوظ برعاية الله عز وجل
تعود سالم لأخوانك وأحبائك
أخوك
الوســـــــــــــــــيم

 

[ارسطو الدروازه]

ماكو اخبار نريح اشوى ....

 

[*خبر عاجل*]

ليش الصخه من امس

المجموعه مافيها لاحس ولا خبر

 

[SpeciaL 1]

في أمان الله

تحياتي للجميع..
بإذن الله سأسافر يوم غد الأربعاء في رحلة عمل ونقاهة "حجه وحاجه"
على أن أعود يوم 15/1/2006 بإذن الله إن أعطاني الله وإياكم عمرا..
وإلى أن أعود ستكون المجموعة وبناتها قد بلغت سعرها المنشود إن شاء الله..

أترككم برعاية الله وحفظه وتوفيقه..
في أمان الله