المجموعة الدولية للاستثمار ش .م.ك.م ( المجموعة د )

[جرير]

حده ماااكو فاااايده

حلوة ما توقعت هالكثر بدلايات, كنت كاتبة على
السريع

 

[wazer]

لليوم الثاني هاردلك كبيره للجميع

 

[جرير]

ياااجمااعه احد يقولون لناا شصااير بسووق
والمجموعه شكثر بتتأثر

 

[sprite]

نبي تفسير من الإخوان : بو تسنيم - سوق الأوراق - الجيماز - المهذب جدا

على النزول الجماعي للمجموعة بالحد الأدنى .. !

 

[Fayez]

والله ماظن اليوم احد يبي ينام ... ماعرفنا قصة السوق ... ناس اتقول التجار بتكسر راس د. صعفق الركيبي على تطبيقه للقانون ووزير التجارة داعمه ويقول انه يطبق القانون ... وناس تقول تصحيح ... وناس تقول خلافات محافظ ... وناس تقول هذا السوق.

الله يحفظنا من كيد الجميع

 

[متداولجي]

نبي تفسير من الإخوان : بو تسنيم - سوق الأوراق - الجيماز - المهذب جدا

على النزول الجماعي للمجموعة بالحد الأدنى .. !

اي والله هذا وقتهم واكيد ماراح يقصرون وراح تشوف مشاركاتهم الابويه واحنى بالانتظار

 

[Bo Tasneem]

شباب حبايبي

والله وياكم ومعاكم .. وعندي لكم رد بس اسمحولي اشوي .. شغل بالدوام وحوسه .. راجع لكم بإذن الله .. أصول كراف وسهمها صامد


بوتسنيم​

 

[المهذب جداً]

.

نزول عادي و طبيعي مع النزول العام للسوق.


مافي داعي لأي خوف.


وإنتوا عارفين بالضبط هالأسهم شيبيلها ؟


.

 

[MONEY ON FIRE]

انا اقولكم سبب نزول السوق والمجموعه د....بكل بساطة انا بعت كل الاسهم اللي عندي علشان اسوي مخيم حق اليهال واشتريلهم بقي علشان جذي نزل السوق..
اتغشمر..حيث اني لازلت محتفظا باسهمي في المجموعة د..اكيد بحتفظ فيها ليش اقطها وانا شاريها ب970
الله كريم يرزقنا ويرزقكم من حلالة

 

[جرير]

.


وإنتوا عارفين بالضبط هالأسهم شيبيلها ؟


.

اي عااارفيييين
يبيله خزززه من ساااامي البدر
مع تحميرت عييين
ويرررد السهم طبيعي

 

[برق الشرق]

السهم يثبت للمرة الثانية انه حق المضاربة شغل عدل!! والمحظوظ اللي خذاه من تحت بسعر حلو وباع مع الصحوة الأخيرة .
المرة اللي طاافت طافني وما شريتها يوم قرب من ال800
هالمرة بابيع الوطنية العقارية اللي لعلعت بجبدي ,وبشتري المجموعه ,بس متى؟ ما أدري بنراقب ونشوف حتى تتضح الرؤية ويصفي صافيها!!

 

[Bo Tasneem]

سؤال إلى العريقين والقدماء في أسهم المجموعة الدولية .. .. ..

هل تذكرون سعر السهم في شهر 4 ؟ وشهر 6 وشهر 8 بعد ؟ وهل تعتقدون إن السعر الحالي للسهم مع نزول اليوم هو سعر "ظالم" ؟

اللي بوصله إن .. السهم لم يأخذ فترته الكافية على المكوث في سعره الحالي ، دعوه ثم دعوه ، إذا كنت مضارب لا تأذّي الناس بكتابتك اليومية عند نزول السهم ، وإذا مستثمر إنسى الشاشة لفترة ولا تعوّر قلبك صدقني ، أخوكم بوتسنيم ناسيه من سعر قديييييييييييييم والحمدلله .. قاعد أشوف سعري بـ "دربيل" .. الحمدلله والشكر لك يارب يزيد بعده إن شاءالله

واللي شاري بالعالي أقوله اصبر ثم اصبر فالقادم راح يطيّب خاطرك إن شاءالله ، مثال: شوفوا "الدار" و "أعيان" .. إن قتلي أسهم للمضاربه !! أقولك استريح

خلوها المجموعه تشتغل على راحتها وتأسس بالأسعار اللي يريحها حتى لو حد أدنى أو حد أعلى إن شاءالله اشخسران !! واسمع من أخوك .. دام إنك مابعت إذاً أنت لم تخسر !! عدل .. ..

إلى الإخوه أصحاب الآجل .. إذا قرّب تاريخ خروجك منه وانت ربحان قول الحمدلله .. واشتر بالكاش .. وأظن إن نهاية عقود البعض نهاية ديسمبر "12" يعني تو الناس أمامكم اسبوعين إن شاءالله ، لاتستعجلون ودرسوا الوقت المناسب للبيع حتى لو لم ينتهي عقدكم

إضافة أخيره .. 3 ملايين تقريباً كمية تداول المجموعة موشوي .. إذاً منو الرغبان فيهم وقاعد يشتري ؟ وأيضاً هالكمية لجراند .. فمنو اللي قاعد يلم ؟ والبتروجلف 3 ملايين و800 ألف .. هل اللي قاعد يخمط "عبيط" ؟

الجواب عندكم


بوتسنيم​

 

[Bo_Rashed1]

ياجماعة سامي البدر ما من أمان إسيوع إلي تاف تالعاتلا قظية جديدة و الرجاء من الربحان يتلع منها ما دام إبخير..و إنشاء الله خير

اللي نعرفه يا بو خالد .... ان الاستعجال ممكن يخلي الواحد يقط بدليه او ثنتين .. مو خمسين بدليه ...

والله ذكرتني بواحد اكتب له إسمه .. وبعدها يقولي .. هذا جنــه اسمي .. بالله شنو تبوني ارد عليه .. بس للعلم شهادته رابعه ابتدائي.

الله يعطيك العافيه.

 

[السوق الكويتي]

ياجماعة هالسهم وراه رجال ....

اللي عنده هالسهم ... اقووله بالكويتي .... أخووووووي كبر المخده وارقد وآمن ..

 

[Wise]

احتمال كبير غدا السهم يرتد من سعر 800 فلس اللي تقريبا يعتبر دعم قوي لسهم ..... ومثل ماهو واضح ويانا على الموفنج افرج الــ 50 يوم والله اعلم .​

 

[هيت]

الشباب ليش زعلانين اذا الوطني نازل 60 فلس و بيتك نازل 80 فلس و اتصالات نازل 60 فلس

واغلب الاسهم الاخرى نازله

ليش مستغربين نزول المجموعه؟

للحين الدينار قريب - 4 ايام حد اعلى و نوصل انشاء الله :d

انا موصيني ما ابيع باقل من دينار ونص

الصبر زين

 

[متداولجي]

ياجماعه اللي صاير بالسهم يضيق الصدر لاكن الواحد شيقول غير انه الصبر للي اهدافه استثماريه وفوق الدينار وانشالله سحابه صيف وتعدي
وجزاه الله الف خير اللي يواسي اخوانه ويصبرهم
واللي غير هالناس الله يسامحهم لاكن نتمنى نشوفهم اذا السهم صعد لايتخششون

 

[hadi fa 76]

تصدقون شباب أنا في السابق عندما كنت اشتري سهم وينزل طقة أو طقتين أحط يدي على قلبي .
لكن من يوم شريت اسهم المجموعة وأنا مطمئن حتى لو نزلت حد أدنى مادري ليس حاس فيها خير .

واقول للي باع موفق وللي صبر وصابر على أسهمه عسى الله يهنيك في القريب العاجل .

 

[عبدالعظيم]

ياجماعه اللي صاير بالسهم يضيق الصدر لاكن الواحد شيقول غير انه الصبر للي اهدافه استثماريه وفوق الدينار وانشالله سحابه صيف وتعدي
وجزاه الله الف خير اللي يواسي اخوانه ويصبرهم
واللي غير هالناس الله يسامحهم لاكن نتمنى نشوفهم اذا السهم صعد لايتخششون

اخوي متداولجي هذه مو اول مرة ينزل فيها السوق ولا الاخيرة وخل ايمانك بالله قوي ترى ربعنا ما عندهم غير السوق وانشاء الله السهم راح يطلع فوق وبعدين ترى السوق كله طايح وخلك من سحابة صيف احنا بالشتاء وسامحنا ونسئل الله لكم التوفيق

 

[شاهبندر]

سلام عليكم
يا شباب انا دقيت على الدلال اليوم قلت له شنو صاير
اخوي اذا فيه شئ قول لى ابيع
قال لا اذا عندك اشتر خوش سعر
وشريت بتروجلف
يا جماعة والله انا ما الومكم كل واحد وده دايم يربح بس هذه الدنيا يوم تحت يوم فوق
بس بشكل عام السهم فيه خير وما ينقط الا اللى يبى يا خذ من تحت وهذا مو اكيد
وترى ما فيه خوف ان شاء الله
و هذا والله اعلم