المجموعة الدولية للاستثمار ش .م.ك.م ( المجموعة د )

[beckham_23]

راح أنزل مع دخول الدينار إن شاءالله .. لابس الشورت وامسخّن وجاهز (لاتخافون شورت اسلامي ) .. اتتتتعب عالفنايل عليها شعار المجموعة الدولية وأرقام اللاعبين من ورا مكتوب (دينااااااااااااار)

لاشكر على واجب شباب .. محبتي لكم في الله تخلي المعنويات دوم مرتفعه علاوة على كلامكم الطيّب يزاكم الله خير


بوتسنيم​

كل الشكر و التقدير للاخوان
بصراحة الاخوان ما قصروا في الملعب
و لا ننسي المشجعين هم كان لهم دور قوي
و كانوا الاعب رقم واحد
اخوي بو تسنيم
اليوم المجموعة الدولية لياقتها اشوية لك علية
بس ما قصروا الاعبين في الوقت القاتل
اخوكم بواحمد

 

[الكونكورد]

ياليت احد الاخوه المحللين يبين لنا حاجز المقاومه الجديد

هل هو 940 ؟

وهل عدم تعليقه السهم و عرض مليون سهم ب 940 شي ايجابي ام سلبي ؟

 

[Costa Coffee]

نقاط الدعم والمقاومة الجديدة ؟؟؟

مبروك يا شباب اللحين نبي نعرف المراكز الجديدة حق الدعم والمقاومة ؟؟

الاجابة فقط للمحللين الفنيين ومشكورين(الصبر مفتاح والخ)....

 

[ABBA]

الدعم الأول 910
الدعم الثاني 890
المقاومة الأولي 950
المقاومة الثانية 960
الملف المرفق يُحدِث نفسه تلقائياً عند الشبك بالأنترنت .. لحساب الدعم والمقاومة

 

[Solid_investor]

الدعم الأول 910
الدعم الثاني 890
المقاومة الأولي 950
المقاومة الثانية 960

أذا كسر 960 وين راح يكون الهدف و المقاومة التالية؟

 

[bo-5amis@]

عندي احساس انه في انقضاض مليوني على 930 او 940 والله اعلم

اخوي عساك على القوة

عفوا الاحساس بالسهم عندي والاحلام عند ابو تنسيم​

كنت عارض السهم اول الصبح عرضت السهم على 940 بس كنسلت العرض والحمدلله !!!

 

[ABBA]

حسب تحليلي الشخصي 1080 فلس. والله أعلم.

 

[Solid_investor]

حسب تحليلي الشخصي 1080 فلس. والله أعلم.

بأذن الله 1.080 على يوم الأربعاء .....الله يرزقنا اجمعين

 

[الدينار]

مبروكين ومنها للأعلى أن شاءالله

 

[ارسطو الدروازه]

انشالله يوم الاثنين ... مأسسين فوق الدينار ...

 

[bo-5amis@]

ما ادري شنو اكتب بس على الله ياجماعة اننا ما نستعجل على الدينار خل السهم يمشي شوي شوي
ما ادري
990 وبعدها حاجز الدينار ناس تقول راح يخطي الدينار ابسهولة وناس تقول لا راح يبنجر عندها هم ما ادري الله يستر

جميع المؤشرات زينة
والعموم حاط عينة على المجموعة الماسية يبي يحاول انه يربح من السهم اكثر واكثر
هم احبابك انت يا سامي البدر وايد وكذلك الاعداء
وحاجز الدينار متراهنين عليه ناس وايد بس الظاهر اللي ضده راح يخسرون الرهن
بس لا يكون هناك في اصابات وكروت حمرا وصفرا
بدا الخوف والتردد بالاحتفاض او البيع
لابد ان يكون جني ارباح ومضارب على الدينار

وهناك سيناريوهين على الدينار اما الدخول عليه بقوه او حصد اكبر عدد من الانذارات واظهار الكروت الحمراء لبعض المتداولين .

اخيرا وليس اخرا

الى الاخ المدرب رحالي الله يخليك نبي خطة على كيف كيفك يمشي عليها الفريق .

رئيس الاتحاد و الفريق الطبي والاحتياط والجمهور خلوكم ويانا هاليومين

على فكره ابو تنسيم وين شاعر التجمع هذا وقته​

 

[mubarak]

المجموعه ماشيه صح

المجموعه الدوليه تسير بخطى حنين كماتوقعنا فى تحليلات سابقه متجهه بكل

الهمم ​

الى الدينار والمطلوب من المستثمرون الأحتفاظ فى السهم فهو متجه الى الديناران مع رغبه قويه من مالكيه يرجى من المستثمرون التأنى والهدوء وزياده الأستثمار فى السهم اكثر وأكثر


لا يهمنا من يملك السهم الشيخ صالح كامل ام السيد سامى البدر فكلهم رجال لهم صولات وجولات فى عالم المال ويشرفنا الأنتماء الى شركاتهم الأستثماريه

 

[هيت]

الدعم الأول 910
الدعم الثاني 890
المقاومة الأولي 950
المقاومة الثانية 960
الملف المفرفق يُحدِث نفسه تلقائياً عند الشبك بالأنترنت .. لحساب الدعم والمقاومة

شكرا على هذا الملف الرائع

 

[Costa Coffee]

المجموعة الدولية والتحليل الفني

اخونا اعضاء المنتدى الكريم نبي نشوف تحليل فني مع الشارت حق السهم واهم شيء ال Rsi هل مازال السهم داخل الترند الصاعد ؟؟؟
وتوقعاتكم للسهم في الايام القادمة


شكرا اخوي Abba

 

[بوحسن]

اليوم السهم غير

ذاكرين المربع اللي امس انا تكلمت عنه .. طبعا اليوم بوضوح السهم قال انا فوق وما ارضى اكون تحت

الدعم والمقاومه اعتقد في واحد حط برنامج حلو .. من اللي مدحه ومشكور عليه

عموما

المهم الدعم الحالي بيكون 930 ثم 910

المقاومه 940 وهي مقاومه قويه اشوي

وبس يعدي السهم ال 940 الى 950 ... نكون دشينا بترند يديد

اللي متابع ... بيعرفه انه ترند 4 اللي قبل تكلمت عنه ...

وهذا الترند اسعاره بتوصل قريب من 1500 فلس ..بس انتابعه حبه حبه ان الله عطانا وعطاكم عمر انشاء الله

 

[rahaly]

المجموعه الدوليه تسير بخطى حنين كماتوقعنا فى تحليلات سابقه متجهه بكل

الهمم ​

الى الدينار والمطلوب من المستثمرون الأحتفاظ فى السهم فهو متجه الى الديناران مع رغبه قويه من مالكيه يرجى من المستثمرون التأنى والهدوء وزياده الأستثمار فى السهم اكثر وأكثر


لا يهمنا من يملك السهم الشيخ صالح كامل ام السيد سامى البدر فكلهم رجال لهم صولات وجولات فى عالم المال ويشرفنا الأنتماء الى شركاتهم الأستثماريه

حبيبي اولا انا من مشجعي المجموعة وبقوة .. وعندي تزكية من بو تنسيم تقدر تسأله عشان لا تفهمني غلط ..

بس الله يخليك ( المستثمرون .. والديناران ) قبلهم احرف جر .. تجر جبل .. يعني ياخوي اكسرهم .. الله يكسر عظام عدوك

خلهم المستثمرين والدينارين .. جزاك الله خير ...
اسف على الملاحظه ..

بس نحب الفلوس والمجموعة .... وهم نحب اللغة ..


تحياتي .....

رحالي

 

[Costa Coffee]

اقتباس :
مبروك يا شباب اللحين نبي نعرف المراكز الجديدة حق الدعم والمقاومة ؟؟

الاجابة فقط للمحللين الفنيين ومشكورين(الصبر مفتاح والخ)....
****************
اخوي الصبر والله شكرتك قبل الكل واشكر الكل انا من المتابعين جدا لتحليلاتك البسيطة و الرائعة اتمنى ان السهم ياسس حول هذة النقاط في هذا الاسبوع 930 الى 950 وعدم الاستعجال ومن ثم الانطلاقة بعنف الى الدينار وما بعده بس اخوي شنك ما تتعامل ويا Rsi ?....

 

[wolf steps]

حبيبي اولا انا من مشجعي المجموعة وبقوة .. وعندي تزكية من بو تنسيم تقدر تسأله عشان لا تفهمني غلط ..

بس الله يخليك ( المستثمرون .. والديناران ) قبلهم احرف جر .. تجر جبل .. يعني ياخوي اكسرهم .. الله يكسر عظام عدوك

خلهم المستثمرين والدينارين .. جزاك الله خير ...
اسف على الملاحظه ..

بس نحب الفلوس والمجموعة .... وهم نحب اللغة ..


تحياتي .....

رحالي

 

[rahaly]

يا اخوان .. من يعرفني يعرفني .. ومن لا يعرفني فانا رحالي نصير مشجعي المجموعة .. سواء عندي اسهمها او ما عندي


توصية لحبايبي اصحاب اسهم المجموعة .....
السهم عليه مضاربة قويه جدا .... وعين الرجل ميزانة(مع الاعتذار لخواتنا ..عيونهم مو قاصرين )

النصيحة :
(القنوع) .. اللي شاري باسعار نازلة .. وله في المضاربة .. ممكن يبيع في اسعار قبل الدينار .. (حتى 950) .. وممكن للاحتياط يبيع نصف الكمية ..
واذا نزل مرة ثانية يشتريه من تحت .. واذا كمل يكون حقق نصف الفائدة ..

حقيقة ماني متطمن لبعض المضاربين الكبار .. واشوف ان في تنزيل وتصعيد متعمدين ...
وبصراحة محنا قد الهوامير والجامبو .. ورحم الله امرء عرف قدر بيزاته

اما المضارب الصبووووووووور ... مالنا شغل وياه

نام على سهمك يا عمنا المستثمر نام ......


وهذا رأي شخصي .. والله اعلم

واذا السهم صار بدينار ونص الله يخليكم لا احد يشتكي علي.. انا قلت(القنوع) ...........


تحياتي.. وتمنايتي لكم جميعا بالرزق الطيب



رحالي

 

[بوحسن]

اقتباس :
مبروك يا شباب اللحين نبي نعرف المراكز الجديدة حق الدعم والمقاومة ؟؟

الاجابة فقط للمحللين الفنيين ومشكورين(الصبر مفتاح والخ)....
****************
اخوي الصبر والله شكرتك قبل الكل واشكر الكل انا من المتابعين جدا لتحليلاتك البسيطة و الرائعة اتمنى ان السهم ياسس حول هذة النقاط في هذا الاسبوع 930 الى 950 وعدم الاستعجال ومن ثم الانطلاقة بعنف الى الدينار وما بعده بس اخوي شنك ما تتعامل ويا Rsi ?....

وانا اقولك عفوا من قبل وعفوا الحين وعفوا باجر

عزيزي انا ماني شاطر بالتحليل الفني ومرات اصيب ومرات اخطئ

وما ادري شنو rsi ? هذا غير الار سي RC ؟ الي نفس البيبسي ؟

شوف عندك تقريبا 20 دراسه واكثر من شارت متوسطات مستطيلات مربعات تقاطعات ستاستوك ستاربكس ستيك .. والخ الخ .. اووف الله يعين ...

واغلبها قطها بحر وانت بروحك اقعد ارسم وخطط وتكتك وشوف يطلع تكتيكك صح ولا غلط

عموما دير بالك باجر عندك مقاومه على 940 وعلى 950
وخط ترند ( اللي باللون الاحمر ) يحد من صعود السهم اكثر

عشان جذي نبي نتابع السهم حبه حبه احسن