يا جماعة انا ملاحظ شي.. الناس اللي يكتبون بهالموضوع ينقسمون الى مجموعتين:
1. مجموعة تقول ان السهم صاعد فوق وهم اعضاء الرابطة ومحبيهم
2. مجموعة تقول العكس، ولازم الناس يديرون بالهم من النزول
المشكلة ان المجموعتين على حق وكل واحد قاعد ينظر من منظور مختلف عن الثاني..والسبب ان المجموعة الأولى هم من المستثمرين والثانية مضاربين، فطبيعي يصير اختلاف في وجهات النظر اللي قد تحتد بالمشاركات شوية.
المستثمرون ينظرون الى السهم بنظرة مستقبلية طويلة ، يعني ناطرين توزيعة الأرباح
المضاربون يتابعون السهم عن قرب بشكل يومي وبمنظور زمني لا يتعدى الثلاثة أسابيع ، يعني يدخل على السهم بالنازل ويبيع بالعالي وهكذا دواليك ..
عشان جذي انا اعتقد ان المجموعتين على حق ، بس اذا اراد احد ان يتكلم عن السهم واتجاهه يستحسن انه يذكر الفترة الزمنية عشان الكل يرى بمنظور الكاتب ويعرف وجهة نظره ويقدر يناقشه فيها.. لكن انا اتكلم عن شي بعد ستة أشهر وانت تتكلم عن نفس الشي بس بعد ثلاثة أيام.. النقاش جذي يصير عقيم
وآسف على الطوالة، ويبقى هذا مجرد رأي شخصي
ملاحظة.. أعتقد المجموعة هالأيام حلوة حق المضاربة وبعد اسبوع أو 2 ندش استثمار متوسط
الكل متحسف
