Bo Tasneem قال:
هلا بالحبيب نصوح ..
والله تبي الصج .. إللي ينفهم من الإعلان إن فعلاً يوم الأحد القادم هو الأخير لأحقية الاكتتاب صراحة !! ويبيّن أيضاً بأنه هناك فترة قانونية مثل ماهو مكتوب .. فما أدري شنو القصد !! هل الفترة القانونية قصدهم بأنها فترة جديدة راح يخبرون المساهمين عنها من جديد أو الفترة القانونية هي 23/7 !!
والله هالاعلان أكيد راح ينزلونه مره ثانية السبت .. وبتفصيل أكثر ..
شنو راي اعلامي (بومحمد) !!
بوتسنيم
هلا بوتسنيم شخبارك ....
تبي رأيي بكل صراحة الأفضل إن الواحد ما يدخل نفسه في متاهات ... انت شايف الناس اشلون ترد عليك ... انت تتكلم وتفتح عيونهم على بعض الامور وبالاخير يقولونلك احترنا معاك كلامكم مضلل !!!
كل شخص في هذا المنتدى على مستوى من العلم و الثقافة وقادر على قراءة وفهم الاعلان بنفسه ... الرأي الشخصي احتفظ فيه واترك كل مستثمر يفهم الاعلان بطريقته الخاصة ... حتى لا نضلل الناس بكلامنا !!!
لكن تعليقي الوحيد حذار من سامي البدر وحسين الخرافي ... شفتوهم لما طلبوا من ملاك اسهم اللبنانية انهم يتخلصون من اسهمهم واخافوهم لما قالوا ان اسهم اللبنانية راح تذوب .. بالتالي خذوها منكم برخص التراب وشلعوا بسهم اللبنانية فوق !!!!
الان الاعلان هذا ومع عدم الوضوح والغموض اللي فيه يفترض ان كل شخص يتخذ الحيطة والحذر .. كل شخص يتخذ قراره بنفسه حتى لا يكون كلامنا فيه تشويش او تضليل كما يقول البعض
لكم مودتي
بومحمد