اليوم قال لي شخص له علاقه بالسيد كمال السلطان
بانه عندما
سال كمال السلطان عن موقفة من القضية قال الحمد لله موقفنا قوي واضاف بان شركة المخازن عرضت علية مبلغ 30 مليون دينار لكي يتنازل عن القضية ( امر صلح ) لكنه رفض هذا المبلغ واصر علي مطالبته بالمبلغ الاجمالي وهو 100 مليون دينار وقال ( الحمدلله الخير موجود لكن ال 100 مليون دينار هذي حقي وراح اخذها وما يهمني كم ستطول القضية وانا متاكد من ربح القضية )
والله يا جماعة انا هذا الي وصلي من مصدري الي له علاقة بكمال السلطان وما ضفت ولا كلمة زيادة
علشان لحد يقول ان انا ضد سهم المخازن
انا الي قاعد اسمعة قاعد اكتبه
بس لي وجهة نظر
مادام البعض يقولون بان القضية راح تربحها المخازن وهي ضامنه ربح القضية عيل ليش عرضوا على كمال السلطان مبلغ 30 مليون دينار ( تسوية)؟؟؟؟؟؟؟؟
كما ان لي مصدر اخر وهو رئيس مجلس ادارة شركة استثماراتية غير مدرجة بالبورصة وراح تدرج قريبا جدا وهو كان دايما يقول لي اشتر سهم المخازن ولا تخاف لكن اخر مرة قالي ان احنا صرفنا كل الي عندنا من اسهم المخازن وذلك
لسببين الاول : سالفة القضية واحتمال ان المخازن تدفع تعويض كبير ياثر علي ارباحها مما يؤثر علي توزيعاتها في نهاية العام
والثاني : هو ان سعر سهم المخازن قد وصل الي السعر الي يستحقة ومن الصعب ان يطوف هذا السعر وحتي ان طاف هلسهر ماراح يطوفة بكثير
وقال لي ان بالسوق الان فرص افضل من سهم المخازن وممكن تطلع فيها اكثر من المخازن
بس انا متعجب من احد الاخوان الي قال بان المخازن حاجزة مبلغ 100 مليون دينار من ارباحها المرحلة وحتي لو خسرت القضية ماراح تتاثر .
شلون ان خسرت الشركة مبلغ 100 مليون دينار ( اكثر من راس مالها بمرة ونصف ) ماراح تتاثر ؟؟؟؟؟ شي عجيب واللهعلي الاقل في هذا المبلغ تقدر ان تدخل في مشاريع كبيرة وجديدة وتزيد بها ارباحها للسنوات القادمة
لكن اعتقد ان البعض ماخذتة العاطفة علي السهم اكثر من اللازم بحيث قام مايري سلبيات السهم واقتصر نظرة فقط علي الايجابيات
كلنا حبينه سهم المخازن لما ربحنا منه وكلنا ندري ان المجال الي قاعدة تشتغل في المخازن ممتاز لكن لازم نشوف السلبيات القوية الي قام يواجهها السهم ( القضية) واحتمال فقدان مبالغ كبيرة من ارباح المساهمين
بس كل الي اقدر اقوله
بان شركة المخازن والمتمثله في مجلس ادارتها هم الي وضعوا انفسهم في هذا الموقف المحرج والي لا يحسدون عليه
ليش شاركتوا كمال السلطان في البداية ؟؟؟ وليش بعدها كشتوا فيه؟؟؟
وفي النهاية بس حبيت ان اوضح لاحد الاعضاء الي قام يتهم بعض الناس بالجهل وعدم المعرفة
اخوي ....... ليس من الضروري ان تكون انت وجهة نظرك سليمة وليس كل من خالفك الراي اصبح فاشل وما يفتهم ( تري احنا اكبر من هلكلام الي قلته)
هذا المنتدي وضع للتحاور وتبادل المعلومات وليس لاتهام الاشخاص بالجهل وهلكلام الفاضي . وبالنهاية بس احب اقول لهذا الشخص الله يوفقك وحاول ان تستمع الي الراي الاخر ففي النهاية كلنا عندنا مصادر واخبار مو بس انت
