شركة المخازن العمومية ( مخازن ) .

[sprite]

ما أحب المنطق المشوي

العام الماضي كان أدنى إقفال للسهم في السنة هو (1,240) !!

و أعلى إقفال منذ تلك الفترة حتى الآن هو (6,800) !!


- لو لم توزع المخازن أسهم منحة و زيادة برأس المال , لكانت الربحية
للسهم في النصف الأول من هذا العام هي 200 فلس بدلا من 117 فلس ,
و لأصبح سعر السهم أعلى من 6 دنانير في أقل تقدير ..

 

[DAISKY]

والله ماقصرت يا اخ wawman على هالأسلوب والتحليل الحلوين
والله يعطيك العافيه وبكل حرف تكتبه بالمنتدي الله يرزقك دينار

 

[مرسى]

والله حبيبى انت عـــــــجـــــــيــــــــب....

انت مو بس بلعت الموس؟!

بعد عطوك المنشار تبلع وبعض الجرايد من ضمن "الجناية" الى صارت!!

شفت سهم "مدار"؟؟!! وانا قلتلك والله ناس كفوا!!

زيادة راس مال والشركة تدفع؟!

مو خزنة!!

:d

اخوي العزيز المليونير
الله يخليك ذخر لنا
الحين طفيت 70 % من خسائر المخازن بعد ما الله وفقني ويسرلي الاسباب
واللي انت أحد الاسباب الرئيسيه لاطفاء الخسائر ( التحليل الصادق والنصيحه)
الله يكثر من امثالك
دوليه م ا مركز وغيرهم كثير وجهتنا التوجيه الصحيح بكيفيه التداول عليهم
مشكور

 

[السهم القادم]

واالله ياجماعه أعتقد أن العملية الآن قربت على فصل جديد من التآمر على صغار المستثمرين وهي أن يتم الضغط على الأسعار ومن ثم رفع الأسعار بصورة مفاجئة حتى وصول سعر سهم المخازن (القائد) إلى 3,500 ثم الضغط مرة أخرى بهدف تجميع أكبر عدد من أسهم زيادة راس المال وبعد ذلك الصعود السريع بهذه الأسهم لأسعار جديدة غير متوقعه .
والأيام القادمة سوف تثبت صحة كلامي ؟؟؟؟؟؟؟؟؟؟؟؟؟؟؟؟؟

هذا تعليقي أمس 27-9 واليوم ما يحتاج أي تعليق

 

[عليمنكي]

الاخ ع.ص من المخازن كان واصله Sms من جريدة معينة على الموضوع وانكر ان المناقصة تجمدت... بعد منو عيسى .ص ؟؟؟..........

بعد منو عيسى . ص هممممممممم عسى الله يصلحنا وياه

 

[عليمنكي]

وهذا المطلوب انه جبودكم تلوع وتقطون السهم وتزهقون ولما يصعد غصبا عليكم راح تدشون على السهم مره ثانيه وتاخذونه بالغالى بس انت صبرت وايد على السهم وراح الكثير صدقنى لوم يبقى الا القليل والقليل جدا وخل فيك صبر بس لغايه اواخر اكتوبر وبدايات نوفمبر وراح تشوف اللى يسرك واذا تقدر انك تشترى بالسهم واهو بالنازل يعنى تبرد على السعر مالك برد ولا تخاف بس اخذ باسعار رخيصه لأنه النزل الدامى راح يستمر الى 2720 و 2700 و 2680 و 2660 وفى الشارت واضح النزول واحتمال ينزل بعد شوى ويمكن يتم عليه المضاربه على الاسعار الحاليه ويوصلونه فوق عند ال 3000 ويردون يقطونه وهكذا الى ان يتم توزيع البطاقات مالت زياده راس المال عشان حضراتكم تتشرفون وتبيعونه على الاسعار الحاليه وبعدها يتم الدخول على السهم فوق وفوق وانا راى اغضب السهم واصبر لأنك اصلا كنت ماسكه من قبل وصبرت عليه وما بقى الا القليل ويمكن يرتد بالقريب انشاء الله وانا اقول الله يلهمك الصبر انشاء الله وموفق.

ممكن بس افهم شنو هالمنطق اللي نتكلم فيه صبرتم وايد وانه مابقى شي يبا ليش اصبر اذا السهم مقوووع ابيع الحين واشتري باجر
يبا الريال ايقول السهم رايح 2720 و 2700 و 2680 و 2660 صح ؟
هذا اذا باخذ ابهالكلام ومو ابكلام اللي قاعد ايقول السهم رايح لي 2100

يعني لو ابيع اليوم ال 5000 سهم ابـ 2.800
وانه امنا باللي يقول سهم ما في مثله
اشتري فيهم اذا وصل 2720 للسهم 5147 سهم
اشتري فيهم اذا وصل 2700للسهم 5185سهم
اشتري فيهم اذا وصل 2680للسهم 5223سهم
اشتري فيهم اذا وصل 2100للسهم 6666سهم

 

[بوخمسين]

السؤال :: متي يتم الادراج للمخازن فى بورصة دبي ؟؟

وكم تتوقعون سعر السهم بعد الأدراج ؟؟؟؟؟


وشكراااااا

 

[الحكمة]

اخ يوسف شيقول التحليل بعد الاقفال اليوم؟




.

 

[راكان 77]

استاذ يوسف انت Elliotician ولا تدرى....

الله يعطيك العافية وياريت لو انا اقدر اوصل حتى 4/1 المعلومة الى انت توصل لهم....

السهم انشاالله "اخضر" شوية ورايح يشوف ال 3.200 على يوم الاحد او الاثنين...

انشاالله...

وانا للحين اقول اذا استثمرت بالشركة؟ حرام تبيع الحين...

انشاالله نصف شهر 10 نشوف تداول عــــــــــــــــــجـــــــــــــــــيــــــب....

نظرية:-

Resistance of Time
Time Clusters

زين ياالمليونير مابغيت تكتب مشاركه تعطينا امل وحلوه

 

[M$LL$ONA$RE]

السؤال :: متي يتم الادراج للمخازن فى بورصة دبي ؟؟
وكم تتوقعون سعر السهم بعد الأدراج ؟؟؟؟؟
وشكراااااا

انا للحين ابى السعر لما "خزنه" تتدرج بالسوق الامريكى...؟!

اخاف ما يدخلونها بامريكا من كثر الفضايح الى سوتها بالكويت...

والله للاسف ان الربع ما باعو من زمــــــــــــــــــــان لما الشركة كانت مستغله الجرايد الجبانه مثل الوطن والقبس (مع احترامى) وينشرون "...نقاط فوق الاحرف..." و لا ننسى "اكتتاب ال 156% وتدل على ثقة..."...؟!

الاكتتاب كان غصب!!

الشركة مو بيت التمويل الكويتى او دار الاستثمار او مدار...شركات اسلامية وما عندهم اى فضايح والحمدالله ثقه ثقه ثقه والحمدالله....

 

[العلمي]

انا للحين ابى السعر لما "خزنه" تتدرج بالسوق الامريكى...؟!

اخاف ما يدخلونها بامريكا من كثر الفضايح الى سوتها بالكويت...

والله للاسف ان الربع ما باعو من زمــــــــــــــــــــان لما الشركة كانت مستغله الجرايد الجبانه مثل الوطن والقبس (مع احترامى) وينشرون "...نقاط فوق الاحرف..." و لا ننسى "اكتتاب ال 156% وتدل على ثقة..."...؟!

الاكتتاب كان غصب!!

الشركة مو بيت التمويل الكويتى او دار الاستثمار او مدار...شركات اسلامية وما عندهم اى فضايح والحمدالله ثقه ثقه ثقه والحمدالله....

جبانه ومع احترامي ....حلوه منك يا المليونير بس ما تمشي على فكره والله احبك يا المليونير بس اشوفك وايد متحامل على المخازن ...لكن الله كريم يقولون الي يضحك اخيرا يضحك كثيرا والوعد جدام

 

[عليمنكي]

.............لكن الله كريم يقولون الي يضحك اخيرا يضحك كثيرا والوعد جدام

هذه بعد من المصطلحات اللي قاضبين عليها مثل الي قلت لكم من قبل عنها ( الادراج عن قريب ببورصه نيويورك , البيع باجر ابـ 40 - 50 دولار , العالميه , باجر ماتصيدها , والعبره باللي يضحك اخيرا )

الاااااااا ابشرك الناس صادوهاااااا وعشو اعيالهم و الشركات بعضها باعو ال 16 % من اول ماخلص اكتتاب زياده راس المال علشان اتدش ابحسبت الربع الثالث وراح تشتريها مره ثانيه بعد ما اترد تصعد عقب هالتصحيح وانتوا متقضبين بالسهم وخلص الموووووووولد ونتوا قاعدين تتفرجون

 

[الجبل]

متى ايداع اسهم الاكتتاب في شركة المخازن بالمحفظة

لقد قمت بالاكتتاب باسهم شركة المخازن الكويتية

ولغاية الان لم تضاف الى المحفظة

ارجو من لديه معلومات الافادة وله الشكر

 

[العلمي]

هذه بعد من المصطلحات اللي قاضبين عليها مثل الي قلت لكم من قبل عنها ( الادراج عن قريب ببورصه نيويورك , البيع باجر ابـ 40 - 50 دولار , العالميه , باجر ماتصيدها , والعبره باللي يضحك اخيرا )

الاااااااا ابشرك الناس صادوهاااااا وعشو اعيالهم و الشركات بعضها باعو ال 16 % من اول ماخلص اكتتاب زياده راس المال علشان اتدش ابحسبت الربع الثالث وراح تشتريها مره ثانيه بعد ما اترد تصعد عقب هالتصحيح وانتوا متقضبين بالسهم وخلص الموووووووولد ونتوا قاعدين تتفرجون

يا اخي والله مع احترامي لك ما فهمت منك شي انت قصدت تبينا انضارب بهالسهم يعني ما يصلح مثلا سهم استثماري ...لازم كل سهم نشتريه مجرد مايصعد شي بسيط نبيعه ونرد نسترده بالنازل ما يصير نحتفظ فيه استثمار على العموم اخي العزيز هذا رايك اما انا شخصيا فاشوف سهم المخازن سهم استثماري مو تخشه للزمن الا تورثه لعيالك وعندي ثقه ما يداخلها الشك ان هالسهم بيصعد باذن الله وبيفرح ملاكه ويومها بنسمع عبارة الحي يقلب من ناس وايد .....

 

[محمد سعود]

صباح الخير جميعا
اسمحوا لي ان اضيف ملاحظة بسيطة على موضوع المخازن و التحليلات التي يتفضل بها بعض الاخوة والتي ( مع احترامنا الشديد لها ) تأتي معتمدة على بيانات تاريخية صرفة اساسها اقفالات السهم في الفترات الزمنية محل الدراسة ، وهي بذلك تغفل جوانب كثيرة لها تأثير مهم على السهم مثل ظروف البيئة الاقتصادية المحيطة وظروف البورصة نفسها والتي تتحكم بها العوامل النفسية اكثر من الجوانب المالية او الاستثمارية، كما أن سهم المخازن قد تعرض الى ضغط شديد وبشكل متعمد (كسر عظم) بعد فوزه بعقد (الهفي لفت)من عدة محافظ كانت تراهن على حصول شركة اعيان على العقد ، إلا أنها خسرت كثيرا نتيجة هذا الرهان ، لذلك بدأت بالانتقام من المخازن ببيع السهم بأسعار منخفضة . ( زبدة الحكي ان السهم ممتاز و ما منه خوف بس يبيله شوي صبر لين يمل الضاغطون من الضغط )
و آسف على الإطالة

 

[sprite]

والله حبيبى انت عـــــــجـــــــيــــــــب....

انت مو بس بلعت الموس؟!

بعد عطوك المنشار تبلع وبعض الجرايد من ضمن "الجناية" الى صارت!!

شفت سهم "مدار"؟؟!! وانا قلتلك والله ناس كفوا!!

زيادة راس مال والشركة تدفع؟!

مو خزنة!!

:d

الزميل مليونير

- لفت إنتباهي قولك إن شركة المدار هي اللي راح تدفع زيادة رأس المال و ليس المساهمين !!!!!

و إن المخازن حسب تعبيرك دفعت الناس و كأنها ما أعطت أسهم منحة مجانيه 45% .

ممكن توضح لي و أكون شاكر لك .

 

[sprite]

خوش شركات إسلامية !

للعلم : سهم المدار طلع من 680 فلس إلى 1200 في أقل من شهرين
هذا بعد أن قام الأقرباء و المقربين للشركة و لأعضاء مجلس الإدارة بلم
المعروض أثناء فترة الصعود و بعد أن إكتفوا و بلغ السهم مبلغه
أعلنوا أن هناك زيادة برأس المال .. !!


صج ناس كفو !

 

[M$LL$ONA$RE]

للعلم : سهم المدار طلع من 680 فلس إلى 1200 في أقل من شهرين
هذا بعد أن قام الأقرباء و المقربين للشركة و لأعضاء مجلس الإدارة بلم
المعروض أثناء فترة الصعود و بعد أن إكتفوا و بلغ السهم مبلغه
أعلنوا أن هناك زيادة برأس المال .. !!
صج ناس كفو !

لا ما اعتقد...

انتى زعلانه لانج مو قادره للحين تستوعبين ليش سهم المخازن قاعد يطيح...

 

[الميموني]

صباح الخير جميعا
اسمحوا لي ان اضيف ملاحظة بسيطة على موضوع المخازن و التحليلات التي يتفضل بها بعض الاخوة والتي ( مع احترامنا الشديد لها ) تأتي معتمدة على بيانات تاريخية صرفة اساسها اقفالات السهم في الفترات الزمنية محل الدراسة ، وهي بذلك تغفل جوانب كثيرة لها تأثير مهم على السهم مثل ظروف البيئة الاقتصادية المحيطة وظروف البورصة نفسها والتي تتحكم بها العوامل النفسية اكثر من الجوانب المالية او الاستثمارية، كما أن سهم المخازن قد تعرض الى ضغط شديد وبشكل متعمد (كسر عظم) بعد فوزه بعقد (الهفي لفت)من عدة محافظ كانت تراهن على حصول شركة اعيان على العقد ، إلا أنها خسرت كثيرا نتيجة هذا الرهان ، لذلك بدأت بالانتقام من المخازن ببيع السهم بأسعار منخفضة . ( زبدة الحكي ان السهم ممتاز و ما منه خوف بس يبيله شوي صبر لين يمل الضاغطون من الضغط )
و آسف على الإطالة

كلام 100%

 

[sprite]

ماشاء الله عليك " فحل "

... ما تعتقد ؟! قول والله

شرايك تحط لنا شارت علشان نعرف إذا تعتقد و لا ما تعتقد ..

و لا أقولك : إشرايك تقولنا بجم إنت شريت المدار ؟
علشان تستوعب ليش نزل عليك !

تصدق .. شركة المدار تذكرني بشركة زمزم كولا و مكه كولا