شركة المعادن والصناعات التحويلية ( معادن ) .

[Al Karar]

يقال أن السهم طالع طالع

بس متى ؟

الله العالم


أنا عن نفسي أتوقع أواخر شهر 9

مجرد أحساس لا أكثر

اخوي اي شهر 9 كل شهر يقولون الشهر الياي والمعادن افضل سهم لانه مملوك واليوم هم نازل 10 فلوس وصل 500 فلس الشرهه على ملاك السهم الي امخلينخ جذي ولي عنده خبر خله يفيدنه

 

[Al Karar]

شكله لا اخبار ولا احد داري عن السهم وين بي يروح ومحد شاري بالسهم غيري انا ومجلس الاداره

 

[NICK]

شهالمسخره اللي صارت اليوم

 

[روح السوق]

شهالمسخره اللي صارت اليوم

صدقت

السهم على الدعم 485

 

[Al Karar]

هذه صج مصخره والمشكله كنتو اتقولون انه السهم رايح دينار ولحين اهو على الدعم 485 ممكن تحليل للسهم

 

[thug-life]

اخوي الكرار هذا السهم لا ينفع معاه تحليل و لا اخبار ولا اعلان
و مالنا الا الصبر

 

[Bo Mostafa]

هذه صج مصخره والمشكله كنتو اتقولون انه السهم رايح دينار ولحين اهو على الدعم 485 ممكن تحليل للسهم

أخوي كرار الله يعينك ويعين الأخوان
مثل ما قلت لك السهم في موجة هابطة عنيفة حتى هالإسبوع إخترق الموجة الأوسع للصعود يعني قاطع الموجة الكبرى للصعود
يعني بالعربي إخترق الدعم نزولا ً
وإذا نزل عن 475 فلس راح يكون وضع السهم حرج للغاية

قلبي عندكم والله يعوضكم

بومصطفى

 

[مستثمر بحريني]

والله ياخوي الكرار أنا مثلك شاري السهم على 560 حسب توصية أحد الاخوان جزاه الله خير ويقول راح يوصل 700 وشريت كمية موسهلة،،، ومن شريته وهو نازل مع إن الكل يقول صاعد ويمكن يوصل فوق الدينار !!!! وشوفت عينك اليوم السهم وصل لسعر ماكنا نتوقعه!!!!!

الله يستر ومانخسر كل فلوسنا !!! ياإخوان إذا في أي خبر أو تحليل منطقي فيدونا جزاكم الله خير!!

 

[معمل العود]

اللة يعوض على وعليكم السهم انتحر

 

[tariq9999]

ان شاء الله خير
يجب اخذ وضع السوق واجيليتي ايضا في عين الاعتبار

 

[melenia]

كسر للدعم واغلاق تحت الدعم على سعر 475 .. هل له أمل يرتد .. ام يكمل نزول .. سؤال لاهل الخبرة في التحليل الفني .

 

[tariq9999]

لازلت اقول انه السهم في منطقة ارتداد ..... نقطة الخطر كسر 460 لمدة يومين هذا رأيي والله اعلم

 

[Al Karar]

ياجماعه لا انقص على بعض سهم معادن مايمشي فيه تحاليل وانشا الله شهر 8 يعلن على الصفقه ونشوف اسعار ثانيه والله يوفق الكل
عموما الصفقه قربت ويمكن الاسبوع الياي

 

[BoDousar]

الله يوفقكم ويرزقكم

 

[tariq9999]

ظهور شمعة المطرقة المقلوبة وهي شمعة ايجابية جدا وتنبئ بصعود مفاجئ ..والله اعلم

 

[Bo Mostafa]

أخوي كرار الله يعينك ويعين الأخوان
مثل ما قلت لك السهم في موجة هابطة عنيفة حتى هالإسبوع إخترق الموجة الأوسع للصعود يعني قاطع الموجة الكبرى للصعود
يعني بالعربي إخترق الدعم نزولا ً
وإذا نزل عن 475 فلس راح يكون وضع السهم حرج للغاية

قلبي عندكم والله يعوضكم

بومصطفى

هنا الفيصل 475 فلس
إما يصعد منها أو بلد

 

[Al Karar]

اخوي مصطفى يقول بلد وجهة نظر احترمه ولا كن السوق في عز نكساته والسهم ما نزل عن 455 او 450صح ياجماعه انا اقول خليني انتفائل او كلنه اندش على الشركه ونستحوذ عليها وخلي المخازن يولي اشرايكم ترا الي بره الشركه من اسهم كله 40 مليون سهم بس

 

[مستثمر بحريني]

ياجماعه لا انقص على بعض سهم معادن مايمشي فيه تحاليل وانشا الله شهر 8 يعلن على الصفقه ونشوف اسعار ثانيه والله يوفق الكل
عموما الصفقه قربت ويمكن الاسبوع الياي

الكرار لاتلعب بأعصابنه هالخبر أكيد ولاشلون!!!! إذا أكيد ما أقولك إلا الله يبشرك بالخير وعاش الكرار عاش عاش ولك مني خمسين علبة حلوى بحرينية من المروج ارسلها لك على DHL وفوقهم بخور جنيد مع كم قرشة ماي لقاح الجسرة !!! بس هذا إلي عندنا في البحرين ماكو شي ثاني!!!

 

[Al Karar]

يا البحريني قول انشا الله انا سمعت من مصادر اكيده انه الاسبوع الياي والله اعلم او مابي الا سلامتك

 

[مستثمر بحريني]

يا البحريني قول انشا الله انا سمعت من مصادر اكيده انه الاسبوع الياي والله اعلم او مابي الا سلامتك

الله يسمع منك يالكرار ترانا صبرنا وايد وإذا على الاسبوع الجاي هانت!!
عاش الكرار عاش عاش

لاتنسى تتابع الموضوع وتعطينا آخر الاخبار.