شركة مجموعة الصفوة ش.م.ك مقفلة قابضة ( الصفوة ) .

[كهرب]

انت يا وايت سول
طلعت بلاك سول
اشفيك على
الواحد حرام يقول كلمه ولا لانك محتر منا
خاف ربك انا ما اقول شى الا اجتهاد منى
ومنك يالحبيب
تدرى خلنا المندى لك ولتوصياتك
لو انت فالح عطنا تحليل ومسوى نفسك شاطر حلل بس فالح تعلقك على الناس
أضاهر انك خسران وطابع فى السوق

الله يسامحكم, تارجت كل البشر طبعانه(((

 

[بوعدول]

ياجماعه اشوه انكم تنبهتوا من هالعضو target
لأن يكتب نفس المشاركه اهني وبموضوع مركز سلطان
الحبيب شغال على الشباب تطبيل

 

[target]

انت يا بو عبدول
تنصح الناس ان ينتبهوا منى انصحهم شنو يسون بالسوق مو فالح بس تقول انتبهوا من فلا ن و فلان
اقول شوف السوق عدل وتعلم دور على الفايده لكل
انا ما قلت الا الحقيقة
ولا انت تحب الكذب
شنو الشى اللى فى غلط
انا قلت شى وكل الناس تقول اشياء
ولا الحريه فى الراى صار ممنوع
على العموم راقب السوق وشوف النتايج
وباى بو عبدول

 

[wildibm]

بيييييييييييييييييه وصل 122 فلس

الله يعينكم والله
بغيت اشتري بس انشغلت والحمدلله ان الله سترها

اذا وصلت إلى 100 فلس راح نشتري

 

[Leoo]

متفائل جداا

وااايد متفائل ...

 

[osamaism]

الاخ Leoo ، تري صاحبك غشيم ، شنو يعنى هالشارت

وهل نتفائل وننطر ام ننحاش وكافي خساير ؟؟؟؟؟؟؟؟؟؟؟؟؟؟؟؟؟؟

الرجاء الافادة

 

[بوعدول]

انت يا بو عبدول
تنصح الناس ان ينتبهوا منى انصحهم شنو يسون بالسوق مو فالح بس تقول انتبهوا من فلا ن و فلان
اقول شوف السوق عدل وتعلم دور على الفايده لكل
انا ما قلت الا الحقيقة
ولا انت تحب الكذب
شنو الشى اللى فى غلط
انا قلت شى وكل الناس تقول اشياء
ولا الحريه فى الراى صار ممنوع
على العموم راقب السوق وشوف النتايج
وباى بو عبدول

اول شي انا نكي بوعدول مو بوعبدول
ثاني شي انا أبي اعلق على كل جمله انت كتبتها وراح احط الي انت كاتبه باللون الاحمر وبعدين بكتب ردي عليك باللون الازرق,,,
وسبق ان قتلك تركد وانت تكتب لأن كل الي كاتبه بدليات وبدايتها بنكي
تنصح الناس ان ينتبهوا منى انصحهم شنو يسون بالسوق مو فالح بس تقول انتبهوا من فلا ن و فلان
اخوي اكيد بنصح الناس ان ينتبهون منك ,,,
تذكر توصياتك لسهم الصفوه بشهر 12 على فكره ترى الي انت كاتبه موجود مانمسح ,,,
انت قلتها بالحرف الواحد نطروا على السهم جم شهر وراح تشوفونه دينار ,, وقمت تقول اشهد ياتاريخ ,,,
وعشان الكل يقرا توصياتك الجميله ياجماعه شوفوا هالرابط
http://www.indexsignal.com/vb/showthread.php?t=36712&page=32
اقول شوف السوق عدل وتعلم دور على الفايده لكل
انا ما قلت الا الحقيقة
ولا انت تحب الكذب
بصراحه مافهمت انت تبي توصل حق شنو والي يرحم والديك ترجم
ولا الحريه فى الراى صار ممنوع
على العموم راقب السوق وشوف النتايج
وباى بو عبدول
الحريه بالراي صار ممنوع ؟؟؟
قصدك الحرية بالرأي صارت ممنوعه ؟؟؟
ياحبيبي بسك بدليات
حبيبي انت موقاعد تكتب بجريده عشان تقولي حرية رأي ,,,
انت قاعد تكتب بمنتدى والموضوع فيها فلوس ,, ولو واحد جديد بالبورصه وشاف الي انت كاتبه , بيقول سعر السهم الحين نازل وبيوصل دينار بعد جم شهر راح تخليه يستخف ...
بتخلي الناس تاخذ قروض على توصيتك الحلوه ,,,,,
ومثل ماقتلك نكي بوعدول مو بوعبدول شقالولك معلم شورما ؟؟؟:

 

[wildibm]

ومثل ماقتلك نكي بوعدول مو بوعبدول شقالولك معلم شورما ؟؟؟

خخخخخخخخخخخخخخخخخخخخخخخخخخخخخخخ حلوة :d

 

[forever313]

اقتصــــــــــــاد


من بينها الصفاة والصفوة والصناعات الوطنية وصناديق الطاقة
أسهم شركات الطاقة مرشحة للصعود بعد الكشف الجديد
كتب الأمير يسري:

أشارت مصادر مطلعة إلى ان اسهم شركات الطاقة ستشهد رواجاً غير مسبوق في الفترة المقبلة على خلفية إعلان وزير الطاقة الشيخ احمد الفهد عن اكتشاف للغاز الطبيعي غير المصاحب في حقول الشمال تبلغ كميته التقديرية نحو 35 تريليون قدم مربع على اعتبار ان شركات الطاقة ستكون على رأس المستفيدين من هذا الكشف الذي أدخل الكويت لنادي دول الغاز الطبيعي.
وأوضحت المصادر ان الرواج المتوقع ستمتد توابعه الى التركيز كذلك على صناديق الطاقة التي بدأت تؤسس مؤخراً في ظل توقعات بزيادة عددها في المرحلة المقبلة.
وأشارت المصادر الى ان الشركات المرشحة للاستفادة من الاكتشاف الجديد سواء على مستوى عملها التشغيلي او على مستوى ارتفاع اسعار اسهمها هي شركات »الصفاة« و»الصفوة« و»الخليج للطاقة« و»الأولى للاستثمار« و»الاولى للطاقة« و»الاستثمارات الوطنية« و»المركز المالي« و»الصناعات الوطنية« وصناديق الطاقة.
ولفتت المصادر ان اسعار هذه الاسهم ستشهد وتيرة متصاعدة في الفترة المقبلة استعدادا للتأثيرات الايجابية المتوقعة للكشف الجديد على عمل هذه الشركات.

تاريخ النشر: الجمعة 10/3/2006


المصدر

http://www.alwatan.com.kw/Default.aspx?MgDid=395666&pageId=39

 

[Leoo]

الاخ Leoo ، تري صاحبك غشيم ، شنو يعنى هالشارت

وهل نتفائل وننطر ام ننحاش وكافي خساير ؟؟؟؟؟؟؟؟؟؟؟؟؟؟؟؟؟؟

الرجاء الافادة

والله يا اخوي الوضع معقد ما ابي أنصك بشي حتى لا أكون اخطيت بحقك ..

لكن اللي اقدر اقوله اني متفائل خير..

أو ممكن تسأل الهامور ابو المصادر الفولاذيه ..

 

[osamaism]

والله يا اخوي الوضع معقد ما ابي أنصك بشي حتى لا أكون اخطيت بحقك ..

لكن اللي اقدر اقوله اني متفائل خير..

أو ممكن تسأل الهامور ابو المصادر الفولاذيه ..

شكرا اخى ـ وطالما انت متفائل راح انطر ولك الحلاوه ان شاء الله

 

[sporty72]

السلام عليكم

يا جماعة ابي النصيحة من اهل الخبرة
انا ناوي ادش على هالسم
في احد ينصحني متى اخذ فيه ؟ واي افضل سعر شراء ؟
وشكرا

 

[البيروتي]

يا جماعة ابي النصيحة من اهل الخبرة
انا ناوي ادش على هالسم
في احد ينصحني متى اخذ فيه ؟ واي افضل سعر شراء ؟
وشكرا

يا اخى العزيز الشركه قامت بزيادة راس مالها 950% وعدد اسهمها مليار سهم يعنى يبيلها وقت ووقت طويل جدا عبال ما تشتغل وتتوسع وتنتشر وتطلع ارباح انا من وجهة نظري ممكن نشوف ال 100 فلس مستقبلا ونصيحه يا اخوى لا تسترخص سهم بالسوق .

وتمنياتى لكم بالربح والتوفيق

 

[بوعدول]

حبيبي انصحك لا اتدش على اي سهم الحين
بهالظروف الي تمر فيها البورصه مالك إلا انك تترقب السوق ولا تستعجل
لين تكون الرؤيه واضحه بصراحه الحين السوق يخوف
اصبــــــــــــــــــــــــــــــــــــــــــــــــــــــــــــــــــــــر

 

[sporty72]

السلام عليكم

يا جماعة ياليت تخلون نقاشاتكم المالها داعي بالخاص. وخلو النقاش فقط بالبورصة يا شباب. لاتنسون هذا منتدى طيب وله سمعته , وارجو من الاخوة المشرفين التدخل لفض النزاع
ودمتم

 

[q80stock]

يعطيك العافية اخوي على مجهودك الطيب والواضح انك تحب الخير لاخوانك
ياليت تنصحني اخوي متى اخذ السهم ؟ وما هو افضل سعر للشراء ؟
وشكرا

أخوي انطر شوي وراقب السهم ، مؤشراته مو زينة و يمكن ينزل لغاية 114 ، ولكن اذا ارتد غدا فيمكن يكون خير وراح اعلمكم اذا اعطى اشارة شراء صريحة

 

[sporty72]

أخوي انطر شوي وراقب السهم ، مؤشراته مو زينة و يمكن ينزل لغاية 114 ، ولكن اذا ارتد غدا فيمكن يكون خير وراح اعلمكم اذا اعطى اشارة شراء صريحة

يعطيك العافية اخوي وانا راح انطر لين اشوف استشاراتكم الطيبة لنا بالدخول

 

[q80stock]

يعطيك العافية اخوي وانا راح انطر لين اشوف استشاراتكم الطيبة لنا بالدخول

أخوي
خلك مراقب السهم ، ترى يمكن يصعد وما يوصل 114 !!!!! تراني علمتك

 

[circle]

انا زدت الكميه اليوم

والله الموفق ان شاء الله

 

[circle]

ملاشط واضح باذن الله ينتهي بالصعود