هيئة أسواق المال تمنع تداول المشتقات المالية مثل سوق الخيارات والبيوع المستقبلية والاجل

[الراقي]

اهم شي شلون نعرف كمية الاجل على الاسهم

 

[السور]

يا جماعة انتوا مكبرين السالفة

تري من زمان الاجل ما عليه طلب والكميات محدودة وغير مؤثرة
علبالكم انها بالملايين
تري قليلة وعلي اسهم محددة
صناع السوق من زمان ما يأخذون اجل الإ علي الاسهم القيادية

وألحين هيئة الاسواق تبي تدخل ألية جديدة علي السوق وشرط من صالح السوق وتنشطه


من قبل جم يوم انا مكلم مكاتب الاجل يقولون ان بالاسبوع ما تتم عندهم ١٠ صفقات اجل

فلا تكبرون السالفة واهيه ما تستاهل

 

[sayer]

ما ادري البلد وين رايح بسبب الأشخاص غير المسؤولة وعديمة الخبرة

 

[sayer]

اخوي السور اكو كميات وبالأخص بالأسهم القيادية فإذا نزلت الأسهم القيادية السوق كله يطيح

نتمنى ان لا يكون هناك اي تأثير او تأثير محدود والله اعلم ولا حول ولا قوة الا بالله

 

[سوق الاوراق]

الف مبروك عليكم الصعود القادم ان شاء الله
ولكن والعلم عند الله راح يحوشكم حصار وقصف خلال ٣شهور القادمة
وسبب ان اصحاب الاجل مافي امامهم غير البيع قبل الاول من نوفمبر
ولكن هذا الكلام فقط الاسهم اللي عليها اجل
الحين المطلوب معرف ماهي الاسهم اللي عليها اجل قبل كل شي
ترى القرار هذا راح يقلل من السيولة في البداية ولكن في نهاية راح يكون بداية انطلاقة لمشروع صانع السوق
انا لا اعرف تفاصيل موضوع صانع السوق ولكن شفت الاستثمارات الوطنية موعاجبهم عرفت على طول ان الموضوع فيه خير لناس وهم محتجين

السلام عليكم
كلامك عدل بوعبدالله ............... في شي قادم بالطريج .

 

[بحار بلا مركب.]

الله يعطيكم العافية شباب..
نبي موقع شي نعرف كميات الأجل
الي يقول شوي
والي يقول اسهم قيادية
هالقرار خس بقنا ......
طبعن ربعنا مايصدقون خبر بيدوسون بطن السوق باجر.

 

[المحلل المالي75]

سؤال للقانونيين :

هل ممكن التظلم على القرار ورفع قضية مستعجلة للمحكمة ...؟

عندي عقود أجل وخسران فيها وكنت ناوي أجددها

 

[عبدالله2]

انا قايل لك مدبس تدبيسة طيبة بسبب صفقة امريكانا

المهم الحين ياخوي اي شي عندك بيعة وجمع الكاش يعني عندك قاري استعمال خفيف بيعه
حنا الحين بزمن القرطوع

الله يستر

لا يقرطعون الفلوس ...!

انا برااااا من يوم الخميس الماضي

قلبي معاااك

 

[boali8]

انا اشوف انه قرار ايجابي

وراح يخفف الضغط على الاسهم

يشتري مليون اجل ويحطه تكه فوق

واذا نزل السوق حط كميته بالحد الادني


مادمر السوق الا البيوع والاجل

والاجل حاليا على الاسهم القيادية فقط

وفيه عليها صانع سوق يشيل كثر ماتقط

 

[الراقي]

الله يستر

لا يقرطعون الفلوس ...!

انا برااااا من يوم الخميس الماضي

قلبي معاااك

هههههههههههههههههههههههههه
شوف قرارهم بعد السوق يعني مافي احد يدري عنه والسوق اخضر والامور طيبة
ودي اصدق انهم محد يدري عن القرار
لعلم من مدة شركات الاجل موقفين الاجل وعندهم خبر
ونفس ماقالو الاخوان اغلب الاسهم اللي عليها اجل هي اسهم القيادية يعني اسهم الحكومة
ولاتخافون الحكومة عندها فلوس تدعم اسهمها

 

[عبدالله2]

هههههههههههههههههههههههههه
شوف قرارهم بعد السوق يعني مافي احد يدري عنه والسوق اخضر والامور طيبة
ودي اصدق انهم محد يدري عن القرار
لعلم من مدة شركات الاجل موقفين الاجل وعندهم خبر
ونفس ماقالو الاخوان اغلب الاسهم اللي عليها اجل هي اسهم القيادية يعني اسهم الحكومة
ولاتخافون الحكومة عندها فلوس تدعم اسهمها

نتمنى ذلك

وان يكون هذا القرار قد تم بدراسة ورؤية

وان الشركات على إطلاع به .

سالفة الحكومة تدعم ... هذه انساها ..!

هي بروحها قاعدة تدور قرطوع ،،

 

[الموسوعه]

وقف الاجل وفتح التسهيلات

تمام تمام

 

[رابح رابح]

ضربة جديدة للسوق وشريحة مهمة من المساهمين ..من جهة مسئوليتها حماية المساهمين ...

قرار منع تجديد بيوع الآجل في أسوأ توقيت في ظل انهيار الاسعار القياسي والتاريخي وتبعات تطبيق قواعد الحوكمة .. يمثل ضربة جديدة للسوق الذي يحتضر ويعاني من انخفاض حاد بالسيولة غير مسبوق تسبب في تفاقم خسائر السوق .

كلمني اليوم صديق بحزن عميق يقول انه امامه خيارين :
1- تغطية عقود الأجل ولازم يدفع 1.2 مليون دينار وهو شبه مستحيل
2- بيع جزء من اسهم الإجل بخسائر فادحة وتغطية سعر الكمية المتبقية وقد لايتوفر مشتري.

خلال الأسابيع الماضية تسائل العديد من المراقبين عن ظاهرة استمرار الانهيار الغريب والغير مبرر .. وعدم تفاعل بعض الاسهم المهمة مثل :
- تجاهل البنوك تأثير صفقة امريكانا
- تجاهل مجموعة الاستثمارات لتأثير اعلان صفقة زين
- نمو ارباح زين وعدم الارتفاع
- نمو ارباح بيتك وعدم الارتفاع
- استلام بيتك لمبلغ 44.5 مليون وعدم الارتفاع.
- تجاهل السكب وكيبلات لنمو الارباح
- تجاهل العديد من الشركات لأجرائات مالية ايجابية مهمة مثل تغطية ديون الاولى للاستثمار والوطنية دق .

هل سبب الضغط المتواصل على الاسعار هو دفع ملاك هذه الاسهم للبيع بالإسعار الرخيصة جدا ؟؟؟

واذا تعمق انهيار السوق .. هل ستكون هذه الضربة هي الإخيرة للسوق .. وسيتبعها ارتفاع كبير بالسوق ؟؟؟

نرجو ان يتم تأجل القرار الى حين اعلان النتائج السنوية أو اتخاذ اجرائات ايجابية سريعة تحمي هذه الشريحة المؤثرة من المساهمين الذين وثقو في اقتصادنا وراهنو على الاستثمار محليا عندما اتجه الاخرون للإستثمار بالبورصات الأخرى .. وان لاتكون مكافأتهم هي تدمير اموالهم .


مع كل التقدير والاحترام لهيئة اسواق المال وقرارها .

 

[رابح رابح]

المؤشر السعري

 

[رابح رابح]

انا اشوف انه قرار ايجابي

وراح يخفف الضغط على الاسهم

يشتري مليون اجل ويحطه تكه فوق

واذا نزل السوق حط كميته بالحد الادني


مادمر السوق الا البيوع والاجل

والاجل حاليا على الاسهم القيادية فقط

وفيه عليها صانع سوق يشيل كثر ماتقط

مع احترامي لرأيك يابوعلي
اخالفك الراي 100% والقرار سلبي جدا .. واعتقادك غير صحيح لأن الشاري يدفع عمولة ونسبة فائدة .. هذي الطريقة لاتكون مربحة الا اذا تحرك السوق بقوة مع مضاربات عنيفة وسيولة تداول عالية .

وحتى لو تم استخدام هذا السلوك فهو نادر منذ انهيار السوق وانهيار الثقة فيه .. اغلب عقود الآجل هي في البنوك وأجلتي والاسهم النظيفة لجني ارباح استثمارية على المدى القصير خاصة في فترة الاعلانات السنوية وارجع الى الشارتات ولاحظ حرب التداول في ديسمبر ويناير من كل عام .

 

[الراقي]

بوخالد صباح الخير
اذا عندهم علم مسبق وسيلو اسهم الاجل يعني المشكلة انتهت الحين لكبار الملاك وباقي صغار الملاك

 

[رابح رابح]

بوخالد صباح الخير
اذا عندهم علم مسبق وسيلو اسهم الاجل يعني المشكلة انتهت الحين لكبار الملاك وباقي صغار الملاك

بوعبدالله الموضوع متداول ونسمع عنه من چم شهر بس كان الكلام عن تعديل شروط الآجل وليس الغائها واكيد الخبر منتشر من زمان بالسوق وهذ سبب الضغط المتواصل.

اللي اتخذ هالقرار خرب بيوت خلق الله لأن اي انسان يملك ادنى معرفة بالسوق يعرف عدل ان ارغام الناس بالبيع بالقوة في ظروف سيئة جدا للسوق واضحة للجميع من خلال قيمة التداول اليومية .. وبأسعار متدنية عند قيعان غير مسبوقة من اكثر من عشرين سنة .. يعتبر اعدام لاموال ملاك عقود الآجل .

مع ان من المفترض ان يكون دور هيئة اسواق المال حماية المساهمين والسوق ولكن للاسف الشديد .

 

[الموسوعه]

شنو صار على اللآجل ياجماعه

 

[المحلل المالي75]

سؤال للقانونيين :

هل ممكن التظلم على القرار ورفع قضية مستعجلة للمحكمة ...؟

عندي عقود أجل وخسران فيها وكنت ناوي أجددها

للرفع ... اذا ماتم تجميد القرار أو إلغاءه نبي تعاون ونرفع قضية مستعجلة ... إذا أحد مستعد يرسل رقمه على الخاص

 

[الهدف البعيد]

شنو صار على اللآجل ياجماعه

اذا انتهي عقدك قبل 31 / 10 مايتجدد
..
عندي صاحبي ينتهي عقدة بشهر 9
العقد دافع فية 34 الف لو يبيعة علي هالاسعار يطلع ب 5 او 6 الاف... يبي يجدد مانعينة..
دمرو العالم بقراراتهم الغبية التنفيعية