هيئة أسواق المال تمنع تداول المشتقات المالية مثل سوق الخيارات والبيوع المستقبلية والاجل

[الاريش]

نزل الإعلان في موقع سوق الكويت للأوراق المالية

 

[بحار بلا مركب.]

مرحبا شباب
شلون انعرف كميات الأجل الموجوده للشركات
وماهي اثار القرار على السوق.
أفيدونا يأهل الخبره ............ جزاكم الله خير

 

[أبو فلسين]

قرار جدا سلبي وقالوها خيبة سوق المال دمرت السوق .. جميع الاسهم القياديه محمله بالاجل واهي البيوع المستقبليه
الوطني
بيتك
الدولي
أجيلتي
زين
الكيبلات
الصناعات
اغلب البيوع المستقبليه والاجل بهذي الاسهم وهذا من غير الاسهم الصغيره وفي ناس متعلقه فوق لما كان الاجل مسموح التداول فيها يأتي نايف الحجرف بكل برودة دم ويفسخ هذي العقود لا تجدد لهم ولا بتصبر عليهم وهذي اصلا مشروعه بتداول واهي أداه لتداول وجذب المضاربه فيها وعليها شلون فجأه توقغها وتمنع تجديدها تسلمون أموال الناس لتجار ببخس السعر وتساعدهم
عموما الخبر جدا سلبي بذات لم ينصف حقوق الصغار

 

[الراقي]

الف مبروك عليكم الصعود القادم ان شاء الله
ولكن والعلم عند الله راح يحوشكم حصار وقصف خلال ٣شهور القادمة
وسبب ان اصحاب الاجل مافي امامهم غير البيع قبل الاول من نوفمبر
ولكن هذا الكلام فقط الاسهم اللي عليها اجل
الحين المطلوب معرف ماهي الاسهم اللي عليها اجل قبل كل شي
ترى القرار هذا راح يقلل من السيولة في البداية ولكن في نهاية راح يكون بداية انطلاقة لمشروع صانع السوق
انا لا اعرف تفاصيل موضوع صانع السوق ولكن شفت الاستثمارات الوطنية موعاجبهم عرفت على طول ان الموضوع فيه خير لناس وهم محتجين

 

[السور]

كميات الاجل قليلة بالسوق ماراح اتأثر
واصلا المكاتب كانت ما اتجدد الاجل

 

[بحار بلا مركب.]

كميات الاجل قليلة بالسوق ماراح اتأثر
واصلا المكاتب كانت ما اتجدد الاجل

اخوي
شلون عرفت ان كميات الأجل قليلة
فيه موقع يبين كميات الأجل

 

[الراقي]

القرار واضح
سوف يوضع الية لعقود الحالية يعني مافي احد راح يبيع بسبب هذا القرار

 

[الهدف البعيد]

مشاهدة المرفق 254943
القرار واضح
سوف يوضع الية لعقود الحالية يعني مافي احد راح يبيع بسبب هذا القرار

عدم تمديد لفترة تتجاوز 31 / 10 / 2016..
بمعني ماكو آجل بعد هالفترة والبيع سيكون اجباري

 

[عبدالله2]

مشاهدة المرفق 254943
القرار واضح
سوف يوضع الية لعقود الحالية يعني مافي احد راح يبيع بسبب هذا القرار

انت مصدقهم

 

[الاريش]

يا شباب توني مكلم محاسب من شركة وساطة
القرار واضح
مافي تجديد بعد نهاية شهر 10
يعني عندك خيارين
يا انك تبيع حتى لو بخسارة
أو تدفع الدفعة الأخيرة وتمتلك العقد
بكل الأحوال القرار سيئ
ذاك اليوم دعيت عال هيئة وقفوني المنتدى أسبوعين
ماني قايل غير لا حول ولا قوة إلا بالله

 

[الراقي]

عدم تمديد لفترة تتجاوز 31 / 10 / 2016..
بمعني ماكو آجل بعد هالفترة والبيع سيكون اجباري

انت مصدقهم

المهم في ألية راح يعالجون فيها الموضوع
اتوقع يشترون منهم الاسهم براس مالها او يطلبون منهم التكيش بدون فايدة يعني هم براس المال
انتو ليش مستعجلين
ترى القرار هذا داس بطن الشريطية وصبيان المحافظ
مفلسين وكاشخين على الناس الحين رجعو الى الشعب
اهم شي كل واحد يحرص على قرطوعة

 

[عبدالله2]

المهم في ألية راح يعالجون فيها الموضوع
اتوقع يشترون منهم الاسهم براس مالها او يطلبون منهم التكيش بدون فايدة يعني هم براس المال
انتو ليش مستعجلين
ترى القرار هذا داس بطن الشريطية وصبيان المحافظ
مفلسين وكاشخين على الناس الحين رجعو الى الشعب
اهم شي كل واحد يحرص على قرطوعة

حبيب يابوعبدالله

كلامك هذا يدل انك متدبس لك بسهم

ومتوهق ... لما كنت برا السوق

كان كلامك له لون آخر

وش نسوي هالحين ؟؟

خلاص تورطنا ولا فيه فركه

 

[عندك سلف]

القرار حسب الصيغة المعلنة

سلبي للغاية
بل فيه تعمد للإضرار بالمتداولين خاصة متداولي الآجل والبيوع المستقبلية والخيارات

الإعلان لم يعطي تصور لمن يحل عليه العقد غدا مثلا او بعد اسبوع
وكان عامل حسابه انه يجدد العقد لانه لا يملك دفع قيمة الدفعة الأخيرة من العقد
هل الهيئة تهدف إلى إجبار متداولي الآجل إلى البيع بهذه الأسعار الظالمة..

ام انها تنفذ أجندة لكبار المتداولين اللي عندهم سيولة ويبون يشترون لكن ما في بياع؟؟!

انا من زمان قايل أن أعضاء مجلس مفوضي الهيئة ناس اكاديميين وقانونيين لكنهم ما مارسوا التداول وبالتالي مهما حاولوا من جهد لن يتمكنوا من جعل السوق جاذب ونشط ..

كم مرة وعدوا بأن يرفعوا من مستوى السوق وآليات السوق كم مرة طلع رئيس المفوضين بالتلفزيون والصحافة وصرح أن شركات عالمية وعائلية ونفطية في طريقها إلى الإدراج...
وان السوق سيصبح جاذب
لكن الواقع عكس ذلك تماما الشركات مستمرة بالانسحاب

تذرعوا بان قانون هيئة اسواق المال جامد وهو المعرقل ...مجلس الأمة والحكومة غيروا قانون هيئة أسواق المال بناء على رغبتهم

وعلقوا كل الآمال على اللائحة التنفيذية وعملوا لها بروباغندا...طلعت فشينغ

والآن يأتي هذا القرار..بهذه الصيغة الناقصة..
وانا متأكد الف بالمية انهم غير مدركين لتبعات هذا القرار على السوق ..وحجم الظلم اللي سيقع على المتداولين...هم يرون الموضوع من زاوية قانونية فقط.

شوفوا تأثير القرار باجر يا هيئة يا محترمين

 

[الراقي]

حبيب يابوعبدالله

كلامك هذا يدل انك متدبس لك بسهم

ومتوهق ... لما كنت برا السوق

كان كلامك له لون آخر

وش نسوي هالحين ؟؟

خلاص تورطنا ولا فيه فركه

انا قايل لك مدبس تدبيسة طيبة بسبب صفقة امريكانا

المهم الحين ياخوي اي شي عندك بيعة وجمع الكاش يعني عندك قاري استعمال خفيف بيعه
حنا الحين بزمن القرطوع

 

[عندك سلف]

قبل اسبوع مجلس مفوضي الهيئة قابل مرزوق الغانم لعرض انجازات الهيئة خلال العام الماضي

 

[خالدالاحمد]

اللي عرفته انه في قرارات جديده بتنظيم الاجل
بحيث تكون الدفعه الاولى 20% بدلا من 41% وفي شغلات ثانيه القرار في تنشيط لمكاتب الاجل
تفاءلوا بالخير

 

[الراقي]

قبل اسبوع مجلس مفوضي الهيئة قابل مرزوق الغانم لعرض انجازات الهيئة خلال العام الماضي

انت الوحيد اللي تقدر تجيب كمية الاجل على كل سهم شد حيلك معانا

 

[نصوح]

الله يقطع الاجل والبيوع ،،، شنو الفايدة يعرفون
من الشاري ،، ومتى يحين الموعد ،، ويلعنون خيرك ليمن
تبيعهم اسهمك ببلاش وانت الخسران
ما شاء الله سوقنا في قمة السرية والشفافية
ضحايا الاجل اكثر من اضاحي العيد ،، لا بارك الله في الاجل

 

[عندك سلف]

اللي عرفته انه في قرارات جديده بتنظيم الاجل
بحيث تكون الدفعه الاولى 20% بدلا من 41% وفي شغلات ثانيه القرار في تنشيط لمكاتب الاجل
تفاءلوا بالخير

انا ادري بهالشي..
ادري ان في قرارات جديدة لتنظيم الآجل والبيوع المستقبلية والخيارات
لكن لأن هيئة أسواق المال ناس اكاديميين وقانونيين ما يحسنون فن التداول...
قرروا أن يصفون الأجل والخيارات الحالية بالكامل بعدين يطبقون النظام الجديد...

لو انا مكانهم...استمر في النظام الحالي لفترة انتقالية بالتزامن مع النظام الجديد...
مو لازم اصفي العقود الحالية علشان أبدي النظام الجديد

يعني افتح النظام الجديد اول وأعطي مجال للمتعاملين بالنظام الحالي أن يجددوا عقودهم حسب النظام الجديد.

مو أجبرهم يبيعون ويضغطون على السوق...
بعدين اطبق النظام..

 

[sayer]

للأسف قرار غير مسؤول!!!

شلون توقفون الأجل والبيوع والمشتقات فجأة!!!

ما يصير يا جماعة إنتوا تدمرون السوق والمساهمين

أهو بروحه السوق ميت الحين على الصليبيخات وسلامتكم