طالبيني هيئة اسواق المال للتحقيق .. مادة 122 .. ما العمل ؟

[Vanilla chay]

من منكم اصابة تحقيق مع هيئة اسواق المال ؟
الرجاء الرد ...
طالبيني للتحقيق في تداولات سنة 2014 ..
اللي يقدر يساعدني بليييز ... شلون اخرج من هذي المصيبه ...
التحقيق الاسبوع الجاي بمقر هيئة الاسواق ..
ارجوو المساعده

 

[Vanilla chay]

اذا تقدرون تساعدوني كلموني خاص ...او كلموني عام ... دازين بريد علي البيت يطالبوني بالتحقيق !!!!!!!

شنو الحل ...

 

[murgab]

شنو مسوي بالضبط يالحبيب ، تذكر علشان يبين شنو موضوعهم .

 

[Vanilla chay]

اللي اعرفه شريت وبعت بنفس اليوم اكثر من مره بنفس السهم .... قبل اكثر من سنه ..
والقيمة لاتتجاوز 40 الف دينار؟؟
ولكن النية حسنه كنت اخاف السهم ينزل وابيعه بالنازل ..

 

[نواخذة الكويت]

ساعدوووو شباب والله انا ما اعرف في هالمواقف بس الرجال متوهق

زقايرك وأكلك وعصير ربيع عندي من عيوني أوصلهم لك لا اتحاتي

انا عندي حل واحد روح معاك محامي

 

[74talal]

ماتتذكر شنو تداولت في سنه ٢٠١٤ ، بمعنى انه ماتتذكر هل في اسهم انت ساهمت في ارتفاعها او انخفاضها؟ لأن الماده ١٢٢ من قانون الهيئه خاصه بالارتفاع وانخفاض الاسهم

 

[Vanilla chay]

الصراحه شي يفشل ... اذا هذا سووق
اقسم بالله العظيم ان اتداول لمصلحتي ومحفظتي ولوحدي ... والبيع والشراء قراري ... كنتواخاف اخسر زياده وابيع واطلع وادش اشتري بعده بيومين ...
عيب.. اذا انا متداول صغير يصير فيني جذي ..
شلون تبون الناس اصحاب المحافظ الكبيره تدخل السوق

 

[74talal]

انت تقدر تروح تسمع منهم في البدايه شنو عندهم وشنو التداولات اللي انتو مشتبهين فيها عشان تقدر تدافع عن نفسك

 

[Vanilla chay]

المشكله السهم خسران فيه ..
كاتبين بالكتاب محقق ربح 11 الف دينار
اقسم بالله كانت خسارتي يمكن 12 الف وصارت بعدين خسارتي 2000 وطلعت من السهم

شلوون حققت ربح 11 الف ...
هل تقليل الخساره اصبح ربح

 

[74talal]

اللي اعرفه شريت وبعت بنفس اليوم اكثر من مره بنفس السهم .... قبل اكثر من سنه ..
والقيمة لاتتجاوز 40 الف دينار؟؟
ولكن النية حسنه كنت اخاف السهم ينزل وابيعه بالنازل ..

ممكن توضح زياده سلوكك بالتداول في هذا اليوم عشان نقدر نفهم ونساعد اكثر

 

[Vanilla chay]

احد يعرف محامي يفهم بالماده 122

 

[Vanilla chay]

انا ماني عارف شلون كاتبين ان حققت ربح !!!
كنت خسران 12000 وصاروو 2000
او كانت خسارتي 14000 وصاروو 3000 ماذكر
هل معناته اني حققت ربح ...

 

[Vanilla chay]

استغفرالله ..

 

[نواخذة الكويت]

المشكله السهم خسران فيه ..
كاتبين بالكتاب محقق ربح 11 الف دينار
اقسم بالله كانت خسارتي يمكن 12 الف وصارت بعدين خسارتي 2000 وطلعت من السهم

شلوون حققت ربح 11 الف ...
هل تقليل الخساره اصبح ربح

خلاص عيل الشغله عاديه مجرد تخريع

روح حق المكتب اللي تتعامل معاه واسحب كشوفات 2014 وبين لهم انك كنت خسران وليس ربحان كما ذكرتم بالكتاب اللي وصلني

ماكو إلا العافيه السالفه عاديه جدا

 

[74talal]

خلاص عيل الشغله عاديه مجرد تخريع

روح حق المكتب اللي تتعامل معاه واسحب كشوفات 2014 وبين لهم انك كنت خسران وليس ربحان كما ذكرتم بالكتاب اللي وصلني

ماكو إلا العافيه السالفه عاديه جدا

ان شاءالله انها عاديه

 

[Vanilla chay]

خلاص عيل الشغله عاديه مجرد تخريع

روح حق المكتب اللي تتعامل معاه واسحب كشوفات 2014 وبين لهم انك كنت خسران وليس ربحان كما ذكرتم بالكتاب اللي وصلني

ماكو إلا العافيه السالفه عاديه جدا

ممكن يحسبون تقليل الخساره عباره عن ربح

يعني انا ساعدة في رفع السهم ... بس

 

[Vanilla chay]

كانت الخساره 14000 واصبحت 3000 ...
والله ان كرهت السوق ...يمكن يقولوون صعدت السهم وقللت خساره ..

 

[74talal]

هل كانت خسارتك ١٢ الف وانت رفعت السهم چم يوم وبعدين انطلب السهم وبعت على الطلب وصارت خسارتك من ١٢ ألف الى ٣ آلاف؟

 

[نواخذة الكويت]

ههههههههههه تبي الحل

واحد فقط اللي يقدر يطلعك مثل الشعره من العجين

بوسارونه ملك الخطط القضائية

تصدق مره واحد حاكمين عليه بالإعدام يوم تدخل بالموضوع بوسارونه .. الرجال طلع برائه

ويوقال إن القاضي باس راس المتهم وعوضه بفلوس

 

[السعد محمد]

انت تملك محفظة وحدة ...ولا محفظتين
اذا محفظة وحده ..... ما عليك شي

الا اذا فيه اتفاق بينك وبين شخص ثاني ... فعليهم الاثبات انكم متفقين