£&@صفحة متابعة السوق@&£

[Navigator]

تقصد اسلوب مداراه !!
اذا غلطت انا
استعمل معي قوانينك
وانا اول من يطيع واخر من يرفض

لا اسلوب إدارة

لأن كل مشاركه او موضوع بنشطبه ونكتب او نشرح اسباب شطبه ما راح نخلص
والسالفه مو فرض راي او تقييد حريه
جربنا وجربنا ليما زهقنا

 

[دايــم]

عدد كبير ضد عاصفة الحزم

وانت من اشد مؤيدين عاصفة الحزم وطبعاً غالبية الشعب العظمى مؤيده

نفرض تقابلتوا بالمنتدى ودار بينكم نقاش

شنو بنستفيد من نقاشكم ؟

وشنو نوع المشاركات ؟

مو شغلنا تغيير قناعات الناس لكن منع المشاركات السياسية هو افضل حل

يارجل
ماقلنا نبي نتناقش في حيثيات السياسه
لكن لا تمنعنا من نقل اخبار تتعلق ببلدنا وعليه فهي تتعلق ببورصتنا

قاعد اسوق حاليا بغيت ادعم

 

[Navigator]

انا ودي اطب مع بوتركي بس مابيها تصير زيطة وزنبليطة

تدري إني مسجل بنادي ؟

 

[نواخذة الكويت]

شوف انا عمري ٤٦ سنة اكتشفت ان مو لازم تناقش بكل شي تعتقد انه صح وتحاول تثبت كلامك
قول اللي تبي وبعدها اترك الموضوع

عليك نوووور هذا الكلام العدل

انقل الخبر ولا تفسر وتناقش ودع القاريء هو اللذي يحكم

لكن اهني السياسة بالإكرااه

واحنا ناس على باب الله

 

[Navigator]

يارجل
ماقلنا نبي نتناقش في حيثيات السياسه
لكن لا تمنعنا من نقل اخبار تتعلق ببلدنا وعليه فهي تتعلق ببورصتنا

قاعد اسوق حاليا بغيت ادعم

وانا نفسك اسوق والله

اخبار سياسية ممنوعه

بعدين تعال شنو قصة الرقم اللي على خريطة الكويت ؟

 

[دايــم]

لا اسلوب إدارة

لأن كل مشاركه او موضوع بنشطبه ونكتب او نشرح اسباب شطبه ما راح نخلص
والسالفه مو فرض راي او تقييد حريه
جربنا وجربنا ليما زهقنا

الحين انت اللي اطلع لي برا

 

[نواخذة الكويت]

يارجل
ماقلنا نبي نتناقش في حيثيات السياسه
لكن لا تمنعنا من نقل اخبار تتعلق ببلدنا وعليه فهي تتعلق ببورصتنا

قاعد اسوق حاليا بغيت ادعم

سلامتك إن شاء الله عدوينك اللي يدعمون بعير امحشش

 

[دايــم]

وانا نفسك اسوق والله

اخبار سياسية ممنوعه

بعدين تعال شنو قصة الرقم اللي على خريطة الكويت ؟

خلاص اجل ناجل مناقشتنا لحين وصولنا لاهدافنا ،

ليش تسال عن الرقم ؟ تبي تمنعه بعد

 

[SpeciaL 1]

ههههههههههه

شرايك فيه ناس تشوفهم ابطال ؟

وحط عليهم الدواعش مجرمين وارهابيين وفيه ناس تشوفهم ابطال

خلصنا من هذول يطلعون لنا بسالفة الاخوان المسلمين وناس تشوفهم مجرمين وناس تشوفهم ابطال

احنا شكو فيهم

منتدى إقتصادي له قوانين وضوابط اهمها الامور السياسيه والفتاوي الدينية اللي فيها اختلاف ممنوعه

هالامور والله تهدم ولا تبني وتفرق ولا تجمع

كثرة الحديث فيها يسبب حزازيات واستفزاز وراح نلقى فريق ضد فريق وهات بالتشكيك والتخوين على شنو ؟

الدول لها حكام ولهم مستشارين يشوفون الامور من منظور غير عن منظورنا وهم اخبر واحكم

احنا شكو فيهم ؟

لحد يقولي الاقتصاد يتأثر بالسياسه وهالامور

الباب اللي يجي منه ريح سده واستريح

لما الدولة تكتشف خطأ وتصحح مسارها ما يمنع نتداول قراراتها بحكم نشر ما قررته الدولة للصالح العام
واحنا هني مثل الديوانية اللي تدور فيها السوالف وننقل الأخبار يمكن أحد ما عنده خبر أو ما وصل له شي ..
ماله داعي الزعل أو الحساسية خصوصاً بالصالح العام
الدولة تبي تسد باب هالحزب اللي يجي منه الريح علشان نستريح وهذا احنا ننقل قراراتها ..
ناس تحب الحزب ناس تكرهه كل هالأمور مو على حساب الوطن وأمنه ..
والأمن شي أساسي للاقتصاد اللي هو سبب وجودنا بهالمنتدى

 

[نواخذة الكويت]

الحين انت اللي اطلع لي برا

ولييييه اقصر الشر يا بوتركي

خل طقة الرنق مو صوب الراس علشان ما تصير جنايه بس تكون جنحه

 

[السعد محمد]

شنو اللي يزعل ! دام الحديث عن انظمه حاكمه ؟
هل تقف مع بلدك وعمقك الخليجي ،، ام ماذا

 

[Navigator]

قاعدين ندور بحلقه مفرغه

نرد ونقول المشاركات السياسية ممنوعه

 

[السور]

لما الدولة تكتشف خطأ وتصحح مسارها ما يمنع نتداول قراراتها بحكم نشر ما قررته الدولة للصالح العام
واحنا هني مثل الديوانية اللي تدور فيها السوالف وننقل الأخبار يمكن أحد ما عنده خبر أو ما وصل له شي ..
ماله داعي الزعل أو الحساسية خصوصاً بالصالح العام
الدولة تبي تسد باب هالحزب اللي يجي منه الريح علشان نستريح وهذا احنا ننقل قراراتها ..
ناس تحب الحزب ناس تكرهه كل هالأمور مو على حساب الوطن وأمنه ..
والأمن شي أساسي للاقتصاد اللي هو سبب وجودنا بهالمنتدى

ليس كل ما يعرف يقال وليس كل الحقيقة تقال

الحكومة ابخص

 

[نواخذة الكويت]

ليس كل ما يعرف يقال وليس كل الحقيقة تقال

الحكومة ابخص

ولد ولد ولد تعجبني

اعتقد هذا الكلام اللي ينهي الموضوع

شكرا بوبدر

 

[SpeciaL 1]

ليس كل ما يعرف يقال وليس كل الحقيقة تقال

الحكومة ابخص

للحين ما قلنا شي ولا هذا كل علمنا
تعليقي على خبر بو تركي كان لتفاؤلي بالوضع العام
ولما شفت ردة الفعل رجعت للتشاؤم
صح الحكومة أبخص لكن احنا اللي نعاني
ما كانت الحكومة أبخص قبل الغزو ؟؟

 

[وايلي]

السلام عليكم جميعاً
كلام من الرحمن يكفي به بيان
بعد بسم الله الرحمن الرحيم

﴿ يَاأَيُّهَا الَّذِينَ آمَنُوا عَلَيْكُمْ أَنفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ إِلَى اللَّهِ مَرْجِعُكُمْ جَمِيعًا فَيُنَبِّئُكُمْ بِمَا كُنتُمْ تَعْمَلُونَ(105) ﴾

( سورة المائدة )

تذكروها كلما حدثتك نفسك عن اهوال الوضع الراهن

 

[نواخذة الكويت]

شوف انا عمري ٤٦ سنة اكتشفت ان مو لازم تناقش بكل شي تعتقد انه صح وتحاول تثبت كلامك
قول اللي تبي وبعدها اترك الموضوع

تصدق بوعبدالله لومه إني تدخل بالموضوع ولا چان صارت مذبحه

كل واحد يتهدد بالثاني يقوله اطلعلي برا يايبلك ربع

بس الحمدلله مشينا الأمور بسلام

كثرة هالكلام والله تجيب الفتنه

بس انا مع بوتركي ليش تنشطب المشاركات ظلم ههههههههههه

تصبحون على خير جميعا

 

[دايــم]

بوجاسم
ليش يقول السوق احمر ؟
ولا بعد يقول بدون فنيات
كات فال بالمانيا ولا ايش

 

[SpeciaL 1]

شوف انا عمري ٤٦ سنة اكتشفت ان مو لازم تناقش بكل شي تعتقد انه صح وتحاول تثبت كلامك
قول اللي تبي وبعدها اترك الموضوع

يالشيبه دام هذي قناعتك ليش كنت تبي تثبت إن مخيمكم عالطاقة الشمسية
ترى حتى مخيمنا عالطاقة الشمسية ولا حبيت أتناقش بالموضوع بوقتها مع إنك صح
ودافعت عنك من وراك وأكدت لبو تركي إن موضوع الطاقة الشمسية عادي وأكد لي إن الموضوع طفاره لا أكثر

 

[SpeciaL 1]

بوجاسم
ليش يقول السوق احمر ؟
ولا بعد يقول بدون فنيات
كات فال بالمانيا ولا ايش

تشييرك شنو يقول عن مركز سلطان ؟؟