£&@صفحة متابعة السوق@&£

[Navigator]

دام فضلك بوسلمان
شنو السبب ؟ او المبررات للشطب برايك

بو تركي

للعلم من قوانين المنتدى وموجوده تحت تقدر تطلع عليها
يحق لي شطب اي مشاركه دون ابداء الاسباب

ثانياً المشاركات السياسية ممنوعه بالمنتدى

صار لي فتره اقولكم فكونا من السياسه

 

[Navigator]

شنو اللي يزعل ! دام الحديث عن انظمه حاكمه ؟
هل تقف مع بلدك وعمقك الخليجي ،، ام ماذا

بو تركي اطلع لي برا المنتدى ابيك بسالفه

 

[Navigator]

الاخ دايم

جاوب على هالسؤال لو تكرمت ؟


خلية حزب الله او خلية العبدلي أي كان مسماهم هل هم خونه ؟

 

[السور]

الاخ دايم

جاوب على هالسؤال لو تكرمت ؟


خلية حزب الله او خلية العبدلي أي كان مسماهم هل هم خونه ؟

اشرايك نتجمع عندك بالبيت وكل واحد يقول رايه بس رجاء ما في شدشعر ولا عض ولا تقرص

 

[نواخذة الكويت]

بو تركي اطلع لي برا المنتدى ابيك بسالفه

اففففف بوسلمان تعوذ من بليس وقط الدرنفيس اللي بيدك

مو قصده بوتركي حبيب بس خانه التعبير

كل حاجه بالخناء إلا السياسة بالإتفاق

 

[Navigator]

اشرايك نتجمع عندك بالبيت وكل واحد يقول رايه بس رجاء ما في شدشعر ولا عض ولا تقرص

والله يا بو بدر نتشرف فيكم

 

[السور]

والله يا بو بدر نتشرف فيكم

ونتناقش والخسران يطلب سهم ادنك بالحد الاعلي

 

[دايــم]

الاخ دايم

جاوب على هالسؤال لو تكرمت ؟


خلية حزب الله او خلية العبدلي أي كان مسماهم هل هم خونه ؟

دام وصلت تناديني بالمعرف
اجل وصلت عندك
نعم خونه وذلك بحسب حيثيات حكم اول درجه !
وليس بمشتاه او تمنى​

 

[دايــم]

بو تركي

للعلم من قوانين المنتدى وموجوده تحت تقدر تطلع عليها
يحق لي شطب اي مشاركه دون ابداء الاسباب

ثانياً المشاركات السياسية ممنوعه بالمنتدى

صار لي فتره اقولكم فكونا من السياسه

هذا تعسف !
دام المشاركة لم تسئ للاعضاء او المنتدى !
نبي تطبيق روح القانون
زمن الدكتاتوريه انتهى

مافيه اشكال اشطب دام سمح لك القانون
بس الشطب يحتاج توضيح
وهذا يدل على تقديركم للاعضاء
لفيتك ها

 

[Navigator]

دام وصلت تناديني بالمعرف
اجل وصلت عندك
نعم خونه وذلك بحسب حيثيات حكم اول درجه !
وليس بمشتاه او تمنى​

ههههههههههه

شرايك فيه ناس تشوفهم ابطال ؟

وحط عليهم الدواعش مجرمين وارهابيين وفيه ناس تشوفهم ابطال

خلصنا من هذول يطلعون لنا بسالفة الاخوان المسلمين وناس تشوفهم مجرمين وناس تشوفهم ابطال

احنا شكو فيهم

منتدى إقتصادي له قوانين وضوابط اهمها الامور السياسيه والفتاوي الدينية اللي فيها اختلاف ممنوعه

هالامور والله تهدم ولا تبني وتفرق ولا تجمع

كثرة الحديث فيها يسبب حزازيات واستفزاز وراح نلقى فريق ضد فريق وهات بالتشكيك والتخوين على شنو ؟

الدول لها حكام ولهم مستشارين يشوفون الامور من منظور غير عن منظورنا وهم اخبر واحكم

احنا شكو فيهم ؟

لحد يقولي الاقتصاد يتأثر بالسياسه وهالامور

الباب اللي يجي منه ريح سده واستريح

 

[نواخذة الكويت]

استغفرالله

يبااا صلوا على النبي خلونا بجلسة باجر

الأخ الفاضل سناعيس يقول السوق حمر

وانا أنطر العم بومحمد333 شقول علشان أبني على توقعاته

 

[Navigator]

ونتناقش والخسران يطلب سهم ادنك بالحد الاعلي

دش زيما بكره ونتحاسب بعد اسبوع شرايك ؟

 

[Navigator]

هذا تعسف !
دام المشاركة لم تسئ للاعضاء او المنتدى !
نبي تطبيق روح القانون
زمن الدكتاتوريه انتهى

مافيه اشكال اشطب دام سمح لك القانون
بس الشطب يحتاج توضيح
وهذا يدل على تقديركم للاعضاء
لفيتك ها

دام الامور لصالح الاعضاء والمنتدى لا مانع من التعسف

انت تشوفه تعسف وهذا من حقك وجهة نظرك ونحترمها

لكن رؤيتنا للأمر إنه ليس تعسف وانما اسلوب اداره

 

[الراقي]

استغفرالله

يبااا صلوا على النبي خلونا بجلسة باجر

الأخ الفاضل سناعيس يقول السوق حمر

وانا أنطر العم بومحمد333 شقول علشان أبني على توقعاته

انا ودي اطب مع بوتركي بس مابيها تصير زيطة وزنبليطة

 

[دايــم]

ههههههههههه

شرايك فيه ناس تشوفهم ابطال ؟

وحط عليهم الدواعش مجرمين وارهابيين وفيه ناس تشوفهم ابطال

خلصنا من هذول يطلعون لنا بسالفة الاخوان المسلمين وناس تشوفهم مجرمين وناس تشوفهم ابطال

احنا شكو فيهم

منتدى إقتصادي له قوانين وضوابط اهمها الامور السياسيه والفتاوي الدينية اللي فيها اختلاف ممنوعه

هالامور والله تهدم ولا تبني وتفرق ولا تجمع

كثرة الحديث فيها يسبب حزازيات واستفزاز وراح نلقى فريق ضد فريق وهات بالتشكيك والتخوين على شنو ؟

الدول لها حكام ولهم مستشارين يشوفون الامور من منظور غير عن منظورنا وهم اخبر واحكم

احنا شكو فيهم ؟

لحد يقولي الاقتصاد يتأثر بالسياسه وهالامور

الباب اللي يجي منه ريح سده واستريح

كلامك لاغبار عليه ابدا
الامور الدينيه اوافقك
لكن السياسيه لا !
خاصه بعد الاجراءات الاخيره !
المخطي بنقوله مخطي ،، لو انه اخوي
والصحيح بنقوله صح ،، لو انه اشد اعدائي

 

[السعد محمد]

شنو اللي يزعل ! دام الحديث عن انظمه حاكمه ؟
هل تقف مع بلدك وعمقك الخليجي ،، ام ماذا

الرد على هذا السؤال يرفع الضغط ؟؟؟؟
لان السؤال خطأ

 

[دايــم]

دام الامور لصالح الاعضاء والمنتدى لا مانع من التعسف

انت تشوفه تعسف وهذا من حقك وجهة نظرك ونحترمها

لكن رؤيتنا للأمر إنه ليس تعسف وانما اسلوب اداره

تقصد اسلوب مداراه !!
اذا غلطت انا
استعمل معي قوانينك
وانا اول من يطيع واخر من يرفض

 

[نواخذة الكويت]

انا ودي اطب مع بوتركي بس مابيها تصير زيطة وزنبليطة

يا عمي خلااااااص تبي الصج ولا ولد عمه

صدق بوسلمان كثرت السياسة بتسبب حزازيات وناس ضد ناس طيب ولا غصب
واحنا داشين انترزق الله

أدري بوتركي كارهني الحين بس يكفي أني انا أحبه

 

[Navigator]

كلامك لاغبار عليه ابدا
الامور الدينيه اوافقك
لكن السياسيه لا !
خاصه بعد الاجراءات الاخيره !
المخطي بنقوله مخطي ،، لو انه اخوي
والصحيح بنقوله صح ،، لو انه اشد اعدائي

عدد كبير ضد عاصفة الحزم

وانت من اشد مؤيدين عاصفة الحزم وطبعاً غالبية الشعب العظمى مؤيده

نفرض تقابلتوا بالمنتدى ودار بينكم نقاش

شنو بنستفيد من نقاشكم ؟

وشنو نوع المشاركات ؟

مو شغلنا تغيير قناعات الناس لكن منع المشاركات السياسية هو افضل حل

 

[الراقي]

يا عمي خلااااااص تبي الصج ولا ولد عمه

صدق بوسلمان كثرت السياسة بتسبب حزازيات وناس ضد ناس طيب ولا غصب
واحنا داشين انترزق الله

أدري بوتركي كارهني الحين بس يكفي أني انا أحبه

شوف انا عمري ٤٦ سنة اكتشفت ان مو لازم تناقش بكل شي تعتقد انه صح وتحاول تثبت كلامك
قول اللي تبي وبعدها اترك الموضوع