صفحة متابعة السوق الجزء السابع عشر

[Albaghdadi]

اكتتاب اشفيك ساكت

انطق تكلم

قول اي شي

من اكبر الاخطاء وابشعها .. هو تملك الشركات لبعضها في السوق .. فهذا الشئ خلق بيئه من تضارب المصالح والنهب بشكل مو طبيعي .. فحول البورصه من بيئه استثماريه الى صالة قمار .. واحد يرفع والثاني يجبس :/

 

[الدب]

ضابطين الايقاع ١٠٠٪

مايصعد سهم واحد علشان لاتقدر تبدل

قائد السوق شخص واحد الظاهر

استفردوا بالسوق لوحدهم

 

[الدب]

سوقنا مو بس سيئ لا

سوقنا مثير للغضب حتى للشخص الحليم يشق هدومة

 

[الدب]

مالوم ويلر يوم شق الفانيلة

وجنة بعد قط المكسر

 

[دايــم]

المؤشر السعري .. احنا على اليومي كسرنا دعم الاخير على 5760 .. والل صار الحين 5764 .. نطالع الاسبوعي واللي اهو عند 5748 .. بالاغلاق تحته ليومين معناه اننا نتجه الى 5690 .. وبذلك نرجع للسلبيه على اليومي والاسبوعي والشهري .. ولا حول ولا قوة الا بالله ..

لا تقلق ،،
لازال الوضع الايجابي موجود
واعتقد الاغلاق اخضر
والله اعلم

 

[Albaghdadi]

لا تقلق ،،
لازال الوضع الايجابي موجود
واعتقد الاغلاق اخضر
والله اعلم

للعن ام السوق .. المهم انت شخبارك ؟؟ وينك مو امبين .. شريت لك حصان يديد وكبر راسك علينا :>

 

[دايــم]

للعن ام السوق .. المهم انت شخبارك ؟؟ وينك مو امبين .. شريت لك حصان يديد وكبر راسك علينا :>

بخير الله يسلمك ،
قايل لك مالي خلق اشارك
بس شفت مشاركتك ،، وحبيت اطمنك ان شاءالله
الحصان الجديد لقفز الحواجز باذن الله
تحياتي

 

[Albaghdadi]

بخير الله يسلمك ،
قايل لك مالي خلق اشارك
بس شفت مشاركتك ،، وحبيت اطمنك ان شاءالله
الحصان الجديد لقفز الحواجز باذن الله
تحياتي

عساني ما انحرم من هالطله قول آمين ..

انا ان شاء الله ولاول مره من سنوات .. راح انقطع عن المنتدى لمدت عشر ايام .. اجازه .. صججججججج اجازه من كل شي

 

[Albaghdadi]

السوريه وبلا فجوات وعند دعمه الاخير . 28.5 اغلاق يومين تحت 28.5 سلبي جدا .. ولا اعتقد بذلك .. يستحق المتابعه ماليا وخاصه عند هذه الاسعار والله تعالى اعلم

 

[الدب]

دخلت لوجستيك بالحد الادنى ٧٣

اشمعنى انجازات اقل منها ربح وصاعد

اعناد

 

[الدب]

انجازات معلق حد اعلى وربحة ٨،٦ فلس وسعرها ٨١

ولوجستيك ربحها ٩،٠١ فلس وسعرها ٧٣


مافية عداله بين الزوجات مايصير

 

[بن زيمه]

٥ احمر

 

[دايــم]

لا تقلق ،،
لازال الوضع الايجابي موجود
واعتقد الاغلاق اخضر
والله اعلم

 

[الدب]

الله

اما انه سوق عجيب

من فتره شهر او اكثر لم يقفل تحت ٥٧٦٦

ولم يقترب من ٥٧٣٠

ادنى نقطة اليوم ٥٧٤٢

جلسة واحده فقط لامس ٥٧٣١ وارتد واقفل فوق ٥٧٦٦

واعلى نقطة للسوق ٥٨١٦

 

[Albaghdadi]

السوق بايد واحد .. واحد فقط .. اهو اللي يتحكم فيه بقدره عجيبه !

شي مضحك مبكي للامانه ..

عموما اغلقنا فوق اخر متوسط على اليومي وهذا امر طيب .. وكذلك حافظنا على الدعم الاسبوعي ..


اغلاق اسبوعي .. زين .. ما اقدر اسميه غير زين .. وان كان طلع عيونا .

 

[الدب]

على الوعد جيتكم .. يا مخلفين الوعود
جيتك على وعدكم .. ظنيت وعدك يجود
كان ظني بكم .. هذا الجفاء والصدود
مشتاق والله لكم .. حبك بقلبي يزود
افرح الي شفتكم .. وصدك يا غالي وقود
ان ما كفى هجركم .. تراى زرت اللحود
جريح من حبكم .. عندي على ذا شهود
قصدي انا وصلكم .. ما اريد هذا الصدود
روحي ومالي لكم .. الله يحل القيود

 

[Albaghdadi]

انجازات بالحد الاعلى بدون مقدمات .. وين امس 74 !؟ عموما حللناه بشكل مفصل امس .. واعتقد اننا لامسنا جزء من الصح .. حيث قلنا دعم مضاربي مهم مع ضروره الاغلاق على 76 .. وهذا ما تم ..

اغلاق اليوم ايجابي جدا .. الله يبارك لملاك السهم .. والله تعالى اعلم

 

[الدب]

السوق بايد واحد .. واحد فقط .. اهو اللي يتحكم فيه بقدره عجيبه !

شي مضحك مبكي للامانه ..

عموما اغلقنا فوق اخر متوسط على اليومي وهذا امر طيب .. وكذلك حافظنا على الدعم الاسبوعي ..


اغلاق اسبوعي .. زين .. ما اقدر اسميه غير زين .. وان كان طلع عيونا .

اشك باخونا سرور ومعة ويلر

يقدون باليل ويطبخون الجلسة كاملة

بس هين جاي صانع السوق يخرب عليهم

 

[Albaghdadi]

سفن وكان اعلان امس لم يكن له !

عموما لازلنا عند راينا .. السهم ايجابي .. مقاومات 158 160 170 .. اغلاق فوق الاخير والثبات الى ما فوق 200 فلس .. اعتقد انه سهم استثماري واعد والله تعالى اعلم

 

[Albaghdadi]

هطول الامطار بالكميات الطيبه له دلالات نفسيه على الاقل .. اعتقد انه الخير بقبال .. مثل هالمطر ما شفناه لسنوات طويله .. 2016 سنة خير باذن الله .. والله يهدي الجميع واولهم انا