بنك بوبيان الإسلامي

[المضارب السريع]

و هل في أرباح أو أسهم منحه ؟

ياطويل العمر ما فى توزيع ارباح هذى السنه لان اى شركه اول سنه ماتوزع ارباح

 

[المستكشف]

اولا مبروك الادراج

ثانيا السهم بيوصل الدينار ان عاجلا او آجلا يعني اللي مو مضطر لايبيع اقل من دينار .

 

[bigbin78]

مشكورين

السلام عليكم
مبروك حق الجميع علي ادراج بنك بوبيان بتاريخ 8/5 واتمني من كل شخص يعرف شلون الدمج يرد علي واتمني من كل شخص حضر الاجتماع يفيدنا عن احداث الاجتماع وشلون طريقة الدمج
ومشكورين للجميع
وانشالله الف مبروك لملاك السهم

 

[بو مريم]

@@

السلام عليكم

مبرووووك الف الف مبرووك الادراج 8\5\2006

ليش مبروك : لانه اول بنك اسلامي بالكويت

ثانيه : اللي نطر سنتين علي الاسهم راح يستفيد

الف مبرووك

تحياتي

 

[مستثمردولي]

الحمد الله على كل حال

صبرنا وإن شاء الله نحصل خير

 

[هدووء]

على اعتبار اني كنت موجود في الاجتماع
فقد تم سؤال المزيني عن الاسهم
ورد على السائل :

بأن كل الامور المتعلقة بالاسهم من دمج واسعار .. الخ
موجودة بيد المقاصة والبورصة وليس بيد البنك

لذا على من لديه اي سؤال التوجه الى المقاصة واخبارنا بما علمه

 

[بو مريم]

@@

على اعتبار اني كنت موجود في الاجتماع
فقد تم سؤال المزيني عن الاسهم
ورد على السائل :

بأن كل الامور المتعلقة بالاسهم من دمج واسعار .. الخ
موجودة بيد المقاصة والبورصة وليس بيد البنك

لذا على من لديه اي سؤال التوجه الى المقاصة واخبارنا بما علمه

مرحبا هدووء

عساك علي القوه ماقصرت

تحياتي

 

[بن تركي]

وقائع اجتماع الجمعية العمومية التي مرت بكل سلاسة
اولا : تم المصادقة على تقرير الهيئة الشرعية ومدقق الحسابات
ثانيا : تمت مناقشة الميزانية وهذي بعض تفاصيل المناقشة انه
بلغ ربح البنك 12.890.609 دك
المصروفات 5.883.602 دك
منهم رواتب موظفين 2.729.687 دك
ربح التشغيل 7.007.007 دك
حصة مؤسسة التقدم العلمي 63.063 دك
مكافأة اعضاء 90.000 دك
صافي الربح 6.853.944 دك
ربحية السهم 6.86 فلس
ثالثا : ارباح الاستثمارات التي قام بها البنك
ارباح الصكوك العقارية 1.839.600 دك
ارباح غير محققة من الصكوك 400.000 دك
ارباح بنك معاملات الاندونيسي 727.979 دك من ورا رأس مال 4 مليون د.ك
في شركة عقارية مؤسسينها البنك ولهم 31% منها اسم الشركة البلاد العقارية
رابعا : الادراج شهر 8/5/2006 تم السؤال عن الدمج و سعر الادراج رد المزيني ان ماهم شغل باي شي بنسبه لهم
خامسا : لم يتم الموافقة على 8.000.000 سهم لعدم اكتمال النصاب
طبعا هذا موجز عن الاجتماع وطبعا اطرق حق قرض التسهيلات وان اهو مطابق للشريعة الاسلامية

هذا اللي صار بالتفصيل بس أخوي هني نسى يضيف يوم أنا سألت أبويوسف عن سعر السهم بالبورصة قال مالنا شغل هذا أنتو تحددونه وسألته عن في زيادة رأس مال أو أسهم منحة قال لامافي وراح يفتحون ثلاث أفرع خلال شهرين هم فرع بالجهراء وفرع بالفحيحيل وفرع بالفروانية
عدد موظفين بنك بوبيان هو 300 موظف وأنا طالع قلت حق يعقوب المزيني نبي همتكم وخلي السهم يوصل 1.5 د.ك ضحك وقال إنشالله ،،،،

 

[بن تركي]

الناسجت

هذا يومك

أشوفك أخوي​

نبي من اليوم وحتى تاريخ 07.05.2006 أسعار سوق الجت الخاصة بسهم بنك بوبيان ونبي بعد موضوع الدمج متى يبدي وشنو المطلوب.

 

[حمد العازمي]

مابغينه نسمع

شباب سهم بوبيان كم يسوي بسوق الجت وشكرا:d

 

[FLOOD]

شباب نبى همتكم عن طريقة دمج اسهم بنك بوبيان الى عندة معلومة لايبخل علينا فيها

و مبروك للجميع على الخبر الحلو

 

[انور النقوشي]

السؤال الذي يطرح نفسه؟
كم تتوقعون سعره؟ بالبورصه يوم النزول؟

 

[alqattan]

شباب سهم بوبيان كم يسوي بسوق الجت وشكرا:d

اليوم الساعه 6 مساء سالت مكتب بالتلفون عن سعره قالي
290 فلس
شي يحير والله​

​

 

[bigbin78]

ممكن

يعني ألحين محد يعرف شلون الدمج انا حاس انه راح تصير مشكله بالدمج لان كل واحد فينا مكتتب حق عمامه وله خواله لازم يشوفولنا حل اذا كان الحل بيد المقاصه راح يصير الدمج بس حق الدرجة الاولي وهذا من اكبر المشكلات اللي راح اتواجهنا وفيها شويت تعقيد خاص بالنسبة لي لاني انا مكتتب حق عمامي و خوالي وجداني

وابي اعرف شلون طريقة الدمج يا شباب اتمني الرد علي كل شخص يعرف بهالموضوع

ومشكورين مقدما

 

[بن تركي]

الناسجت

هذا يومك

أشوفك أخوي​

نبي من اليوم وحتى تاريخ 07.05.2006 أسعار سوق الجت الخاصة بسهم بنك بوبيان ونبي بعد موضوع الدمج متى يبدي وشنو المطلوب.

نفس السؤال والمداخلة أعيدها وذلك لأهميتها الناسجت اليوم يومك ،،،،،

 

[azizan400]

مساك الله بالخير

اولا مبروك الادراج

ثانيا السهم بيوصل الدينار ان عاجلا او آجلا يعني اللي مو مضطر لايبيع اقل من دينار .

مساك الله بالخير أخوي المستكشف أخوي عندي لك سؤال أو بالأحري توضيح أخوي ممكن أعرف شنو الي بوصل السهم الي الدينار؟؟؟؟؟؟؟

 

[حمووودي]

السؤال الذي يطرح نفسه؟
كم تتوقعون سعره؟ بالبورصه يوم النزول؟

سعر الادراج لبنك بوبيان المتوقع 330 الى 360 تقريبآ في بداية الادراج

سعر بوبيان المتوقع سنة 2008 هو 1.500

 

[حمووودي]

مساك الله بالخير أخوي المستكشف أخوي عندي لك سؤال أو بالأحري توضيح أخوي ممكن أعرف شنو الي بوصل السهم الي الدينار؟؟؟؟؟؟؟

انا اقدر اقول لك الاسباب الي بيوصل فيه السهم دينار او اكثر وانا عن نفسي اتوقع له دينار ونص عام 2008 على ابعد تقدير


الاسباب هم كالاتي
افتتاح بنك بوبيان 3 فروع حتى الان
ويعتزم افتتاح 3 فروع اخرى في الجهراء والفروانية والاحمدي
ولهم 4 فروع بيفتحونها في اماكن مختلفة خلال عام 2007

يعني الحصيلة البنك صار له سنتين او سنتين ونص وراح يكون له مو اقل من 10 افرع خلال 2007 ؟؟؟

ثانيآ البنك يملك صندوق ضخم للتداول في الاسهم والعقارات في كل من الولايات المتحدة الامريكية والبحرين

ثالثآ البنك اسلامي

رابعآ البنك له نسبة في بنك التعاملات الاندونيسي في جاكرتا

رابعآ البنك يعتزم فتح صناديق اخرى للعقار والاسهم خلال 2006 وعام 2007

هالاسباب كافية لوصول سعر السهم مستوى الدينار او 900 فلس ؟؟؟

واتوقع الودائع والعملاء اللي بيفتحون حسابات عنده بترفع سعره اكثر بعد ودام بنك اسلامي اكيد بتزيد عنده الودائع بشكل كبير ؟؟؟

 

[freeweek]

معدل راتب الموظف=9000دينار!!!!!

 

[Nasser pwc]

مبروك للجميع ياشباب لحد يبيع اول سبوعين خل سهمنا معلق فوق للفايده للجميع بعد صبرهم الي صبرووه من تجميد بيزاتنا


نبي سوالف الدمج فيدونا لا احد يبخل علينا​