متابعة السوق .... بدايه ونهايه

[سرور]

مو شرط 9000 200 دينار 500 دينار وان راحت ماتكون قويه وان تضاعفت خير وبركه نخليها تداول جانبي سوقنا كله 4 ساعات

صباح الخير
عزيزي .. foxmind
لقد جربت الأثنين ..
البورصة أضمن من سوق العملات وخاصة اذا أخذت أسهم ممتازة..
أما المضاربة بالعملات تحتاج الى خبرة طويلة ومتابعة دقيقة
للأخبار السياسية والاقتصادية العالمية .

 

[سرور]

ذكريات

صورة معبرة عن أيام سوق المناخ أوائل الثمانينات .. دلال الأسهم يصيح بأعلى صوته وهو واقف
على الكرسي عن شراء سهم معين وبكمية كبيرة للأسهم الخليجية.. واذا لم يبع أحد بالسعر المعلن .. يرفع
السعر .

 

[Albaghdadi]

ابو احمد شدعوه اخوك مسكت بالانجليزي في تداول بالعربي في الشركات الكويتية والبنوك بس افضل البنوك عن غيرهم ...
ابو احمد اتداول سهل بس المشكله اذا كثرة الفلوس في الحرام شتسوي

تصرفها بالحرام !!! لالالالا اتغشمر هههههه

 

[امبركو]

ذكريات

صورة معبرة عن أيام سوق المناخ أوائل الثمانينات .. دلال الأسهم يصيح بأعلى صوته وهو واقف
على الكرسي عن شراء سهم معين وبكمية كبيرة للأسهم الخليجية.. واذا لم يبع أحد بالسعر المعلن .. يرفع
السعر .

الله ذكرتنى بالماضى يااخوى سرور
أيام سوق المناخ أول الثمانينات .. أول يقولون لنا دشوا من هالباب بعشرة آلاف دينار واطلع من الباب الثانى بثلاثين ألف دينار ..
كانت أيام ماتنسى أبدا ..

 

[Albaghdadi]

السلام عليكم

السلام عليكم بو أحمد



ما شاء الله ، تبارك الرحمن نسبه الإعجاب عندك ، اعجاب لكل مشاركه تقريبا ...لكل المشاركات = 90 %

الحمدلله ، محبة الناس لا تقدر بثمن .


سمعت الاداره قاعده تدرس امكانية تحويل الاعجابات الى فلوس وتالي نقدر نبيعهم مثل رصيد الاجازات ، شدددددد حيلك

 

[يوسف_007]

خل ﭑلقلـوب ﭑصحـٱح وﭑلبـٱل مرتـٱح
نرتـٱح فـي ﭑلدنيـٱ و ﭑجيـك و تجينـي

لٱ طٱح سہم ﭑلبورصھہ وﭑلذهب طٱح
تـرقـى سہـوم ﭑلطيـب و ﭑلطيبيـنـي

 

[Albaghdadi]

صوره من قلب الحدث ،،،،، الاسكندريه

 

[سرور]

الله ذكرتنى بالماضى يااخوى سرور
أيام سوق المناخ أول الثمانينات .. أول يقولون لنا دشوا من هالباب بعشرة آلاف دينار واطلع من الباب الثانى بثلاثين ألف دينار ..
كانت أيام ماتنسى أبدا ..

شفت الصبيان اللي يصبون الشاي الواقفين
الحين بعضهم موجودين وعندهم ملايين الدنانير .. لأن البقشيش وصل 500دينار
ولأن صارت عندهم فلوس وضاربوا بالأراضي
وما اشتغلوا بالأسهم وخرابيط الأسهم اللي صرنا فيها ادمان غصبا علينا

 

[امبركو]

شفت الصبيان اللي يصبون الشاي الواقفين
الحين بعضهم موجودين وعندهم ملايين الدنانير .. لأن البقشيش وصل 500دينار
ولأن صارت عندهم فلوس وضاربوا بالأراضي
وما اشتغلوا بالأسهم وخرابيط الأسهم اللي صرنا فيها ادمان غصبا علينا

إى والله .. الكل يستفيد من هالديره
إلا إدمان وبس .. وقت العطله خصوصا الطويله ضيقة خلق نشتاق لهالسوق والإدمان

 

[امبركو]

الحمدلله ، محبة الناس لا تقدر بثمن .
سمعت الاداره قاعده تدرس امكانية تحويل الاعجابات الى فلوس وتالي نقدر نبيعهم مثل رصيد الاجازات ، شدددددد حيلك

ههههههههههههههههههههههههههههههههههههههههههههههههههه

 

[الصيااااااد]

مجرد مثال على سهم بترو

اغلب الأسهم فيها حفرة بالرسم البياني نفس بتروجلف

واخذ حقة بالصعود

واحد يسأل ، مع انة محد سأل

يقول شنو نأخذ إذا واصل السوق الارتفاعات والاختراقات ؟؟؟

اقول خذ الأسهم التي لم يحصل لها نصيب بالزواج وطيبة وسمعتها زي البرلنت المقشر

وواحد ثاني يقول وإذا السوق كسر الدعومات وسقط منهار ؟؟؟

اقول ارجع وراقب الأسهم التي قد حظيت بالسابق بالنصيب الكبير بالارتداد عندما وقع السوق بقاع النفط ٦٠٩٦ ولاتنساها واحفظها عن ظهر غيب عند السقوط وهي معروفة

 

[السور]

المناخ كان اختبار من الله لناس اثبتت انها فسغانة وبطرانة ولا يشكرون الله علي النعمة واستخدموا الفلوس في شتي انواع المعاصي
سمعت قصص من ناس قريبة من تجار المناخ اغرب من الخيال في الفسق

 

[رابح رابح]

الله ذكرتنى بالماضى يااخوى سرور
أيام سوق المناخ أول الثمانينات .. أول يقولون لنا دشوا من هالباب بعشرة آلاف دينار واطلع من الباب الثانى بثلاثين ألف دينار ..
كانت أيام ماتنسى أبدا ..

مرحبتين بواحمد سوق المناخ اكبر نصبة بتاريخ السوق كانت ايام سودا بس اكثرهم دشو من الباب بثلاثين وطلعو من الباب الثاني مفصخين
خراب ودمار شامل لأموال اغلب المساهمين الكويتين لمدة عشر سنين نتج عنه ظهور الملياردير صبحي سكر

والفترات الذهبية للبورصة كانت من 2004 الى 2008

السنوات السودا المشئومة بتاريخ السوق :
- انهيار اغسطس 1982 .... أزمة سوق المناخ
- انهيار فبراير 2009 ..... انهيار الاقتصاد العالمي الكبير
- انهيار يوليو 2012 ..... بسبب صراع مع هيئة سوق المال
- انهيارديسمبر 2014 ....... انهيار اسعار النفط

 

[aliii]

تصرفها بالحرام !!! لالالالا اتغشمر هههههه

هههههههههههه عجبني الرد

ربعنا مثل حلاقين بديره قرعان

 

[خالد تعرف]

أغلى 20 صورة فوتوغرافية في التاريخ من بينها صورة لبورصة الكويت بأكثر من مليون دولار ( الخبر منقول من موقع ارقام )

مشاهدة المرفق 234345

لو اللي مصورها كويتي ...جان و لا ببيزه تنباع


و الله أنا ما أشوف فيها شيء غريب !!!

 

[الأشعف]

إى والله .. الكل يستفيد من هالديره
إلا إدمان وبس .. وقت العطله خصوصا الطويله ضيقة خلق نشتاق لهالسوق والإدمان

نشتاق للخساره

 

[الأشعف]

لو اللي مصورها كويتي ...جان و لا ببيزه تنباع


و الله أنا ما أشوف فيها شيء غريب !!!

يمكن عشان صورة بو عبدالله الصياد وياهم

 

[الطير القطامي]

قرأت لك كذا مشاركه حلوه واحب اسجل اعجابي بتحليلك

اتمنى اشوف وجهة نظرك مدعمه بشارت يالقطامي في هذا الموضوع الجميل الذي يزخر بمجموعه من الشباب الطيبين بصفحات تستحق ارشفتها .

تحياتي

شكرآ لك وان شاء الله احاول هذا المساء

 

[الصيااااااد]

يمكن عشان صورة بو عبدالله الصياد وياهم

http://www.q8trades.com/vb/imgcache/2/6590alsh3er.jpg
قول انك تبي تشوف صورتي

من المحاربين القداما الصورة ترى قديمة

حتى الحرب العراقية الايرانية لحقت عليها وكسحت الغام بحرية بالبحر

وتقاعدت من سلاح الطيران

الصورة الصغيرة بالخلف الوالد الله يرحمة

 

[يوسف_007]

لاتجعل اصحابك كخدمة العملاء،
ماتدق عليهم الا اذا بغيت خدمة!