شركة المشروعات الكبري العقارية ش.م.ك.م ( جراند )

[Bo Tasneem]

أما انا فاوصيكم وعلى مسئوليتي ...

أوصيكم بتقوى الله ...


يا جماعة ... انشاء الله ماكو الا الخير ..
بس نشزف اتجاه السوق بعد ما يفتح وشرط يستقر ...

وذاك الوقت ... نبدأ نحلل ونتكلم بهدوء ...


عندي اقتراح ...

شرايكم نفتح محفظة ونشتري فيها المجموعة بس ... ووقتها نبدأ نناقش الشراء اول ... وبعدين نشوف متى نبيع ..

عشان اللي بيوصي بالبيع او الشراء .. يعرف ان النار راح تكويه

وشرط ما نقبل الا نقدي مو يدخل علينا اسهم


شرايكم ؟؟



رحالي

فوقه رحالي .. حساب بالأوسط طبعاً أوكي .. والباسوورد عندي بيكون

عن جد آنا حاضر ..


بوتسنيم​

 

[rahaly]

فوقه رحالي .. حساب بالأوسط طبعاً أوكي .. والباسوورد عندي بيكون

عن جد آنا حاضر ..


بوتسنيم​

حبيبي بو تنسيم .... مو مشكلة الباسوورد عندك ...

بس قرار البيع عند لجنة من 3 اعضاء ...

((( شرط انت مو من بينهم )))

 

[ارسطو الدروازه]

بو تسنيم ماراح يبيع........................ز

 

[ابوعمر العتيبي]

هل تنصحون بشراء جراند علي سعر 650 فلس ؟

انا واثق انها راح توصل هذا السعر
لان هذا هو سعرها العادل

الجواب لا لاننصح بالشراء عند هذا السعر لانه كما ذكرت حضرتك هذا هو سعرها العادل انطر ليين تنزل تحت بعد شوية واشتر بس انتبة لاتطيح تحت زيادة

اخوي فسكر هذي مشاركة شبية جدا بمشاركات لك سابقة لاسهم اخرى عملت نفس الحركة تدخل على موضوع الملاك وهل تنصحوني بالشراء عند هذا السعر لانه السعر العادل ومتاكد انها بيوصله وووووووووو ومابينت السبب ليش هذا هو السعر العادل وعلى اي اساس

اخوي يرجى استدعاء حاسية الذوق حينما تقرر ان تكتب مشاركة باي موضوع عن اي سهم لانك انت تعلم (وافتكر انت متعمد) انك توجة هالمشاركة لملاك السهم المعين (وواضح عليك مو شراي يمكن اكون غلطان بس ماعتقد بتشتري اسهم بسعرها العادل اذا كنت مضارب او مستثمر لانها ماراح تصعد صعود قوي انت تتوقعه)

الله يهدينا ويهديك ويهديكم ويوفقنا اجمعين

ودمتم

 

[ابوعمر العتيبي]

شباب هل تنصحوني بشراء الاهلية علي سعر 380 ام لا؟


انا متوقع ان السهم راح يكمل هبوطة الي ان يصل الي سعر 380 وممكن اقل شوي

وهذي بنتها غلف انفست

راح يوصل السهم حسب توقعاتي الي 285


اعتقد انها فرصة مناسبة للشراء بهذا السعر


اذا بتقولولي ارباحها كبيرة
راح اقولكم
ارباحها كلها غش بغش والسبة انها باعت شركة تابعة لها علي الاهلية والاهلية باعت شركه تابعة لها لغولف
وللعلم ان الشركتين غولف والاهلية تابعين لبعض
يعني خذ من جيبة وعايده
غش عيني عينك

(لاحظوا ربحياتهم طيبة جدا بس لم تشفع للسهمين لانهم غش بغش!!!! وبعدين يقولك سعر مناسب للشراء!!! اذا من اولتها غش بغش شتبي بالسهمين اصلا!!!)

اعتقد اخوي فسكر هذي عادة جدا جدا جدا سيئة ارجوا ان تقلع عنها

ودمتم

 

[TechnoFund]

وهذي بنتها غلف انفست

(لاحظوا ربحياتهم طيبة جدا بس لم تشفع للسهمين لانهم غش بغش!!!! وبعدين يقولك سعر مناسب للشراء!!! اذا من اولتها غش بغش شتبي بالسهمين اصلا!!!)

اعتقد اخوي فسكر هذي عادة جدا جدا جدا سيئة ارجوا ان تقلع عنها

ودمتم

مو جنهم صادوه

 

[matrex-ku]

وهذي بنتها غلف انفست

(لاحظوا ربحياتهم طيبة جدا بس لم تشفع للسهمين لانهم غش بغش!!!! وبعدين يقولك سعر مناسب للشراء!!! اذا من اولتها غش بغش شتبي بالسهمين اصلا!!!)

اعتقد اخوي فسكر هذي عادة جدا جدا جدا سيئة ارجوا ان تقلع عنها

ودمتم

هاهاهاهاهاها
والله منت بهين يابو عمر العتيبي مباحث بس والله ماتنلام
ماشاءالله عليك

 

[سعود222]

الله يعطيك العافيه اخي ابوعمر العتيبي ومشكور على التوضيحات عن بعض الكتاب

 

[سوق الاوراق]

السلام عليكم

كل من يملك السهم سواء بسعر مناسب او بالاسعار العالية . يقوي قلبه شوية ويحتفظ بالسهم وانشاء الله مارح تشوفون الا الخير .!

وقرار البيع والشراء شئ راجع لقناعتكم الشخصية . بس السهم او بالاحرى المجموعة كلها ذهبية وراح تشوفون شئ عجيب غريب .

تحياتي

 

[Bo Tasneem]

أهلاً وسهلاً بالغايب "سوق الأوراق" .. ترى سألت عنك بالمجموعة الدولية قالولي قاعد باستضافة بوفواز (بمنتدى توصية) تحياتي لك ..

يله .. هات ما في جعبتك من معلومات هات .. لاتنحرج .. فأنت بجراند


بوتسنيم​

 

[سوق الاوراق]

أهلاً وسهلاً بالغايب "سوق الأوراق" .. ترى سألت عنك بالمجموعة الدولية قالولي قاعد باستضافة بوفواز (بمنتدى توصية) تحياتي لك ..

يله .. هات ما في جعبتك من معلومات هات .. لاتنحرج .. فأنت بجراند


بوتسنيم​

السلام عليكم

لك سلامي وتحياتي .

وين مارحت وياك على طول الخط . يود السهم الرياح عاتية بقوة وستقلع الاسعار ...وتشلع فوق ............. ؟

تحياتي

 

[Bo Tasneem]

عيل حبيبي سوق الأوراق ..

تعال البترووو واخذ هالبشاره من أخوك


بوتسنيم​

 

[ابومهاوى]

عزيزي

هل الأخبار اللي بالحقيبة....... سترفع السهم للأسعار الكبيرة؟؟


اذا لماذا لم تخرج من الحقيبة الى شاشة الإعلانات في البورصة ؟؟؟؟؟


الإعلام + جو الأكشن.... هو مايقلق في هذه المجموعة.....!


تحياتي.....

قلناها من قبل>>>>> الإعلام + جو الأكشن.....!!!


لاحول ولا قوة إلا بالله.


الله يعين المساهمين...... الصغار........فقط .....


تحياتي.......

 

[Bo Tasneem]

غراند تساهم في مشروع عقاري بريطاني

علمت «القبس» ان شركة المشروعات العقارية الكبرى (غراند) تتفاوض مع مجموعة من المستثمرين لإطلاق مشروع مجمعات تجارية وسكنية في العاصمة البريطانية لندن. وبين مصدر مطلع ان غراند سوف تستملك حصة استراتيجية مهمة من المشروع، قد تصل الى نحو 30 في المائة من رأس المال، مشيرا الى ان المجمعات سوف تطرح كمحلات تجارية ومكاتب وشقق سكنية وفندقية.

----------------------------

منقول من الأخ الفاضل "الكندري بورصه" ، صيد من البورصه (القبس)


بوتسنيم​

 

[م. سعد]

كميات الآجل على اسهم البدر ليوم 21-1-06

السلام عليكم،

جراند تعود للآجل مرة أخرى

تناقص الآجل اليوم بشكل كبير جدا عن اليوم السابق حسب الأوسط برو.

المجموعة د كان عليها بآخر يوم 3,725,000 سهم .... الآن 2,965,000 سهم.

التفصيل كالتالي: 1,700,000 سهم لمدة اقل من شهر (كانت 3,725,000 سهم) + 1,265,000 سهم لفترة فوق 3 شهور و اقل من 6 شهور



بترو كان عليها بالأمس 1,470,000 سهم .... الآن 1,500,000 سهم.

التفصيل كالتالي: 1,320,000 سهم لمدة اقل من شهر (كانت 1,470,000 سهم) + 200,000 سهم لفترة فوق 3 شهور و اقل من 6 شهور


جراند كان من غير آجل و الآن 175,000 سهم

التفصيل كالتالي: لا يوجد اقل من شهر (كان و لازال) + 175,000 سهم لفترة فوق 3 شهور و اقل من 6 شهور



و الآجل حسب مركز الشرقية لم يحدث بياناته حتى اللحظة.

ملاحظة: جميع كميات الآجل خرجت بتاريخ 21-1-06 في الفترة لأقل من شهر و اصبحت في الفترتين شهر و 6 شهور.

و يعطيكم الله العافية

 

[بوراشد جروب]

برافو عليك.

عفيه عليك يا مهندسنا

عساك على القوه ........

 

[LONG TERM]

لحقووووو على جراند ..................... تراها سريعه الصعود

اللهم بلغت اللهم فاشهد

 

[ابو كمال]

سهم يحتاج تأسيس علشان يصعد مو وقت شراء

 

[مزاجي]

لحقووووو على جراند ..................... تراها سريعه الصعود

اللهم بلغت اللهم فاشهد

الله يرحم والديك اذا عندك خبر اكيد عن الشركه تقول لا تتكلم من غير مصادر وبناء على يقولون صارلنا اكثر من 3 شهور ما شفنا الصعود السريع بالعكس النزول كان اسرع ...

 

[anaahmad]

مساء الخير
هالسهم امس مع النزول على اولته حد ادنى واليوم السوق ارتفاع 90 نقطه وهالسهم جنه مو موجود يااخوان والله العظيم شريت على كلامكم وخليت فرص كانت امامى بسببكم خافوا الله فينا اذا التوصيات على الفاضى فرجاء حار فكونا منها انا والبعض من امثالى يتأثر بما تكتبونه وانا ادرى انه بالنهايه انا المسؤل عن البيع والشراء بس الان انا دبست نفسى شارى 900 لأنى اخذت بهالتوصيات