@@@ ديوانية المؤشرنت الاقتصادية @@@

[AHMAD88]

هلا بالغالي

لان تداولها كان استثنائي والمفروض الكميه تكون مقسمه على اغلب الاسهم مو سهم واحد

ماشاء الله بو عبدالعزيز
لا خلا ولا عدم منك ياغالي
معلومه جديده علي

 

[رابح رابح]

الاسواق الاماراتيه :
- ارتفعت سيولة التداول الى 4.2 مليار درهم = 320 مليون دينار اغلبها سيولة استثمارية
- عدد الشركات المدرجة 120
- من المزمع أن تتجاوز قيمة هذه التدفقات النقدية 15 مليار دولار خلال السنوات الخمس المقبلة

السوق الكويتي :
- سيولة التداول 25 مليون دينار واغلبها سيولة ساخنة
- عدد الشركات المدرجة 207
- القيمة الراس ماليه 30 مليار

 

[سرور]

BROKERQ8brokerq8

مسار السوق الكويتي وتوقعات هذا الأسبوع 17 / 5 / 2014
وصل المؤشر الكويتي الى اعلى مستوى له عند 7415 نقطة وادنى مستوى وصل له 7360 نقطة وكان ذلك بسبب عمليات المضاربة التي شهدتها بعض الاسهم التي اعلنت عن بياناتها المالية ....... ومن الناحية الفنية لم يستطع المؤشر الكويتي من الاستقرار فوق المستوى 7410 نقطة والذي أشرنا اليه في تحليلنا الاسبوعي إلا أنه لازال محافظا على المستوى النفسي 7400 نقطة ويعتبر ذلك أمرا جيدا وتمهيدا لعملية ارتداد قادمة قد تكون خلال الاسبوع القادم كما أن عملية الارتداد قد تشمل جميع الاسهم الصغيرة والمتوسطة بعد ان تم تصفية السوق من الشركات التي لم تعلن عن بياناتها المالية حيث جرت عملية التداول والمضاربات على الاسهم التي اعلنت كنوع من المكافأة المضاربية عليها ومعاقبة من لم تعلن بعملية البيع وتنزيل القيمة السوقية لها ...... علاوة على ذلك فإن المؤشرات الرئيسية قد بدأت بعملية الارتداد الايجابي تمهيدا لعملية ارتداد فعلية باختراق أول مستوى لها عند 7440 نقطة بعد التأكيد من الاستقرار فوق المستوى النفسي 7400 نقطة حيث في حالة اختراق المقاومة 7440 فان المؤشر "سيعطي اشارة دخول ايجابية" حتى المستوى التالي 7490 واختراقها اشارة صريحة بالدخول ...... وعلى غرار ما ذكر ففي حالة عدم استطاعته الاستقرار فوق المستوى 7400 فإن هدف المستوى 7300 نقطة سيضل قائما ومستهدفا ...... لذا ننصح المتعاملين بمراقبة الوضع العام والتريث حتى يستقر السوق بالارتداد الايجابي لاختراق المقاومات المذكورة ..... وسجل المؤشر السعري تراجع أسبوعي طفيف نسبته 0.04%، بخسائر نحو 2.66 نقطة فقدها من رصيده بعد إغلاقه الخميس عند مستوى 7403.74 نقطة مقارنة بـ مستوى 7406.40 نقطة...... وأنهى المؤشر الوزني للسوق خلال تداولات الأسبوع على شبة استقرار عند نفس مستوى الأسبوع القبل الماضي حيث أغلق عند 492.03 نقطة، وذلك مقارنة ب492.04 نقطة...... أما مؤشر (كويت 15)، فقد تراجع خلال الأسبوع الماضي بنسبة 0.49% تقريباً، وذلك بعد أن أنهى آخر جلسات الأسبوع عند مستوى 1194.61 نقطة مقارنة بـ 1200.47 نقطة، ما يعني تحقيقه خسائر 5.86 نقطة تقريباً.....

 

[Now]

سوقنا لا ينفع معه

لا تحليل ولا دوره أقتصادية

المشكله دخول ناس من العامه

والتجار مايبونهم يربحون

هذا الي أشوفه حرق الشركه بالفيها

اتمني أكون غلطان لكن هذه هي الحقيقه

كلامك هذا "حرفيا" ما ينقال الا اذا كان السوق عند القاع

تذكر كلمتي .. لأنها راح تنعاد: شخص عزيز علي .. قالي مرة "والله يابوعادل لو تدش أي سهم تربح" .. هالجملة انقالت قبل لا يوصل السوق 8450 باسبوع تقريبا .. وانت تعرف شنو صار عقبها لي اليوم

 

[Now]

مساكم الله بالخير جميعا وكلا باسمه

اخواني اغلبنا في المنتدى نعرف بعض من فتره طويله من خلال المشاركات والاحاديث
ودائما نتفقد المفقود ولله الحمد بادره طيبه من الجميع على روح الاخوه
وكلنا نحترم بعض وان اختلفنا بوجهات النظر
لا اريد الاطاله ,,
من خلال متابعتي لقسم الاشراف لاحظت
ان كل صعود للسوق يتزامنه دخول اعضاء جدد وان كانت تواريخ التسجيل قديمه
هدفهم التشكيك في النوايا والطعن في المحللين وشغلهم الشاغل مداحر او تطفيش من تحاليله دائما ماتصيب
او اي احد تكون تحاليله او نصائحه محل تقدير للجميع حتى يتوقف عن المشاركه لكثرة المضايقات
المقصد ان لا نلتفت لمثل هالنوعيه من الاعضاء وان وجدت يرجى التكرم بمراسله قسم الاشراف
وبدورنا متابعين الاعضاء اول باول وان بدر منا قصور نلتمسكم العذر

للامانه مافي شي ولا سبب معين لماذكرت ...

وكتبتها بصفحة الاخوان د بوهادي وبواحمد وبوعبدالله وكل روادها لانها من اكثر الصفحات مشاهده ومعظمهم اساتذة في التحليل

بالتوفيق للجميع

الكلام هذا خاص في بوعبدالعزيز في صفحة تغريدات بواحمد .. وليعذرني بوعبدالعزيز على النقل

الكلام المظلل بالاحمر مهم جدا .. جداااااا .. ويعتبر من عوامل حدوث التغيير في السوق .. سواء للأعلى او للأسفل

لو حصرنا عدد الاعضاء المسجلين فقط في المنتدى خلال الخمس سنوات السابقة وقارنا اعداد المسجلين مع حركة السوق .. اتوقع (لأن ما عندي الاعداد بالضبط) .. اتوقع ان راح نشوف تناسب طردي بين المسجلين واتجاه السوق للأعلى

ايضا .. عدد الزيارات الى المنتدى .. اذا اقتربنا من القاع .. بنشوف زيادة في اعداد الزائرين للمنتدى

مو بس المنتدى .. عدد الكتابات الاقتصادية في مواقع التواصل الاجتماعية .. عدد مشاهدات الصفحات الاقتصادية للصحف اليومية .. عدد عدد عدد .. لو نقدر نحصرها "فعليا" لعرفنا اتجاه السوق ونقلل نسبة الخطأ في توقع الصعود او النزول

زميلنا بوفجر (ميكانيكي) .. ذكر في مقابلة تلفزيونية له عن عوامل مؤثرة للسوق .. اتمنى اللي ما شافها يشوفها
http://www.indexsignal.com/community/threads/349171/

 

[قاروه]

ما يحتاج تستأذن طال عمرك كلي تحت امرك

وشعلي حاطني بالمدونه بعد كشخه

اتفق معك بالي تفضلت فيه وماشاء الله لك نظره تحليليه سلوكيه شامله

 

[الكوتي]

كلامك هذا "حرفيا" ما ينقال الا اذا كان السوق عند القاع

تذكر كلمتي .. لأنها راح تنعاد: شخص عزيز علي .. قالي مرة "والله يابوعادل لو تدش أي سهم تربح" .. هالجملة انقالت قبل لا يوصل السوق 8450 باسبوع تقريبا .. وانت تعرف شنو صار عقبها لي اليوم

السوق بالوقت والزمان والحال الاقتصاد العالمي

نعم في قاع

ماهو السوق الذي حافظ على توازنه أيام الازمه
هو سوق أسيوي

هل تم شطب شركان نعم

ولم يتم شطب ديون

هذا ما أسميه حرق شركه بالي فيها

 

[رابح رابح]

الكلام هذا خاص في بوعبدالعزيز في صفحة تغريدات بواحمد .. وليعذرني بوعبدالعزيز على النقل

الكلام المظلل بالاحمر مهم جدا .. جداااااا .. ويعتبر من عوامل حدوث التغيير في السوق .. سواء للأعلى او للأسفل

لو حصرنا عدد الاعضاء المسجلين فقط في المنتدى خلال الخمس سنوات السابقة وقارنا اعداد المسجلين مع حركة السوق .. اتوقع (لأن ما عندي الاعداد بالضبط) .. اتوقع ان راح نشوف تناسب طردي بين المسجلين واتجاه السوق للأعلى

ايضا .. عدد الزيارات الى المنتدى .. اذا اقتربنا من القاع .. بنشوف زيادة في اعداد الزائرين للمنتدى

مو بس المنتدى .. عدد الكتابات الاقتصادية في مواقع التواصل الاجتماعية .. عدد مشاهدات الصفحات الاقتصادية للصحف اليومية .. عدد عدد عدد .. لو نقدر نحصرها "فعليا" لعرفنا اتجاه السوق ونقلل نسبة الخطأ في توقع الصعود او النزول

زميلنا بوفجر (ميكانيكي) .. ذكر في مقابلة تلفزيونية له عن عوامل مؤثرة للسوق .. اتمنى اللي ما شافها يشوفها
http://www.indexsignal.com/community/threads/349171/

بوعادل انا مشاركاتي متواصله نازل السوق او صاعد الظاهر حايشني (( ادمان المؤشر نت ))
بس مو ملاحظ السوق حمر والمشاركات زايدة هالايام الظاهر أدمنو على الانهيار

لزوم نبلغ الشيخ بالسالفة

 

[رابح رابح]

تطبيق كلام الرسول استثمار
(( في كل كبد رطبة أجر ))
حديث شريف

قط ينقذ طفل صغير من هجوم الكلب :

 

[سرور]

صباح الخير على الجميع
أظن الضغط على الأسهم انتهى
لأن بين الشراء المريح على هذي الأسعار .. والله أعلم

 

[سرور]

شراء قوي

 

[سرور]

توقف زخم الشراء
أحس أني مراقب من المحافظ وصناع السوق

 

[الراقي]

توقف زخم الشراء
أحس أني مراقب من المحافظ وصناع السوق

اخذ هذي الصدمة ترى سوقنا يعتبر الاغلى من حيث الاسعر ومكرر الربحية بين اسوق الخليج
يعني اللي يتحلطمون على سوقنا يبسون ايدهم وش وظهر على قولت اخوانا المصرين

 

[رابح رابح]

اخذ هذي الصدمة ترى سوقنا يعتبر الاغلى من حيث الاسعر ومكرر الربحية بين اسوق الخليج
يعني اللي يتحلطمون على سوقنا يبسون ايدهم وش وظهر على قولت اخوانا المصرين

صدقت اخوي الراقي
يعني اسواق الخليج اللي ارتفعت فوق مستويات ٢٠٠٨ ورجعو اسعار قبل الازمه حلمانين

وسوقنا الشركات ربحانه وتحت ال ١٠٠ فلس والشركات المشطوبه وتخفيض راس المال واطفاء الخساير وين راحو

اللي فهمته من التقرير ان الاسعار لازم تنزل زياده يعني سهم ربحان ٧ فلوس قيمته ١١٠ فلوس لازم ينباع ب ٨٠ فلس انا اقول مابقى الا نعطيهم الاسهم ابلاش احسن يبون يرقعون ويبررون فشل وانهيار السوق حسبالهم المساهمين دبش

هذا اللي كاتب التقرير اكيد زافته مرته اومضيع الجبله او متريق مرقة يواف او باچا ومو بعيد متريق فسيخ

 

[Now]

بوعادل انا مشاركاتي متواصله نازل السوق او صاعد الظاهر حايشني (( ادمان المؤشر نت ))
بس مو ملاحظ السوق حمر والمشاركات زايدة هالايام الظاهر أدمنو على الانهيار

لزوم نبلغ الشيخ بالسالفة

اي والله ادمان المؤشرنت .. انا حايشني بس على خفيف .. بالمتابعة



بوخالد .. اخذلك طلة على الصفحة الاقتصادية بالقبس .. شوف اول صفحتين بس .. تعرف شنو القطاع المستهدف بعد قطاع العقار

 

[رابح رابح]

اي والله ادمان المؤشرنت .. انا حايشني بس على خفيف .. بالمتابعة



بوخالد .. اخذلك طلة على الصفحة الاقتصادية بالقبس .. شوف اول صفحتين بس .. تعرف شنو القطاع المستهدف بعد قطاع العقار

هلابوعادل انت مرورك ذهبي غير نمونه
بس ودي يحوشك ادمان المؤشرنت
علشان نستفيد منك اكثر ونتعلم منك
وباخذ طلة وبقولك رايي

 

[سرور]

اي والله ادمان المؤشرنت .. انا حايشني بس على خفيف .. بالمتابعة



بوخالد .. اخذلك طلة على الصفحة الاقتصادية بالقبس .. شوف اول صفحتين بس .. تعرف شنو القطاع المستهدف بعد قطاع العقار

أنت حايشك ادمان بالمنتدى
واحنا حايشنا ادمان بالبورصة
بس خطر ببالي سؤال .. ليش مايفتحون البورصة العصر مثل السنوات السابقة
والله كان تشوف الموظف ..اللي كله ماعنده وقت يجابل البورصة الصبح
تشوفه يجابلها طول المسا وتدخل السيولة دبل ..

 

[Now]

هلابوعادل انت مرورك ذهبي غير نمونه
بس ودي يحوشك ادمان المؤشرنت
علشان نستفيد منك اكثر ونتعلم منك
وباخذ طلة وبقولك رايي

جزاك الله خير بوخالد .. كل ما صارت عندي المعلومة راح اشاركها الكل بالمنتدى .. لا توصي

أنت حايشك ادمان بالمنتدى
واحنا حايشنا ادمان بالبورصة
بس خطر ببالي سؤال .. ليش مايفتحون البورصة العصر مثل السنوات السابقة
والله كان تشوف الموظف ..اللي كله ماعنده وقت يجابل البورصة الصبح
تشوفه يجابلها طول المسا وتدخل السيولة دبل ..

مو ادمان المنتدى من وين ياي .. كله من ادمان البورصة

تداول العصر؟ جان زين والله .. تبي الصراحة .. 3 ساعات ما يكفون .. خصوصا انها بحزة يكون فيها الشغل والاجتماعات "حد اعلى" والواحد ما يمديه يجابل

 

[سرور]

جزاك الله خير بوخالد .. كل ما صارت عندي المعلومة راح اشاركها الكل بالمنتدى .. لا توصي



مو ادمان المنتدى من وين ياي .. كله من ادمان البورصة

تداول العصر؟ جان زين والله .. تبي الصراحة .. 3 ساعات ما يكفون .. خصوصا انها بحزة يكون فيها الشغل والاجتماعات "حد اعلى" والواحد ما يمديه يجابل

لو مهتمين بالبورصة كان سووها من زمان..
ياريت يجربون أسبوع ..
يمكن
يسيل لعاب التجار لما يشوفون ناس جدد ( ضحايا ) يدخلون البورصة العصر

 

[الراقي]

صدقت اخوي الراقي
يعني اسواق الخليج اللي ارتفعت فوق مستويات ٢٠٠٨ ورجعو اسعار قبل الازمه حلمانين

وسوقنا الشركات ربحانه وتحت ال ١٠٠ فلس والشركات المشطوبه وتخفيض راس المال واطفاء الخساير وين راحو

اللي فهمته من التقرير ان الاسعار لازم تنزل زياده يعني سهم ربحان ٧ فلوس قيمته ١١٠ فلوس لازم ينباع ب ٨٠ فلس انا اقول مابقى الا نعطيهم الاسهم ابلاش احسن يبون يرقعون ويبررون فشل وانهيار السوق حسبالهم المساهمين دبش

هذا اللي كاتب التقرير اكيد زافته مرته اومضيع الجبله او متريق مرقة يواف او باچا ومو بعيد متريق فسيخ

شوف ياالمزيون
انت عندك ٣ اشياء تستثمر فيهم فلوسك
الوديعة مدخولها قليل بس امن ومافي عوار قلب او عوار راس
العقار مدخوله افضل من الوديعة وامن بس فيه عوار راس
الاسهم مدخولها خيالي واضعاف العقار و الوديعة ولكن خطر جدآ وفيه عوار قلب وعوار راس
المصيبة اذا كانت الاسهم الاستثمار فيها المدخول اقل من الوديعة والعقار مع عوار الراس والقلب هذاالوضع الان في سوق الكويتي
نعم هناك شركات اسعارها تحت واعلنت عن ارباح ولكن الثقة مفقودة في هذي الشركات يعني فخ
السوق الكويتي الحين نفس المطعم الهندي بالحساوي طعمة لذيذ وسعره ارخيص بس عادي يحوشك تسمم