دورة المؤشرنت للتحليل الفني
50 دينار كويتي
@@@ ديوانية المؤشرنت الاقتصادية @@@
- بادئ الموضوع Now
- تاريخ البدء
Now
عضو مميز
- التسجيل
- 27 مايو 2012
- المشاركات
- 1,887
مساء الخير الزعيم
ترى ناطرين
مساء النور ياهلا بوخالد .. انا ناطر اكثر منك بس تو الناس .. بالايام الياية ان شاء الله مو باجر
والله يابوخالد ماكو شي ينكتب عنه كلش .. السوق مثل ما انت شايف مافيه حركة وحاشنا خمول بسبة خمول السوق
ويابوخالد انت شيخ المحللين الماليين .. هالسوالف ما اعرفها .. انا بس اشوف حقوق المساهمين زادت والا نقصت بس هذا حدي
لكن فنيا:
- نور عاجبني الصراحة ومبين له مستقبل واعد
- بيان واقف عن التداول .. لازلت اشوف سلبية على المدى البعيد الا في حال اخترب النموذج الفني السلبي
- الكويتية وضعه بالسليم مدام فوق 156
- اسمنت انا تكلمت عنه قبل وحقق الهدف .. الحين ننطره يطوف 440 وان شاء الله يكون الهدف قريب من 540
رابح رابح
عضو مميز
بوعادل حلوه شيخ المحللينمساء النور ياهلا بوخالد .. انا ناطر اكثر منك بس تو الناس .. بالايام الياية ان شاء الله مو باجر
والله يابوخالد ماكو شي ينكتب عنه كلش .. السوق مثل ما انت شايف مافيه حركة وحاشنا خمول بسبة خمول السوق
ويابوخالد انت شيخ المحللين الماليين .. هالسوالف ما اعرفها .. انا بس اشوف حقوق المساهمين زادت والا نقصت بس هذا حدي
لكن فنيا:
- نور عاجبني الصراحة ومبين له مستقبل واعد
- بيان واقف عن التداول .. لازلت اشوف سلبية على المدى البعيد الا في حال اخترب النموذج الفني السلبي
- الكويتية وضعه بالسليم مدام فوق 156
- اسمنت انا تكلمت عنه قبل وحقق الهدف .. الحين ننطره يطوف 440 وان شاء الله يكون الهدف قريب من 540
(ترى في ناس يصدقون ) يبه انا اتعلم منك وقايلك انت مدرسة- بيان ينطبق عليه المثل (اسمع كلامك اصدقك اشوف افعالك اتعجب ) تشوف بيانته يضيق خلقك قيمته الدفترية 93 فلس شالسالفه ما ادري طيروه بفلم قضية الارض اللي على البحر عندي ولد اخي يشتغل بالتقييم العقاري قالي قبل القضيه لو كسب القضيه بيرتفع تقييم الارض 20 % ومستحيل يكسبها لان كل الاراضي اللي يمه بيشتكون وعلى شنو طاير السهم انا طلعت البروكر مالي منه ب 124 فلس قبل الحكم بيوم مع انه كان من الاسهم اللي سمعتها جيده ولكن للاسف ضغط على السهم وجمع اسهم المساكين ب 30 فلس ثلالث سنين والغريبه انه يوم كان ضاغط علية بالقاع كان يتذمر من الحكومه والمساهمين يبجون منه
- نور مشكلته ادارته ومجموعته انا منقرص منهم نهبو فلوسنا بنور للاتصالات وطار نصهم .
- اسمنت ماشاء الله توقعاتك حلوه له والسهم محترم وواعد مستقبلا هذا سهم تجوري ذهبي (سنتين)
بوعادل مشكلتنا ان اي سهم ممتاز مرتبط بمجموعه غرقانه يغرفون منه ويرقعون بالاسهم الغرقانه والمنهوبه
سرور
عضو نشط
- التسجيل
- 11 أغسطس 2009
- المشاركات
- 6,911
صبحك الله بالخير
ويسعد صباح الجميع بالخير والسرور
قاروه
بوعبدالعزيز
- التسجيل
- 22 نوفمبر 2005
- المشاركات
- 7,976
اعترف اني فشلت كذا مرة في تحليل المؤشر السعري .. أعتقد انني سأفشل بقوة هالمرة .. 7320 ثم 7100 تقريبا نشوفهم هالاسبوعين؟؟
مادري
ان شاءالله تفشل هالمره بس علشان يصعد
أهو مو فشل بالعكس تحاليلك تشهدلك يابوعادل لكن اتمنى يعاكسك التحليل هالمره
شرارة الدخول بكميات التداول
الكمية المتداولة : 419,509,608 اطرح منها ميادين بس !
240,736,503
تساوي 179 تقريبا بدون الكسور تظل ضعيفه نسبيا
ملاحظة تشكر عليها بوعبدالعزيز ومهمه جدا بنفس الوقت
===================
تصدقون عاد توني كنت اراجع الرسائل الخاصة القديمة عندي من سنة ٢٠٠٧ وشلون كان التفاؤل قوي مع صعود
السوق والمشاركات ماتوقف
واغلب الاسهم تفتتح بقاب أب 
يازينها حاشني تفاؤل جدا قوي وبأذن الرحمنالصعود قريب جدا
ولاننسى مؤشر السوق قطاعين البنوك والاستثمار وكلاهما تعافى من بعد الازمه وابتدأت مرحله تحقيق الارباح
خصوصا للاستثمار من بعد سنوات عجاف
رابح رابح
عضو مميز
بوعادل انت صاحب علم ونظره ثاقبه وتوقعاتك كانت اغلبها صحيحه ومفيده واذكرك يوم قلت لنا انك كيشت والسوق خروج وطلع كلامك عدل بس الحين السوق عايم ماشي على البركة ويتم التلاعب بمؤشراته وتداوله سوق بدون معايير وضوابط كلنا تخربطت افكارنا وتوقعاتنا ولا تخلي سوق تايه يؤثر على افكارك لان هذا هدفهم حاليااعترف اني فشلت كذا مرة في تحليل المؤشر السعري .. أعتقد انني سأفشل بقوة هالمرة .. 7320 ثم 7100 تقريبا نشوفهم هالاسبوعين؟؟
مادري
بوعادل اللي ماعنده اخطاء ماعنده انجاز وانا شخصيا مازلت احب اسمع رايك وآخذه بعين الاعتبار
ملاعب الأسنة
عضو نشط
- التسجيل
- 2 يناير 2010
- المشاركات
- 191
بعد سنوات من التداول في البورصة أقدر أقول لكم إني وضعي كان
سابقا: أدش البورصة يصفقوني طراقات وياخذون فلوسي ويرفسوني ويضحكون علي وأروح البيت أبجي
الآن: متوقع وحاسب حساب الطراق وأتفل عليهم من بعيد وأنحاش
ومرات يجيني فنقر ولا حذفة بطفاية
سابقا: أدش البورصة يصفقوني طراقات وياخذون فلوسي ويرفسوني ويضحكون علي وأروح البيت أبجي
الآن: متوقع وحاسب حساب الطراق وأتفل عليهم من بعيد وأنحاش
ومرات يجيني فنقر ولا حذفة بطفاية
رابح رابح
عضو مميز
أعتقد اننا وصلنا الى منطقة اليأس
رابح رابح
عضو مميز
الله يحييك ويسعدك بوسليمان
انا من الشياب بس اسمحلي أرد نيابة عن الشباب
رابح رابح
عضو مميز
دورة المؤشرنت للتحليل الفني
50 دينار كويتي