تغريدات .... بوأحمد ....

[essakwt]

ياجماعة الخير
سهم مينا محد معطيه وجه كلش
مشتريه ب ٥٩ ننطر عليه ولا نشوته ،، وندور غيره .
ومشكور ياراعي الصفحة احييت المنتدي عقب ما كان بالعناية المركزه

 

[بو*سليمان]

انا طول عمري اعرف سالم .. لكن بعمري ما شفت النصيفه !

قوية انت بعد اتعرفه ... سالم

 

[Albaghdadi]

السلام عليكم ومساكم الله بالخير .. حاليا بالدوانيه ارجع البيت واشوف مينا .. واذا في احد يبي يستفسر عن سهمه يتفضل ..

اخوي عيسى .. في كثير من الشباب فيهم الخير والبركه وباذلين جهد يشكرون عليه .. قواك الله وتشرفنا متابعتك

 

[essakwt]

يعطيك العافية
الشباب مو مقصرين وسامحني استخدمت اسلوب المبالغة بالمدح

 

[Albaghdadi]

مينا العقاريه .. اغلاق ليومين تحت 56 سلبي جدا للسهم .. ودعمه على الاسبوعي 53 .. وعلى الشهري لازم يسكر فوق 57 .. والا فالهدف واضح عند 44 فلس .. وهو آخر دعم للسهم .. وهو مشرك بين الاسبوعي والشهري ..

في الوقت الحالي .. دعم 56 53 .. مقاومه 57 58 .. اغلاق فوقهم ايجابي للسهم .. هذا مضاربيا .. واستثماريا من الضروري اغلاق فوق 57 ..

ما عندي فكره عن وضعه المالي

 

[sawa7]

السلام عليكم
ممكن يالغالي اتشوف لي قرين قابضه
ولك مني الشكر

 

[أبو عمر]

ياجماعة الخير
سهم مينا محد معطيه وجه كلش
مشتريه ب ٥٩ ننطر عليه ولا نشوته ،، وندور غيره .
ومشكور ياراعي الصفحة احييت المنتدي عقب ما كان بالعناية المركزه

لاني علقت مره مؤخراً على هالسهم وقلت له صعده ، أحب أعلق مره ثانيه بعد نتيجته المخيبه للأمال بخساره أخري للربع الثالث .
السهم مشكل دبل توب سلبي وBig M سلبي
الهدف 50 للدبل توب ، طبعا مو شرط يوقف عندها بل ممكن ينزل تحت 40 والله أعلم
كسر الترند الصاعد والاغلاق تحته (53 ) خروج من السهم
الدخول بتجاوز 62 والترند الهابط
والله اعلم

 

[Q8Broker]

السلام عليكم ، ومساكم الله بالخير جميعاً
بو احمد أو كل من له راي في هذا السهم يا ليت يفيدنا
منازل

 

[Albaghdadi]

مينا العقاريه دامكم مركزين عليها .. نشوفها ماليا على الطريج ..

بيانات النصف الاول دام البورصه ما حطت بيانات الربع الثالث ..

شركة صغيره حتى في اداءها .. كون راس المال 20 مليون تقريبا .. والموجودات تقريبا 25 مليون .. والقروض 9.5 .. مادري متى اشتغلوا براس المال اصلا علشان ياخذون قروض !! شالخرابيط ..

عموما .. نقد وما يعادله 1.1 .. استثمارات باوراق ماليه وشركات 10.3 ( هذا البلاء العظيم ) .. عقارات للمتاجره 4 .2 .. عقارات استثماريه 7.8 .. احتياطات 3.5

لو فاتح شركة استثماريه ابرك له .. تقريبا نص الموجودات استثمارات باوراق ماليه وشركات !!

المطلوبات المتداوله 3.4 .. ومجموع المطلوبات 9.6 .. خسائر مرحله الى النصف الاول 8.2 ..

سالفتها عويه .. بيانات ماليه سيئه لا تستحق الاستثمار .. مضاربيا كل شي تقدر تضارب فيه ..

والله تعالى اعلم

 

[Albaghdadi]

القرين القابضه .. سلبي دعم مهم جدا على 44.5 اغلاق تحته ليومين اشارة خروج من السهم وتكون النقاط الارتداديه 41.5 والاهم على الاطلاق 35 .. مقاومات السهم 47 48.5 50 .. واهم مقاومه ليتحرر 55 فلس اغلاق شهري فوقها اشارة دخول صريحه .. والله تعالى اعلم

ارجوا البحث عن في ميزانيه الشركة وقدرتها الماليه ..

 

[Albaghdadi]

وعليكم السلام هلا بومحمد

 

[Albaghdadi]

منازل .. للاسف سوه نفس حركة تجاره بالايحاء بالاختراق تالي خون .. سهم مضاربي في الوقت ا لحالي .. اغلاق 67 على الدعم الاسبوعي واليومي .. اغلاق اسبوعي تحتها سلبي وافضل الخروج .. حاليا على اليومي مسموح ان ينزل الى 66 ولكن الاغلاق تحتها ممنوع واذا تم فالهدف 57 فلس .. وهو بوجهة نظري دعم في غاية الاهميه ..

المقاومه 69 70 .. والله تعالى اعلم

 

[Albaghdadi]

في صفحة 60 و 61 تحليل للسوق ولكثير من الاسهم اتمنى قراءتهم

 

[ضاري العازمي]

يعطيك العافيه أبو احمد وعساك سالم علي تحاليلك الطيبه
ماحبيت أني أزعجك بس اذا فيها مجال ادنك وين اتجاها ومتا افضل شراء

 

[Albaghdadi]

يقول شقه بدال بيت .. زين انا اعطيكم حل .. انا ابي نصيبي انا وعائلتي الصغيره لمدت سنتين .. واوقع وابصم اني اقعد بالبلد مده اقصاها شهر .. وبعدها مابي لا بيت ولا شقه ولا تموين ولا كهربا مدعوم ولا ماي مدعوم ولا اسقاط قروض ولا تصعدون البورصه .. اداره فاشله الله يلوع جبودكم

 

[Albaghdadi]

يعطيك العافيه أبو احمد وعساك سالم علي تحاليلك الطيبه
ماحبيت أني أزعجك بس اذا فيها مجال ادنك وين اتجاها ومتا افضل شراء

حياك الله اخوي ضاري .. ما في ازعاج بل العكس .. ولو اني انصحك بسهم نظيف .. الا اذا كنت مضارب فهذا موضوع اخر .. دقايق واكتب التحليل

 

[Albaghdadi]

ادنك .. بما انه احنا في نهاية الشهر .. من الحين نقول اغلاق شهري تحت 52 موووووووووو زين ومكلف جدا .. مضاربيا السهم سلبي دعم 50 واسبوعي 47.5 48 .. مقاومه 56 58 61 .. والله تعالى اعلم

 

[Q8Jp]

مزايا ،،،، معليك امر

 

[Albaghdadi]

الكويتية للاستثمار وصينا عليها يوم كان 134 وقلنا اخره عند 130 اعتقد انه وصل 140 .. والمقاومه 142 اغلاق فوقها ايجابي جدا للسهم .. والله تعالى اعلم

 

[ضاري العازمي]

حياك الله اخوي ضاري .. ما في ازعاج بل العكس .. ولو اني انصحك بسهم نظيف .. الا اذا كنت مضارب فهذا موضوع اخر .. دقايق واكتب التحليل

الله يرضالي عليك ويفتحها في وجهك ووجه من يقرأ يارب
يصلح للمضاربه