12345Fawaz
عضو نشط
- التسجيل
- 9 أكتوبر 2013
- المشاركات
- 733
هل تسمح انقل تحليل صكوك بصفحة صكوك
دورة المؤشرنت للتحليل الفني
50 دينار كويتي
شكرا بواحمد , ربي يغفر لوالدينك ويرزقك الصحه والعافيهكميفك .. للامانه اول مره انتبه للسهم هذا .. سهم مملوك للاهلي المتحد الكويتي والبحريني بنسبه 74 % .. واداء هالبنكين قوي جدا بهذي السنه واعتقد انه سيكون كذلك للفتره القادمه ..
قيمه دفتريه 89 فلس .. العوده للربحيه اهم انجازاتها .. الموجودات 53 مليون .. والمطلوبات 28 مليون دينار .. ممكن يستعبطون وياخذون قروض من غير الاهلي المتحد !؟
ما اعتقد عندهم مشكله في الجدوله اذا كانو الملاك هم الدائنين ..
ترتكز الموجودات في استثمارات بقيمة 28 مليون دينار .. وللأسف النقد وما يعادله شحيح وبقيمة 600 ألف دينار تقريبا .. خسائر مرحلة 18 مليون دينار .. وحقوق المساهمين 23 مليون دينار .. الاجمل من ذاك كله .. انه الشركة عندها احتياطات ب 16 مليون دينار .. تقريبا اقل من نص الدين بشوي ..
فنيا .. اغلاق ايجابي على 75 كون القمه السابقه للسهم اللي شكله بصعوده الاخير من 50 فلس في بداية سبتمبر الى 74 فلس التي يحاول اختراقها منذ ايام .. وهي القمه التي شكلها في نهاية شهر مايو من نفس العام ..
باعتقادي اغلاق ليومين فوق 75 .. يعطينا هدف مستحق عند 88 .. وتالي يصير خير ..
كما هو مبين عندي انه السهم لم يتجاوز ال 74 منذ الازمه .. وهذا مؤشر ايجابي بحد ذاته ..
شكرا لكم نبهتونا حق شي حلو ... والله تعالى اعلم
هل تسمح انقل تحليل صكوك بصفحة صكوك
انا مااتمنى ينزل ولكن اشوفه سواء يمديه او مايمديه الى الثلاثينات وشاكر لك جهودكمراح يمديه ! ينزل باليوم 2.5 .. الا اذا عندك معلومه انه مراح يتوقف هذا شي ثاني![]()
الانظمه سهم من ذهب ودي مره اشوفه يخسر في اي ربع ماكوووووووووووو فايده
سهم مرعب
انا مااتمنى ينزل ولكن اشوفه سواء يمديه او مايمديه الى الثلاثينات وشاكر لك جهودك
الشكر لك رأيك واحترمه .. بس انا حبيت اوضح لك انه حتى لو نزل باجر للحد الادنى .. وهو اخر يوم للاعلان وبعدها راح يتوقف .. الادنى 41.5 .. فهل تقصد انه بعد رجوعه راح ينزل الى الثلاثينيات .. فهمت قصدي طال عمرك ؟
طيب سؤال .. هل مشكله المدينه فنيه او ماليه ؟
يعني على سبيل المثال .. رمال .. ماليا ممتاز وفوق الممتاز ويوم نزل الى مستويات قياسيه كان معلن عن بيع عقارات بربحيه جيده .. فهو كان ماليا ممتاز ولكن فنيا سئ ..
ماهو الوضع في المدينه ؟ الفارق كان بالاضافه الى الخوف من الايقاف هو خبر انضمامه الى قانون الاستقرار المالي .. جربنا موضوع الايقاف اكثر من مره كون له سوابق .. ما كان النزول بهذا الشكل .. فهل السبب هو انضمامه الى قانون الاستقرار المالي ؟ وهل الانضمام تحت قانون الاستقرار المالي يعني افلاس ؟؟ لا اعتقد ذلك ..
التشبيه الحاصل بين اعيان والدار اعتقد انه امر مبالغ فيه بكل المقاييس .. فالمدينه ليس لديها استثمارات متعثره على الاقل في القروب المدرج الهيس واكتتاب والسلام .. وايضا المدينه ديونها تعتبر 50 % من موجودتها في بيانات النصف الاول .. وايضا المدينه عندها احتياطات 27 مليون دينار والمطلوبات 65 والخفسه اللي صارت في احدى عقارات الخارجيه اللي محد يعلم سببها .. وانا اشوفها مو منطقيه .. وللأسف
اللي انا فهمت انه الشركة مشكلتها مع الدائنين انها ما عندها كاش الحين .. والدائنين يبون الاستثمارات المرهونه مقابل الدين ..
والمدينه علشان تحمي نفسها وتكسب مزيد من الوقت .. طلبت اللجوء الى قانون الاستقرار المالي ..
بكل موضوعيه مع الاقرار بسوء الاداره وتظليلهم للمساهمين .. ولكن هذه الخطوه صحيحه وان كانت متاخره .. والا كيف ستحافظ على استثماراتها وهي لا تستطيع ان تدفع وبنفس الوقت لا تستطيع ان تتخلى عن استثماراتها بسعر بخس !
نعم الوضع سئ .. ولكن ليس افلاس .. نعم مضيعه كبيره للوقت وهناك اسهم افضل .. ولكن يعتبر سعره رخيص جدا .. نعم تعتبر فرصه .. اذا عرفت كم سيستغرق موضوع تنفيذ خطة اعادة الهيكله ..
للعلم .. اعيان مطلوباتها 325 مليون دينار وموجوداتها 393 مليون .. خسائر مرحله 40 مليون دينار .. قيمة دفتريه 37 فلس !!!
الدار مطلوبات فوق المليار دينار .. وشركات متعثره .. اوكيانا استحواذ ادنك .. وبوبيان مغتصب !!!
شلون اقارن !! مادري
اعتبروها هلوسات واحد يوعان .. وماهي ملزمه .. ولا تطبيل .. ولا تشخير ..
تسمح لي اعقب ولا ممنوع؟
دورة المؤشرنت للتحليل الفني
50 دينار كويتي