شركة بوبيان للبتروكيماويات ش.م.ك ( بوبيان ب ) .

[المضاربه فن]

لا حول ولا قوة ألا بالله
السوق مرتفع والسهم نايم
والله يبيله خيازرين تصحي قلبه المعدوم الأحساس
اللهم أعنا عليه وأنصرنا وأرزقنا منه

​

 

[bo-sahm]

هذا قاعد يلم على 1.040 بربيع
شعليه ما احد يميه الشرها على المحافظ الي عارفين ما يدشون عليه
الظاهر لاهين في المجموعات الماسية (الدولية وأخواتها والمخازن واخواتها والبحر و ...)
واضحة وضوح الشمس الي مو مبينه اليوم

 

[wanasa]

سبحان الله

المشكلة كالتالى:
المؤشر اخضر او احمر الحبيب وااقف
المحافظ تجنى ارباح او اتجمع على الاسهم هم الحبيب وااقف
الناس اتصرف او اتجمع او اتبدل مراكزها اهو هم وااقف
الناس واهل الخبره والثقة اتوصى عليه او اتذمه هم اهو وااقف
الاوسط برو شغال او فاصل هم الحبيب وااقف
انصفق له او انغنيله هم الحبيب وااقف
ندعيله او ندعى عليه هم وااقف
شسوى الواحد يعنى قولولي .

اهو خوش سهم بس ماله شغل بالسوق ولا التحليلات ولا التوقعات ولا اى شى ايدور بالخيال حتى.

 

[المضاربه فن]

اهو خوش سهم بس ماله شغل بالسوق ولا التحليلات ولا التوقعات ولا اى شى ايدور بالخيال حتى

بس له شغل بالنزول يعجبك عندوجهك ما يتعطل أما بالصعود يصير أصمخ وأعمي وفيه روماتيزم بالمفاصل تعيقه بالحركه يهوينه خلوه خلوه لحد يذيه.

 

[wanasa]

اى والله

حسبى الله ونعم الوكيل
المتعارف عليه بالاسواق كلها انه فى حالة وصول السعر الى نقطة مقاومة او دعم يتم تبديل المراكز واتكون حركة غير طبيعيه وملفته للنظر بالصفقات وهذا امر طبيعى على حسب سياسة التاجر والمحفظه وخلافه
الا الحبيب هذا ايقاوم نفسه ابنفسه وايعاند عمره ابعمره وفوقها ايقولون بالاعلام دخلوا السسوق الكويتي الواعد بالنجاح وهو غير الاسواق الباقيه
اشلووووووووون وهذا واحد من اسهمها ومن الاسماء الموثوق فيها مجلس ادارته ويشتغل باهم مورد وعصب موارد الكويت اشلووووووووووووووووووووووووووون الناس اتأمن على افلوسها ؟
​

 

[المضاربه فن]

والله العظيم أن في شخص له وزنه وثقله ويملك بالشركه قالي أنها ما راح تتعدا 1400 لغاية توزيع الأرباح بس أخذ أرباح منه وتوزيعات جيده ...
والمصيبه أني موراضي أقتنع !!
ولاكن بصراحه أقتنعت لأن السهم ما يشتريه ألا للي يبي أرباح أخر السنه ومعروف السهم أعلان 3 شهور سيئه وأخر السنه أرباح طيبه ؟
وألحين أبي راس المال عسا الله يردها..
أرجو عدم الأخذ علي أنه توصيه بالبيع ( ترا أنا مالي شغل كل واحد حر بحلاله

 

[wanasa]

قرت علينكم يا ملاك بوبيان

بشروا
السوق مرتفع 180نقطة وسهمكم مرتفع 20 فلس بالغصب بالاقفال

كلامك على متمه يا الجنتل بس المشاريع اللى قاعد نسمع فيها مو هينه ومع ذلك شوفت عينك السهم ايب الجلطه​

 

[Fayez]

الحال من بعضه يالجنتل1 ... نبي راس المال الناس طارت بارزاقها واحنا حاطين ايدنا على الخد

 

[white soul]

الله يعينا على هالسهم المريض والخدعه على قولت الجنتل

شرايكم كلنا نحط بتواقيعنا بوبيان السهم المريض والخدعه

انا حدي مع هالسهم ليوم الاربعاء والله يعوضنا على خسارتنا وعلى الفتره الي تجمدت فيها فلوسنا وماصارت صفقه بقطر شهر والجرايد يكتبون يبون يعلنون عنها

 

[al7boob]

السلام عليكم
الصبر مفتاح الفرج,,,

قصتى مع سهم بوبيان ,,,
عندى السهم من شهر 8 اللى طاف ( فى توصية عليه) وكنت وقتها ابى اضارب فى السهم وعلى حسب التوصية والتحليل قال يبى يوصل الى 1300 وقلت مراح ابيع الا فى الدينار و300(شارى على 1060)
ولكن عقب الصعود والهبوط والصعود والهبوط مملنى السهم ...
بس ماراح امل من السهم ولكن عقب تفكير عميق مع السهم ....
خزيت السهم وخزنى وعاندنى السهم وقالى السهم تبى خير منى خلنى استثمارى لمدة طويله وراح تلقا منى خير طبعا عقب التفكير طعت السهم وخليته استثمارى ,,,,,
,,,,,, تحياتى لكم جمعيا
السهم يقول عن نفسه استثمارى
+
+
+
+


شباب خزو السهم وشوفو شنهو راح يقلوكم السهم,,,,
تحياتى لكم جمعيا

 

[الشورى خالد]

السلام عليكم اسمحولي ما أقدر اسكت ياأخوان مرة تقولون البورصة هذه فيها نصب و ظلم وعنجهية وما تحترم الارباح ولا تتفاعل مع العقود وووووووو ------ بالله عليكم شركة 9 شهور خسرانه وما عندها الا ايكويت 9% ولنفرض ربح ايكويت مليار دولار يعني 90 مليون دولار يعني 26280000 مليون دينار ارباح تشغيلية بالله عليكم تسوى السعر اللي اللحين فيه ( اصحاب الشركة استفادوا رفع القيمة السوقية اما الارباح التشغيلية فهي لا تسوى هذا السعر ) شركات الكيماويات في الخليج ارباحهم بالميارات وحنى خسارة -------- الله يرزقنا واياكم ( لو يبون يصعدون السهم صعدوه واذا يبي ينزلونه نزلوه )

 

[نوخذه 15]

السلام عليكم اسمحولي ما أقدر اسكت ياأخوان مرة تقولون البورصة هذه فيها نصب و ظلم وعنجهية وما تحترم الارباح ولا تتفاعل مع العقود وووووووو ------ بالله عليكم شركة 9 شهور خسرانه وما عندها الا ايكويت 9% ولنفرض ربح ايكويت مليار دولار يعني 90 مليون دولار يعني 26280000 مليون دينار ارباح تشغيلية بالله عليكم تسوى السعر اللي اللحين فيه ( اصحاب الشركة استفادوا رفع القيمة السوقية اما الارباح التشغيلية فهي لا تسوى هذا السعر ) شركات الكيماويات في الخليج ارباحهم بالميارات وحنى خسارة -------- الله يرزقنا واياكم ( لو يبون يصعدون السهم صعدوه واذا يبي ينزلونه نزلوه )

اممممممممممممسك بسهمك بس

 

[ابو كمال]

التحليل الفني يقول السهم راح يصعد قريباً

والله يوفق ملاكه

 

[wanasa]

بس له شغل بالنزول يعجبك عندوجهك ما يتعطل

​

.

ماصدق دش المؤشر حمر على طول اهو من اول الاسهم لاحقهم اللهم يا كافى مو مصدق
انا لله وانا اليه راجعون

 

[المضاربه فن]

,والله اليوم كأنه بيلامس الدينار
الله يستر​

 

[المخيال1]

صباح الخير

لو سمحتوا منو عنده معلومه عن ايكويت متى تعلن ارباحها؟

 

[wanasa]

الله المستعان

اذا دينار زين اذا ماوصله الحد الادنى مقارنته بامس
السوق مرتفع 180 نقطة رافعه بس =20 فلس
اذا اليوم النزول بحدود 100 نقطة يعنى الحد الادنى خلك طبيعي ​

 

[wanasa]

صباح الورد

علمي علمك​

 

[wanasa]

صباح الخير

لو سمحتوا منو عنده معلومه عن ايكويت متى تعلن ارباحها؟

http://www.equate.com/
هذا سايت ايكويت بس يبيله واحد قوى بالانجليزى يمكن يطلع منه ابمعلومه

 

[wanasa]

31.12

http://www.equate.com/
هذا سايت ايكويت بس يبيله واحد قوى بالانجليزى يمكن يطلع منه ابمعلومه

دقيت عليهم توا وقالولى سنتهم المالية تنتهى بتاريخ 31.12 من كل سنه
وهذا رقمهم 4343666 اطلب قسم الميزانية