شركة منا القابضه (منا قابضه) (كي سبان سابقا)

[تاجر ابن تاجر]

السهم بيوصل دينار يعني بيوصل دينار ..... وبرجع وبذكركم بكلامي كله لمن يوصل دينار ......

 

[تاجر ابن تاجر]

بالنسبة حق تغير أفصاح الملكيات ان شركة المجموعة الدولية للمشاريع العقارية زادت نسبتها في (منا) من22.020% الى 22.150% يعني زادت 130% فهل هذا سبب الصعود المتكرر لتملك نسبة أكبر مما هي عليه؟؟؟

سبب الصعود الشركة رسوو عليها عقد بقيمة 4 مليون دينار كويتي لانشاء مطار بمصر مطار سوهاج ..

والسبب الثاني الشركة تملك اصول تفوق 4 مليارات دينار كويتي

والسبب الثالث الشركة لديها ارض بمساحة مليون متر مربع وتنوي بيعها بمبلغ 75 مليون دينار كويتي

والسبب الرابع استحواذ شركة منا قابضه على محجموعه من الشركات بنسب تفاوته ذكرتها من قبل ...

واكثر من مليون سبب يؤهل السهم للصعود الى ما فوق 3 دنانير حتى .... لكن سوق الكويت مستحيل يوصلها هالسعر بالتوقعات والمحافظ الاستثماريه تدخل على السهم لجدوى الاستثمار الى مستوى 1.200 والسهم بيوصل دينار يعني بيوصل

 

[تاجر ابن تاجر]

اقول تره خرعتونا ، شالسالفة

الحين محد جاوبنا ، الشركة وزعة ارباح ولا بعد ، الجمعية العمومية انعقدت ولا بعد ، جم وزعت اذا انعقدت .

بعدين انا مو فاهم ، شلون راس المال غير الأصول ، يعني الأصول بيشترونها من راس المال ، فشلون 10 ملايين يشترون فيها اصول تسوى الحين مليارات !

مجرد سؤال استفهامي

بس انشاءالله الأمور تمشي مثل ما يقول تاجر بن تاجر ويوصل السهم فوق دينار

بس تاجر ، السهم بخط مستقيم للدينار ولا في مطبات هوائية اثناء الصعود ؟

تاجر لا تقولي انك انت مو شاري السهم

بس ديروا بالكم من سهم عارف للطاقة

اذا خايف السهم يتفسخ ... ابشرك السهم ما راح يتفسخ لانه الجمعية العمومية توصي بعدم توزيع ارباح لاستثمار الارباح في مشاريع الشركة الضخمه ...

السهم ما راح يتفسخ وانشاء الله باذن الواحد الاحد يواصل الصعود الى الدينار وما فوق

 

[sporty72]

للعلم يا اخوان ترى السهم كان راس ماله 3 مليون وكسور وشهر12 الي طاف زادو راس المال 199% واصبح راس المال الحالي 10 مليون تقريبا
من ويله اصول بالملايين واهو كان راس مال الشركة 3 مليون
وللعلم كل سنة عنده ارباح مايقارب فلس واحد فقط - مادري على شنو وصل هالاسعار
الرجاء الحذر

 

[تاجر ابن تاجر]

مصدر موثوق يعلن عن نية الشركة بيع ارض بمصر تتراوح قيمتها من 75 مليون الى 90 مليون دينار كويتي تملكها شركة منا قابضه بالكامل

 

[تاجر ابن تاجر]

للعلم يا اخوان ترى السهم كان راس ماله 3 مليون وكسور وشهر12 الي طاف زادو راس المال 199% واصبح راس المال الحالي 10 مليون تقريبا
من ويله اصول بالملايين واهو كان راس مال الشركة 3 مليون
وللعلم كل سنة عنده ارباح مايقارب فلس واحد فقط - مادري على شنو وصل هالاسعار
الرجاء الحذر

انت تكلمت وسألت .. وجاوبت على سؤالك بنفسك .. عدم توزيع ارباح يعني جدوى الاستثمار المستقبلي للشركة اي عدم توزيع ارباح يعود بالنفع على الشركة من الدرجه الاولى ... اوزع ارباح واقط فلوسي ... ولا اخذ الارباح وادخل فيهم بمشاريع استثماريه فالشركة كانت ما توزع ارباح حتى تستثمر اموال الارباح في الاستحواذ على مجموعه من الشركات وحققت الشركة اكثر من فائدة من عدم توزيع الارباح باستحواذها على مجموعه كبيره من الشركات

 

[rkk]

مصدر موثوق يعلن عن نية الشركة بيع ارض بمصر تتراوح قيمتها من 75 مليون الى 90 مليون دينار كويتي تملكها شركة منا قابضه بالكامل

كفو والله ...

 

[تاجر ابن تاجر]

السهم يوم الاحد الى 630 بالحد الاعلى ​

 

[rkk]

هذي أخبارك واليوم الجمعة عيل شلون أخبارك يوم السبت ؟؟؟

 

[تاجر ابن تاجر]

هذي أخبارك واليوم الجمعة عيل شلون أخبارك يوم السبت ؟؟؟

يوم الاحد بعد بياكد كلامي وبتشوفون السهم معلق بالحد الاعلى

 

[ضرار.]

بشترى وبشوف حظى معاك
بناء على توصيتك وبس
وان خسرت بلوم نفسي قبل ماألومك ::verymad::
بايعهـــــــــــــــــــــــــــا

 

[adelsaqer]

مشكور اخونا التاجر بصراحة الريال يبيلكم الخير لاتبخلون عليه بالدعاء ان شاء الله بميزان اعماله لكن السؤال شكثر مدة التوصية هل السهم رايح دينا علي اخر السنة والا راح يستمر بالتعليقات لغاية مايوصل 1200 ؟

 

[تاجر ابن تاجر]

ارجع واذكر واقول لكم جميعآ السهم بيواصل الصعود وبيوصل 1.200 فلس وبوقت قصير جدآ

 

[كويتي2006]

والله يا تاجر ابن تاجر احنه نتمنى يطلع كلامك صح ، بس تنصحنه نبيع السهم على 1,200 بالضبط

شرايكم بالسؤال الحلو

 

[تاجر ابن تاجر]

من 350 وانا اوصي عالسهم والكل يقول اتمنى كلامك يطلع صح ...


وبيواصل بالصعود السهم لي 1.200 ......

 

[كويتي2006]

تاجر ليش 1,200

ليش مو 1,100

ليش مو 1,300

انزين ليش مو 3 دنانير

راسمال الشركة 10 مليون ، وبيعة الأرض 90 مليون ، يعني الربح 900 فلس على السهم ، يعني لو انا منهم ، جان ابيع الأرض واعلن ارباح الربع الأول انها 900 فلس على السهم ، فالسهم تشوفه حد اعلى لي الربع الرابع ، مو عدل كلامي ، ولا طلعت اعليمي

تاجر شد حيلك ووصي مصاردك خل يزيدون الرفعه اشوي تره 1,200 ما تعوض الشباب الي خسروا بسهم المخازن وجيزان ، يلى علشان الأنتخابات خل يخلونها 2,500 مادام شغلهم بمصر ام الدنيا . عسى ما ينصبون عليهم اهناك والأرض يستولي عليها القطط السمان ( حلوه القطط السمان هذي )

 

[rkk]

أنا أتوقع كل ملاك السهم على أعصابهم اذا فتح السوق ومايرتاحون الالما يدق جرس الأغلاق وعلى هذا الموال كل يوم ... أنا أتوقع لازم يهز هزه وينخل جم واحد مثل ماصار على سعر 385 وسعر 450_460

 

[كويتي2006]

انا لو منكم ، اكلم واحد من الصحفيين بالصفحة الاقتصادية باي جريدة خل يحط خبر ان منا قابضة تنوي بيع ارض بقيمة 90 مليون دينار ، فتضطر البورصة توقف السهم علشان يؤكد او ينفي ، فراح نعرف الصج من الكلك .

نفس سالفة ال 7 مليار ، الي تحولت من ان منا تقود إلى ان منا داشه معاهم ضمن قروب ، يعني من قائد تحول جندي .

شرايكم بالفكرة

وهم خل يحط الصحفي ان سهم منا بيروح فوق 1,200 خل نشوف رد الشركة

لان كلمة ( تنوي بيع ) معناته المسألة مسألأة نية مو قرار ، يعني انا ناوي اصير مليونير بس ليلحين ما صرت شسوي يعني مو بيدي .

لو كل واحد يعتمد على نوايا الشركات ، لا بالله ربحنه عيل ، فرضا غيروا نيتهم شنسوي احنه . بس 90 مليون دينار وبمصر اكيد مساحة الأرض هذي اكبر من بيتنه

 

[adelsaqer]

ياجماعه انتوا ليش شاغلين بالكم مع هالشركة اكو غيرها وايد بالسوق اللي يبي الربح عندكم اعيان الاستثمارية فرصه باجر تاخذونها وتستفيدون من ارباحها يوم الاثنين وعندكم الصفاة شكلها هم صاعدة اخونا التاجر كان يوصي عن السهم من كان 300 فلس وماكنتوا تصدقونه والريال الي اليوم يقولكم السهم في صعود ويبي ينفعكم اللي مايبي التوصية علي راحته بس لاتشككون في الريال والسهم عقب توصيته صعد 280 فلس بوقت قياسي والا شرايكم ؟

 

[قاروه]

من 350 وانا اوصي عالسهم والكل يقول اتمنى كلامك يطلع صح ...


وبيواصل بالصعود السهم لي 1.200 ......

عفوا اخوي

انت ذكرت ان من 350 وانت توصي وهالكلام غير صحيح

توصيتك كانت من ال435 بالضبط

والكلام كثر على الشركه من بعد ال 400

وين التوصيات من ايام ال 200 وال 300

والسهم للاسف ما تدعمه اي ارباح تشغيليه

وسبب صعود السهم من ملاكه

النصيحه للي بيدخلون على السهم او القرقور

ممكن السهم يصل الى مستويات قياسيه

لكن كل صعود قوي يقابله هبوط اقوى

ولكم عبره في المخازن والتمدين والبحر

في النهاية ابحث عن السهم لي بغيت تبيعه تحصل من يشتريه

مو عرض بدون طلب

وربح يفوتك احسن من خساره ....

والفرص موجوده في السوق

لا يصرفون عليكم