الشركة الدولية للتمويل ش.م.ك.مقفلة (ارزان)

[broaker]

ياخوي ماودي اضيق خلق احد السهم زين وافضل من ايفا بعد بس قصته قصه ماقدر اشرحها بالمنتدى الله كريم

الأخ العزيز دايموند .. أتفق مع الأخ رابح جملة وتفصيلا بكل ما تفضل بذكره والحقيقة أن هذا الرجل يعرف السهم جيدا وكأنني إذا قرأت كلماته أعتقد بأنني من كتبها لتقارب الفكر .. أرجو منك توضيح ما ذكرته لأن الموضوع يستحق أن تشرح ما تعرفه ( ماودي اضيق خلق احد السهم زين وافضل من ايفا بعد بس قصته قصه ماقدر اشرحها بالمنتدى ) !!!!!

 

[رابح رابح]

ياخوي ماودي اضيق خلق احد السهم زين وافضل من ايفا بعد بس قصته قصه ماقدر اشرحها بالمنتدى الله كريم

ياخوي هلها يامعود وقول على العام او الخاص ليش انخاف ونستحي انتكلم عن حقنا لوع جبدنا هالسهم صرنا طرارين مو مساهمين .. يعني الديره وايفا ومنتجعات اللي غرقانين ديون ومرتفعين بالحد الاعلى زينين والاسهم الدايخه بالسوق بعضها طاف 100 فلس هذا لعب موتداول واذا بنفكر باللي عنده سهم جيزان ودمجو اسهمه يطلع مفصخ من عظم خسارته والوافر عطوه ايفا
هذا مايضحك علينا والسهم عنده خير من الله بقولك شيبي يسوي ( اللعبه القديمه) بيخفض دوران السهم ويقلل الطلب ويزهقك علشان المساهمين يخافون ويملون وبعدين يرفع سعر السهم شويه وبدوران عالي علشان اللي عنده كميه كبيره يتخيل انها الفرصه الذهبيه علشان يطلع من السهم باقل خساره وبيجمعون الاسهم واذا اكتفو يطيرون السهم او يعلنون عن خبر قوي وهذي حالتنا
وبعدين ملاحظه يمكن صرف بالديره وبيصرف بسهم ثاني مرتفع علشان يجمع بهذا السهم مثل ما دش توه على سهم منتجعات حاليا وزادا ملكيته

 

[رابح رابح]

تغيير الملكيات في 16/5/2013 ​

تخفيض ملكية شركة الضاحية 1.706 % في سهم الديره ​

ورفع ملكية شركة الضاحية 1.737 % في سهم المنتجعات ​

​

​

​

​

 

[daimond]

الأخ العزيز دايموند .. أتفق مع الأخ رابح جملة وتفصيلا بكل ما تفضل بذكره والحقيقة أن هذا الرجل يعرف السهم جيدا وكأنني إذا قرأت كلماته أعتقد بأنني من كتبها لتقارب الفكر .. أرجو منك توضيح ما ذكرته لأن الموضوع يستحق أن تشرح ما تعرفه ( ماودي اضيق خلق احد السهم زين وافضل من ايفا بعد بس قصته قصه ماقدر اشرحها بالمنتدى ) !!!!!

والله ياخوي السالفه سالفه عناد بين ملاك وبين شخص اعرفه من بعيد شاري كميه كبيره وصار عناد بين الملاك وبين الشخص هذا يبونه يبيع بخساره والرجل ماراح يبيع لو شنو هذا باختصار والملاك حولوا على الديره وايفا

 

[رابح رابح]

والله ياخوي السالفه سالفه عناد بين ملاك وبين شخص اعرفه من بعيد شاري كميه كبيره وصار عناد بين الملاك وبين الشخص هذا يبونه يبيع بخساره والرجل ماراح يبيع لو شنو هذا باختصار والملاك حولوا على الديره وايفا

اخي الفاضل شكرا على المعلومه ولكن ما اعتقد هذا السبب لان الاداره اللي تخلط العاطفه بالعمل وتعتمد على ابتزاز المساهمين وما تقدر سهمها اداره فاشله بكل المعايير وسعر السهم هو صوره لقوة ومتانة الاداره والاداره الحقيقيه التي لديها ثقه في قدراتها الاستثماريه لاتستخدم السهم وسيله لتحقيق اهداف شخصيه واعتقد ان الغرض واضح الضغط على السهم من خلال العروض للاستفاده منه من قبل المحافظ او الملاك (وفي سهم مبروك حتى لو ينزل دورانه حلو وهذا السهم مفقور من اول ) والغريبه انهم دايما يشتكون من الحكومه بالتصريحات ومايشوفون نفسهم شلون قاعدين يتعاملون مع اموال المساهمين .
هذا السهم المفروض صانع سوقه يخجل من نفسه لانه دمج ثلاث شركات ميزانياتها نظيفه وكانت اسعارهم عاليه عقب خمس سنين تسبب في خساره فادحه للمساهمين واذا كان مستغني عن المساهمين يعلن استحواذه على الاسهم ويطلع السهم من السوق عليه بالعافيه
عموما انا نسيته مع انه واصلني خبر انه بيرفعه قريب رفعه قويه والحمدلله انا داش على انجازات واسهم ثانيه محترمه فيهم خير من الله وخله ينام مو مشكله احنا اسهمنا محدوده واهمه اللي خسرانين سمعتهم وقيمة سهمهم

 

[debtor]

ايفا حد أهلى وهذا السهم نزل
ظلم

 

[fahad2000]

الدولية للتمويل رايح فوق 100 فلس

 

[broaker]

عقارات الكويت حد أدنى
الديرة تذبذب بسبب الإيقاف الأسبوع القادم
إيفا والمنتجعات صعود متواصل من أيام


د للتمويل :: تعمد تعمد تعمد في عدم تصعيدها

 

[مضارب قديم7]

اخي الفاضل شكرا على المعلومه ولكن ما اعتقد هذا السبب لان الاداره اللي تخلط العاطفه بالعمل وتعتمد على ابتزاز المساهمين وما تقدر سهمها اداره فاشله بكل المعايير وسعر السهم هو صوره لقوة ومتانة الاداره والاداره الحقيقيه التي لديها ثقه في قدراتها الاستثماريه لاتستخدم السهم وسيله لتحقيق اهداف شخصيه واعتقد ان الغرض واضح الضغط على السهم من خلال العروض للاستفاده منه من قبل المحافظ او الملاك (وفي سهم مبروك حتى لو ينزل دورانه حلو وهذا السهم مفقور من اول ) والغريبه انهم دايما يشتكون من الحكومه بالتصريحات ومايشوفون نفسهم شلون قاعدين يتعاملون مع اموال المساهمين .
هذا السهم المفروض صانع سوقه يخجل من نفسه لانه دمج ثلاث شركات ميزانياتها نظيفه وكانت اسعارهم عاليه عقب خمس سنين تسبب في خساره فادحه للمساهمين واذا كان مستغني عن المساهمين يعلن استحواذه على الاسهم ويطلع السهم من السوق عليه بالعافيه
عموما انا نسيته مع انه واصلني خبر انه بيرفعه قريب رفعه قويه والحمدلله انا داش على انجازات واسهم ثانيه محترمه فيهم خير من الله وخله ينام مو مشكله احنا اسهمنا محدوده واهمه اللي خسرانين سمعتهم وقيمة سهمهم

الي تفضلت فيه كله عدل ضغط متعمد عشان ايلمون من تحت ومسالة البيع انا معاك بنساه وبخليه بتجوري واهم الي خسرانين ون جان بينزل سعره بعد -بنزيد الكميه ونحسبه استثمار

 

[رابح رابح]

الدولية للتمويل رايح فوق 100 فلس

اخذ الكلام مني رايح ١٤٠ او ١٧٠ فلس بس عقب مايجمعون الكميه اللي يبونها والمشكله ان السهم مافيه قط وايد
مع ان عطوني خبر انه بيرفعونه قريب والله اعلم
انا الحين شلته من مخي وخليته على صوب

 

[daimond]

الي تفضلت فيه كله عدل ضغط متعمد عشان ايلمون من تحت ومسالة البيع انا معاك بنساه وبخليه بتجوري واهم الي خسرانين ون جان بينزل سعره بعد -بنزيد الكميه ونحسبه استثمار

الله يوفق الجميع وتبيعه بربح انا ودي الكل يبيع بربح بس هذي الحقيقه الي اعرفها وانشالله يرتفع

 

[مضارب قديم7]

الله يوفق الجميع وتبيعه بربح انا ودي الكل يبيع بربح بس هذي الحقيقه الي اعرفها وانشالله يرتفع

تسلم اخوي علا الرد الطيب الله يرزقك ويرزق الجميع -- احتمال ايضغطونه السهم بعد تحت وان شالله بيي يوم يرفع

 

[broaker]

ويستمر مسلسل التحبيط وطرد صغار المتداولين من خلال النزول المتعمد في الإقفال..


أسأل الله أن يلهم المستثمرين في هذه الشركة صفة الصبر لأنه أحد مفاتيح الرزق ،، والله المستعان

 

[مضارب قديم7]

ويستمر مسلسل التحبيط وطرد صغار المتداولين من خلال النزول المتعمد في الإقفال..


أسأل الله أن يلهم المستثمرين في هذه الشركة صفة الصبر لأنه أحد مفاتيح الرزق ،، والله المستعان

امين -- ضغط متعمد وحتمال باجر يضغط اكثر -- بس خله احنا قاعديله ولا راح انبيع بهلسعار

 

[broaker]

بصراحة الواحد يطالع يمين ويرد يطالع يسار ،، يشوف العجب في بورصة الكويت
أسهم متردية مديونة وأوضاعها في غاية السوء ومع ذلك أسعارها تجاوزت بكثير أسعار بعض الشركات النظيفة
أحيانا أقول شنو اللي مصبرني والفرص حواليني ،، لكن لما أحكم العقل يقوللي ما يصح إلا الصحيح ،،
وعموما أنا قاعد قاعد ،، وماني بايع ونشوف آخرتها

 

[q1888]

البحر: «الخُطّاب» كثر لـ «فيرمونت دبي» ولن نبيعه إلا لمستثمر استراتيجي مناسب

أكد رئيس مجلس الادارة العضو المنتدب لشركة «ايفا» للفنادق والمنتجعات طلال جاسم البحر أن أوضاع الشركة في الربع الأول من العام حالي تعدلت بشكل ملحوظ، نظرا لتحسن الأسواق المحلية والعالمية

 

[رابح رابح]

خوش كلام عن فيرمونت دبي بس السهم يحتاج صانع سوق
اليوم تداول السهم يضحك الظاهر صانع سوقه مو من مجموعة ايفا طيح حظ السهم لاهو تجميع ولاتصريف ولادعم
اليوم اللي شاف صانع سوق تمويل الخليج وانجازات هذا صج صانع سوق محترف

 

[broaker]

الحسنة الوحيدة في تداول اليوم هي زيادة كمية التداول
لكن فعلاً لم نفهم هل كان تجميع أم تصريف بالإضافة إلى الإقفال المخزي،،

 

[broaker]

لا يروح بعيد

 

[boali40]

مرحبا: مساهمي ( د .للتمويل)
صانع سوق السهم يذكرني بالفلم العربي المقطع (الراس .د.للتمويل +الركبه .كويت انفست+القدم .جيزان)
علقنا بعد الدمج لمشاهدت سيناريو سقوط السهم من ٢٨٥ الي ادني سعر ٥٣ فلس
ونحيطكم علما بان سعر السهم اليوم ٨٣ فلس
معناه سعر جيزان = حوالي ٣٣فلس ويعتبر ارخص سعر بسوق الاوراق الماليه اليوم .
يا صانع سوق السهم تعلم من صكوك وامتيازات وغيرها من الشركات في ادارة اموال المساهمين : وهذا يؤكد كلامي السابق في سرقة مساهمي جيزان والتي تتراوح عدد اسهمها ٨٠ مليون سهم .
وعزائي الوحيد لمساهمي جيزان قبل الدمج الصبر والاحتساب الي الله سبحانه وتعالي باخذ حق المساهمين .
ملاحظه : تم تقيم سعر جيزان ٨٦ فلس اثناء الدمج .
مثال . الي عنده مليون سهم جيزان قبل الدمج
اخذ ٤٠٠الف سهم دوليه للتمويل لازم يصل السهم الي سعر ٢٤٠ فلس لاسترداد اموالنا قبل الدمج هذا للعلم للمساهمين الجدد: تسلموووون