@@@ ديوانية المؤشرنت اليومية @@@ ... 2

[Now]

بوعادل انا ماعندي ولا سهم منهم
اسهمي حاليا غثيثه ... اجيال - انجازات - استثمارات - اسمنت الفجيره - الراي - رمال - سفن - د للتمويل

كلهم ممتازين لكن يحتاجون صبر .. خصوصا اجيال و دللتمويل

متفائل فيهم

 

[Now]

العديد من الشركات التي تهتم بالسوق الامريكي حققت ارباح ضخمه من سهم تويتر مثل شركة المملكة حققت 200 % ارباح .. وفي شركة استثماريه مضاربية كويتيه تشتغل بامريكا بقوه واتوقع انها حصلت لها ربح من كيكة سهم تويتر بس ساكتين واذا ماربحو من هالسهم فهذا دليل ان ادارة المجموعه غبية الى ابعد الحدود

شنو هالشركة؟؟
لان عندي احساس انها غبية وطافها السهم .. ربعنا ما يعرفون بالتكنولوجيا

 

[رابح رابح]

شنو هالشركة؟؟
لان عندي احساس انها غبية وطافها السهم .. ربعنا ما يعرفون بالتكنولوجيا

الاخيره اللي توك مدحتها مع الشركة الام ؟؟؟
وان صدق ظني انهم نايمين على ارباحها ويبين بالربع الاخير

 

[رابح رابح]

خبر من الكويت الاقتصادية لفت انتباهي ​

​

​

الساحل والمال​

11/10/2013 12:23:14 PM​

محافظ تابعة وأخري مرتبطة بالمركز المالي والوطني لازالت تقوم بعمليات تجميع وتنشيف علي السهمين عند سعريهما الحالي​

​

 

[Now]

الاخيره اللي توك مدحتها مع الشركة الام ؟؟؟
وان صدق ظني انهم نايمين على ارباحها ويبين بالربع الاخير

تهقى يسوونها ؟

 

[رابح رابح]

تهقى يسوونها ؟

يسوون يدها هذي مجموعه مضاربيه بحته مشهوره بالمفاجئات
وعندهم نظام تداول جديد بامريكا ويشتغلون بالسوق الامريكي صعبه تطوف عليهم
واذا طافت عليهم اعرف ان ادارتهم رايحه فيها

تويتر ذكرني بسهم القرين بتروكيماويات اكتتبت فيه بخوش كميه ويوم ادرجوه بعته ب ٤٩٠ فلس يعني بربح ٤٥٠ ٪

 

[رابح رابح]

احنا محللينا مساكين يحلمون باختراق حاجز ال ٨٠٠٠ نقطة والبورصات الثانيه حققت قمم قياسيه حاليا

اليوم اجتماع زين للربع الثالث وستتضح الصوره جزئيا بالنسبه للاشاعات
ونحتاج معرفة نتائج بيتك

 

[Now]

يسوون يدها هذي مجموعه مضاربيه بحته مشهوره بالمفاجئات
وعندهم نظام تداول جديد بامريكا ويشتغلون بالسوق الامريكي صعبه تطوف عليهم
واذا طافت عليهم اعرف ان ادارتهم رايحه فيها

تويتر ذكرني بسهم القرين بتروكيماويات اكتتبت فيه بخوش كميه ويوم ادرجوه بعته ب ٤٩٠ فلس يعني بربح ٤٥٠ ٪

ما شاء الله تبارك الرحمن .. الله يرزقك كل خير يا بوخالد

واتمنى ماشين صح مع بورصتهم وما يخبصون الدنيا نفس الوضع عندنا

 

[Now]

اول شي يكتب بنخترق 8005 .. بعدين يقول يعني واحد من المحللين المطبلجيه

المعذرة .. على اي اساس اخترت هالرقم ؟

 

[Now]

 

[سرور]

لاحظتم اللي قلت لكم عليه
امس نزلت معاشات المتقاعدين
واليوم اشفطوها
راقبوا المرة القادمة معاشات الموظفين
وقبلها راقبوا تسكير البطاقة الائتمانية بتاريخ 16

 

[Now]

سكاي نيوز: صافي ربح #زين للاتصالات الكويتية 53 مليون دينار في الربع الثالث بانخفاض 12% على أساس سنوي #الكويت

 

[رابح رابح]

سكاي نيوز: صافي ربح #زين للاتصالات الكويتية 53 مليون دينار في الربع الثالث بانخفاض 12% على أساس سنوي #الكويت

الزعيم مثل ماقلت لك قبل واذكر كلامي السوق حاليا وضعه مشابه لاسواق الدول اللي فيها كوارث .. وهذا يدل على احتمالين
-احتمال اصدار قرارات اقتصاديه سلبيه قادمه والسوق بيطب طبه مأساويه
- او ان هناك حدث ايجابي قوي سيتم اعلانه قريبا بيطير السوق فوق

وانا اتوقع الاحتمال الثاني لان اذا السوق بيطب لازم قبل الغرقه يرفعونه بتداول عالي ويصرفون
واذا صدق كلام الكويت الاقتصادية عن خبر .. محافظ المركز والوطني قاعدين بجمعون بالساحل معناته ان في شي قوي يخص زين

 

[سرور]

اخر خبر @
التوجه للسماح للأجانب تملك الشركات 100%
تعليقي على هذا .. ابركها من ساعة نفتك من اشكال مارحمت أبناء وطنها

 

[رابح رابح]

"زين" تحقق 584 مليون دولار ارباح عن فترة التسعة اشهر الماضية
(( ارباح تعادل 165.6 مليون دينار كويتي ))


http://kwne.ws/1gCWJQV

 

[رابح رابح]

اخر خبر @
التوجه للسماح للأجانب تملك الشركات 100%
تعليقي على هذا .. ابركها من ساعة نفتك من اشكال مارحمت أبناء وطنها

صدقت يمكن الاجانب ارحم من ربعنا اللي نهبو فلوس المساهمين وخربو بيوتهم الله يجازيهم
في واحد منهم ضارب چم مليون والشركة موقوفه وغرقانه اشوفه احيانا بمسجد بالروضه يكفر عن ذنوبه وحاط لحيه خفيفه ولا كأنه مسوي شي

 

[Now]

الزعيم مثل ماقلت لك قبل واذكر كلامي السوق حاليا وضعه مشابه لاسواق الدول اللي فيها كوارث .. وهذا يدل على احتمالين
-احتمال اصدار قرارات اقتصاديه سلبيه قادمه والسوق بيطب طبه مأساويه
- او ان هناك حدث ايجابي قوي سيتم اعلانه قريبا بيطير السوق فوق

وانا اتوقع الاحتمال الثاني لان اذا السوق بيطب لازم قبل الغرقه يرفعونه بتداول عالي ويصرفون
واذا صدق كلام الكويت الاقتصادية عن خبر .. محافظ المركز والوطني قاعدين بجمعون بالساحل معناته ان في شي قوي يخص زين

تعجبني فيك روح التفاؤل يا بوخالد .. وانا وياك بهالشغلة .. لأن الوضع الحالي ما يدش العقل

 

[Now]

على الويكلي .. اذا ما طفنا 8005 هالاسبوع اعتقد راح يحوشنا نزول عنيف !

 

[رابح رابح]

على الويكلي .. اذا ما طفنا 8005 هالاسبوع اعتقد راح يحوشنا نزول عنيف !

لأ لأ .. الله يخليك .. تكفه مو وقته
بوعادل اليوم سهم انجازات عماها اعلانه تعبان ارباحه نازله فلس
... ماسمعت شي عن ارباح اجيال ؟؟

 

[Now]

لأ لأ .. الله يخليك .. تكفه مو وقته
بوعادل اليوم سهم انجازات عماها اعلانه تعبان ارباحه نازله فلس
... ماسمعت شي عن ارباح اجيال ؟؟

والله ملينا يابوخالد .. مو راضي يتحرك السوق .. لي وين عاد

بالنسبة لأجيال .. ما وصلني شي عنه .. لكن ياك الاعلان من السوق