شركة الدار الوطنية للعقارات ش.م.ك مقفلة ( أدنك ) .

[CHART TRADER]

أنتم ما مليتوا من الخساير






ومن عضو مجلس اداره يقول ...


ومن مدير محفظه يقول ...

 

[الحووووت]

مساكم الله بالخير جميعا...
عموما أنا بصير احسن منج وبقولج الله يسامحج إنشالله..
إلي صاير انا قلته وماراح أعيدة مرة ثانية وفي إحتمال بعد إنه باجر يلامس 290 إنشالله مانشوف هذا السعر..
إذا لم يتم دعم السهم من الشركة الأم
الحال متردي لغالبية الأسهم وأنا لم ولن أقول إشترو أو بيعو يبقى الأختيار لكم وحدكم ...أنا أقول أخبار وتحليلات وبناء عليه يبقى قرار الشراء أو البيع لكم وحدكم ..
وأنا كنت معاكم لما كان السهم 310 وقلت لكم في صعود وتم ووصل إلى 375....
ولكن السوق كان أقوى من أي سهم وحصل إلي حصل
ولو ترجعون لمواضيعي راح تلقون إني أول واحد يقول أرباح أدنك قبل الأعلان عنه بفترة....
ولكن ماذا عساني أقول .. الله يوفقكم لما فيه مصلحتكم ومصلحة الجميع
إنشالله..
وبالنهاية أقول لكم إسمحولي على أي مضايقة

اخوي بوعزيز .... انا اشهدلك والله انك قلت عن السهم مثل ما قلت يوم كان 310 او 320 و فعلا ارتفع الى 375 وهذا الكلام كان من شهر تقريبا او اقل ..... وانك في مره قلت ان السهم باجر راح يكون عليه تداول قوي وفعلا حصل ...... انت اخ صادق وما تتحمل اي قرارات يتخذها اي واحد ..... نصيحتى ابتعد عن الناس اللي ما تقدر صدقك .... الله يوفقك (ملاحظة:اقسم بالله لا املك بالسهم و لا اطبل له ولا اعرف الاخ بوعزيز ولكن فقط شهاده مني له)

 

[بوعزيز]

اخوي بوعزيز .... انا اشهدلك والله انك قلت عن السهم مثل ما قلت يوم كان 310 او 320 و فعلا ارتفع الى 375 وهذا الكلام كان من شهر تقريبا او اقل ..... وانك في مره قلت ان السهم باجر راح يكون عليه تداول قوي وفعلا حصل ...... انت اخ صادق وما تتحمل اي قرارات يتخذها اي واحد ..... نصيحتى ابتعد عن الناس اللي ما تقدر صدقك .... الله يوفقك (ملاحظة:اقسم بالله لا املك بالسهم و لا اطبل له ولا اعرف الاخ بوعزيز ولكن فقط شهاده مني له)

تسلم يا الحوت
هذي شهادة أعتز فيها..

 

[بوعزيز]

والله انك رجل يابوعزيز والرجال قليل .... يشهد ربي انك ماقصرت ... واقدم كل اسف واعتذار لك ... تستاهل الخير يابو عزيز

amona
أدري إنة هذا ماكان ردج هذا كان نتيجة هبوط السهم بس والله العظيم انا نفسكم خسران
اليوم بتسلف علشان أشتري لأن نزل تحت 300 وانا قتلكم أمس راح يلامس 290
السوووووق ذبحنا والله الله يستر يا ناس جمدو قلوبكم

 

[بوعزيز]

الدعم وصل يا شباب إدعو الله إنه ماينزل

 

[adany2005]

مساء الخير

لو ام كلثوم موجوده جان غنت
أدنك حياتي
عالعموم حبيت اسلم عليكم و افرح قلبكم شويه و اقول الله كريم
اخوكم بويوسف
ولا تنسون يوم الجمعيه العموميه الاربعاء 22 مارس

 

[بوعزيز]

يعطيك العافية بويوسف
شلونكم شباب
بعتو اسهمكم ولا ليلحين ماسكينها ولا زدتو الكمية من تحت 300
أنا أقول الأثنين بعتو وفي ناس بردت
على العموم الله يكون في العون أنا بس حبيت أقولكم إني حذرت من الموجة هذي قبل وقوعها ...
والله يعلم إن خسارتي الأن قوية قوية...
عموما السهم ماسك نفسة على الأقل من بداية موجة الأنحدار لم تتجاوز 30 فلس
الله كريم إنشاللة سوف نشهد صحوة للسهم نتأمل ذلك
وبالتوفيق للجميع

 

[amona]

بو عزيز انا للحين ماسكه السهم ....... بس صج الخساره جايده ....... وبغيت ابيع كلش بس استخرت ربي وفوضت امري لله........

 

[alemperator]

احتمال يكون للسهم ارتداد بكره !

 

[بوعزيز]

alemperator
يعطيك العافية ماقصرت
أنا اقول باجر إنشاللة يسكر 295
أدري تو الناس على 350ومن ثم 400 إلي نبيها

 

[بوعزيز]

والله لو يصير 5 فلوس ما راح أبيع وبشوف وين بيوصل
أنا وصلني خبر إن في بعض السعوديين قاعدين يبيعون من بداية الأسبوع ... يلا متى تخلص كميتهم

لأن هذي طريقتهم يقط على الوحدة وإلي تحتها وإلي تحتها
لما تخلص كميته
الله كريم والله يعوض علينا

 

[بوعزيز]

صباح الخير شلونكم
إنشالله حد اعلى أو بالكثير 20 فلس
يلا إنشالله بنهاية الأسبوع 320 أو 340
تفاؤلو بالخير تجدوه إنشالله الوضع ممتاز من الأوامر أنا قاعد أشوف ولاتنسون إن البياعة الخوافين باعو الأربعاء لأن الكمية كانت مليونان سهم وهذي كمية ليست بقليلة على تداول السهم
..بس أنا متفائل حتى على السوق اليوم إن معظم الشركات بالحد الأعلى

 

[بوعزيز]

لاحوالله ولا قوته إلا بالله العلي العظيم
عملية تكسير للسهم واضحة وضوح الشمس
شي مو طبيعي

 

[ibrahimi]

يا حبيبي تكسير ولا ترقيع الزبدة انبيع ولا ننطر السوق كلة بالعالى الا هالسم بالنازل

 

[adany2005]

أدنك

في واحد قاعد حق السهم قعده
أشكره ما يبيه يصعد
السهم والله سعره ما يتطوف و خصوصا مع ادراج خباري القابضه احتمال اول مايو
وكذلك ملكية السهم بالدار و راح يطلع لهم شي زين من هالتوزيعه
بس ودي اعرف منو اللي حاط دوبه و دوب هالسهم

 

[alemperator]

السلام عليكم اخوانى
كنت حاط شارت لشركة ادنك قبل فتره ولكن لا السوق ساعد فى الصعود
ولا الشركه اصمدت امام النزول وكان وضع السهم فى تلك الفتره فى الحضيض والان ازداد نزوله حضيضا اخر ولا اعتقد انه وقت بيع ولكنه وقت شراء وانتظروا هاليومين عل وعسى يكون فى الامر خيره .
ملاحظه احتمال وليس اكيد ان ينزل السهم لغاية 246 او 244 وارجع اقول احتمال ولكن بوجود ارتداد للاعلى سريع .
لان السهم بشكل عام فى وضع للشراء وليس بوضع البيع بالرغم من عدم اعطاء السهم اى مؤشر دخول رسمى !

 

[amona]

ماتقصر الامبراطور لك مداخلات حلوه في وقت عصيب والله يسمع منك ....

 

[بوعزيز]

مرحبا جميعا
عندي خبر لكم لعل وعسى يفرحكم إنشالله
خبر أكيد ومن ثقة أرباح شركة أدنك لسنة 2006 لن تقل عن أرباح 2005 وإحتمال أكثر بعد وأنا كما عودتكم بالأخبار المنفردة....
إنشالله الخبر هذا عجبكم

 

[سوق التجار]

لدي أسئله عن أدنك أرجوا منكم الأجابه عليها:

كم عدد الأسهم أو النسبه التي يملكها أدنك في شركة خباري؟

وماهي الشركات التابعه للدار ويملك فيها أدنك؟ وكم هي النسبه أو الكمية؟

 

[المعوشرجي79]

مرحبا جميعا
عندي خبر لكم لعل وعسى يفرحكم إنشالله
خبر أكيد ومن ثقة أرباح شركة أدنك لسنة 2006 لن تقل عن أرباح 2005 وإحتمال أكثر بعد وأنا كما عودتكم بالأخبار المنفردة....
إنشالله الخبر هذا عجبكم

لا والله للاسف يا بوعزيز ما يفرحنا شعقبه عقب ما تفصخت عقود اجله وعقب ما انهار السهم لي تحت السهم ما فيه خير والله وانا اقولها قريبا وداعا يا سهم النحس ادنك والله مشالله غير سهم المجموعة د ماكو