تغـــريـــدات......InDepth & ZzZz

[Albaghdadi]

عموما .. بكمل وانتوا اقروها بعدين ..

لكل محلل اسلوب في قراءة الشارت .. وانا بوجهة نظري اللي قاله الدكتور فيما يتعلق بوصفه لحالة التحليل هو وصف دقيق جدا .. فعند قراءة التحليل تجتمع حواس كثيره ويحتاج الى تركيز وشدة ملاحظه ..

انا عند نفسي اعشق المتوسطات واؤمن واعتمد عليها اعتماد كلي .. واجهل ما دونها ! كاشكال فنيه و اشكال الشموع والترندات و الاسماء الاخرى ...

وبوجهة نظري انه جميع هذه المسميات لها وجهه واحد وتدل على هدف واحد ولكن بزوايا مختلفه ..

شلون يعني متوسطات ..

كل متوسط له ما يميزه .. وهنا تكون الملاحظه ..

متوسط ال 10 صديق السهم واهو الاكثير ألتصاقا وتأثرا بتحرك الشمعه ( السهم )

متوسط ال 20 هو الصادق فعند اختراقه للاعلى تكون الايجابيه وعند كسره للاسفل تكون السلبيه .

متوسط ال 50 هو العنيد فهو لا يكسر بسهوله مضاربيا .. سواء بالصعود او النزول ..

متوسط ال 100 الامين .. عاده ما يحدد الخروج النهائي او الدخول الامن ..

يبقى تحديد المتوسطات وتقييمها بناء على مكانها في الشارت فهو يختلف من سهم لي سهم وخاصه في سوق هوى من 15000 ألف نقطة الى 5600 نقطة

 

[بو عيد]

ممتاز شرح وافي

 

[ام احمد 2]

ممتاز ابو احمد
كله ماشي وسهل وافضل كل يوم درس تشرح شرح متواصل من غير مقاطعه وبعدها نبدا الاسئله
علشان الي مو متابع يقدر باي وقت يراجع للدرس ويسال
كذالك الي يحب يطبع الدروس يكون سهل عليه

 

[الفارس القادم]

سؤال ولو أني مابي أقطعك انت الموقع هذا يعطيك تأخر باللحظي ة فشلون تعتمد عليه بالمضاربه

 

[Albaghdadi]

شنو فايده المتوسطات ؟؟ وشلون اقراهم ..

بوجهة نظري في طريقتين لقراءة المتوسطات .. الاولى في مكان المتوسط .. هل هو فوق الشمعه او تحتها ؟؟ اذا كان تحتها فسيكون دعم ... واذا كان فوقها فسيكون مقاومه ..

وهنا ارجع للمشاركة السابقه في مسميات المتوسطات .. والتي لها دلاله على قوتها كدعم او مقاومه ..

والسهم الذي يتداول تحت متوسطاته سلبي وسلبي جدا ، وهنا نرجع الى قيعانه ونقيس من خلالها من خلال التاريخ والذي يعيد نفسه .. واذا كسر قاعه ننطر القاع الجديد ..

والسهم الذي يتداول فوق متوسطاته ( اخترق متوسطاته ) هو سهم ايجابي وسوف يحقق اهدافه ( القمم ) خلال مده معينه ..

الكلام كله في التداول بين المتوسطات وهنا ام المضاربه !

الطريقه الثانيه ..

التقاطعات ..

من خلال المشاركة السابقه تكلمت عن متوسط ال 10 هو الصديق اللصيق للشمعه ( السهم ) ويأتي في المرتبه الثانيه من حيث التاثر متوسط ال 20 و بعدها 50 وهلمه جره ..

طيب شلون تقاطعات .. عندنا يتداول سهم بشكل افقي لفتره من الزمن .. تكون المتوسطات متوازيه وهذا امر طبيعي .. ولانه متوسط ال 20 هو الصادق ولانه متوسط ال 10 هو الحساس ... فالناتج الطبيعي عند اختراق الشمعه لمتوسط ال 20 تكون النتيجه تقاطعه للأعلى لمتوسط ال 10 و 20 .. يعني العشره يقط ال 20 لي فوق .. وهذا ما يسوى بالتقاطع الايجابي الثنائي .. وهناك ثلاثي .. 10 20 50 يقصون ال 100 ولكن خلوه لي وقته خلونا حبه حبه ..

 

[omaziz]

جزاك الله خير

 

[ام احمد 2]

ابو احمد
انتهى الدرس الاول ؟
ممكن نسال ؟

 

[الوليد q8]

و اقترح بعد لو تكرمتو لو تخلونه موضوع بروحه ، مو مع هلصفحه. و شكرا

 

[Ynasena]

السلام عليكم تحية طيبه للأخوان المجتهدين في الصفحة

الله يجواك خير يا بو محمد ياا دكتور الدكاتره على الجهد الطيب والله يصبرك على اخوانك

سؤال بسيط من شخص بسيط يحب البساطه للدكتور ابو محمد

انا ابي ادخل على سهم الساحل ... فا انا حاب منك الشوره متى الوقت المناسب للدخول ودعمه الحالي ماهو ؟

اكون لك من الشاكرين ياا دكتور .. والله يعطيك العافية ويجزاك خير سواءَ رديت على استفساري او ما رديت

 

[Albaghdadi]

سؤال ولو أني مابي أقطعك انت الموقع هذا يعطيك تأخر باللحظي ة فشلون تعتمد عليه بالمضاربه

لا تتعمق معاي وايد والله اضيع .. هذا اللي حاصل .. شلون ؟ منو ؟؟ شنو ؟؟؟ مادري !

المهم الدعومات اللي يقولها الدكتور مو نفسها اللي اقولها ؟؟ ( تقريبا ) يعني قاعد نوصل لنفس النتيجه ..

ولو اني بخمن لك جواب لسؤالك .. انا يكون عندي علم بانه الدعم مثلا 20 فلس .. ولكن المؤشرات ما تكون ايجابيه او سلبيه الا باللحظي .. فياتي الدكتور لانه يتعامل مع اللحظي يقول راح يكسره لي تحت .. وفعلا يصير هالشي .. ولكن نتفق انه 20 دعم وهذا المهم في الوقت الحالي ان نحدد الدعم والمقاومه لا ان نصبح كلنا الدكتور ..

 

[الفارس القادم]

لا يوقف كلام جميل وواضح

 

[Albaghdadi]

و اقترح بعد لو تكرمتو لو تخلونه موضوع بروحه ، مو مع هلصفحه. و شكرا

احترم رأيك .. استأذنت من الدكتور ووافق .. سامحني ما اقدر اوقف ..

 

[Albaghdadi]

خلصنا لي هني .. لليوم فقط ..

 

[Albaghdadi]

لحظه ..

 

[Albaghdadi]

الخلاصه ..

1- عرفنا من وين ناخذ المعلومات .

2- عرفنا نفتح شارت ونخليه جاهز للقراءة .

3- عرفنا انواع المتوسطات واهميتها .

 

[Albaghdadi]

باجر نتكلم عن الماكد والارس آي والبولنجر .. ان شاء الله

 

[Albaghdadi]

للي يبي يسأل يا الربع

 

[Albaghdadi]

زقاره وراجع .. سألوا براحتكم .. بدون خجل ..

 

[omaziz]

لو سمحت الوان المتوسطات ثابته في جميع الاماكن ولا تتغير

 

[الفارس القادم]

معنى كلامك انك تحسب الدعم والمقاومه من المتوسطات انزين والبولنجر