متابعة تداولات السوق الكويتي الاسبوعية بتاريخ 5 / 8 / 2012

[بو محمد !!!]

والله يا جماعه انا واحد من الناس خلاص ام اييس من هالسووق وناطر رحمة الله بهالسوق لانه ببساطه لا تحليل ينفع ولا ارباح ,,,,,,,,

 

[alhassan75]

اول شي انا ااسف على الغلطه المطبعيه اخوي الحسن وثانيا اهنييك على هالرووح الحلوى وكلامك عدل انويبي مو طبيعيه تقول فرخ اشماهي وانت صاج بالنسبه للحداق يبا انا وين والحداق وين انا ريال راعي طراد 18 يوسفي سطحات ويخب علي والف شكر لك وحياك الله بالمنتدى ولا تطووفك اهل المنتدى اخبارهم ميه بالميه هههه

على راسي بومحمد حبيبي يالله شوفلنا طلعه بس خل يدلق سهيل وتكسر حرارة الجو يامعود لا نطلع ننصهر بهالجو وترى اللي بالصورة هذا الهندي اللي عندي مكدشة حق الشيم بالدردور تدري هذي حزتة بس مع الاسف بعت الطراد قبل فترة البحر ناشف ياخوي عموما حبيبي يسعدني التواصل معاك وعسى الله يرزقك وتشتري يخت ولو ان هالسوق ما وراه رزقة هههههههه

 

[سلفادور]

صعود السوق مرهون بحل ازمت الدوائر الانتخابيه اي اثبات عدم دستوريه ال ٥ دوائر وحل المجلس والدعوه لانتخابات جديده بدوائر جديده تعطي تشكيله جديده للمجلس مع بعض الاصلاحات مثل شراء المديونيات والخصخصه وان شاء الله هذا اللي بيصير بس مسالة وقت والله يحفضنا من السرايات

 

[رابح رابح]

يالله عليك ولا على غيرك .. فالكم اخضر والوزني صعود في هالاسبوع والله أعلم ..

الزعيم اشلونك ان شاء الله بخير
وينك مختفي عسى المانع خير
او لان السوق بحالة غيبوبه طايح له بحر
لايكون تروح حق الشيم بالليل
او الشعم بالحيشان و الرشدان

 

[waham]

الزعيم اشلونك ان شاء الله بخير
وينك مختفي عسى المانع خير
او لان السوق بحالة غيبوبه طايح له بحر
لايكون تروح حق الشيم بالليل
او الشعم بالحيشان و الرشدان

هلا بوخالد .. بخير طول ما انت بخير ومشكور يالحبيب
موجود طال عمرك وعلى قولتهم بين الايادي .. مسباح مو بوعلي
بوخالد السوق بالنسبه لي زين لان مؤشري هو سهمي ويوم لك ويوم عليك وربك كريم ..
الشيم موجود بالدردور بس هالسنه تلاقيط من 20 الى 25 شيمه
شلك بالشعم وأكل الحشيم موجود
بوخالد ابن الوليد ( بوعبدالله ) انقطع مره وحده وما قام يبين ..
الله يرده سالم وغانم قول آمين ..
ربي يسعدك بالدنيا والآخره يا نوخذه .. شكرا لك ..

 

[بو محمد !!!]

الحين ما في سوالف الا عن البحر والازفره هههه اي مو مافي اقتصاد يعتمد عليه الجماعه راحوا صووب البحر - حتى البحر نشفووه من كثر الحسد

 

[waham]

الامور طيبه ان شاء الله يا بومحمد ..

 

[بو محمد !!!]

والله يا اخ وهم الامور موووزينه ابد والوضع بالبلد يخوف وما ندري وين رايحين بس الواحد يقول الله يستر على هالديره والله لا يغير علينا بدوونها مانسووو شي ابد

 

[رابح رابح]

د فؤاد العمر
نأسف على القوانين الاقتصادية في السوق المحلي التي لا تساعد الشركات، حيث لا يوجد قانون للحماية من الإفلاس، خصوصا من الضغوط التي يمارسها الدائنون على الشركات المتعثرة في الوقت الحالي، فقد كان من الواجب أن يتم وضع تشريعات تحمي الشركات ذات الأصول الجيدة، والتي فقط تحتاج إلى الوقت لإعادة هيكلة أصولها التي من المنتظر أن تدر تدفقات نقدية جيدة خلال سنوات مقبلة، وذلك من خلال حماية هذه النوعية من الشركات حتى تستطيع الوقوف من جديد وتسديد ما عليها من ديون من خلال التدفقات.

 

[رابح رابح]

Q8se

​

- الانخفاض الحاصل بالسوق ان استمر سيبدأ بأنتحار الحيتان اولاً وبعدها ستأتي مرحلة نفوق الأسماك الصغير ولن تكون المياة صالحه بالسوق إلا 2015 ​

​

 

[al7boob_77]

نبي صفحه جديده يا شباب