بنك الإثمار ش.م.ب ( الإثمار ) ...... 3

[الدينار]

أبي أعرف شغله صانع سوق السهم يتفرج بس ولا يدرى أن السهم مايسوى الا لما يوصل سعره سعر خبزه
بنك يلعب بالملايين هزلت والله هذا سعره تخطيط والضحية نحن صغار المستثمرين اللعب فيهم لعب

 

[غانم64]

شنو هالتعمد في تنزيل السهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله عيب عليكم

 

[بحريني صغنون]

يا الله تفرج

 

[SDKing]

يا اخوان الامور واضحة جدا
صانع السهم صرف كميته على اسعار ٧٣-٦٣ (يوم التصريفة الكبرى).و هو الحين طلع من السهم و تاركه ينزل من غير دعم حتى يرجع يلم من اسعار تحت تحت.
المشكلة انه نحن نساعده في الموضوع. يعني كل يوم عروض بالملايين بالحد الادنى...ويجي صانع السهم يشتري من الحد الادنى كل يوم و بكمية لا تتجاوز الالف سهم.(يعني بالله عليكم اللي عارضين متوقعين اسهمهم ينباعو مثلا؟)
الحين نفكر ليش ما نخرب على صانع السهم مخططه؟ يوجد كمية حوالي ٧٢ مليون سهم مع المتداولين الصغار (الكمية اللي صرفت) وكل يوم ينعرض ملايين بالادنى و ما ينشال منهم الا شوية اسهم .
لماذا لا نقوم بالعكس حتى لا نساعد صانع السهم انه يرجع السهم لاسعاره الدنيا؟
انا اعني انه نضع عروض قليلة بالحد الاعلى وكل يوم نشيل شوية اسهم بلحد الاعلى.السستم الجديد بسهم واحد ممكن تسكر السهم بالحد الاعلى
و نقوم بذلك كل يوم حتى نرفع سعر السهم. لا تنسوا انه الكمية اللي صرفت كبيرة و صانع السهم لا اتوقع انه معه كمية ( اتوقع انه لا يوجد معه شى وانه صرف كامل الكمية)
المهم انه الكل يتفق ونقوم بهذه الخطوة. و انا عن نفسي مستعد كل يوم اشتري بالاعلى سهم ونصير نحن صناع السهم . ويموت صانع السهم من القهر.
اعذروني على كتابتي الركيكة بالفصحى.

 

[bolbanat]

المشكلة ان صانع السهم اهو اللي قاعد يعرض بالادنى

 

[alemperator]

ان التزم السهم بالتحليل الفنى نزولا فان الهدف المتوقع منه الارتداد سيكون اما عند 42.5 او سيذهب للهدف الثانى وسيكون عند 39 فلس !​

هذا والله اعلم ..​

 

[GREENBLOWICE]

ان التزم السهم بالتحليل الفنى نزولا فان الهدف المتوقع منه الارتداد سيكون اما عند 42.5 او سيذهب للهدف الثانى وسيكون عند 39 فلس !​

هذا والله اعلم ..​

صباحكم الله بالخير و الله ما أعتقد يلتزم بالتحليل الفني أبداً و أكبر دليل على كلامى شوفوا بيت التمويل الخليجى ربعنا تعبوا من كثر التحليل و الدعم و كل يوم صانع السوق قاعد يكسر بالسهم ما ندرى وين يبى يوصله .. الله يكون بعونا و بعونكم و كلهم حراميه و بإذن الله الواحد الأحد يهلك كل جبار ظالم يأكل مال الناس بالسحت و بالتلاعب قولوا ... آمـــين سبحانك قادر على كل شي يمهل و لا يهمل

 

[schizophrenia]

السهم ارتد ولا حركات

 

[متداولة]

اشترو كل الاسهم وصعد السهم

 

[الدينار]

ياجماعه مو معقول اللى يحصل ولا في مجال تسوى ستوب لوز سهم حقير لابعد الحدود حتى الارتداد مافي
ابي اعرف الحين اللى يعرض ليش اشك انهم صغار المستثمرين أغلب الظن البيه الافندم يضغط السهم ضغط جنوني
ياجماعه العرض أقسم بالله انه يضرك مايفيدك خلاص وصل لاسعار ما اعتقد احد ربحان ابدا الا خسران وخسارة كبيره
ليش تعرض وتساعد بتنزيل السهم وفوق هذا ماراح ينباع سهمك بالطريقه هاذي انت تزيد الطين بله فقط للتنبيه مع اني متأكد اللى

 

[SDKing]

ان شاء الله ابتدأت الرحلة سمع الكلام الظاهر

 

[الدينار]

حس فينى ارتداد اليوم

 

[الدينار]

معلق

 

[SDKing]

المهم ما نعطيه فرصة يلم كميته على هذه الاسعار...
تريد تجميع كميتك... الحقنا فوق

 

[متداولة]

اللي باعو السهم الله يعوض عليهم والحمدلله ما نزل اكثر

واللي للحين ماسكين بالسهم وانا منهم الله يكون بعونا

 

[الدينار]

اللي باعو السهم الله يعوض عليهم والحمدلله ما نزل اكثر

واللي للحين ماسكين بالسهم وانا منهم الله يكون بعونا

أنا معاكم ماسك اكيد شلون ابيع لان مافي بيع
يا الله تفرج ان شاء الله
رزقكم في السماء وماتوعدون

 

[متداولة]

أنا معاكم ماسك اكيد شلون ابيع لان مافي بيع
يا الله تفرج ان شاء الله
رزقكم في السماء وماتوعدون

اخوي الظاهر مو متابع كل المعروض اشتروه والحين السهم حد اعلي

 

[GREENBLOWICE]

الله يثبت سهمكم و للأعلى إن شاء الله و يفرحكم فيه ... آمـــــــــــــــــــــــين يا رب العالمين و إهلك كل من أراد أن يضر بهذا السهم و سهم بيت التمويل الخليجى

 

[بو عيسى2]

السلام عليكم

كم صار و كم كمية التداول

و الموقع لي الحين ما يفتح انتو وين تدشون تجوفون الاسعار

 

[ضاقت علي]

مبروك ياشباب ومنها للأعلى إن شاءالله
المهم. ياشباب لاتعطونه فرصه يلم اسهمكم ببلاش
خلوه ينجبر يشتري بالأعلى علشان الكل يعوض خسارته
كلامك صحيح اخوي الدينار ١٠٠ ٪

وعسى الله يكون بالعون