بيت الاستثمار الخليجي ش.م.ك.مقفلة ( الخليجي ) ... 5

[إبن الوليد]

هين بوعمر

بجيب معي الفص الايمن والايسر في الجمجمة

ونشوف انشطتهم على حال الانسان واحوالة

بس خلني امسك لاب توبي

 

[أبو عمر]

الصعود قرب ان شاء الله ( والله يبعد المحبطييييين من الصفحه )

الله يبعد المطبلين ،، بس قول آآآآآمين يا شيخ

 

[MZ1982]

التحدي الكبير

بين ابن الوليد و ابو عمر

من تتوقع يفوز و هل تتوقع ان تكون بالضربة القاضية


الله يديم الروح الحلوة

 

[MZ1982]

الله يبعد المطبلين ،، بس قول آآآآآمين يا شيخ

ابو عمر ما جاوبتني على سؤالي

 

[أبو عمر]

كسر الترند الأول وكسر الترند الثاني ، شنو بعد لازم يكسر ؟ ! وواقف على متوسطي متحرك 20 و 50 يوم عند 46 ،، اعتقد كسرهم تنحاش سيده والا فيه شي ثاني بعد ؟

 

[أبو عمر]

وهذا الماك دي ،، أكو شي بعد ؟

 

[نواخذة الكويت]

انااا بتبع اسلوب المشاهده حتى اعلان الربع الرابع ( والله يهدي كل انسان ماخذ في نفسه مقلب )

 

[MZ1982]

انااا بتبع اسلوب المشاهده حتى اعلان الربع الرابع ( والله يهدي كل انسان ماخذ في نفسه مقلب )

متى اعلان الربع الرابع... او متى اخر موعد للاعلان

 

[Now]

انااا بتبع اسلوب المشاهده حتى اعلان الربع الرابع ( والله يهدي كل انسان ماخذ في نفسه مقلب )

انا بخلي اللي ماخذ في نفسه مقلب

وبسألك انت: متى يرتفع السهم؟ .. انت عطني اجابة: نمسك والا نبيع والا نزيد الكمية؟

قولنا جزاك الله خير ونورنا

 

[أبو عمر]

انااا بتبع اسلوب المشاهده حتى اعلان الربع الرابع ( والله يهدي كل انسان ماخذ في نفسه مقلب )

ههههههه والله انك مفلس !
انا شارتات وتحليل ما زال قائم من شهر ،، وانت تطبيل وحجي فاضي ؟
شالسالفه كل الخليجيات تطبل فيهم ؟ هني وتمويل خليجي ؟
ما اقول الا الله يعطيك على قد نيتك !

انا بخلي اللي ماخذ في نفسه مقلب

وبسألك انت: متى يرتفع السهم؟ .. انت عطني اجابة: نمسك والا نبيع والا نزيد الكمية؟

قولنا جزاك الله خير ونورنا

بارك الله فيك على السؤال
يالله رد ؟

 

[( عتيج )]

مفلس !!!

لا يكون آنا تقصدني اخوي بو عمر !!!
ترى ماكو غيري مفلس هههههههه

 

[Albaghdadi]

السهم ايجابي على المدى المتوسط ؟ اي نعم ايجابي ؟؟ ولكن في شروط ..

المحافظه على 46 واي اغلاق تحتها سلبي واسترجاعه عند 41.5 ولكن الايجابيه والاهداف العاليه تتأجل .. ويصبح الوضع مضاربي خااااااالص .. وكسر الدعم الثاني على 41.5 واغلاق تحتها يروج السهم 35 .. طيب متى يصير السهم ايجابي وهالدعومات يصيرون مالهم لزمه في الوقت الحالي ونركز على الاهداف العاليه ؟؟؟ باجر يغلق فوق 47.5 ويحافظ عليها ليومين .. وبعدين يخترق ال 52 55 65 .. والله تعالى اعلم ..

 

[Albaghdadi]

مفلس !!!

لا يكون آنا تقصدني اخوي بو عمر !!!
ترى ماكو غيري مفلس هههههههه

انت مفلس بفتح الفاء وشد اللام .. بس بوعمر يقصد مفلس بسكون الفاء فقط .. وتعني باللغه العاميه ما عندك ما عند ...

 

[نواخذة الكويت]

ههههههه والله انك مفلس !
انا شارتات وتحليل ما زال قائم من شهر ،، وانت تطبيل وحجي فاضي ؟
شالسالفه كل الخليجيات تطبل فيهم ؟ هني وتمويل خليجي ؟
ما اقول الا الله يعطيك على قد نيتك !


بارك الله فيك على السؤال
يالله رد ؟

السلام عليكم اشلونك بو عمر ... ممكن سؤال انت ليش كل اتناشبني بأي كلمة أقولها أو رأي ترى الموقع للجميع وانا شاري بالخليجي وتمويل خليج ومن حقي اتكلم
حالي حالكم ناشبتني بتمويل الخليج وقتلك خلاص بسكت وبلتزم الصمت وانت الكبير الغالي وتركت الصفحة باللي فيها والحين دشيت علييي بالخليجي وهم انت اللي ناشبتني
وتقدر اتشوف اللي كتبته بصفحة الخليجي ان استشفيت بس من اسلوبي تطبيل أو توصية لشراء السهم ذاك الساع لومني كل كلامي واقعي وأمنيات من حقي يا أخيي كا كل الناس اتقول بيصعد وبيرتفع وبعلق ... وانا حرام علييي اقول الصعود قرب ( لثاني مره بقولك بلتزم الصمت وخلي الصفحة لك لا تعتقد ان انسحاب مني بس الرزق ياخوك ما يحب التناحر )
وأتمنى يا بو عمر يا كبير اتقولي شنو الأسهم اللي انت فيها علشان ما أتكلم فيها لاني أثير حفيظتك ما أدري ليش ... وتبقى كبير يابو عمر ولك الحشيمة ولك معجبينك وانا انسان حجي فاضي على قولتك ... وتحياتي لك

انا بخلي اللي ماخذ في نفسه مقلب
وبسألك انت: متى يرتفع السهم؟ .. انت عطني اجابة: نمسك والا نبيع والا نزيد الكمية؟

قولنا جزاك الله خير ونورنا

طبعاا أخوي العزيز ... انت صاف مع بو عمر قلباا وغلباا من حقك
سألتني 1 متى يرتفع السهم 2 نمسك ولا انبيع 3 نزيد الكمية ولا لا ؟
بجاوبك ابسؤال وأتمنى انك اتقبله من أخوك لصغير ؟ انت ليش داش البورصه ؟
آسف أخواني على الأطاله بس حبيت أقول هالكلمتين والله يرزكم يا رب دنيا وآخره ... واللي يبي يعرف رايي بالسهم يرجع حق كتاباتي القديمة لاني ما راح أكتب

 

[MZ1982]

يا إخوان اتعبروني أخوكم الصغير و يعلم الله اني لا أعرفكم شخصيا و لكن يشهد الله اني أحبكم في الله و أتمنى لكم الخير
الله يشهد اني املك بالسهم وفيه كل حلالي و انا مو بخبرتكم و لكن الانسان يتعلم منكم و احب أزيد اني خسران من تداولات سابقة و بحاول اعوض بناءا على الاعماد على الله اولا و من ثم من فضل تحليلكم
لكن مع احترامي للجميع كل واحد يتصيد الثاني ...!!مايصير و كلنا أخوة و نجتهد و الله وحدة عالم بالنيات وكل واحد له راي و له تحليل و لازم نحترم بعض

أسف على الإطالة اتعتبروني أخوكم الصغير

وسامحوني على البدليات

 

[أبو عمر]

الصعود قرب ان شاء الله ( والله يبعد المحبطييييين من الصفحه )

انااا بتبع اسلوب المشاهده حتى اعلان الربع الرابع ( والله يهدي كل انسان ماخذ في نفسه مقلب )

يا FamouS انت ضربني وبكى وسبقني واشتكى ؟!
وين أنا جيت يمك والا كلمتك ؟
هذي تحرشاتك وانت البادي ،، وأنا كل اللي سويته اني رديت عليك !
الحين أنا قلت السهم صاعد وفعلا من يومها صعد من 43 الى 48.5 ( شلون لو هبط هذا وكسر كلامي شكنتوا سويتوا ! ) ،، ولما صار وضعه خطر رديت وحطيت تنبيهي ( اللي حطيته من شهر ) علشان لا حد يتدبس !
في عرف العالم والبشريه والحضاره والتمدن المفروض ينقال لى مشكور ، thank you ، Merci !
شوف انتوا شقاعدين تسوون وكأني أنا اللي بنزل السهم الحين ! ،، لا حول ولا قوة الا بالله يعني أنا لا هالشكل خالص ولا هالشكل خالص !!

 

[الفارس الجسووور]

يا FamouS انت ضربني وبكى وسبقني واشتكى ؟!
وين أنا جيت يمك والا كلمتك ؟
هذي تحرشاتك وانت البادي ،، وأنا كل اللي سويته اني رديت عليك !
الحين أنا قلت السهم صاعد وفعلا من يومها صعد من 43 الى 48.5 ( شلون لو هبط هذا وكسر كلامي شكنتوا سويتوا ! ) ،، ولما صار وضعه خطر رديت وحطيت تنبيهي ( اللي حطيته من شهر ) علشان لا حد يتدبس !
في عرف العالم والبشريه والحضاره والتمدن المفروض ينقال لى مشكور ، thank you ، Merci !
شوف انتوا شقاعدين تسوون وكأني أنا اللي بنزل السهم الحين ! ،، لا حول ولا قوة الا بالله يعني أنا لا هالشكل خالص ولا هالشكل خالص !!

السلام عليكم يبو عمر الحقيقه الشرهه عليك ...انت عارف ان معظم الاعضاء عليميه وما يمدحون المحلل الا اثناء الصعود بس وفي حالة اخطا المحلل وهذا شي طبيعي جدا اونزل السهم لاي سبب كان سياسي او تكتيكي من صانع سوق السهم يحطون المحلل بالقاع ويدوسون في بطنه وينسون كل الماضي المفيد وتعبه وخبرته اللي استفادو منها هذي صفات الناس وانا والله اعلم اني احب الخير للجميع ولكن عارف طبع الناس انت شوف الصفحه وراجعها مره ثانيه راح تعرف انها صارت صفحه اشبه بصفحة تمويل الخليج والحقيقه انا اتشائم جدا من كثرة المشاركات التافه اللي لاتغني ولا تسمن من جوع وتبي نصيحتي خل علمك لنفسك وللي يعزون عليك انا املك معلومات فنيه عن السهم بالغة الدقه ومع ذلك ما بحت فيها مو لاني اكره الخير للناس ولكن عشان ما اسمع كلمه من عضو غشيم يهرف بما لايعرف فاسمع نصيحة اخوك وتذكر المثل اللي يقول اذا كان الكلام من فضه فالسكوت من ذهب وكلامي هذا المقصود فيه انت وليس العضو المحترم فيمس وترى الحق ينقال انا متابع الصفحه وانت رايتك بيضه الحقيقه وما تقصر مع كل واحد دق بابك والقرار قرارك والله يعطيك العافيه والله يجمعك مع سيدنا عمر في جنة الخلد

 

[إبن الوليد]

السلام عليكم ورحمة الله

سهم الاستثمار الخليجي / واخر البيانات / بتاريخ 30 / 9 / 2012 بالربع الثالث / وننتظر الربع الرابع

رأس المال / 44 مليون دينار
ارباح الربع الثالث / مليون و 320 الف
حقوق المساهمين / 19 مليون و 997 الف
القيمة الدفترية / 47،43 فلس
قروض / 43 مليون تم اعادة هيكلتها بالكامل مع ، بيت التمويل الكويتي
خسائر مرحلة / مسجلة بتاريخ / 30/ 12 / 2011 / 34 مليون دينار
ماهي الخسائر المرحلة ؟؟

مثال
هو شراء او استثمار بقيمة 10 مليون من رأس المال ، وتمت الخسارة بهذا المشروع او الاستثمار في حال بيعة بقيمة 3 مليون ، وتصبح الخسارة 7 مليون ، لذلك تصبح خسارة مرحلة حتى يتم البيع او الاستثمار بقيمة عادلة

اما شارت السهم ورسمة البياني

مستحيل يعتبر متضخم

السبب

السهم انطلق وهو في يدي من 27 فلس ، واسس في كل نص فلس يرتفع بها

كما تلاحظون / يتوقف عند كل تكة حتى اغلق جميع الفجوات بأقوى من الاسمنت التي تهبط علية مدرج الطائرات المرصوص ، ومن يقول ان السهم تضخم بسبب نظرتة للشارت اخطأ

اخيراً / اهمس في اذنك المحلل الفني / لاتنخدع في الشارت المتضخم ، والله اسس بقوة

والله اعلم اين يتجة السهم

 

[Albaghdadi]

يعني ماكو فجوه على 36 فلس ؟؟

 

[Albaghdadi]

وال 30 فلس ؟؟