شركة الإستشارات المالية الدولية ش.م.ك.مقفلة (ايفا)..2

[امرك عجيب]

اذا ماردت بكره للتداول اجزم ان للشركه ما عندها مصداقيه

 

[الجفين]

صبحك الله بالخير اخوي امرك عجيب ياخوي طمنا اهم مواعدينك باجر لان ادري فيك انت متابعهم

 

[البيروتي]

لا حس ولا خبر

 

[بن عيدان]

لا حس ولا خبر

الله كريم

 

[امرك عجيب]

اليوم ماردوا عليهم كلش

 

[الجفين]

مساء الخير اخواني مافي اخبار

 

[الجفين]

اخوي امرك عجيب شنو اليوم ماردوا عليهم شتقصد

 

[الحبترى]

​

​

​

خلص الاسبوع الرابع وما شفنا شى يا ايفا , حسبى الله ونعم الوكيل ​

 

[الجفين]

الله على الظالم

 

[( عتيج )]

يمكن أفلست الشركه وخسرت كل راس مالها وزود

يجب ان تسن قوانين ضد الشركات وليس المتداولين
والتوقيف قانون ضد المتداولين وليس الشركات واصحابها

ما نقول الا
لا حوله ولا قوه الا بالله وحسبنا الله ونعم الوكيل منكم

 

[الجفين]

الله لا يوفق الي كان السبب

 

[st.tropez]

مفلس الله يهداك المفروض تقول كلام يطمن .. هالكلام يوقف القلب
انا اتذكر السنة اللي طافت وقفت 3 اسابيع بالشتا و ردت ماشاء الله بعدها بجم يوم حد اعلى.. الحين 4 ما فرقت وايد فان شاء الله خير هالكلام جان صار مع المستثمرون و الا ميادين أو غيرها اللي بالفعل اوقفوهم
انا اعرفك غشمرجي فيمكن هذا كان قصدك

 

[st.tropez]

حتى اتذكر كنت ادق على الشركة و يردون علي يقولون ان البيانات سلمناها و التاخير من السوق ..طولوا دقيت مرة ثانية ما ردوا الظاهر ملوا و اهما يردون بعدها بجم يوم ردت الشركة للتداول .. انا حالي من حالكم ناطر لكن المحاتاه والتوتر مو زينة للصحة .. بناءا على التجارب السابقة ..يتبين لنا ان ان شاء الله ماكو الا الخير و كلها انتظار اجراءات كلنا متفقين انها مجحفة في حقنا و نتمنى انها ما تكرر بالمستقبل.. ما ودي الناس الجدد على الشركة تتوتر و تتضايق و تحاتي ..لا تحاتون ان شاء الله خير بس يبيلكم شوية صبر و ترد باذن الله ...

 

[بن عيدان]

حتى اتذكر كنت ادق على الشركة و يردون علي يقولون ان البيانات سلمناها و التاخير من السوق ..طولوا دقيت مرة ثانية ما ردوا الظاهر ملوا و اهما يردون بعدها بجم يوم ردت الشركة للتداول .. انا حالي من حالكم ناطر لكن المحاتاه والتوتر مو زينة للصحة .. بناءا على التجارب السابقة ..يتبين لنا ان ان شاء الله ماكو الا الخير و كلها انتظار اجراءات كلنا متفقين انها مجحفة في حقنا و نتمنى انها ما تكرر بالمستقبل.. ما ودي الناس الجدد على الشركة تتوتر و تتضايق و تحاتي ..لا تحاتون ان شاء الله خير بس يبيلكم شوية صبر و ترد باذن الله ...

جزاك الله خير على الكلام الطيب

 

[خوي المغامر]

ما فيه أخبار عن بيانات الشركة

 

[بوشملان_78]

السلام عليكم

شباب اشرايكم بشركة عريقه وعندها استثمارات محليه وخارجيه وعلى كلام اصحابها يقولون انها ارفعت قيمة اصولها إلى ميليارين دولار (بما يعادل 500 مليون دينار) ,,, وآخر بيانات ماليه حاطتها بالويب سايت مالها سنة 2008 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وين الرقابه التجاريه على بيانات الشركات وين البنك المركزي والله عيب عليكم يا حكومه فاشله وعيب عليكم وزراء الماليه وعيب عليك يا مدير السوق وزين اتسوون فيهم يا هيئه ......

انا اليوم مع الهيئه خل توقف كل شركه ماتفصح عن بياناتها ولا عن استثماراتها .. خل هالشركات يكونون عبره حق غيرهم وغيرهم من اللي ياي .. تدرون لو يصير في تصويت على اداء الهيئه كنت انا أول من يصوت بصالح الهيئه على القرارات اللي تفرضها على الشركات النصابه ذات المصالح الداخليه والشخصيه على احساب صغار المساهمين...

مع العلم ان خسارة ايفا للربع الثالث 2010 هي 14 مليون وخسارتها في الربع الثالث 2011 هي 14 مليون !!! جنهم حابين هالرقم هههههههههههههههههه

لا وللي باط جبدي جنه اصحاب الشركه والمحافظ اللي تملك السهم مو هامهم رجوع السهم للتداول من عدم رجوعه !!!!!! عفرين قلب عليهم هههههه

تحياتي للجميع وتمنياتي لكم بالسعاده وأسعد الله مسائكم

 

[abu_fahad]

يا جماعه أولا مساكم الله بالخير والعافيه ، المشكله مو بالشركه المشكله بهيئة اسواق المال وهذا الخبر اليوم منشور على الكويت الأقتصادية : أكد مصدر مسؤول بالشركة ( للكويت الاقتصادية) بأن الشركة قد تلقت الوعد الثاني للإفراج عن الميزانية من قبل الهيئة خلال الأسبوع المقبل واللذين تعذروا بكثرة الميزانيات المنظوره ؟ ومنا الي الهيئة ؟

 

[st.tropez]

جزاك الله خير على الكلام الطيب

الله يجزيك باللي احسن.. و يوفقك و يوفق و يرزق الجميع

 

[st.tropez]

يا جماعه أولا مساكم الله بالخير والعافيه ، المشكله مو بالشركه المشكله بهيئة اسواق المال وهذا الخبر اليوم منشور على الكويت الأقتصادية : أكد مصدر مسؤول بالشركة ( للكويت الاقتصادية) بأن الشركة قد تلقت الوعد الثاني للإفراج عن الميزانية من قبل الهيئة خلال الأسبوع المقبل واللذين تعذروا بكثرة الميزانيات المنظوره ؟ ومنا الي الهيئة ؟

مشكور على نقل الخبر.. فخلاصة الموضوع ان ما علينا الا الصبر ..ننطر شوي و ان شاء الله ترد.. و ترد الامور بشكل طبيعي

 

[st.tropez]

على طاري الايقافات ..يا من حظ اللي شرا يوم 31-3 بميادين و المستثمرون ..الكل كان يبيع خوفا من الايقاف النهائي و لكنهم ردوا ماشاء الله و وحدة منهم مع اخبار حلوة..كانت الاسعار وايد نازلة ,,اللي شرا بهاليوم و رد باع بعد ما رجعت فنان محترف الصراحة و قلبه جامد ههه الله يهنيه..نتعلم ..بس الواحد يحب يكون بالمسار الآمن..ما تسوى عوار القلب بايام الايقاف و اهما ينطرون الشركة ترد او لأ نهائيا ..مغامرة كبيرة ..الا عاد اللي يعرف احد باداراتهم..
و خسرانين ! و يردون يرتفعون بعد ايقاف ..و الامتياز(ليلحين محتر منها) ربحانة و وزعت و كل يوم نزول
سوق غريب